Zekeria Cana: Ditari i luftës, 1999

[alibaba]

Pamje nga e kaluara e lavdishme.

[alibaba]

Ata qe e mbajten te shendritur nderin e Armes Shqipetare

[alibaba]

Çlirimtare te skajit me lindor te Shqiperise : krenaria e Presheves Bujanocit e Medvegjes - UÇPMB

[Brari]

Ali..

ne postimin e fundit ne foton e 3-te ai grupi ushtareve kan dale ne Malin e Dajtit.
aty eshte ajo bjeshka e dajtit e atje mbas shpines tyre posht eshte tirana qe duket e mbuluar nga bloza e pluhni kurse kta ushtaret shikojn nga fusha perball e maja e Dajtit ne drejtim te atij hotelit a shpive te pushimit..

kur asht ba kjo Foto?
cilet jan ata ne se nuk perben sekret?

thuhej se hashimi, xhavi, Kupi etj kan ndejt do kohe ne Vilat qeveritare ne Mal te Dajtit..
PS ish e detyrume me imbajt atje larg syve te popullit sepse ne Rogner u doli boja..
e sic po duket kta djelmoshat do jene grupi i truprojave te Shtabit rognerist..

Ali Bab.. mir ki ba me Fotot e Adem jasharit..
cka ndodhi qe u gjind vetem Komandanti legjendar ne rrethim?

Ku ishit ju?
i shkon dhe nofka "komandanti i Vetmuar" Adem Jashari..


te kisha qen rapsod ja kisha ba nji kang..

cka po nxin per rreth prekazi
asht ushtri e njati knjazi
ardh me topa e mortaja
cuni bre se u ba hataja
mbet rrethu qaj dem jashari
vec do gra e fmi aty pari
po ku jeni bre njesita
po ku jeni bre komita
pse bash sot kerkush spo vjen
i vetem shkau mu po m'gjen
ku mi cu kto gra e fmi..
ndihm bre zot se shok spo ki
mu si shurra ne aeroplan
kan hup trimat askush sbzan
u ka dal ndoj pun pahiri
ku rexhepi ku hashimi
ku jakup e imja ushtria
ball per ball ktu policia
e me mu vec gra e fmija
ani bac mos u merzit
se na filmin ta kem qit
e me dek ti si hero
lufto burr e na ndero
se vertet sot sjena pran
se shum pun na paskan zan
por ti hiq merak mos ki
se kur tjena ne liri
krejt bashku ki me na pas
nder tribuna krejt tuj plas
tuj tnderu o bac ademi
se shum trimi paske ken
por qather ti ski me fol
me u anku e me u mrol
pse tlam vetem e ku kjem
e dim vet si do rrotllojm
fjal e pralla kur tregojm
monumentin ta ndertojm
e cdo vit ta po t'nderojm
komandant tkena emru
ani se smundesh me u cu
mu anku e protestu
kshu e ka lufta or bac
ca ne prekaz e ca ne bllac
ti me pushk e na me faksa
ti ne luft me gra e fmi
na me muskuj n'fotografi
ti se din mor bac adem
kompjuteri asht melhem
ta ban foton bukuri
aty brenda ne shtepi
tuj pi lloz e birr pilzeni
pa e shkrep kurr at far seni
ta ban mjeshtri bukuri
kompjuteri mrekulli
me u duk rambo per bes
sikur je atje ne qyrez
pa lujt hic pi gjermanie
tuj shetit asaj shqypnije
sa me klosa me fatosa
me qerosa e me qosa
tuj u gzu se po i del timi
atij pisi ibrahimi..
kur shiqon se hup kosova
ku je bre klinton e bler
popllin sllobo po ma nxjerr
matan bjeshke matan mali
kush traktor e kush ne kali
hajt se mir u ban stervitja
po thot Demac bark simitja
po i hup fara mir ti bahet
te rugova le te qahet
un me shok moti kem fol
se pa gjak nuk ka liri
po si je o moj shqipni
cka po thon hashim fatosat
ne rogner i bajn mir kosat
tban te fala shok xhep qosi
po rrit mjekrren tek fatosi
ani pra o djemt e mi
per cdo hall mkini nshpi
planet tona realizume
qat brahimin e rrezume
si ka mbet ma popull ndore
e kjo shok asht bash fitore..
ja kem pshurr presidentllykin
tung pra Hash ma puth jakypin..


etjetj..





etjetj..

