Helmon veten qe te mos binte ne prangat e policise!!

[Shpirt Njeriu]

Shaban Reçi vrau të bijën pas sherreve në familje


Një vit më parë vrau të bijën. Për shumë muaj, i arratisur u fsheh nga policia. Por dje historia e Shaban Reçit mori fund. Ai u gjend i vetëhelmuar në mes të rrugës, ndoshta i penduar për krimin e kryer, ndoshta për ndonjë arsye tjetër që nuk do të merret vesh kurrë.
Kjo ka qenë zgjidhja që ka preferuar 48-vjeçari Shaban Reçi, nga fshati Bret i Krujës për t'i dhënë fund jetës.



Vetëhelmimi

Të premten në orën 14.00 banorët e fshatit Shemeri të Kurbinit kanë gjetur pa ndjenja 48-vjeçarin Reçi. Vetëm pas shumë orësh ata kanë mësuar se personi që po jepte shpirt, ishte i shpallur në kërkim që nga viti i shkuar pasi kishte vrarë me armë zjarri të bijën 21-vjeçare Valbona Reçi. Fshatarët e kanë dërguar menjëherë në spitalin më të afërt, atë të qytetit të Mamurrasit. Megjithëse atje mori ndihmën e parë mjekësore, bluzat e bardha të këtij qyteti e nisën për në spitalin ushtarak të Tiranës. Por Shabani nuk ka arritur deri në spital, pasi gjatë rrugës ka dhënë shpirt. Më pas grupi hetimor - mjekët ekspertë - përcaktuan si shkak të vdekjes vetëhelmimin.

Donte të dorëzohej
Shaban Reçi për më shumë se 8 muaj ka arritur të fshihet duke i kaluar ditët e netët nga një fshat në tjetrin te të njohurit dhe kushërinjtë e shumtë që kishte në ato zona. Gjatë kësaj kohe i ka shpëtuar të gjitha kontrolleve të policisë. Por çuditërisht vetëm 4 ditë më parë në policinë e Krujës ka mbërritur një mesazh. Me anë të të njohurve të tij, Shabani ka lajmëruar se dëshironte të dorëzohej. Policia iu përgjigj se ndaj tij do të zbatoheshin të gjitha proçedurat ligjore madje do të ishte më lehtë për të nëse vepronte kështu në raport me organet e drejtësisë. Por kurajos së 48-vjeçarit mesa duket i ka ardhur fundi.

Si vrau vajzën

Në fillim të prillit të vitit të kaluar, vajza e Shabanit, Valbona kishte dalë nga shtëpia për punët e përditshme. Askush nuk është shqetësuar për vonesën. Por kur familjarët kanë dalë në oborr, kanë parë atje trupin e pajetë të 21-vjeçares, e cila ishte e transformuar në fytyrë dhe e mbytur në gjak. Nëna dhe pjestarët e tjerë të familjes, kur e kuptuan që për Valbonën kur kishte asnjë shpresë jete lajmëruan policinë. Hetuesit pasi shkuan në fshatin Brret të Krujës deklaruan se vajza kishte marrë tri plagë arme zjarri në trup, që i kishin shkaktuar vdekjen e menjëhershme. Më pas policia zbuloi se autori i kësaj ngjarje ishte vetë babai i vajzës, Shaban Reçi, 48 vjeç. Kjo familje ka pasur probleme që një vit më parë. Nga grindjet e vazhdueshme Shabani kishte braktisur familjen dhe jetonte te të afërmit e tij në fshatrat rreth e rrotull. Por kur ai ishte larguar nga shtëpia e tij, kishte kanosur me shprehjen "do ju vras të gjithëve". Me sa duket, një pjesë të premtimit të tij e ka realizuar pas një viti kur është afruar në banesën e shtëpisë së vet dhe ka qëlluar mbi të bijën 21-vjeçare.

[adlinurb]

mendoj gjithmone qe nje dite dua te kthehem ne shqiperi,fundja jam e lodhur se ndjeri gjithmone te qenit e huaj si etikete mbas shpine...dua te kthehem e nese do di te bej dicka neser,me mire ta bej ne vendin tim...e kur per pushime kthehem e rri ca dite,ndryshoj mendje....ndryshoj mendje se nuk dua te jetoj ne nje vend ku prindi vret te bijen pse u kthye vone ne darke,apo pse tradhetoi te fejuarin...keto jene thjesht shembuj por e verteta eshte se jemi ende shume injorante,,,jemi aq te prapambetur saqe mua me tremb ideje e te kthyerit ne nje ambjent te tille,e perplasja e perditshme me te tilla mentalitete....po ju c'mendoni.....