Moisiu nen akuze, publikon postet e familjes

[Albo]

Berisha: Moisiu të lexojë mesazhin e shkarkimit

Kreu i demokratëve tha se Moisiu duhet t'u drejtohet shqiptarëve nga Kuvendi me mesazhin e shkarkimit të Nanos. Berisha tha se askush më tepër se Presidenti nuk është përgjegjës për zgjidhjen e krizës kushtetuese

Kryetari i Partisë Demokratike, Sali Berisha, pas deklaratës së Moisiut për krizën qeveritare, u shpreh se Moisiu duhet t'i drejtohet kombit nga Kuvendi i Shqipërisë me mesazhin e shkarkimit të Nanos. "Moisiu ka bërë mirë që i ka kërkuar kryetarit të papërgjegjshëm të qeverisë dorëheqjen, por ai duhet t'i adresohet me këtë mesazh edhe kombit nga Kuvendi shqiptar," tha në një konferencë për shtyp, Berisha. Sipas tij kjo është detyra e kryetarit të shtetit, sidomos në një situatë të tillë dramatike dhe të paprecedent në historinë e vendit. Berisha tha se kryetari i shtetit nuk mund të justifikohet në këto raste, pasi Kushtetuta e ka shpallur atë kryetar të shtetit. "Është ai, dhe jo qytetari i thjeshtë përgjegjësi numër një për rendin kushtetues të vendit. Është ai që që ka dekretuar kryetar qeverie Fatos Nanon," tha kryetari demokrat. Sipas tij Moisiu është përgjegjësi numër një për krizën kushtetuese që ka përfshirë vendin. Ai tha se përmbajtja e mesazhit të drejtuar shqiptarëve duhet të përmbajë angazhimin për shkarkimin e Nanos. "Eshtë e vërtetë se askush më shumë se Presidenti në Shqipëri nuk është përgjegjës për zgjidhjen e krizës kushtetuese. Është detyra e kryetarit të shtetit të bëjë të gjitha zgjidhjet, por jo të pajtohet me shtetin e dështuar. Nuk ka rast më flagrant se ky që kryeministri përdor karrigen e tij për të shkatërruar shtetin. Ndaj edhe unë do t'i kërkoja Presidentit të qartësojë të gjithë pozicionin e tij ashtu siç kërkon kushtetuta, siç është e përcaktuar në kushtetutë," deklaroi Berisha. Sipas tij, kriza kushtetuese po thellohet çdo ditë. "Në rast se vendi rastisi që të ketë një primitiv, bandit të vërtetë, kryeministër, që nuk njeh ligj dhe nuk njeh moral qeverisjejr, që nuk ka interes tjetër përveçse pasurimit të tij të çmendur duke shfrytëzuar pushtetin, në rast se vendit i rastisi të ketë për kryeministër një individ të papërgjegjshëm me mendësi të neveritshme, të dënueshme, mendësi të tritolit për kundërshtarin politik, shpellën e koskës mafioze si koncept për shtetin, - është kryetari i shtetit ai që mban përgjegjësinë kryesore për shtetin e dështuar," theksoi kryetari demokrat.

Ai sulmoi gjithashtu dhe kryetarin e Kuvendit, pasi sipas Berishës ai po shet institucionin që drejton dhe bën të papërgjegjshmin, të paditurin. "E hap parlamentin sikur ta kishte dyqanin e tij," theksoi Berisha.

[manoklla]

