Moisiu nen akuze, publikon postet e familjes

[Albo]

Jo cenim i votes se lire

Nga Alfred MOISIU*

Zgjedhjet jane dita kur ju jeni vendimmarres, pushteti eshte ne doren tuaj. Ato behen per te zgjedhur drejtuesit lokale per tre vitet e ardhshme. Ky eshte nje rast i mire per t'iu rikthyer vlerave morale te fisnikerise tone si popull, per te deshmuar kulture demokratike, per te respektuar pushtetin e votes si dhe per te perkrahur ose jo me ane te votes ate qe ju deshironi. Kjo eshte rruga qe kane ndjekur kombet e qyteteruara deri ne modernizimin e shtetit te se drejtes dhe te vlerave te lirise, demokracise e zhvillimit.

Ajo cfare kerkohet eshte mjaft e thjeshte: secili te behet pjese aktive e procesit, te votoje i qete dhe te mos lejoje askend te cenoje zhvillimin e zgjedhjeve te lira e te ndershme. Pjesemarrja ne zgjedhje rrit besimin e tyre, forcon institucionet demokratike dhe ju ben pjese aktive te vendimmarrjes.

Tranzicioni i gjate dhe i veshtire sigurisht qe shume njerez i ka lodhur, megjithate kjo kurresesi nuk duhet te na beje mosbesues per te ardhmen. Shoqeria shqiptare ka akoma vlera pozitive per te cilat ia vlen per te besuar. Duke mos marre pjese ne zgjedhje, dashje e padashje i cenojne vetvetes te drejten morale per tu kerkuar llogari te zgjedhurve te rinj lokale. E kunderta, pra pjesemarrja ne votime dhe vendimi juaj nepermjet votes e me vullnet te lire per drejtuesit e ardhshem lokale, i shnderron zgjedhjet ne zgjidhje te shume problemeve qe na shqetesojne. Mbi te gjitha nuk duhet te harrojme se me suksesin ose mossuksesin e ketyre zgjedhjeve jane te lidhura imazhi i vendit dhe ecuria e procesit te integrimit euroatlantik.

12 tetori do te jete nje prove e rendesishme per te gjitha institucionet e shtetit tone. Cdo institucion pergjegjes per zgjedhjet ka rastin te deshmoje vullnetin, pergjegjesine dhe vendosmerine per te respektuar ligjin dhe kushtetuten. Me kete rast ne menyre te vecante ftoj Komisionin Qendror te Zgjedhjeve, Komisionet Vendore ne rrethe dhe komisionet ne qendrat e votimit te jene shembull i drejtesise, barazise dhe paanesise ne numerimin e votave dhe respektimin e vullnetit te lire te qytetareve shqiptare. Kjo eshte nje kerkese kushtetuese dhe nje detyrim ligjor.

Ne te njejten kohe ftoj efektivat e Policise dhe organet e tjera shteterore ne detyre gjate zgjedhjeve, qe me profesionalizem dhe korrektesi perpara ligjit dhe larg cdo praktike te gabuar te se kaluares, te behen pjese e besimit dhe vullnetit per mbylljen me sukses te procesit zgjedhor. Gjithashtu ftoj administraten qendrore e lokale te jete ne krye te detyrave te saj ne sherbim te qytetareve.

Te dashur bashkeqytetare! Le te behemi te gjithe pjese te ketij procesi, te bejme secili detyren tone qytetare e ligjore, ne menyre qe me 12 Tetor te fitojne Shqiperia dhe shqiptaret.

* Mesazh i Presidentit te Republikes per diten e zgjedhjeve

[ilird]

C'fare duhet te beje greku qe shteti jone te reagoje? Dje na e ngriti flamurin e vet ne Himare, neser do te na fusi ne b.... ate tonin. Edhe per sa kohe shteti jone do te jete teper i zene duke i lepire b.... kujdo qe premton ta mabje ne pushtet, e ti ler mbas dore interesat kombetare???

