Poezi

[Agim Doçi]

Postuar më parë nga ornament
Bravo Agim, vazhdo o trim,
Ne foto me kostum,
Me penevreke ne rime,
Dje ishshoku, sot zoti Agim,
Ne mendjet tona te çvirgjera,
Nje ide ka bere vrime ;
« Ti a je pushke, apo Pushkin. »

Ornament mbete gjithë jetën
Ornament ke dhe me vdekë!
Asnjeherë s'e ktheva fletën
Kur s'kam mbajtun benevrekë!

Por të lutem, shkruaj hijshëm
se jam rritë në Shkodrën tonë
Kam humor, jo fort të shijshëm!
Mos "u kruaj", se bahet vonë!

Për k'saj rradhe, po mjaftohem
me 3 strofa - sinqerisht!
Dhe besoj se nuk gabohem
Ornament - "Mos ban me gisht!"



Më mallë, me respekt dhe me dashuri
Agim Doçi

[Agim Doçi]

Postuar më parë nga macia_blu
Duke te uruar nje mireserdhje te madhe si te gjitha te uruarat me pare , e gjithmone.... po te leshohem ne perqafjen e permallshme....
Ti mban arome poezie dhe shqiperie. E shikon sa te rende e kam perqafjen... ? Po e di se e mban... !

Diku, ne nje dite ose dy ditesh para kesaj kam folur per nje ikje...Po me duket ikja ime paska qene provokimi i ardhjes tende.
Jam macia blu e cudirave qe me behen shpesh telepati.
Une po mrekullohem ne ardhjen tende.!

v.o
Ah se harrova.... mos me bej te fle edhe me ty si me Migjenin....
se...
po fjetem bashke, kushedi.....

Te lutem, me lejo te te ngarkoj do' (disa, shume) te fala te mija te permallshme, e me shume se te permalluara per z. Gj. Beci.....dhe plot poet te tjere qe me mungojne aq shume....
( A nuk iu ben te fala te gjithe poeteve, si te jesh duke mbajtur amanetin e dashurise time me te madhe....?!)

Mace Blu, më morri malli, mjaullimën t'a dëgjoj!
M'a gërvishte frymëzimin dhe më trete diku larg...
Dil nga skuta ku je fshehur, kam një jetë që të kërkoj!
Të jap fjalën, minjt e Botës do t'i vë në rresht e varg!

Do të zhduk çarqet e minjve!
Do hap fjalë që ke ndryshuar!
Se me mua po të flinje
Do të kishe mbretëruar!

Në magjinë e Mbretërisë
Që çdo shpirt e fisnikron!
Në parajsë të poezisë!
Ku Lasgushi vjerrshëron!

[Agim Doçi]

Postuar më parë nga kosovar
Përshëndetje poetit Agim Doçi. U gëzova kur vëretja emrin tënd këtu në Foruminshqiptar.

Kur do pimë nga një kafe në Montreux afër la Garit?!

Të përshëndes si zakonisht, me shumë zjarr me dy tri vargje!


Zhurmë e trenit u ndie që u ndalë në stacion
Agimi nga shkallët përshëndeti me dorë
Mirëupafshim o miq-ika se treni më shkon
Hani e pini, e paguani vetë, mos u bëni horë!

Kosovar, t'a mbaj mend emnin
Kur më ftove për një kafe!
Me respekt m'a bane vendin
Tash pse dreqin po ban llafe!?

Unë kujtoj se nxorra paret
dhe kambëngula me pagu!
Vetë i dytë afër një Gare
Kosovar mbete pa mu'!

S'ka randsi se çfarë mendojmë
Jemi komb i përgjysmuar!
paret vijnë, e paret shkojnë!
fqinjët tanë kanë përfituar...

Hajt pra shkruajmë në ke vakt!
N'daç me vargje, n'daç me prozë!
Veç kujdes shkruaj me takt!
Mos përzij ujin me bozë!!

Miqësisht Agim Doçi

[Agim Doçi]

Postuar më parë nga shigjeta
Mirse erdhet ne forumin Shqiptare.
Ardhja juaj besoj se do te na japi kenaqsin te lexojm me shume poezi nga ju. Dhe njekohesisht mendimi juaj do te jete I vlefshem per poezit dhe poetet e ketij forumi (disa prej tyre jane vertet me shume talent, besoj se dhe ju bini dakort per kete )

