BRITANI/ RREFIMI I VAJZES NGA TIRANA
Unë studentja që rrezikoj shkollën
Flet Mirela : Ligji i ri për azilin i padrejtë
Nga Londra Muhamed Veliu
LONDER
Ligji i propozuar pak ditë më parë nga ministri i bren-dshëm anglez Blankett, ka ngjallur edhe reagimet e para. Të parët që janë ndier "vikitima" të këtij ndryshimi, janë studentët e huaj, të cilët vazhdojnë studimet në kolegjet apo universitetet e Britanisë së Madhe. Sipas ligjit të ri, nëse emigrantët nuk e fitojnë të drejtën e azilit, këta të rinj do të detyrohen të rikthehen në Shqipëri, pa pasur mundësinë e apelimit të vendimit të mësipërm të autoriteteve angleze. Përballë këtyre vështirësive ndodhen shumë shqiptarë të rinj, të cilët edhe pse shkëlqejnë në shkollat ku vazhdojnë studimet, nuk do të përfitojnë ndonjë përjashtim nga fati i mësipërm: rikthimi në Shqipëri.
Mirela
Një nga studentet që rrezikon shumë nga miratimi i projektligjit për emigrantët, është edhe, Mirela Cocja nga Tirana. Pasi ka mbaruar (A-Levels) shkollën e mesme me rrezultate të shkëlqyera, mezi pret të fillojë universitetin. Ajo përfundoi me nota maksimale në kimi, biologji, matematikë dhe fizikë në kolegjin Dundley, ku jetojnë 3.000 shqiptar. Mirela, 21-vjeçare, është vlersësuar nga mësuesit e këtij kolegji. Të afërmit e saj kujtojnë se kur mbërriti në Angli, Mirela kishte një anglishte jo të mirë, por falë këmënguljes së saj, arriti ta perfeksiononte gjuhën dhe të studionte pa asnjë problem përkrah bashkëmoshatarëve të saj anglezë. Ka vendosur të studiojë në Universitetin e Birminghamit për menaxhim dhe kimi. Por pas një pritje plot ankth të diplomimit në shkollën e mesme, asaj tani i duhet të ndeshet me një tjetër "provim", atë të përballjes me oficerët e emigracionit, që ndoshta mund ta riatdhesojnë. Mirela së bashku me familjen kanë gati tre vjet që janë në pritje të dokumenteve të azilit, që prej dhjetorit 2000, ku mbërritën në Angli. Gjatë kësaj kohë, 21-vjeçarja thotë se i është dashur të sakrifikojë shumë. "Shpesh herë më është dashur të lija leksionet, që të mund të përktheja për familjen në takimet e tyre të shumta me avokatët", thotë Mirela. Por pavarësisht se rezultateve të shkëlqyera në kolegj, ëndërrat e tiranases së re mund të shkatërrohen, nëse propozimet e ministrit Blankett një ditë mund të bëhen ligj. Nëse ndodh një gjë e tillë, edhe shumë emigrantë që i vazhdojnë, tashmë, studimet do të detyrohen t'i lënë ato në mes.
Ligji, i detyruar nga kushtet Çfarë ndikoi në ideimin e tij
Abuzimet e shumta me sistemin anglez të emgracionit, kanë qenë shkaku i lindjes së projekt-ligjit, polemik. Autoritetet angleze prej kohësh e kuptuar se emigrantët, i zvarrisnin çështjet nëpër gjykata për të zgjatur qendrimin e tyre në Angli. Nëse nuk e fitonin të drejtën e apelit, sipas ligjit që është ende në fuqi, emigrantët kishin të drejtë t'i apelonin vendimet e oficerëve të azilit. Më vonë çështja kishte mundësi të shkonte edhe në Gjykatën e të drejtave të njeriut. Këto procese në të shumtën e rasteve kanë zgjatur me vite. Por gjatë kësaj kohe, fëmijët e emigrantëve familjarë kanë hyrë nëpër shkolla dhe janë ambjentuar me shoqërinë vendase. Ndërsa pridërit, janë detyruar të punonin shpesh në të zezë për të ndihmuar të ardhurat, apo për të menduar për një shtëpi të rehatshme, jashtë azilit. Ligji në fakt mund të shërbejë shumë mirë si një faktor frenimi për valën e madhe të emigrantëve dhe klandestinëve që vitet e fundit kanë patur një dyndje drejt ishullit.
