Masa per problemet e biznesit

[huggos]

Fillojnë të merren parasysh problemet e biznesit

Një grup masash do të zbatohen deri në fund të këtij viti për reduktimin e barrierave për biznesin

Përshpejtimi i procesit të zhdoganimit, ulja e kostos së sektorit privat, forcimi i kontrollit të tatim-paguesve, evidentimi i të gjitha kërkesave për rimbursimin e TVSH-së janë disa nga barrierat administrative që pengojnë zhvillimin e biznesit shqiptar. Janë pikërisht këto barriera që Grupi Qendror për Heqjen e Pengesave Administrative të Investimeve pranë Ministrisë së Ekonomisë ka përcaktuar disa masa për zgjidhjen e tyre, të cilat do të zbatohen deri në fund të vitit 2003. Burime zyrtare pranë Ministrisë së Ekonomisë, bëjnë të ditur se gjatë ditëve të fundit Grupi Qendror për Heqjen e Pengesave Administrative të Investimeve është mbledhur për përcaktimin e Planit të Veprimit, i cili duhet zbatuar brenda vitit 2003. Këshilli Konsultativ i Biznesit shpeshherë ka ngritur zërin për problemet që shqetësojnë biznesin shqiptar, ndërkohë që edhe një studim i kryer nga Banka Botërore ka bërë skanimin e barrierave administrative të biznesit. Për këtë arsye, Grupi Qendror për Heqjen e Pengesave Administrative të Investimeve ka përcaktuar një sistem monitorimi, i cili do të përqendrohet në zbatimin në kohë të masave të parashikuara, si dhe efektet e tyre në një periudhe dymbëdhjetëmujore. Por masat, të cilat do të marrë ky grup pune akoma nuk janë bërë të ditura nga Ministria e Ekonomisë, por vetëm është përcaktuar një afat kohor deri në fund të këtij viti për zgjidhjen e disa barrierave. “Pas miratimit të Planit të Veprimit për Heqjen e Pengesave Administrative të Investimeve nga Këshilli i Ministrave në 1 gusht 2003, Ministria e Ekonomisë ka evidentuar masat dhe grup-masat që do të zbatohen deri në fund të këtij viti, të cilat mendohet të kenë efekte të ndjeshme për biznesin, ndër të cilat mund të përmendim përshpejtimin e procesit të zhdoganimit, uljen e kostos së sektorit privat për marrjen e mostrave dhe analizimin, forcimin e kontrollit të tatim-paguesve, si dhe evidentimin e të gjitha kërkesave për rimbursimin e TVSH-së”, -pohojnë burime zyrtare pranë Ministrisë së Ekonomisë. Sipas tyre, Grupi Qendror për Heqjen e Pengesave Administrative të Investimeve ka rënë dakord për skemën e raportimit të të gjitha institucioneve pranë ministrit të Ekonomisë, si dhe për hapat që do të ndërmerren për zbatimin e masave në përputhje me Planin e Veprimit.
B.Beqiri

Me ne fund... mesa duket shpresa filloi te linde edhe per Shqiperine..

hajt per hajer

[pekomeri]

Sa te bukura keto fjale,por vetem fjale ama.Mua akoma me dhembin faqet nga shuplakat e ketij shteti.Kam frike se mos kane shkuar grupi ne ndonje vend tjeter,ndofta ne Afrike.Sa te bukura qe i kemi fjalet por vetem nje gje duhet te dini ,ky shtet nuk e njeh deri tani teorine e dhenies.Ky vetem merr,po nuk e di shteti,qe po nuk dhe,nuk ke cfare te marresh,prandaj jemi keku ku jemi.

[Florida Piku]

Jane te gjitha fjale qe mbeten ne leter dhe nuk gjejne kurr zbatim..Mjer ne biznesmenet ne duar te kujt kemi rene.........

[Living in Vain]

shih shih.....