pershendetje

I nderuar Donator i Komunitetit SHIGJETA

Urimi i Juaj i mirëseardhjes sime në FORUM më ngrohu shumë. Keni shumë të drejtë që POETËT E FORUMIT janë me shumë talent. Ditën e shtunë me 25 maj isha në Klinikën 1 të Cantonspital Basel, ku është shtruar e Madhja Vaçe Zela me një sëmundje tepër të rëndë - infarkt dhe insult cerebral! Për fat e kishte hedhur rrezikun! Atje i tregova veç të tjerave për vlerat e këtij forumi, për shpirtin atdhetar të organizatorëve të FORUMIT, bile ua dhashë adresën dhjetra shqiptarëve që u mblodhën në Basel pranë Vaçes sapo morrën vesht që kishte ardhur dhe poeti Agim (mos kujtoni se është mungesë modestie nga ana ime!). Sa u gëzua Vaçja - që për mua është Nderi dhe Krenaria e Artit Kombëtar,- që FORUMI SHQIPTAR është kaq aktiv, kaq i gjerë, kaq i mrekullueshëm. Fola gjatë me Vaçen dhe të tjerët duke u dhënë dhe adresën e FORUMIT TONË!!! Ka të drejtë të gëzohet dhe të lumturohet cilido që i thotë vehtes shqiptar! Ky FORUM që është jo vetëm PASURI KOMBËTARE por sipas meje edhe një LUKS INTELEKTUAL që menazhohet prej një brezi të rinjsh shqiptarë, jep besim dhe shpresë së SHQIPËRIA DHE KOMBI YNË do bëhen patjetër MIRË dhe pse SHUMË MIRË! Unë dua që edhe Ju i nderuari SHIGJETA, e veçanërisht STAFIN E SHKËLQYER të FORUMIT t'a falënderoj me gjithë zemër! UA KAM BORXH KËNAQËSINË DHE KRENARINË QË MË KANË KRIJUAR! Këta djem të rinj po bëjnë një punë të krahasueshme me RILINDASIT tanë! Besomëni!
Ju falënderoj zotri dhe ju premtoj se respektin do ua shlyej me respekt!
Agim Doçi

[Brari]

Ke bere nji mrekulli qe keni vizituar Artisten Vace Zela.

Ju uroj ju e tjereve nji jave te kendshme!

[Agim Doçi]

Postuar më parë nga Brari
Agim Docit.



I dashur, i qeshur, i embel gjithmon
Afrohesh mes njerzve me zhurme
Karrike, filxhana levizin per ty
Humori derdhet si Lume.

BRARIT MIKUT TIM FISNIK!
Desha or mik të të kthej respektin me një vjerrshë timen që e shkruaj enkas tani për tani, veç për ty!
Të përqafoj Agim Doçi

Tek një fjalë që zemra ngrohet
Tek një mall që djeg si prush
Tek një emër që shqiptohet
Tek një Urë që shkoi dikush...

Tek një kafe pirë sëtoku
Tek humori që tregonim
Tek kujtimet e një shoku
katër vargje po më çonin,

Ndaj ofshana krejt pa pritur
seç m'u mbushën sytë me lot!
Vetëtimave kam hipur
Shkrepëtij, por është e kot'

Qenkam larg në humbëtirë
toka mëmë sa më mungon!
Zot i madh a ke mëshirë
Për një shpirt që vjerrshëron?!

Nëm dy krahë të marr drejt qiellit!
Se ti Zot ke Gjithësinë!
Unë t'i fal të gjitha merri!
Lermë vetëm Shqipërinë!

Agim Doçi

[elda]

hi une une quhem elda poezite e tua me pelqyen shume
bye bye

[kosovar]

Unë ta thash pa të keq
Mos më merrë tash për dreq,
Nuk jam bozë as salep
Nuk te ftova-erdhe vetë

Edhe hangrëm edhe pimë
Edhe lekët nxjerrë i ke
Për respekt mos ta ndien
Ti mirë adhësh prap ndër ne

Ti s'ke ik-na erdhe prap
Po sa u bëmë pak merak
Si gjithnjë shumë gazmor
Prap nga shkallët bëre me dorë!

[Agim Doçi]

Postuar më parë nga elda
hi une une quhem elda poezite e tua me pelqyen shume
bye bye

Elda moj zemra e xhaxhi Gimit!

Ti as nuk më thua mos je vallë nga Korça!? Unë kam dëshirë që të më shkruash dhe më gjatë dhe biles të bashkëbisedojmë si dy miq të lashtë e të mirë!
Tashti po të shkruaj dhe ty një vjershë të vockël, të vockël fare:

Unë asnjë herë nuk të kam parë
Bile dhe emrin, ti vetë mà thè!
Unë poezinë e tërheq zvarrë
T'a sjell dhuratë, atje ku jè!

Ama të lutem, mos e harro!
Që ka poetë shumë më të mirë.
Por vargu im të thotë: - Këndo!
Dhe kënga bën njerin e Lirë!

Të përqafoj fort, fort, fort!
Agim Doçi - Poeti

[Agim Doçi]

Postuar më parë nga Estella
Degjoni me kujdes fjalet e te tjerve
zakonisht, te fshehta te thella zbulohen.


Te falenderoj per poezine Z. Agim, ose me mire Agim.
Ska rendesi Shqiperi apo Amerike, jam aty ku me kerkon.

ESTELLA!

Të kam shkruar vetëm një herë, nuk e di, por më morri malli përsëri për ty! Kjo nuk do të thotë asgjë të keqe! Apo jo! Po sikur të të bëj një dedikim për ty dhe vetëm për emrin tënd të bukur astronomik ESTELLA? Nuk do më zëmërohesh ë!?

ESTELLËS

Miliarda yje ka Galaktika
dhe midis tyre Toka Planet!
52 ka Amerika,
Po vetëm njera seç më përket!

Ajo është YLLI nga Shqipëria
Që fle,kur unë jam i pa gjumë!
Të dy na ndau veç gjeografia
Tek ti është Ditë, errësirë tek unë...

A do të shoh në jetën time
Askush këtë nuk mund t'a di!
Me sytë e zemrës, mos kij dyshime
Shikojmë gjithë Botën dhe unë dhe ti!

të përshëndes dhe të puth fort, fort
Agim Doçi - Poeti