Brari, se kisha menduar se do te te jepja ndonjehere te drejte por e lexova me kujdes postin tend dhe ne shume konstatime je perfekt. Sepse edhe une kam qene njehere e nje kohe mbeshtetes total i berishes ne gjithcka bente, perfshire dhe rremujat dhe shkaterrimet e prones qe ndodhen ne 91-92. Por ne ndryshim nga ty une kam evoluar aq shume sa tani me duket vetja i majte. Dhe ndryshova qe kur ne PD ideali u nxorr ne vend te dyte pas kultit te individit (te Sales) dhe kjo nuk me tingellonte mire fare kur per 50 vjet ne vetem brohorisnim per Enverin. E humba akoma me tej besimin kur etja per pushtet e PDse krijoi kaosin e fundit te vitit 1992, terheqjen e pashkak nga qeveria teknike, duke e futur vendin ne nje krize qe fundja fundit do ti rendonte vet PDse kur te vinte ne pushtet se isha i sigurt qe do vinte ne pushtet. Goditjen e fundit besimi im e mori nga mbledhja a plenumi (se si plenum PPje mu duk nga terrorri dhe dhuna) i gushtit te 1992 kur u nxorren me dhune e u rrahen ne mes te mbledhjes pa i dhene as fjalen Zogaj, Imami Pashko e te tjere. Me pas vijoi importimi ne mase i 'kualiteteve' veriore ne institucionet qendrore nga klani verior i PD qe ne menyre indirekte krijoi pakenaqesi dhe qejmbetje mes ne demokrateve tironsa qe skishim perfitur fare nga regjimi isjh-komunist. Dhe ja ku jam une sot, kundershtar i thekur i totalitarizmit te pakufi te PD se te perfaqsua nga Salihu dhe mbeshtetes i Ps si e keqja me e vogel. Per 45 vjet ne shqiptaret e humbem shijen e lirise dhe demokracise tolerante dhe PD nuk arriti te rikthente besimin rreth saj si mbrojtese e ketyre idealeve. Ajo perjashtoji, u tregua e eger dhe mesjetare ne tolerimin e ideve dhe perfundimisht humbi pushtetin. Ironikisht,ne mbeshtetesit e PD gjetem me shume hapesire veprimi e tolerance idesh te PS.

[lis]

Presidenti Alfred Moisiu kritikon ashpër partitë për zhurmën më të fundit

“Politikanë, krizat s’i paguan drejtësia”
Kreu i KLD-së: Akuzat të ndjekin rrugë ligjore

Laureta Rryçi

Presidenti Alfred Moisiu atakon politikën dhe paralajmëron që gjyqësori të mos preket. Ka startuar dje, dita e parë e Konferencës Gjyqësore Kombëtare, e cila u zhvillua në ambientet e hotel “Adriatik” në Durrës.

Përveç gjyqtarëve, ishin të pranishëm Presidenti Moisiu, ministri i Drejtësisë, Spiro Peçi, Prokurori i Përgjithshëm, Theodhori Sollaku, kryetari i Kontrollit të Lartë të Shtetit, Mustafa Kërçuku, Avokati i Popullit, Emir Dobjani, përfaqësues të konferencës Gjyqësore të SHBA-së, ambasadës amerikane në Tiranë, si dhe të ftuar të tjerë. Pas hapjes së konferencës nga kryetari i Gjykatës së Lartë dhe i Konferencës Gjyqësore Kombëtare, Thimio Kondi, të pranishmëve iu drejtua Presidenti Alfred Moisiu.

Moisiu: “Politika larg gjyqësorit”
Me cilësinë e Kryetarit të KLD-së, Presidenti Moisiu evidentoi arritjet e deritanishme dhe zhvillimet pozitive në drejtim të forcimit të shtetit të së drejtës. “Në një vend si Shqipëria, ku për një kohë të gjatë ka munguar koncepti i vërtetë i drejtësisë dhe institucionet e saj, 13 vjet janë ende të pamjaftueshme për të arritur aty ku ne duam: ndërtimin e plotë të shtetit të së drejtës”, ka thënë gjatë fjalës së tij Moisiu. Nisur nga fakti se krijimi i modelit të shtetit të së drejtës nuk është proces i lehtë, dhe për realizimin e të cilit lipset më shumë punë, kapacitete njerëzore, ndershmëri dhe mbi të gjitha vullnet e angazhim të të gjithë faktorëve të shoqërisë, kreu i shtetit ritheksoi idenë e parashtruar në konferencën e një viti më parë, që drejtësia t’i mbylli derën politikës. “Pavarësia e plotë nga politika kërkon një seleksionim sa më të mirë të gjyqtarëve. Në të njëjtën kohë duhet që edhe politika gjithashtu të nxjerrë përgjegjësitë e saj ndaj gjyqësorit”, ka nënvizuar më tej Moisiu. Sipas tij, në vend që drejtësia të përkrahet, të mbështeten vendimet e saj dhe të respektohet ndarja e pushteteve e përcaktuar në Kushtetutë, kjo pjesë e politikës bën të kundërtën: e anatemon, sulmon, fajëson dhe etiketon atë jashtë çdo etike morale e ligjore. “Kur vendimet e organeve të drejtësisë janë në përputhje me kërkesat e ndonjë subjekti politik, atëherë ato quhen të drejta. Gabojnë ata që i japin të drejtë vetes ta trajtojnë shtetin dhe institucionet e tij si pronën e tyre. Politika duhet të mësohet të njohë dhe të respektojë institucionet e shtetit ligjor”, vijoi më tej Moisiu. Asnjë institucion tjetër, aq më tepër drejtësia, nuk ka pse të paguajë faturat e krizave dhe të pakënaqësive politike, ka theksuar numri një i shtetit.