[Albo]

Moisiu: Zgjedhje të qeta, kontestimet në gjykatë

Nevila Përndoj

TIRANE - Presidenti Alfred Moisiu vlerësoi zgjedhjet e 12 Tetorit si mjaft të qeta, por shtoi gjithashtu se problemet që kanë dalë deri më tani gjatë procesit zgjedhor duhet të zgjidhen brenda kuadrit ligjor. Një ditë pas zhvillimit të zgjedhjeve në vend, presidenti Moisiu zhvilloi biseda telefonike me kryetarin e Partisë Socialiste, Fatos Nano dhe me kryetarin e Partisë Demokratike, Sali Berisha, të cilët i përshëndeti për fushatën e qytetëruar, zhvillimin normal të procesit zgjedhor dhe arritjet e forcave politike, që ata drejtojnë, “duke treguar përpara opinionit të brendshëm dhe atij ndërkombëtar se, shqiptarët dinë të bëjnë zgjedhje”. Presidenti Alfred Moisiu vlerësoi gjithashtu kontributin e forcave politike, të policisë dhe shërbimit informativ në mbarëvajtjen e procesit zgjedhor. Gjatë ditës së djeshme, presidenti i Republikës, Alfred Moisiu, në bisedat telefonike me ministrin e Rendit Publik, Luan Rama, drejtorin e përgjithshëm të Policisë, Bajram Ibraj dhe nëndrejtorin e SHISH-it, Ylli Allushi, përgëzoi forcat e policisë dhe të shërbimit informativ për qëndrimin korrekt dhe në përputhje me ligjin, “duke garantuar kështu një proces zgjedhor të qetë. Deklarata e Moisiut duket se kërkon që kontestimet për zgjedhjet të jenë të kanalizuara në organet përkatëse që merren me ankimimet e partive politike gjatë proces zgjedhor. Moisiu duket se i ka sugjeruar Berishës që ai dhe PD për të gjitha pretendimet që ka në lidhje me listat t’i drejtohet Kolegjit Zgjedhor në Gjykatën e Apelit

[Albo]

Presidenti që lindi dhe vdiq nga zgjedhjet

Nga Mero Baze

Komisioni Qendror i Zgjedhjeve mori përsipër dje të shqyrtojë procesverbalet e zgjedhjeve në Durrës, për t'i dhënë mandatin e kryetarit të Bashkisë, Lefter Kokës. E njëjta rrugë duket se pret dhe Bashkinë e Tiranës. Deri në orët e vona të ditës së djeshme, siç shihet edhe nga një dosje e plotë që ne po botojmë sot në gazetë, në KZQV-në e qytetit të Tiranës, kutitë e mbërritura janë thuajse në masën 90 për qind me probleme të rënda, të papranueshme nga asnjë komisioner normal që nuk ka dëshirë të shkojë me duart e veta në burg. Në këto kushte shihet që mandati për zotin Rama sërish do të mbetet në dorë të KQZ-së, e cila tashmë ka pesë votat e duhura për të shpërndarë mandate të paligjshme. Këto zhvillime nxorën të zbuluar arsyen përse socialistët ishin aq të vendosur në realizimin e skemës së tyre për të kontrolluar, në kundërshtim me frymën e Marrëveshjes, Komisionin Qendror të Zgjedhjeve. Më tej akoma ky komplot kundër zgjedhjeve ka të përfshirë në mënyrë direkte një nga personazhet që shpresohej të kthente besimin e opozitës te zgjedhjet e lira. Ai është Presidenti Alfred Moisiu. Ky President dhe gjithë procesi i negocimit të opozitës me faktorin ndërkombëtar, ishin rruga se si Perëndimi dhe vetë opozita synoi të rriste besimin te zgjedhjet, pas goditjes fatale që iu dha këtij institucioni përfundimisht me zgjedhjet e vitit 2001. Pra misioni kryesor i këtij Presidenti ishte të siguronte shqiptarët se do të udhëhiqte një proces ndryshimesh dhe barazpeshe politike që procesi i zgjedhjeve të mos dominohej nga askush. Në të vërtetë, në fund të këtij procesi, Presidenti toleroi atentatin më të rëndë ndaj procesit, duke lejuar prishjen e balancës së KQZ-së dhe duke krijuar sot një institucion që mezi pret të shpërndajë mandate të paligjshme për Durrësin dhe Tiranën. Përgjegjësia e Presidentit Alfred Moisiu rritet dhe më tej, po të kihet parasysh se ky proces nuk u manipulua as me policë dhe as me sheqer e miell, siç kanë bërë herët e tjera, por me një mekanizëm mafioz që prek të drejtën kushtetuese të qytetarëve për të votuar. Mijëra qytetarë shqiptarë u endën të dielën rrugëve me shpresë se do të gjenin kutitë e votimit, por nuk mundën. Presidenti i Republikës si garant i kushtetutës, ende nuk ka bërë as një gjest pro këtyre qytetarëve. Degradimi i këtij procesi zgjedhor, zuri fill me prishjen e balancës së KQZ-së prej Presidentit dhe duket se do të mbyllet me vendimin e kësaj KQZ-je që bekoi Presidenti. Dhe pas kësaj besimi tek zgjedhjet do të jetë përfundimisht i pamundur të ngrihet, me të njëjtin president, me të njëjtën KQZ, për më tepër kur ky President ka lindur nga vjedhja e zgjedhjeve dhe prodhoi një palë zgjedhje të vjedhura.