[alibaba]

Brari]Ali..

ne postimin e fundit ne foton e 3-te ai grupi ushtareve kan dale ne Malin e Dajtit.
aty eshte ajo bjeshka e dajtit e atje mbas shpines tyre posht eshte tirana qe duket e mbuluar nga bloza e pluhni kurse kta ushtaret shikojn nga fusha perball e maja e Dajtit ne drejtim te atij hotelit a shpive te pushimit..

Gjate luftes Shqiperia na ka ndihmuar shume dhe ka deshmuar edhe nje here se jemi vllezer.

kur asht ba kjo Foto?
cilet jan ata ne se nuk perben sekret?

Fotot i gjen ne www.lemza.com dhe pastaj kllikon "foto uck"

thuhej se hashimi, xhavi, Kupi etj kan ndejt do kohe ne Vilat qeveritare ne Mal te Dajtit..

Mos kallxo çka thuhet se thashe themet dalin nga goja e Injorances

cka ndodhi qe u gjind vetem Komandanti legjendar ne rrethim?

Ku ishit ju?
i shkon dhe nofka "komandanti i Vetmuar" Adem Jashari..

Po ti ku ishe???
Nofke per komandantin legjendar??????????ncncncncncncncnc

te kisha qen rapsod ja kisha ba nji kang..

Me te vertet rapsod se jo mahi
Pak je ndikuar nga nje ideologji

[Llapi]

Mr. Sheremet Krasniqi, : “Kur informatori i OZN-së ( i UDB-së) njollos figurat historike !”

(Lidhur me apostrofimin tim në fejtonin e Zekeria Canës: Fletë ditari 1990-1999-vazhdimi i 45-të, të botuar në “Zëri” të datës 13 mars 2007)