“Akuzat për inkriminim e kanë vendin në gjykatë”
Në vazhdim të kësaj ideje, Presidenti i kërkoi politikës që çdo akuzë për inkriminim të rivalëve politikë apo zyrtarëve të lartë ta depozitojë në organet e drejtësisë, pasi çdo mënyrë tjetër e spekulimit dhe akuzave reciproke dëmton imazhin e politikës, drejtësisë, shtetit dhe të gjithë vendit. Fjala e Presidentit u përqëndrua edhe në rritjen e imazhit publik e profesional të gjyqtarëve, në ecurinë e punës për vënien në funksion të Gjykatës së Krimeve të Rënda dhe rikonfirmoi qëndrimin e tij në favor të krijimit të një klime kushtetuese për një gjyqësor të pavarur nga ndërhyrjet e pushteteve të tjera. Si Kryetar i KLD-së, duke iu referuar ligjeve për organizimin dhe funksionimin e këtij institucioni dhe për organizimin dhe funksionimin e Ministrisë së Drejtësisë, tha: “Jam i vendosur të përkrah çdo qëndrim dhe kërkesë tuajën ligjore, që synon forcimin e një sistemi gjyqësor të pavarur, efektiv dhe me kushte sa më të përshtatshme pune në ushtrimin e funksioneve të tij”, përfundoi fjalën e tij Presidenti Moisiu.



Kondi: Gjyqësori ka shumë për të bërë

Kryetari i Gjykatës së Lartë dhe njëkohësisht i Konferencës Gjyqësore Kombëtare, Thimio Kondi, gjatë fjalës së tij, para të gjithë të pranishmëve, iu ka uruar mirëseardhjen të ftuarve, si dhe ka përgëzuar gjyqtarët për rezultatet që kanë arritur gjatë këtij viti. “Përfaqësuesit e sistemit gjyqësor kanë shumë për të bërë, për të arritur drejtësinë”, tha gjatë fjalës së tij Kondi. Më tej, ai vijoi idenë e tij, se gjyqtarët asnjëherë nuk duhet të bëhen pjesë e politikës si dhe objekt akuze e kësaj të fundit. “Gjyqtarët duhet të japin vendime sipas ligjit dhe jo të ndikohen nga interesa partiake”, theksoi kreu i Gjykatës së Lartë. Në fund të fjalës së tij Kondi ia la fjalën Presidentit të Republikës, Alfred Moisiu, që njëkohësisht është edhe kreu i KLD-së.

© 2003 Gazeta Panorama

[Albo]

Moisiu: Votuesit e përjashtuar, të votojnë më 28 dhjetor

Mësohet se në takimin e zhvilluar në presidencë, kreu i shtetit ka deklaruar se në zgjedhjet e përsëritura në Tiranë, duhet të votojnë që të gjithë ata persona që janë përjashtuar nga votimit në 118 qendrat ku do përsëriten votimet

Presidenti i Republikës, Alfred Moisiu, urdhëroi dje përfshirjen në listat e votimit, të të gjithë votuesve të përjashtuar, të cilët janë banorë të 118 qendrave të votimit ku do të ribëhen zgjedhjet më datë 28 dhjetor. Lajmi bëhet i ditur nga burime pranë presidencës. Moisiu e bëri këtë kërkesë gjatë një takimi me përfaqësues të forcave politike, të cilat marrin pjesë në komisionet e votimit, dhe me përfaqësues të Komisionit Qendror të Zgjedhjeve dhe KZQV-së së Tiranës. Janë dashur më shumë se tre orë debat për të arritur në përfundimin se votuesit në këto qendra duhet të votojnë pa përjashtim. Kryetari i KQZ, Ilirjan Celibashi dhe përfaqësuesi i PS-së në këtë takim, Musa Ulqini janë bindur mbi këtë fakt dhe kanë pranuar urdhrin e Presidentit. Opozita në takimin e djeshëm përfaqësohej nga kryetari i PD-së së Tiranës, Vili Minarolli dhe Sekretari për Çeshtjet Ligjore në këtë parti, Ilir Rusmali. Sipas ligjit, KQZ nuk detyrohet të marrë një vendim të posaçëm për këtë duke lënë thjesht në fuqi vendimin e KZQV-së së Tiranës, pasi kjo e fundit është kompetente sipas ligjit në këtë drejtim. Në takimin e djeshëm Minarolli dhe Rusmali i kanë paraqitur presidentit Moisiu edhe provat e manipulimit të firmave dhe vendimit të KQZ-së nga Celibashi sipas të cilave me votimin 4 me 2 dhe jo sipas ligjit 5 me 2 është vendosur që të jepet mandati politik për kryebashkiakun e minibashkisë numër 7.

