Sa kohe duhet te vuajne gjynahqaret e sistemit monist !?

[<shiki-java>]

Po shikosha qepare nje teme te Elita Kombetare per figurat qe shkruhet aty dhe thashe me vete sa kontradikta ka mes nesh,nje figure qe eshte e mire per dike eshte sterre per dike tjeter,si letrat e bixhozit ajo qe eshte me koke lart per njerin eshte kokeposhte per tjetrin!?PSE?Nje prej fazave me kontradiktore eshte koha e Enverit aty te gjithe u zhyten nga pak si thote poeti freng Rembo:"Te gjithe u ndotem ne ate batak/puna eshte gjejme ata qe u ndoten me pak!"Si mendoni ju?Ja ca shembuj,marrim Prec Zogajn ky e pat pranuar se kishte qene spiun sigurimi dhe u mbrojt me ate se nuk ka marre ne qafe njeri ose marrim Shinasi Ramen studentin e dhjetorit '90 nje nder krijuesit e PD-se te cilin e detyroi te arratisej Luke Velaj nga Shkodra duke e akuzuar direkt se e ka marre ne qafe dhe ia ka rrasur 12 vjet burg duke i dale deshmitar ne gjyq!Apo nga kampi tjeter Servet Pellumbi u akuzua direkt e kurre nuk e kundershtoi dot se ka qene sigurims,e me radhe tjere qe nuk po lodhem t'i rendis sepse mora vetem ca shembuj!Morali eshte ketu a ben qe keta njerez te vuajne edhe sot qofte edhe moralisht akuzen se ishin sigurimsa,Prec Zogaj eshte nje figure politike,Servet Pellumbi po ashtu eshte kryetar Parlamenti,studenti i dhjetorit '90 qe e permenda me siper Shinasi Rama ne USA eshte profesor ne Columbia University!Fundja keta jane bashkepunetore po punetoret e tyre ata shefat qe i rekrutuan sot jane ne kupole e nuk tronditen fare sepse ata nuk i ka rekrutuar kush...

[Orku]

Pyetja me mire duhej te shtrohej nese kane te drejte keta njerez te perfitojne nga shanset qe jep demokracia edhe pse shkaterruan jetet e te tjereve ose i sherbyen segmenteve me kriminale te sistemit.

Une mendoj se po ! Sepse them qe shume prej tyre nuk zgjodhen ta benin me deshire por u detyruan nga rrethanat dhe u perkulen qofte nga frika qofte nga presioni. Per me teper nese do t'i lenim gjithe keta njerez peng te nje sistemi te kaluar do te ishte nje kontribut per ta mbajtur akoma gjalle ate sistem.

Sidoqofte nuk duhet harruar se nje pjese e kesaj kategorie jane edhe kriminele qe u kane marre shpirtin njerezve nen tortura c'njerezore apo qe kane dhene per ta deshmi te rreme duke ua stolisur te ardhmen neper burgje apo kame internimi.

Sot eshte realisht e veshtire t'i ndash keto dy grupe te se njejtes kategori pasi mundesite per te mbledhur te dhena si dhe per t'i vertetuar ato jane shume te pakta. Gjithsesi une personalisht mendoj se duhet te ekzistoje nje ligj qe i ndalon keta njerez te punojne ne sektore te caktuar te administrates shteterore .... fjala vjen drejtesi, rend, sherbim informativ, diplomaci ... Pra te vendoset nje standart qe tek e fundit eshte krejt i nevojshem dhe normal ne mungese te nje procesi gjyqesor apo te publikimit te krimeve te ketyre njerezve.

Me pare ka ekzistuar nje ligj sipas te cilit kesaj kategorie nuk i lejohej mandat zgjedhor deri ne nje afat kohor te percaktuar ne ligj. Per mua do te ishte e mjaftueshme qe atyre qe do te kerkonin nje mandat elektoral apo post publik qe buron prej votes t'iu publikohej dosja ne menyre qe njerezit ta dinin se cfare kane bere, e nese fitojne atehere le ta gezojne.

Vijme se fundi tek shembujt qe ke sjellur. Preci dhe Serveti jane serish ne politike dhe mund te thuhet se te gjithe e dine se cfare kane qene dhe cfare kane bere, por mesa duket per aresye specifike qe mund te lidhen me cilesite e te lartpermendurve apo militantizmin e admiruesve ata kane arritur aty ku jane edhe me kete njolle.

Per sa i perket Shenasiut, ai mund te ishte bere profesor edhe ne Universitetin e Tiranes , nuk besoj se denocimi do ta kishte penguar, por nese kerkon te futet ne politike atehere do te ishte me e ndershme ta deklaronte hapur ate qe ka bere, te kerkonte falje (dhe kjo eshte me e pakta qe mund te beje) dhe pastaj nese do te ishte i zoti t'i bindte njerezit te votonin per te le te fitonte.

Shkurt keta njerez mund t'i shpetojne persekutimit ligjor por detyrimisht nese kerkojne te ngrene nje profil publik te majte apo te djathte qofshin duhet te kene kurajon te flasin hapur per ate qe kane bere dhe nuk duhet te ndihen aspak te viktimizuar pasi viktimat e verteta qe nuk kerkuan vota, por thjesht nje jete me te mire humben jeten, e deri dhe varrin prej atyre qe sot kerkojne suksesin.