ROME (27 Gusht) - Me kontrollin e trafikut të drogës dhe të qenjeve njerëzore, por edhe me vjedhje me dhunë, janë grupet shqiptare që kanë fituar kryesimin e kriminalitetit të huaj në Itali. Por gjithmonë e më aktivë e prezentë po bëhen klanet kineze në shfrytëzimin e bashkëkombasëve në punën e zezë, në mbikqyrjen e lojrave të fatit, të gjobave, shpërndarjes së drogës dhe grabitje; nigerianët dhe kolumbianët ende me drogën dhe shfqytëzimin e prostitutave. E gjitha kjo del nga raporti vjetor 2002 i Ministrisë së Brendshme italiane mbi kriminalitetin e organizuar në Itali. Ndërkohë që një vit më parë, pra në 2001, shqiptarët zinin vendin e dytë pas kinezëve. I afirmuar në të gjithë italinë, ka fituar kryesimin e kriminalitetit në shumë krahina të qendrës së Veriut, duke u shtrirë deri në Siçili: 17274 shqiptarë të denoncuar në vitin 2002, 3086 të arrestuar, 2571 ata që rezultonin të dënuar në Itali deri në fund të vitit të kaluar. Disa grupe kanë bashkuar strukturat në modelin mafioz, tepër aktiv në kontrollin e rrugës europiane dhe të tregut italian të trafikut të drogës e të qenjeve njerëzore. Të tjerë janë më aktiv dhe të implikuar në shpërndarjen e drogës dhe krime të tjera. Karakteristikë e përbashkët është; të pahezituar në përdorimin e dhunës. Shqiptarët kanë krijuar lidhje strategjike me grupe mafioze ndërkombëtare, qofshin këto italianë, turq, kolumbianë, rusë dhe kinezë. Pjesa më e madhe e parave të pista vijnë dhe pastrohen në Shqipëri, veçanarisht në sektorin e ndërtimit. Sigurisht, njofton Ministria e Brendshme italiane, etnia më e frikshme e cila ndryshe nga të tjerat punon më fshehtaz është më hermetike, duke arritur të ndërtojë qendra të mirëorganizuara janë kinezët. Ata kontrollojnë disa segmente të tregut të paligjshëm, si drogë e prostitucion, duke ngritur edhe biznese të mbështetura vetëm te bashkëpatriotët e tyre. Kjo e bën të pamundur hyrja e policisë mes tyre. Nigerianët janë shpërndarë me hap leopardi me përqendim në Veri dhe me një specialitet të tillë kriminal që respekton grupet e tjera etnike. Ata bëjnë shfrytëzim prostitucioni, trafik droge, falsifikim të katrave të kreditit dhe mashtrime e grabitje. Rumunët janë të implikuar veçanarisht në grabitje. Të lidhur me grupe kriminale, ata janë kryesuesit e grabitjes së makinave luksoze. Kriminaliteti rus ka një kapacitet organizativ me një nivel të lartë dhe cilësor, në kërcenime dhe forma radikale në territor të tipit banditesk grabitës. Ndërsa turqit në vazhdimësi kanë modifikuar modelin e tyre të kriminalitetit të Itali, duke u deleguar organizatave shqiptare trafikun e heroinës, por duke mbajtur kontrollin strategjik. ro/ro (GazetaShqiptare/BalkanWeb)
Përgjigju Duke Cituar
Krijoni Kontakt