"Presidenti i Republikës, Alfred Moisiu, zhvilloi sot një takim pune në lidhje me situatën parazgjedhore dhe problematikën e zgjedhjeve të përsëritura në 118 qendra votimi në Tiranë. Në këtë takim merrnin pjesë përfaqësues të KQZ-së, KQZV-së Tiranë, të katër partive politike që përfaqësohen në komisione (PS, PD, PR, PSD), të Gjykatës së Tiranës dhe të Zyrës së OSBE-së. Presidenti Moisiu në fjalën e tij theksoi rëndësinë që ka marrja e masave ligjore nga të gjitha institucionet përgjegjëse dhe palët në konkurrim, në mënyrë që në zgjedhjet e 28 Dhjetorit të mos përsëriten më problemet dhe mangësitë e konstatuara më 12 Tetor. Presidenti kërkoi respektimin e parimit kushtetues për të drejtën e votës, respektimin rigoroz të ligjit nga komisionerët, informim dhe transparencë ndaj zgjedhësve si dhe reflektim të të gjitha institucioneve e forcave politike për zgjidhjen e problemeve brenda kuadrit ligjor," thuhet në një njoftim të presidencës.

Pas takimit me Presidentin Moisiu, kreu i degës së PD-së Tiranë dhe një nga protagonistët e takimit, Vili Minarolli, sqaroi se takimi ishte me vlera të jashtëzakonshme, një takim i cili dha rezultate mjaft pozitive për fatet e demokracisë në Shqipëri. "Unë vlerësoj në mënyrë maksimale qëndrimin e presidentit të Republikës në rolin e tij si garant i kushtetutës. Presidenti kërkoi nga të gjithë aktorët e proçesit zgjedhor që të jenë konform zbatimit të kushtetutës dhe në radhë të parë zbatimit të së drejtës së votuesve për të shprehur vullnetin e tyre politik. Presidenti i Republikës urdhëroi, që të gjithë qytetarët e Tiranës që nuk kanë votuar në zgjedhjet e 12 tetorit për qendrat e votimit ku kthehen zgjedhjet të përfshihen në listat e votimit," u shpreh Minarolli. Kurse kryetari i PS-së Tiranë, Musa Ulqini, ka qenë i vetmi i cili ka këmbëngulur pas takimit se tek Presidenti nuk ishte thënë asgjë për rishikimin e listave zgjedhore. Ai pohoi se nuk do të kishte lista të tjera veç atyre të 12 Tetorit dhe se nuk do të kishte rishikim listash. Për më tepër ai u përpoq që të implikonte dhe vetë Kolegjin Zgjedhor në vlerësimet e veta pasi sqaroi se vendimi i Kolegjit për të realizuar sërish votime në 118 qendra, pasohej nga një vendim sipas tij që urdhëronte se zgjedhjet në ato qendra votimi do të bëheshin me ata zgjedhës të vendosur nga KQZ në 12 Tetor.

[lis]

MOISIU: "ZGJATJA E KRIZES DO SJELLE DESTABILITET"

Eglantina Nasi

Shqiperia rrezikon stabilitetin ne vend dhe besueshmerine tek faktoret nderkombetare. Nje fakt te tille e pohoi vete kreu i shtetit Alfred Moisiu, ne nje deklarate para deputeteve ne Kuvend.