Pa pretenduar të vlerësoj tërë ato që po thuhen në këtë fejton, sepse kjo për mua do të ishte bjerrje e kotë kohe, nga ajo sa kam lexuar deri tash nga ky fejton , fitohet përshtypja se autori ka për qëllim t’i rehabilitojë disa personalitete, që i shërbyen verbërisht regjimit pushtues, duke himnizuar atë periudhë deri në ekstrem, kur thotë se “Kosova jonë ecte përpara, i mungonte vetëm qumështi i zogjve” (Shih vazhdimin e 45-të, f. 21).
Z. Cana, në një vend të dukshëm të fejtonit ( në “boks”), bën fjalë edhe për emisionin dokumentar “Kreshniku i maleve të Kosovës” të TVSH-së dhe apostrofon emrin tim dhe figurën e Hasan Hysen Budakovës, duke thënë se “ Hasan Budakova shkëlqeu gjatë kryengritjes së vitit 1910, kështu që ishte kryetrim i luftës në Grykën e Carralevës përkrah Isa Boletinit”, ndërsa më vonë “ avash- avash bëhet mashë e politikës pushtuese të këtij shteti dhe shkel në ujërat e tradhtisë kombëtare këmbë e krye”. Më tej ai kritikon edhe ish-presidentin Sali Berisha për shkak të dekorimit të Hasan Hysen Budakovës me Urdhrin e Lirisë të Klasit të Parë.
Të fillojmë nga e para. Z. Cana që në fillim shërbehet me të pavërteta, kur thotë për mua se “ka magjistruar në shkencën e historisë”, edhe pse unë jam magjistër i shkencave filologjike !
Së dyti. Ndër të tjera, thotë se “kolegu im më i ri ( Mos e dhashtë zoti ! -Sh.K.) mr. Sheremet Krasniqi nuk ka para vetes asnjë dokument arkivash dhe mjaftohet me fraza e gjepura për ta ngritur këtë figurë historike lartë e më lartë”. Dëshiroj t’ia përkujtoj z. Cana se në emisionin e lartpërmendur, nga një mori dokumentesh arkivore, që flasin për veprimtarinë patriotike të Hasan Hysen Budakovës, Televizioni Shqiptar dha vetëm disa sosh. Në intervistën time, përveç të tjerash, unë kam prezantuar para teleshikuesve dokumentin e Arkivit të Romës, letrën e ambasadorit Mayor në Stamboll, nr. 1942/685, dt. 22 korrik 1910, dërguar ministrit të Punëve të Jashtme të Italisë, dokument ky i depozituar në Arkivin e Institutit të Historisë të Akademisë së Shkencave të Shqipërisë. Duke prezantuar këtë dokument në TVSH, unë fare qartë kam thënë se ai është dokumenti më autentik, që flet për Betejën e Kaçanikut e të Carralevës. Madje kam lexuar edhe një fragment nga ky dokument, në të cilin flitet për luftën mbinjerëzore që është bërë në Budakovë nën udhëheqjen e Hasan Hysen Budakovës kundër ushtrisë së Turgut Pashës. Këtë dokument e ruaj si sytë e ballit, e kam edhe në kasetë dhe është i incizuar nga TVSH-ja. Këtë mund ta vërtetojë kush të dojë dhe kur të dojë. Ti, z. Cana, atë natë ose ke qenë i dehur me “shlivovicë” ose të kanë lënë veshët e sytë, ose je matufosur. Pse e gënjen lexuesin kur thua : “Mr. Krasniqi nuk ka para vetes asnjë dokument arkivash...
” Nëse ky dokument i Arkivit të Romës dhe fragmente të veprës “Pasqyrë e ditëve të përgjakshme” të poetit Risto Siliqi, nga e cila u lexua atëbotë një strofë kushtuar H. H. Budakovës e që fare mirë lexoheshin në ekran, të duken “fraza e gjepura”, atëherë duhet ta vësh gishtin në tëmth e të mendosh se mos vallë ke shkalluar !
Së treti. Z. Cana, Hasan Hysen Budakova nuk shkëlqeu vetëm më 1910. Ai shkëlqeu edhe më herët, që në Lidhjen e Prizrenit, kur turqit ia patën djegur dy herë kullat, për shkak të aktivitetit të tij patriotik. Për këtë ekzistojnë dokumentet arkivore, por këto dokumente, ty z. Cana, nuk të kanë interesuar, sepse ke qenë i dhënë pas socialdemokratëve serbë e pas angazhimit në OZN-a, siç e pohon edhe vetë kur thua se “në atë kohë isha në OZNA dhe nuk jam pa gjynahe, por i jap vetes gajret kur mendoj se Aliu ( Ali Shukria-Sh.K.) është i mbushur deri në fyt” (Zekiria Cana: Fletë ditari 1976-1989, “Zëri”, 27 janar 2007, f. 30). Po aty, z. Cana, ti pohon se pas Betejës së Carralevës Hasani gjen konak në Serbi dhe atje “shkel në ujërat e tradhtisë kombëtare”. Siç dihet, pas shuarjes me gjak e hekur të kësaj kryengritjeje, Porta kishte dhënë urdhër për ekzekutimin e të gjithë krerëve shqiptarë që kishin marrë pjesë në kryengritje. Isa Boletini me shumë bashkëluftëtarë gjeti strehim në Mal të Zi, ndërsa Hasani me tërë familjen dhe me disa bashkëluftëtarë u vendos në Serbi, në Leskovc (Z. Cana thotë në Kralevë, ndoshta edhe këtë shtrembërim të së vërtetës e bën me qëllim të caktuar). Pra, zori e shpuri në derë të hasmit, por kurrë nuk ra në “ujërat e tradhtisë kombëtare”, siç pohon ti z. Cana. Ti, z. Cana, je bërë rob i burimeve serbe, nuk ke konsultuar fare burime të tjera arkivore dhe nuk ke bërë hulumtime në terren, të shkosh deri në Budakovë e të kontaktosh me djalin e tij, Alinë (1900-1994) , i cili ka qëndruar bashkë me Hasanin në Serbi, të kontaktosh me njerëzit që kanë jetuar deri vonë e që i kanë mbijetuar këto ngjarje. Ti, z. Cana, e hesht me qëllim aktivitetin e tij patriotik pas Betejës së Carralevës.
