Këngët franceze

[Marya]

Varianti i perkthimit qe ke sjelle e shtremberon komplet kuptimin e kenges, me pelqen me shume perkthimi i danielit sepse e ka perkthyer kengen me kuptimin e vertete te teksit , pa i shtrembuar kuptimin ne dobi te rimes .

Dhe mire do ishe te percaktoje edhe nga e ke marre se vete nuk e ke perkthyer , jo

[daniel00]

Zhak Brel - Dhembshuria


Për pak dhembshuri
Do të jepja diamantet
Që djalli përkëdhel
në sëndukët e mi të pasurisë
Pse beson ti, bukuroshe
Që marinarët në port
Boshatisin kuletat e tyre
Për t'u ofruar visare
Princeshave të rreme
Për pak dhembshuri...

Për pak dhembshuri
Do të ndryshoja fytyrë
Do të ndryshoja prej dehjes
Do të ndryshoja gjuhë
Pse beson ti, bukuroshe
Që në kulm të himneve të tyre
Perandorë dhe poetë
Braktisin shpesh
Pushtetet dhe pasuritë
Për pak dhembshuri...

Për pak dhembshuri
Do të të ofroja kohën
Që t'i mbetet gjallëri
Stinës së verës në të mbaruar
Pse beson ti, bukuroshe
Që shkon kënga ime
Drejt dantellës tënde plot dritë
Që vallëzon në ballin tënd
Afruar ndaj dëshpërimit tim
Për pak dhembshuri...

[daniel00]

Vendi i sheshtë - Zhak Brel

Me detin e Veriut per të fundit tokë të vagullt
Dhe valë dunash për të ndaluar valët
Dhe shkëmbinj me shkulm që baticat kalojnë
E që përngaherë në zbaticë kanë zemrën
Me pafundësi mjegullash që do të vijnë
Me erën e lindjes dëgjojeni të përfshijë
Vendin e sheshtë që është i imi

Me ca katedrale për të vetmet male
dhe kambanore të zeza si shtylla me trofe
Ku djaj të gurtë fitojnë retë
Me rrjedhën e ditëve për udhëtim të vetëm
Dhe udhë me shi për të vetmen mirëmbrëma
Me erën e perëndimit dëgjojeni të dëshirojë
Vendin e sheshtë që është i imi

Me një qiell kaq poshtë sa një kanal nuk duket
Me një qiell kaq poshtë sa bën përulje
Me një qiell kaq gri sa një kanal është mbytur
Me një qiell kaq gri sa i duhet falur
Me erën e veriut që vjen për t'u shqyer
Me erën e veriut degjojeni të krakëllijë
Vendin e sheshtë që është i imi

Me ca Itali që do të zbriste Eskonë (lum)
Me Fridën Bjonde kur ajo kthehet në Margo
Kur bijtë e nëntorit na rikthehen në maj*
Kur fusha është me avuj e dridhet nën korrik
Kur era është në të qeshura kur era është në grurë
Kur era është në jug dëgjojeni të këndojë
Vendin e sheshtë që është i imi


*Në vitet 60 djemtë niseshin në nëntor për në ushtri dhe ktheheshin pas një viti e gjysëm

[daniel00]

Zhan-Zhak Goldman - Atje

Atje
Gjithçka është e re dhe gjithçka është e egër
Kontinent i lirë pa hekura
Këtu, ëndrrat tona janë ngushtë
Për këtë do të shkoj atje

Atje
Duhet zemër dhe duhet kurajo
Por gjithçka është e mundur në moshën time
Nëse ke forcën dhe besimin
Arin mund ta kesh në duar
Për këtë do të shkoj atje

Mos shko
Ka stuhi dhe mbytje
Zjarr, djaj dhe mirazhe
Unë e di që je aq i brishtë ndonjëherë
Qëndro këtu pranë meje
Kemi aq shumë dashuri për të bërë
Aq shumë lumturi që do të vijë
Të dua burrë dhe baba
E ti, ëndërron të ikësh

Këtu, gjithçka është e caktuar që më parë
E nuk mundemi ta ndryshojmë në asgjë
Gjithçka varet se ku ke lindur
Dhe unë, unë nuk kam lindur ku duhet

Atje
Larg nga jetët tona, nga fshatrat tonë
Do të harroj zërin tënd, fytyrën tënde
Megjithëse të mbaj të shtrenguar në krahë
Ti më humbesh tashmë, atje