Duke iu referuar zgjatjes se tepruar te krizes qeveritare, Presidenti deklaroi se pasojat e saj mund te jene mjaft te rrezikshme nese nuk zgjidhet sa me pare. Ai cilesoi se gjate gjithe kesaj kohe ka vene re papergjegjshmerine e mjaftueshme per qeverisjen e vendit. "Zgjatja e metejshme e krizes qeveritare, mund te ndikoje deri ne stabilitetin aq te nevojshem si dhe kredibilitetin ne raport me faktoret nderkombetare, duke na sjelle pasoja te padeshirueshme. Per fat te keq, deri tani dy institucionet pergjegjese kushtetuese, qeveria dhe Kuvendi, ende s'kane ofruar nje zgjidhje. Por kjo situate jo normale duhet te marre fund sa me pare" pohoi kreu i shtetit. Sipas tij, pas ekzekutivit te Nanos, institucioni tjeter qe e ka cuar situaten deri ne kete pike eshte Kuvendi. Me nota te ashpra ndaj ketij te fundit, oisiu ka kerkuar qe ai te angazhohet sa me shpejt per caktimin e kiushtetushmerise se ceshtjes se qeverise.

"Eshte Kuvendi i cili ka per detyre t'i jape vendit qeverisje legjitime, te plote dhe te qendrueshme. Ndersa qeveria nga ana e saj duhet ta njohe dhe ta respektoje pushtetin kushtetues te tij. Mospermbushja e ketij parimi ka bere qe vendi te humbe shume kohe dhe energji te dobishme" deklaroi Presidenti i Republikes. Me kete rast, ai e ftoi publikisht edhe njehere kryeministrin te plotesoje sa me pare qeverine ose te ofroje zgjidhje te tjera.

Ministrat e rinj, jo figura te perfolura

Gjate deklarates se tij para deputeteve, kreu i shtetit i eshte kthyer edhe njehere idese qe emrat e ministrave te rinj, nuk duhet te jene te perfolur dhe te kene precedente te ndryshem. "Ne listen e ministrave te rinj s'duhet te perfshihen figura te perfolura dhe akuzuara nga vete drejtuesit e ekzekutivit, pa dhene me pare sqarime publike per ta" pohoi ai. Kujdesi i Presidentit ndaj nje fakti te tille vjen pas akuzave qe opozita u ka bere vazhdimisht ministrave te kabinetit Nano. "Nese s'ndodh keshtu, pra kur institucionet e shtetit nuk funksionojne dhe kur Kuvendi s'eshte ne gjendje te zgjidhe krizat ne qeveri, atehere alternativat ligjore mbeten te hapura, perfshire dhe matjen e perkrahjes qe partite kane ne elektorat" shtoi Moisiu. Ne kete menyre, ai nuk ka perjashtuar as mundesine e proves se mazhorances ne parlament apo ndoshta edhe ate te zgjedhjeve parlamentare te parakohshme. "Prandaj ftoj dhe njehere forcat politike te reflektojne brenda kuadrit institucional dhe qeverine te ringreje urat e besimit me Kuvendin per te ndihmuar ne kapercimin e krizes" perfundoi fjalen e tij Moisiu.

Perkrahje vendimit te Kolegjit Zgjedhor per Tiranen

Kreu i shtetit i cilesoi zgjedhjet e tetorit me te mira ne krahasim me te kaluaren. Ai pohoi se per sqarimin ligjor te situates pas zgjedhore, i ka kerkuar Prokurorise te vere perpara drejtesise cdo komisioner dhe zyrtar qe ka abuzuar me voten dhe ligjin. Nga ana tjeter, Presidenti i Republikes perkrahu edhe riperseritjen e zgjedhjeve ne 118 qendra votimi ne Tirane. "Ai eshte rasti me i mire per te deshmuar se partite dhe komisionet zgjedhore kane reflektuar seriozisht mbi gabimet" tha ai. Por shtoi edhe faktin se askush nga te pakenaqurit nuk duhet te kundershtoje keto vendime. "Ftoj subjektet zgjedhore te pakenaqura nga rezultatet e vecanta zgjedhore te heqin dore nga sulmet ndaj sistemit te drejtesise dhe atij kushtetues, si dhe te respektojne parimet kushtetuese e demokratike mbi te cilat ato jane ngritur. Politikanet dhe zyrtaret mund te kene detyrime morale ndaj forcave politike qe preferojne, por detyrimi me i madh i tyre eshte ai perballe ligjit, qytetareve dhe vendit" mbylli deklaraten e tij para deputeteve kreu i shtetit.

[lis]

Albo
Te lutem mos i nderro titullin cdo teme se keshtu nuk e kuptojme se ku kemi replikuar dhe duhet te replikojme.