Së katërti. Në atë emision të TVSH-së thuhet fare qartë se “Hasan Hysen Budakova , krahas Isa Boletinit, Mehmet Dërallës, Ajdin Dragës e të tjerëve, mori pjesë në aktin e pavarësisë, më 1912”. Për këtë flasin vetë dokumentet , që ruhen në AQSH, për këtë shkruajnë të gjithë historianët e mirëfilltë, por që kjo nuk gjen vend në asnjë libër tënd të botuar për këtë akt. Hasani ka qëndruar vetëm 11 muaj në Leskovc (Se në çfarë kushtesh e rrethanash ka jetuar atje, këtë e kam thënë hollësisht në monografinë time “Hasan Hysen Budakova”, Prishtinë, 1997). Edhe vdekja e tij në spitalin e Prizrenit nuk është vdekje “banale”, siç thua ti, por është një vdekje mjaft enigmatike.
Hasan H. Budakova merr pjesë në shpalljen e pavarësisë në fazën e dytë, mu atëherë kur, ti z. Cana , thua se bie në “ujërat e tradhtisë kombëtare”. Në një dokument sekret të Mbretërisë së Serbisë thuhet : “ Hasan Hysen Budakova, të likuidohet me familje në fshat, me qëllim që të shpërngulet” (Shih:DASIP PO. F.VII . d.I. p/6 VII, XVII/51, Beograd). Po të ishte Hasani “vegël e Sebisë”, siç thua ti, z. Cana, për se Serbia do të lëshonte një urdhër të tillë ? Për se thua “Ky fill e përshkon edhe pjesën e dytë të emisionit”, kur në këtë pjesë të emisionit jepet edhe ky dokument: “Hasan Hysen Budakova vuri nën kontroll të plotë Kaçanikun, Carralevën dhe më 8 tetor 1918 edhe Prizrenin. Ai dogji depot e austriakëve në Ferizaj , etj. Nga këto humbje e në përpjekje dëshpërimi, gjenerali austriak Fon Shtadler dhe shumë oficerë bënë vetëvrasje”. (Shih: AQSH. Fondi 822. D.17.fl.15, nr. 708-197). Në ekran doli edhe dokumenti i komitetit “Mbrojtja Kombëtare e Kosovës”, në të cilin flitet për luftën e rreptë të Hasan Hysen Budakovës e të Sadik Ramë Gjurgjevikut kundër serbëve më 1919.
Dokumentet e kohës flasin me gjuhën e fakteve dhe ato dëshmojnë për luftën e H. H. Budakovës kundër pushtuesve serbomëdhenj. Në një letër , që i dërgohet Komitetit të Kosovës më 9 qershor 1920, thuhet : “... Më 6 qershor 1920 çetat e Idriz Seferit e të Hasan Hysenit të Budakovës kanë zënë grykën e Cernalevës e të Kaçanikut. Në Kaçanik e kanë vra naçallnikun me disa serbë të tjerë”. (Shih: AQSH. Komiteti i Kosovës. D. 54. Dok.nr.89). Këto dokumente hedhin poshtë katërçipërisht pohimet tuaja, z. Cana, kur thua se në fazën e dytë H. Budakova kishte rënë në “ujëra të tradhtisë kombëtare”. Së pesti. Z. Cana e akuzoni pa të drejtë Televizionin Shqiptar kinse ai “ sikur e ka bërë shprehi të keqe t’i përgatitë emisionet këmba dorës, pa përgjegjësi profesionale dhe kritere të caktuara...” Vërtet, ai emision ishte “i dobët “, se asgjë nuk shkonte në favor të asaj që kishe shkruar ti për këtë atdhetar, se nuk të kishin konsultuar ty, por kishin konsultuar dokumente të AQSH, të Arkivit të Institutit të Historisë të Tiranës dhe shtypin e kohës. Përkundrazi, ai ishte një emision i përgatitur me një përkushtim e akribi të rrallë profesionale. Në atë emision, çdo gjë që është thënë , është thënë mbi bazë të dokumenteve arkivore.
Së gjashti. Siç dihet, me rastin e 115-vjetorit të Lidhjes Shqiptare të Prizrenit, ish-presidenti i Republikës së Shqipërisë, dr. Sali Berisha, e dekoroi Hasan Hysen Budakovën me “Urdhrin e Lirisë të Klasit I”, urdhër ky më i lartë që jepet në Republikën e Shqipërisë. Por, “mëkat” që , kur e kanë bërë një punë të tillë, nuk të kanë pyetur edhe ty! Ti, z. Cana, me siguri e di se në çfarë filtrash ka kaluar procedura e dekorimit të Hasan Hysenit e të të tjerëve, por këtë e hesht me qëllim.
Në përfundim të këtij reagimi, do të shtoja edhe këto radhë : Hasan Hysen Budakova nuk kishte as një ditë shkollë. Ai, për 50 vjet me radhë, me armikun foli vetëm nëpërmjet grykës së pushkës. Ai s’diti të denoncojë në UDB Mandelën tonë, Adem Demaçin, siç bëre ti, z. Cana (Shih: “Dosja Demaçi”, f. 55-56).
Ai s’diti t’i japë ultimatum ish- presidentit Ramiz Alija, duke i thënë “ ose liroje nga burgu Kapllan Resulin, alias Resulbegoviqin , ose ta qesë popullin në rrugë”, ai s’diti “të vjedhë banane”, as të futet në ndonjë kthinë të Institutit Albanologjik si një “kalë Troje” e t’i lërë kolegët e punës të hanë dajak nga forcat paramilitare serbe, s’diti “të mobilizojë ushtrinë shqiptare në Zagreb “ për t’u bërë mish për top për të huajt, s’diti “ të shtrojë darka në hotel “Dajti” të Tiranës me djersën e kurbetçinjve, s’diti t’i thurë kurrë vetvetes ode etj. etj.