[Brari]

Nga ferra e vogel del jo vetem lepuri madh por dhe ujku vete...nga nje here.

Per Tiranen dhe Durresin ka debate ne lidhje me rregullsite ne Votime.
Gani Malushin , shefin e policise e vrane dhe banda eshte e lire.
Genc Sinen e Sallakut e vrane dhe Policia "sdi" ku ta gjeje.
Ne Himare plasi me keq se athere ne "Kucoven" e Kadri Roshit.
Minister te jashtem ska.
I brendeshmi Rama e hengri nga baba i rames.

Ndersa kto dite nepunesit dembele e hajdute te Qeverise Nano dredhin zinxhirat e celsat e Benxave e politikanet bajn gam gam... jane disa qe nuk rrine kote..
Keta jane armata e banditeve te cilet nuhasin me mire se kushdo qe shteti funksionon apo esht duke pj--rdh.
Ata nga casti ne cast mund te fillojne banditizmat...jo kunder shtetit ndoshta por kunder njerzve te pambrojtur.
Nuk eshte keq qe lideret kryesore..pra Nano Berisha dhe Moisiu te mblidhen dhe te ulin gjakrat e ti lene ca gjera per me vone e te normalizohet shteti.

[Albo]

Berisha: Presidenti nuk ishte garant i zgjedhjeve

Kryetari demokrat tha se nuk beson se Presidenti i Republikës ka qenë garant i procesit të lirë e të ndershëm zgjedhor, pavarësisht disa deklaratave të tij të mëparshme për këtë problem. "Në fakt nuk besoj se do ta përsëriste më këtë deklaratë, nuk besoj se Presidenti pretendon se ishte garant ose mund të jetë garant," ka deklaruar Berisha. Ai pohoi se pavarësisht vullnetit që pati Presidenti, dy këshilltarët e tij bashkë me Fatos Nanon varrosën shtyllën kryesore të Kodit Elektoral, hodhën poshtë konsensusin dhe në këtë mënyrë u bënë pjesë e krizës elektorale. Për sa i përket dekretimit të ministrave të rinj të përzgjedhur nga Nano për të plotësuar kabinetin e vet, Berisha sqaroi se Moisiu është i detyruar të respektojë Kushtetutën.

[Albo]

Manipuluan zgjedhjet, të mos manipulohet dhe Presidenti

Nga Ing. Avni Hoxha

I nderuar zoti President!



Po Ju shkruaj si kandidat i Partisë Demokratike për Bashkinë e Durrësit, qytet i cili më 12 tetor përjetoi një prej dënimeve më të mëdha kolektive në historinë e pluralizmit shqiptar, duke iu hequr e drejta për të votuar mijëra qytetarëve, për shkak të identitetit të tyre politik.

Po ju shkruaj Ju për dy arsye.

Arsyeja e parë është t'Ju informoj se Komisioni Qendror i Zgjedhjeve refuzoi, pa asnjë hezitim, të ballafaqojë provat e paraqitura nga opozita dhe shtabi im elektoral për heqjen nga lista e votuesve, të rreth 15 mijë qytetarëve dhe ndërrimin e qendrës së votimit, të rreth 12 mijë të tjerëve. Unë paraqita pranë KQZ një dosje me prova, ku përfshihen lista të krahasuara dhe deklarata noteriale të qytetarëve, por KQZ refuzoi t'i shqyrtonte, duke marrë vendim me votim për këtë çështje. Po kështu, KQZ refuzoi kërkesën tonë për të administruar si provë procesverbalet e Qendrave të Votimit dhe listën e punës të Qendrave të Votimit, e cila, sipas provave verbale që ne na janë dhënë nga qindra qytetarë të Durrësit, rezulton të mos përputhet me listën që ne na është vënë në dispozicion nga Komisioni Qendror i Zgjedhjeve dhe me listën që është afishuar jashtë QV-ve. Në këtë mënyrë, përpjekja ime për të respektuar institucionin më të lartë të zgjedhjeve, u poshtërua dhe KQZ mori kështu përsipër, peshën e fajit dhe përgjegjësisë për masakrën e listave.