I vetmi vend ne bote qe presidenti eshte i detyruar per te mos zbatuar kompetencat e tij, eshte Shqiperia.
Asnje lloj presidenti shqipetar deri me tani nuk ja ka dale mbane per shume arsye te cilat nuk po i theksojme ketu.
Edhe Alfred Moisiu, presidenti aktual shqipetar, e sheh veten te pamundur te jete president.
Shqiperia eshte shtet klanesh dhe ndreqja e njerit dhe prishja e tjetrit do te thote se ky vend do dhe nja 300 vjet te behet shtet me ligje kushtetuese.
Nuk i ve faj ketij presidenti sepse me te mire nuk kemi ku e gjejme.
Shqipetaret le ti gezohen injorances se tyre.
Gezuar festen dhe ekonomikisht me te forte sot nje nje vit e shendetforte qofshi.

[Hek]

Citat: "Zgjatja e krizes do te sjelle destabilitet"

Sa fjale e mencur e presidentit. Kriza ka muaj qe ben muuuuuuuuuuu,
dhe me ne fund, ai i mencuri, i gjithedituri, babai i adoptuar i kombit, flet: dhe sa fjale te madhe qe thote se:
Degjojeni edhe nje here:
"Zgjatja e krizes do te sjelle stabilitet".
Po cfare mund te beje tjeter nje krize qeveritare kur zgjatet? Dasem do beje? Puna e krizes ka kaq kohe qe po le nam, e s'ka ngelur ambasador e media pa folur.
Moisiu, nuk e ze me goje faktin qe duke qene i pari i vendit eshte i vetmi qe e ka ne dore zgjidhjen e krizes, pavaresisht nga lojrat e fjlaleve qe behen me kushtetuten, te cilen duket se atij tani kane filluar t'ja lexojne me ze te larte ke krevati per nate.

Pale si thote, nuk do te pranoj ministra te perfolur, thote. Pak a shume kjo do te thote qe Fatos Nano kur do ta afroje, bie fjlala, Anastas Angjelin , i premton qe do ta beje minister, por pastaj i thote se nuk te bej dot se nuk do Moisiu. Pra Moisiu eshte vegel- jo qorre- por e qorruar fare- e Fatos Nanos, por eshte aq i paditur nga politika sa kujton se po thote gjera te reja e te cuditshme.

"O temporara, O mores", ka thene njeri, qe sic ma perktheu do te thote ne shqip " O zot, jepja atij qe rri kot, se ai qe punon,...kot punon"

Po e mbyll me kaq se edhe une ja futa kot fare me duket. " O tempora , O mores..." sa kot qe po flas...

[Albo]

Presidenti shkarkon njeriun që komandonte Presidencën

Moisiu largon Zef Preçin

E futi në kurth për fjalimin kundër ministrave të korruptuar. Historia e krijimit të pushtetit të Zef Preçit në Presidencë dhe presionet ndaj Moisiut, Rrumbullakut dhe largimit të këshilltarëve të pavarur

Njeriu më i afërt i kryeministrit Nano pranë zyrës së Presidentit Moisiu, Zef Preçi, është larguar nga detyra e këshilltarit politik dhe ekonomik të presidentit Moisiu. Burime nga Presidenca bëjnë të ditur se Zef Preçi nuk do të kryejë më detyrën e njeriut më të afërt të Moisiut për çështje politike. Ai është larguar ndoshta në Drejtorinë e Konkurrencës ekonomike një njësi e re e hapur pranë Këshillit të Ministrave. Ndërkohë detyrat e tij pranë Moisiut po i merr përditë e më shumë Afrim Krasniqi, me detyrë në zyrën e Marrëdhënieve publike të Presidentit i ngarkuar për të shkruar fjalimet.

Shkaku i largimit mbetet ajo që Presidenti Moisiu e ka quajtur "pabesi" profesionale të zotit Preçi ndaj tij në Kuvend herën e fundit. Sipas burimeve nga Presidenca, Preçi ka qenë inspiruesi i tezave për të mos dekretuar ministrat e korruptuar nga Presidenti Moisiu. Zef Preçi kishte parasysh me këtë tezë, Anastas Angjelin, të cilin e kishte pasur kundërshtar në kabinetin e Ilir Metës dy vjet më parë. Preçi furnizoi disa gazeta kryesore me lajmin se Moisiu nuk do të dekretojë Angjelin dhe Toskën dhe punoi intensivisht për këtë. Ai e siguroi Mosiun se Nano do ta mirëpriste këtë tezë, pasi, sipas Zef Preçit, Nano nuk donte realisht që Angjeli të ishte në qeveri. Gjithçka u zhvillua ndyshe pas fjalimit të Moisiut. Në takimin në Presidencë, Nano mbrojti në sy të Moisiut, Angjelin e Toskën dhe injoroi tezat e hedhura prej këshilltarit Preçi. Moisiu i cili e kishte bërë deklaratën duke menduar se po i shërbente Nanos, u ndie përfundimisht i fyer edhe nga Nano, edhe nga Preçi.