Do të kem mundësinë time , do të kem të drejtat e mia
Mos shko
Dhe krenarinë që këtu nuk kam
Atje
Gjithçka çfarë meriton është e jotja
Mos shko
Këtu, të tjerët imponojnë ligjin e tyre
Atje
Do të të humb mbase atje
Mos shko
Por unë po humb veten nëse rri këtej
Atje
Jeta nuk më ka lënë zgjedhje
Mos shko
Ti dhe unë, do të jetë atje ose jo
Atje
Gjithçka është e re dhe gjithçka është e egër
Mos shko
Kontinent i lirë pa hekura
Atje
Bukur sa nuk e imagjinojmë dot
Mos shko
Këtu, edhe ëndrrat tona janë ngushtë
Atje
Për këtë do të shkoj atje
Mos shko
Nuk më kanë lënë zgjedhje
Atje
Do humb veten nëse rri këtej
Mos shko
Për këtë do të shkoj atje
Mos shko ...

[daniel00]

Pijaneci - Zhak Brel

Mik ma mbush gotën
Edhe një e do shkojë
Edhe një e do shkoj
Jo une nuk qaj
Këndoj e jam i gëzuar
Por kam dhimbje të jem vetja
Mik ma mbush gotën
Mik ma mbush gotën


Le të pijmë për shëndetin tënd
Ti që di të thuash aq mirë
Që gjithçka mund të ndreqet
Që ajo do të rikthehet
S'ka gjë nëse je gënjeshtar
Barist pa keqardhje
Do të jem i dehur në një orë
Do të jem pa trishtim

Le të pijmë për shëndetin
E miqve dhe të qeshurave
Që unë do të rigjej
Që do të më kthehen përsëri
S'ka gjë nëse këta zotërinj
Më lënë të shtrirë përtokë
Do të jem i dehur në një orë
Do të jem pa zemërim

ref.
Mik ma mbush gotën
Edhe një e do shkojë
Edhe një e do shkoj
Jo une nuk qaj
Këndoj e jam i gëzuar
Por kam dhimbje të jem vetja
Mik ma mbush gotën
Mik ma mbush gotën


Le të pijmë për shëndetin tim
Të pijmë bashkë me mua
Të vijmë të kërcejmë
Të ndajmë gëzimin tim
S'ka gjë nëse ata që kërcejnë
Më lënë nën dritën e hënës
Do të jem i dehur në një orë
Do të jem pa zemërim

Le të pijmë për vajzat e reja
Që më mbeten për të dashur
Le të pijmë që tani për vajzat
Që do të bëj të qajnë
E s'ka gjë për lulet
Që ato do të më refuzojnë
Do të jem i dehur në një orë
Do të jem pa pasion

ref.
Mik ma mbush gotën
Edhe një e do shkojë
Edhe një e do shkoj
Jo une nuk qaj
Këndoj e jam i gëzuar
Por kam dhimbje të jem vetja
Mik ma mbush gotën
Mik ma mbush gotën


Le të pijmë për atë të përdalë
Që më ka thyer zemrën
Të pijmë me gjithë hidhërim
Të pijmë me gjithë të qarë
E s'ka gjë për të qarat
Që më bien rrebesh këtë mbrëmje
Do të jem i dehur në një orë
Do të jem pa memorje

Të pijmë natë pas nate
Meqë do të jem shumë i shëmtuar
Për as edhe një Silvë
Për as edhe një pendesë
Të pijmë meqë është koha
Të pijmë thjesht për të pirë
Do të jem mirë në një orë
Do të jem i pashpresë

Ref.
Mik ma mbush gotën
Edhe një e do shkojë
Edhe një e do shkoj
Jo une nuk qaj
Këndoj e jam i gëzuar
Gjithçka po rregullohet
Mik ma mbush gotën
Mik ma mbush gotën
Mik ma mbush gotën

[daniel00]

I agonizuari - Zhak Brel


Lamtumirë Emil të desha shumë
Lamtumirmë Emil të desha shumë, a e di
Kemi kënduar me të njëjtën verë
Kemi kënduar për të njëjtat vajza
Kemi kënduar të njëjtat brenga

Lamtumirë Emil unë do të vdes
Është e rëndë të vdesësh në pranverë, a e di
Por nisem për lule me paqen në shpirt
Se meqë je i mirë si buka e bardhë
E di që do të kujdesesh për gruan time

ref.
Dua të qeshet
Dua të kërcehet
Dua të argëtohen si të çmendur
Dua të qeshet
Dua të kërcehet
Kur të jetë koha që do të më fusin në dhe


Lamtumirë Prift të desha shumë
Lamtumirë Prift të desha shumë, a e di
Ne nuk ishim nga e njëjta anë
Ne nuk ishim nga e njëjta udhë
Por kërkonim të njëjtin port