Arsyeja e dytë është shpresa që kanë pasur miliona shqiptarë se ky proces zgjedhor nuk do t'u ngjante proceseve të mëparshme, për shkak se në krye të vendit u vendos një President i pranuar nga të gjitha palët, i cili u angazhua për zgjedhje të lira. Duke qenë se unë jam viktima e parë e Komisionit Qendror të Zgjedhjeve, të pabalancuar politikisht, më duhet t'Ju kujtoj gjithashtu përgjegjësitë e Institucionit tuaj për këtë çështje madhore të opozitës dhe elektoratit shqiptar.

Ngritja e besimit të qytetarëve tek zgjedhjet e lira ka qenë një proces shumë i vështirë që i hëngri dy vjet kohë opozitës dhe shkatërrimi i këtij procesi nga KQZ mund të fusë në traumë shoqërinë shqiptare dhe të godasë rëndë klimën e besimit tek zgjedhjet e lira. Në mos fajtor, Institucioni Juaj duhet të ndihet përgjegjës për këtë situatë, si President dhe ushtrues i detyrës së Kryetarit të Këshillit të Drejtësisë, nga ku lindi ky deformim. Duke çuar çështjen në Kolegjin Zgjedhor unë dua të vazhdoj të shërbej së paku si një testues i institucioneve të këqija dhe të njëanshme të prodhuara kohët e fundit, nën maskën e procesit të konsensusit mes pozitës dhe opozitës. Por më shumë se sa një kandidat i dëmtuar me atë që ka ndodhur, është goditur rëndë besimi se në Shqipëri ka zgjedhje të lira dhe vendi do të futet në një spirale krize, nga e cila do të dalin të humbur të gjithë.

Duke Ju rikujtuar se demonstrimi i Institucionit të Presidentit si një Institucion arbitër mbi palët, në këto momente do të ishte një lajm i mirë për shqiptarët, shpresoj tek angazhimi Juaj në korrigjimin e frymës së revanshit antiopozitar dhe tërësisht partiak që po demonstrojnë institucionet që keni prodhuar për të administruar zgjedhjet në Shqipëri.

Me respekt

Ing. Avni Hoxha

Kandidat i opozitës për Bashkinë e Durrësit

[Brari]

Koment nga ne qe skemi gje ne dore..

-Ing Avniu i shkruan presidentit..por nuk e di Avniu meqense dhe ish ministrin rrugac te Meks Berishes, Tan Hoxhen e ka nip dhe meqe Tani eshte b-ith e brek me Nano Pashko Rulat e Bllokut e ta pyeste e te mesonte nga ai rrufjan se Moisiu i mjere nuk ka gje ne dore ashtu sikurse skish gje ne dore Selim Myrtja i Drames..??


-Avniu ne KLAN (dy muaj para votimeve) u deklarua se do te jete nje SHVARCENEGER ne mbrotje te Votes se qytetareve...dhe per mbas Votimeve e la Avni Inxhinieri qe te than ne Llogari per kubika betoni e metr katroresh tullash..se jo 15 000 ose 20 000 votues percaktojne fitues nje deputet ose kryetar Bashkije por dhe 2 vota ...2 vota te qelbura mund te vendosin ne kte sistem votimi pa balotazh..per x-in ose y-in ose z-ten..??

- Pse nuk u kujtua PD qe perpara votimeve tu behej thirrje der me der tere familjeve e individeve qe njihen si Votues te PD qe te vrapojne ne qendrat ku afishohen Listat e te shohin ne se i kane ose jo Emrat aty..???

- Nuk e dinte Saliu i cili ka 5 zgjedhje rresht qe humb se Votim do te thote..Numerim Votash e ky Numerim kerkon verifikim e konfirmim zyrtar e ky zyrtarizim nuk mund te ishte Korrekt kur ne Krye te KQZ-se ishte dobici Celibashi e Dobicja Subashi??