Preçi ishte sulmuar ndërkohë ashpër nga opozita si infiltrues dhe, në disa raste, inspirues i tezave dhe qëndrimeve të kryeministrit Fatos Nano në emër të Presidentit. Por më vonë u pa se vetë zoti Moisiu kishte zgjedhur këshilltarin, thjesht për alibi. Ai dekretoi qetësisht Dëshira Subashin në krye të KQZ-së, injoroi problemet me listat, dhe shmangu premtimin e tij publik për mosdekretimin e ministrave me probleme.


--------------------------------------------------------------------------------

Historia e stafit të Presidentit

Moisiu, si ia morën pushtetin në Presidencë!

Historia e këshilltarëve të Moisiut dhe e rrethimit që i bëri kryeministri Presidentit

I propozuar nga opozita dhe i pranaur me gjysëm zëri nga socialistët, Presidenti Moisiu ishte në fillimet e tij, një emër që ngjalli shpresa për rikthimin e institucionit të Presidentit. Në muajt e tij të parë, stafi i tij i ngushtë filloi të formësohej kryesisht prej rekomandimeve që i shkonin nga qeveria, por dhe emra nga shoqëria civile. Kështu ndër këshilltarët e parë të tij, ai i shtypit, Arjan Konomi, dhe ai juridik, Arben Ristani, vinin nga shoqëria civile, njëri ish kryeredaktori i revistës 'Spektër' dhe bashkëpunëtor i revistës italiane 'Limes', tjetri, avokat i njohur.

Zef Preçi u gjend aty papritur në detyrën e këshilltarit ekonomik, por brenda një kohe të shkurtër mori gjithë kompetencat që kishin të bënin me jetën politike të Moisiut. Dy këshilltarët e tjerë, ai i jashtmi dhe ai i mbrojtjes, ishin Besnik Selami, vëllai i Eduard Selamit, dhe Muhamet Kapllani, ish ministri i fundit i jashtëm i regjimit komunist. Afrim Krasniqi në atë kohë u emërua fjalimshkrues i Presidentit, ndërsa stafi teknik u plotësua pak nga pak.

Goditja e parë që iu dha stafit kishte të bënte pikërisht me vënien nën kontroll të Presidentit. Konomi dhe Ristani u larguan pas akuzave krejt qesharake dhe të paverifikuara për disa çështje gjyqësore të fituara prej tyre. Në Presidencë ngelën ndërkohë emra me akuza të hapura për korrupsion dhe të paverifikuara. Kështu Zef Preçi është akuzuar publikisht nga ish kryeministri Ilir Meta për korrupsion dhe është shkarkuar me këtë motiv.

Pas shkarkimit të Ristanit dhe Konomit, dy djem të rinj, që ishin të përkushtuar vetëm në detyrën e tyre dhe nuk kishin ambicie politike, njeriu më i pushtetshëm në Presidencë u bë Zef Preçi. Ndërkohë Sekretari i Përgjithshëm i Presidencës Filip Rrumbullaku, një mik i vjetër i Presidentit Moisiu, u detyrua të pranojë pushtetin e Zef Preçit, pasi ky i fundit, me disa dokumenta të servirura nga zyra e Kryeministrit dhe redaksia e 'ZP'-së, e kërcënoi atë se do ta shkarkonte si ish Drejtor i Kompanisë "VEFA" për Kulturën. Preçi shpërndau në disa redaksi, materiale sipas të cilave Rrumbullaku kishte qenë një person kyç te kompania "VEFA" dhe kishte përfshirë në skandalet e asaj firme piramidale, edhe shoqatën e Atlantikut Verior që drejtonte Moisiu. Akuzat nuk u verifikuan, por as nuk u botuan. Ato shërbyen vetëm si presion që Zef Preçi të bëhej njeri i pushtetshëm. Po kështu Preçi inicoi disa shpenzime kolosale në Presidencë, çka e ka bërë bilancin e harxhimeve të Moisiut, brenda vitit sa pesë vite të Presidentit Meidani. Ai është rekomanduesi i blerjes së "Benz"-it luksoz për të cilin ende nuk ka përfunduar zhurma, ndërkohë që ka denoncuar po vetë në shtyp këtë blerje të dyshimtë.