SHIFRAT E EMIGRACIONIT
- 1,8 bilion stërlina, ka kushtuar kriza e vjetshme e emigrantëve për takspaguesit anglezë.
- 170 milion stërlina kushtuan apelet e ngritura nga ata që iu refuzua azili.
- 2,5 bilion stërlina është kontributi i emigrantëve në ekonominë britanike për vitin 1999-2000
- një ndër katër klandestinë që marrin rrugën për në Evropë, përfundon në Angli.
- 1 person në çdo katër minuta, ose ndryshe 200 vetë ne ditë kanë kërkuar azil vjet në Britaninë e Madhe. Gjithsej 110 700 vetë.
- Vetëm 1 në 10 emigrantë, besohet se është azilant i vërtetë që i ka kaluar persekutime.
- Më shumë se 350.000 azilantë janë "zhdukur". Tani punojnë ilegalisht në ekominë e zezë.
- Shumica përdorin dokumenta fals për për të marrë ndihma dhe trajtim mjekësor falas.
- Numri i ditur i emigrantëve mund të jetë dyfishishuar nga numri i atyre të cilët nuk rregjistrohen.
- Një në katër persona që jetojnë në Londër është emigrant, dhe një në njëzet veta është ose refugjat apo azil kërkues.
- Më shumë se 23.000 afganë dhe 50.000 irakenë mbërritën në Britani në dhjetë vitet e fundit, por vetëm disa prej tyre kanë pranuar të kthehen vullnetarisht duke ju dhënë një spërblim në paund.
- Nga 100 700 emigrantët që aplikuan për azil vitin e kaluar, vetëm 13.335 u riatdhesuan
Nëntë ndër dhjetë azilantë mbërrinë në Britani pa asnjë dokument, gjë që vështirëson gjetjen e identitetit të tyre të vërtet.
- Ministri Blankett ka premtuar që këtë vit të rrisë numrin e vizave të punës, nga 40 000 që u dhanë vjet, në 200 000 deri në fund të këtij viti.
Blanket: Të ndalohet apelimi i gjyqit
Ministri anglez propozoi dje ndryshimin e ligjit të emigrantëve
Edhe zvarritjet nëpër gjykatat angleze nuk janë aq të thjeshta sa duken. Sipas autoriteteve britanike, madje ashtu siç thotë edhe vetë ministri Blankett, emigrantët e përdorin këtë mënyrë për të zgjatur qëndrimin në Angli. Tjera përjetime jetësore vijnë nga dëshmitë e shqiptarëve, që jetojnë si emigrantë në ishullin e plakur. Mirela kujton leksionet e lëna dhe mungesat e shumta për shkak të takimeve pa fund me avokatët, ku i është dashur të bënte rolin e përkthyesit në mënyrë që prindërit të kuptonin çfarë po u thoshte mbrojtësi i huaj. Të tjerë emigrantë përmendim ankthin e pritjes së letrave, vështirësitë e komunikimit me autoritetet, vështirësitë e përshtatjes me jetën atje. Dhe jo rradhë herë edhe moskuptimin e asaj çfarë përmbante përgjigjja zyrtare e kërkesës për azil, ose vendimi i Gjykatës së Apelit. Një stres i tillë kishte kapur në shtatorin e kaluar edhe babanë e Mirelës. Pasojat e për pak mund të ishin tragjike. Mesoburri tiranas ka pësuar një infarkt të miokardit dhe i cili i ka lënë një gjendje shëndetësore të shumë plogësht më pas. Megjithatë, synimi i tij, ashtu siç thotë Mirela për gazetën, nuk ka qenë shtyrja në kohë e marrjes së përjgigjes për azil. Por, vetë qëllimi që i largoi nga vendlindja, krijimi i një jetë më të mirë, e sidomos siguria për një gjë të tillë.
Krijoni Kontakt