- Kemi 7 vjet qe degjojme pikerisht nga goja Berishes ..Celibashi celibashi..hilanjosi..kopuku..etj.. qe na i jep Fitoret PS-se si dikur arbitrat e Futbollit ja jepnin fitoren DINAMOS nga frika e Sigurimit..
Athere pse Berisha fillon Mitingjet e tallet me Popullin kur dihej se ne kto Votime perseri ne finale do ishte ky Celibashi me Benz e Armani e me zyre me te Bukur se te Klintonit..qe do firmoste aktin e Zgjedhjeve ???

- Nuk e dinte Jozefina,kjo mediokrre qe ze kot karriken ne Seli te PD-se e ky Vil Hutaqo-rolli qe nuk lihet per diten e votimit gjetja e emrit ne lista e qindra mijra votuesve demokrate..sepse kjo krijon nervozitet dhe se votuesi Demokrat ndryshe nga ai Socialist, nuk e ka problem qe mbasi te cohet ne 12 nga gjumi..thot po bej nji berdaf nga Votimet e kur nuk e gjen emrin thot...ec mer jahu cja ..i tom..sjam tu votu fare e shkon ne shpi si cop m-uti??

Njihere ju a hodhi Celibashi me Nanon..prap perseri ju a hodhi Celibashi me Bizhgen..e Rucin..e tani perseri te shkosh qe te ta hedhin Celibash Subashat..eshte e pafalshme..
Eshte turp tashme te ankohesh ne dyert e Odir-Leshit..e e brukselave te Prod Mafiozit..

Le ta perkthejme letren e Avni Hoxhes drejtuar Presidentit me gjuhe Futbolli se si do te duket..

I dashur kryetar i Federaters se Futbollit..!!

Une tranieri i Patosit dua tju bej me dije se ne ndeshjen qe humben me Peqinin na u bene shume hile...
Nuk u lejuan te hyjne ne stadium nga policia e Peqinit asnje tifoz i Patosit..
Ne dhomat e xhveshjes nuk kishte uje e as ngrohje..
Kur dolem per stervitje..mi rrahen lojtaret e mij gangot e Peqinit dhe policia e qytetit beri sehir..
Ne klubin e Qytetit pame para ndeshjes te hante e pinte me Vllane e tranierit te PEQINIT Arbitron e ndeshjes Plarent Kotheren..bile ne makinen e tije pame te futeshin ca kapoj deti e nje goxha qengj..
Kur filloi ndeshja vume re se ekipi Peqinas nuk nxorri 11 lojtare por 13..
Ne nuku protestam sepse u nisem nga mirby-thimi qe kemi per veshguesin e Jashtem..nga Federata e FIFAS..
Para ndeshjes policet e Peqinit me rrahen mua dhe ma bene koken me xhunga...ja dhe raporti mjeksor qe po ju bashkangjis ne leter..

Pres nga ju shoku Kryetar se do i merrni parasysh kto vrejtje tonat..
Me respekt
tranieri Patozit..
Luftar Paja..

Cfare do i thote Kryetari Federates ktij Tranieri gomar??

Natyrisht do i thote..po pse o k kandari pranove te hysh ne Takim ne ato Kushte??

Hajt mos na shurdho tani..

Keshtu dhe puna e Sali Humbesit..ose Tallesit me votat e atyre qe sduan tja shikojne Bojen rraces Nanoiste Rucoiste..Bizhgaiste e Braceiste..
Po ska faj Berisha..

I mbeten atij dhe mbas Humbjeve te nje pasnjeshme BENZI, Bodigardet dhe Zyra me telefon e sherbyes..

Po tjeret o Berish ku do shkojne..apo ti lepihen perseri si 50 vjet tjera po atyre spiunve e gjaksoreve e dinastise se tyre..ose ti falen Fotoksines..

Turp..



qashtu..

[Albo]