[Brari]

Mahatma Gandi ishte kryetar shpirteror i 500 milion indianeve dhe duke menduar se ishte dhe Modeli i tyre ai vete cfaqi nje stil jete te thjeshte per te treguar se nje kryetar i 500 milion te mjereve nuk duhet ti lejoj luks vehtes por te jetoje thjesht si shumica..

Moisiu eshte president vertet i koc kokm-utave e Cac Angjel-djallusheve miliardere por dhe i mijra e mijra njerzve qe vuajne materialisht per Buk e ngrohje e psiqikisht jane pragun e Fotoksin-Pirjes.
Megjithate ky plak Matuf pranon ti blejne Benz luksoz zagaret qe ka rreth vehtes..

Ja pse Mahatma Gandi eshte i madh e ja pse Nano Moisirat tone jane pisa te neveritshem.. Te dy kan blere Benza luksoz qe me euro dollaret e tyre do ishin ushqyer nja 5000 familje fotoksin-pirese ose do ishin paisur me carcafa e aparatura nja 10 spitale te Shqiperise..

Jo vetem kaq por MOISIu po dekoron Mafiozin Spartak Poci per miliarda te vjedhura e per faktin se Poci leh ne ate Parti ku Kanibalet e Kafke thyersit jane ne presidium..sikurse Luiz e Kastriot islam Hoxha..

E jo vetem kaq por Moisiu po dekoron dhe Fehmi Abdiun e gjykates ..e nuk e di perse por ndoshta sepse ne prag te renies se murit te Berlinit ky Fe-mi- Fem-uti gjeti te arsyeshme te denoje me VARJE NE LITAR nje POET..

bravo Moisi..kavajsi..

[lis]

Sic jeni ne dijeni te gjithe ju bashkeatdhetare, presidenti i republikes tashme se fundi eshte prekur seriozisht nga sulmet qe nje pjese e medias i ben institucionit te tij por edhe vete atij personalisht.
Gjate qeverisjes se tij si president, zoti Moisiu, eshte treguar shume i vaket per te mos thene se ai ka qene vete i pari qe ka shkelur ligjet e kushtetutes se Shqiperise.
Per tu permendur jane dy ministrat e qeverise Nano qe dhane doreheqjen, muaj me pare ose vitin qe kaloi dhe gjithashtu rasti me flagrant dhe sikur thote lideri i PD-se, ishte rasti i zgjedhjeve te 12 tetorit ku presidenti ne ate rast u shqua si politizuar por per te kamufluar sadopak subjektivitetin dhe egoizmin qe dominonte ate si njeri dhe si president, perdori shprehje te ndryshme si pershembull, "nuk kishte dijeni per listat zgjedhore" e keshtu me rradhe.
Po te vini re edhe pjesetaret e familjes se tij ose femijet e tij te cilet jane per tu lakmuar per nga arsimi qe kane perfituar me rregjimin komunist, do te arrini te kuptoni se ky president i perket nomeklatures komuniste dhe sado kudo ky president te perpiqet te shpalle "virgjerine" e tij, ne fund te fundit, ai shpall dhe shpalos me ate zerin e ngjirur(imitimin e udheqesve te diktatures), brumosjen tipike despotike, egoiste orientiale.
Gjithashtu per tu permendur eshte injoranca e tij tipike teorike boshlevike, kur shkoi ne Shkoder per te pajtuar gjaqe ndermjet dy familjeve.
Nje president udhehiqet nga parimet dhe principet kushtetuese institucionale dhe jo nga principet dogmatike+ atyre alergjike boshlevike.
Megjithate ne vazhdim te ketij pluralizmi politik, ky president ngelet shembull i allishverisheve te politikaneve shqipetare te majte nepermjet te cileve populli shqipetar ka njohur krizen me te madhe qe nga viti 1912.

Zoti president, mos u mundoni ti hidhni hirin syve te shqipetareve.
Historia shkruan dhe do te gjykoje