Lamtumirë Prift unë do të vdes
Është e rëndë për të vdekur në pranverë, a e di
Por nisem për lule me paqen në shpirt
Se meqë ti ishe i besuari i saj
E di që do të kujdesesh për gruan time

ref.
Dua të qeshet
Dua të kërcehet
Dua të argëtohen si të çmendur
Dua të qeshet
Dua të kërcehet
Kur të jetë koha që do të më fusin në dhe


Lamtumirë Antuan, nuk të doja shumë
Lamtumirë Antuan, nuk të doja shumë, a e di
Ngordh merzie që po ngordh tani
Ndërsa ti je fort i gjallë
Mbahesh më i fortë edhe sesa mërzia

Lamtumirë Antuan unë do të vdes
Është e rëndë për të vdekur në pranverë, a e di
Por nisem për lule me paqen në shpirt
Se meqë ti ishe i dashnori i saj
E di se do kujdesesh për gruan time

ref.
Dua të qeshet
Dua të kërcehet
Dua të argëtohen si të çmendur
Dua të qeshet
Dua të kërcehet
Kur të jetë koha që do të më fusin në dhe


Lamtumirë gruaja ime të desha shumë
Lamtumirë gruaja ime të desha shumë, a e di
Por unë po marr trenin drejt Zotit të mirë
Po marr trenin që është para tëndit
Por marrim të gjithë trenin që mundemi

Lamtumirë gruaja ime, unë do të vdes
Është e rëndë të vdesësh në pranverë, a e di
Por po nisem për lule me sytë mbyllur, gruaja ime
Se meqë i kam mbyllur shpesh
E di që do të lutesh për shpirtin tim

ref.
Dua të qeshet
Dua të kërcehet
Dua të argëtohen si të çmendur
Dua të qeshet
Dua të kërcehet
Kur të jetë koha që do të më fusin në dhe

[daniel00]

Natasha St-Pier - Ti do të gjesh

Si të gjithë unë kam të metat e mia
Nuk kam gjithmonë fjalët që duhen
Por nëse lexon ti brenda rreshtave
Ti do të gjesh në këngët e mia
Gjithçka që nuk kam ditur të të them

Ka gabime prej përshtypjesh
Fjalë " të dua " pak të zbehta
Megjithë akordet pa mjeshtëri
Ti do të gjesh në këngët e mia
Gjithçka që nuk kam guxuar të të them

[Refren] :
Ti do të gjesh
Plagët e mia dhe dobësitë e mia
Ato që pohoj veç me gjysëm zë
Ti do të gjesh
Hapat gabim, ngatërrimet e mia
Dhe dashuri më shumë se sa duhet
Kam kaq frikë se ti më lë
Dije që nëse bëj gjithmonë tepër
(Ti do të gjesh)
Është që për pak ti të më mbetesh
Të më mbetesh

Ka të tjera që do të duash
Shumë më të bukura, më të forta se unë
Do t'u lija sigurisht vendin
Kur të mos kem më në këngët e mia
Më asgjë për të të thënë përballë
Koha ngurtëson në të gjitha
Prej iluzioneve, dhe prej rrëzimeve
Nëse unë nuk kam ditur të të mbaj
Dije që ka në këngët e mia
Gjithçka që nuk kam pasur kohën të them


[Refren]

Ti do të gjesh
Plagët e mia dhe dobësitë e mia
(dobësitë e mia)
Ato që pohoj veç me gjysëm zë
(gjysëm zë)
Ti do të gjesh
Hapat gabim, ngatërrimet e mia
(ngatërrimet e mia)
Dhe dashuri më shumë se sa duhet
(më shumë se sa duhet)
Kam kaq frikë se ti më lë
(se ti më lë)
Dije që nëse bëj gjithmonë tepër
(Mmmmh)
Është që për pak ti të më mbetesh
Ti të më mbetesh

Ti të më mbetesh...

[daniel00]

Jacques Brel - Demat

Demat mërziten të dielën
Kur është për të vrapuar për ne
Pak rërë, diell dhe dërrasa
Pak gjak për të bërë pak baltë
Është ora kur bakallët e kujtojnë veten Don Zhuan
Është ora kur Anglezet e kujtojnë veten Montherlant* (dramaturg)

Ah!
Kush do na thotë për kë mendon
Një dem që rrotullohet e vallëzon
Dhe kupton papritur që është lakuriq
Ah!
Kush do na thotë për çfarë ëndërron
Një dem që syri lart i shkon
Dhe që zbulon brirët e atyre që ua dredh e shoqja