Presidenti: Një numri zgjedhësish iu mohua e drejta e votës

N.Perndoj

TIRANE- Presidenti Alfred Moisiu deklaroi dje në mbledhjen e Këshillit të Lartë të Drejtësisë se listat e zgjedhësve ishin një problem shqetësues në zgjedhjet vendore të 12 Tetorit. Kreu i shtetit Moisiu ka shfrytëzuar mbledhjen e radhës së Këshillit të Lartë të Drejtësisë për të dhënë qëndrimin e tij të parë lidhur me listat e shumëpërfolura të votuesve. Në deklaratën e tij, presidenti Moisiu ka veçuar se problemet me listat janë shfaqur më së shumti në zgjedhjet për Bashkinë e Tiranës dhe Durrësit. “Sikurse është bërë e ditur fatkeqësisht listat e zgjedhësve dhe disa probleme të tjera të natyrës administrative të procesit zgjedhor, janë bërë mjaft shqetësuese në zgjedhjet vendore të 12 Tetorit, veçanërisht në Tiranë dhe Durrës, duke bërë që një numri qytetarësh t’u mohohet e drejta e tyre e zgjedhjes, e sanksionuar në nenin 45 pika 1 dhe 4 të Kushtetutës së Shqipërisë”, -tha dje presidenti Moisiu. Presidenti tha se ka mjaft kontestime të palëve pjesëmarrëse në procesin zgjedhor, që do të shqyrtohen gjatë ditëve në vijim nga Kolegji Zgjedhor i Gjykatës së Apelit Tiranë që, sipas Kodit Zgjedhor, përbën edhe institucionin vendimmarrës dhe të paapelueshëm.
N.P


Kjo është deklarata e dytë për zgjedhjet e 12 Tetorit dhënë nga presidenti Moisiu. Përgjatë kësaj kohe kreu i shtetit ka qëndruar në heshtje për të dëgjuar pretendimet e partive politike në vend. Qëndrimi i parë që presidenti Moisiu mbajti për zgjedhjet lidhej me një bisedë telefonike që ai zhvilloi në datën 13 Tetor me kryeministritn Fatos Nano dhe liderin e opozitës Sali Berisha përmes së cilës Moisiu përgëzoi qetësinë politike që shoqëruan këto zgjedhje si dhe rekomandoi se çdo problem i dalë nga zgjedhjet të zgjidhet në bazë të ligjit dhe Kushtetutës. Ndërsa dy ditë më parë, presidenti Moisiu zhvilloi një takim me kandidatin e PD-së për kryetar bashkie, Spartak Ngjela dhe kryetarin e bashkisë aktuale, Edi Rama. Pas takimeve të zhvilluara, presidenti Moisiu përcolli dje një qëndrim të drejtpërdrejtë për listat e votuesve në Tiranë. Presidenti Moisiu ka përmendur dje edhe rastin e Durrësit duke shfrytëzuar këtu përmbajtjen e letrës që ish-kandidati demokrat për Bashkinë e Durrësit Avni Hoxha i dorëzoi atij pak ditë më parë.

[Albo]

Ngjela: Moisiu të garantojë Kushtetutën, ose të japë dorëheqjen

Spartak Ngjela ka deklaruar dje se Presidenti i Republikës Moisiu duhet të marrë përsipër përgjegjësitë e veta për ruajtjen dhe garantimin e Kushtetutës pas zhbalancimit të KQZ-së që ndërmori dje vendimin për të mos hapur kutitë e votimit në të paktën 180 qendra votimi të Tiranës. Ai sqaroi se Moisiu mund të shkojë deri në dorëheqje, sepse ka patur përgjegjësi në rastin e përzgjedhjes së Dëshira Subashit në vend të një përfaqësuesi të opozitës në KQZ, gjë e cila ka shkatërruar dhe çuar në një tallje totale me procesin e votimit në Tiranë. Spartak Ngjela menjëherë pas votimit të djeshëm 5 me 2, kundër propozimit të tij që lidhej me zbatimin e ligjit të shkruar kushtetues të verifikimit të rezultatit zgjedhor, i ka kujtuar Moisiut se ai mund të shkonte deri në dorëheqje për t'u hapur rrugë zgjedhjeve të parakohshme që do të sillnin opozitën në pushtet që më pas nga ana e saj të mund të ribëheshin insitucione të tjera si KQZ. Ngjela njëkohësisht ka paralajmëruar 5 anëtarët e KQZ-së që kanë votuar kundër ligjshmërisë dhe Kodit Zgjedhor se do të përballen me pasojat e aktit të tyre antiligjor që lidhet drejtpërdrejt me votën e qytetarëve të Tiranës, që është edhe kryeqyteti i Shqipërisë ku gjenden të gjitha institucionet kushtetuese. Ai ka deklaruar se do të çojë dokumentacionin në Kolegjin Zgjedhor që në vetvete është një tjetër institucion kushtetues dhe se nuk ishte fitorja e tij në Tiranë thelbi i veprimit të tij, por ligji, i cili do të vepronte në çdo rrethanë.