A e dini?!...

[Agim Doçi]

A e dini?

E dini që mbrëmë ma vranë vehten time
A e dini që sot e tutje do mungoj gjithandej!?
Më ka mbetur vetëm një kartë telefoni
Kë të zgjedh midis njerzve një telefonatë t’i bej…


Mbrëmë...

Jemi syrgjyn gjallë
larg na shkoj kjo jetë!
Mbrëmë poetin vranë
Sot po vritem vetë...

Jam pronar!

I shiut që më lagte
i diellit që më thante
i fjalës së vërtetë
i hënës dyll të zbehtë

i erës nga Veriu
i verës që më piu
i mallit prej njeriu
i endrrës që s'më ngiu

i borës që më ngrohu
i zhegut që më ftohu
i vargut që tha: - zgjohu!
i vdekjes që tha- çohu!

I lotit të shpirtit tim
i qiellit pa mbarim
i çmendur i trurit tim
i natës me pagjumsin...

Për sa më sipër i vetëm isha
Me Testament ua fal të gjitha!

[Fiori]

Pershendetje Agim, kjo me pelqeu vertet

Fiori

[StterollA]

S'pres te shof qe ke be nje postim ne forum.. e di qe do gjej kenaqesi aty

Hallall i ke te gjitha

[eni3]

Z.Agim eshte kenaqesi te lexosh poezite e tua

[Manulaki]

Me quajne nene, perkedheli.
Me quajne dhimbje, perulesi.
Te virgjer e kam shpirtin ne miresi.
Te pafundme zemren ne dashuri.

[raku]

eshte nje kenaqesi qe i madhi AGIM DOCI eshte anetare i ketij forumi...


ke nje pershendetje nga une i nderuar Z.DOCI.......


RAKKU!!!!!!

[Zana Vizitorit]

"E dini që mbrëmë ma vranë vehten time"(!)

Hej Gim,pershendetje!
Padyshim qe eshte kenaqesi te lexosh vargjet e tua.Vargu qe vecova me lart eshte shume i bukur,por ama, jo i sakte.
Sigurisht qe pervoja jote nuk krahasohet me timen,por kisha me thane se "vehten tende"askush ne bote nuk e vret dot pervec teje.
Agimin po,mund ta vrasin fizikisht e shpirterisht,kurse vehten e Agimit kurrsesi(une per vete shoh nje ndryshim te madh mes ketyre te dyjave).
Me respekt,Zana

[Brari]

urime Agim !


bukur.. shum bukur vlon poezia jote !

[Lekë Rezniqi]

E mrekullueshme. (si gjithmonë).

Shumë shëndet z. Agim.

Gjithnjë i magjepsur nga vargjet tuaja.

Leka nga Prishtina

[kolombi]

Rrjeta merimangash thuri djalli
Nje jete te kapi,dashurine njerine
Po shpirtin tend kurre sdo ta marri
Se ju poetet jeni miq me Perendine.

Shendet e te mira o lundertar i deteve te mija.