Demat mërziten të dielën
Kur bëhet fjalë për të vuajtur për ne
Ja pikadoret* (kalorës me ushtë) dhe turma hakmerret
Ja toreadorët dhe turma është në gjunjë
Është ora kur bakallët e kujtojnë veten Garsia Lorka
Është ora kur Anglezet e kujtojnë veten Karmensita* (kërcimtare spanjolle)

Demat mërziten të dielën
Kur bëhet fjalë për të vdekur për ne
Por shpata do të bjerë dhe turma përkulet
Po shpata u ngul dhe turma është në këmbë
Është çasti i triumfit kur bakallët e kujtojnë veten për Neron
Është çasti i triumfit kur Anglezet e kujtojnë veten Wellington* (Duka anglez që mundi Napoleonin në Vaterlo)

Ah!
A mos duke rënë në tokë
Demat ëndërrojnë për ferr
Ku do të digjeshin njerëz e toreador të vdekur
Ah!
Apo në orën e vdekjes
A nuk do të na falnin
Duke menduar për Kartagjenën Vaterlonë dhe Verdun*
Verdun
(vende ku janë zhvilluar beteja nga më të përgjakshmet)

[daniel00]

Para se t'i shkojmë gjërave në fund

Do shkoj të bëj pjatalërsin për ty
Lypësin për ty
Të kërkoj pasuri në minierë për ty
Nëse nuk është dashuri, duhet pranuar kështu
Para se t'i shkojmë gjërave në fund

Do shkoj të bëj punën më të ndyrë
Nëse ty të teket, do shkoj në zyrë
Nëse nuk është dashuri, duhet pranuar kështu
Para se t'i shkojmë gjërave në fund

Kam të gjitha fjalët në fjalorin tim
Vetëm një gjë më ngacmon mua nervin
Nuk i them të dua askujt përveç teje
Është damari im, të më kuptosh nuk arrin
Mund të qaj për ty
Të psherëtij për ty
Të bëj të bien shi kova me lot mbi ty
Nëse nuk është dashuri, duhet pranuar kështu
Para se t'i shkojmë gjërave në fund

Do shkoj t'ia vesh një të djathtë kujt të duash ti
Do shkoj deri tek Majk Tajson po pata mundësi
Nëse nuk është dashuri, duhet pranuar kështu
Para se t'i shkojmë gjërave në fund

A ka ndonjë gjë tjetër që ke dëshirë
Jepi, kërkoje, e për një jetë të tërë
Ti do hënën apo ti do diellin
Vetëm sa të ma thuash në rrëzën e veshit
Mund të bëj gjithë gjithçka që do për ty
Nëse jam unë problemi, të vdes për ty
Nëse nuk është dashuri
Nëse nuk është dashuri
Nëse nuk është dashuri, duhet pranuar kështu
Para se t'i shkojmë gjërave në fund

[daniel00]

I dashuri në Shën-Gjon - Patrick Bruel

Nuk e di pse ajo shkonte të vallëzonte
Në Shën-Gjon në mbrëmjen e nisur
Po kur ai djalë i mori një puthje
Ajo drithërohej, ishte e bastisur
Si të mos e humbte mendjen
E shtrënguar nga krahë të guximshëm
Se i besohet në vazhdimësi
Fjalëve të ëmbla në dashuri
Kur ato janë shprehur me sy
Ajo që e donte aq shumë
I dukej më i bukuri i gjithë Shën-Gjonit,
Ajo qëndronte e vrenjtur
Pa vullnet të lirë
Nën puthjet e tij.


Pa u menduar më tej, ajo i jepte
Më të mirën e kësaj ekzistence
Lajkatar i afte çdo herë që ai gënjente,
Ajo e dinte, por e dashuronte.
Si të mos e humbte mendjen
E shtrënguar nga krahë të guximshëm
Se i besohet në vazhdimësi
Fjalëve të ëmbla në dashuri
Kur janë ato që thuhen me sy
Ajo që e donte aq shumë
I dukej më i bukuri i gjithë Shën-Gjonit,
Ajo qëndronte e vrenjtur
Pa vullnet të lirë
Nën puthjet e tij.


Por fatkeqsisht, në Shën-Gjon si kudo tjetër
Një betim është veç një gënjeshtër
Ajo ishte e çmendur që besonte lumturinë,
E të dëshironte të ruante zemrën e tij.
Si të mos e humbte mendjen
E shtrënguar nga krahë të guximshëm
Se i besohet në vazhdimësi
Fjalëve të ëmbla në dashuri
Kur janë ato që thuhen me sy
Ajo që e donte aq shumë
Dashurinë e saj të shtrenjtë, të dashurin në Shën-Gjon,
Ai nuk e do më
Është e kaluar
Mos ta flasim më.