Impresion

[Dita]

***


U përkul një rreze drite nga qielli,
duke shkitur përmes degëve të një lisi
u derdh mbi krahët e një pilivese,
që e trembur nga nxehtësia
e rrezes se mëngjezit,
kokën përplasi pas kërcellit të një luleje,
e trullosur sytë ngriti nga qielli,
pa kuptuar se më krahët s’do t’i rrihte






***


Një pikëz vese u mblodh
Mbi kokën e një trëndafili,
qe e para që ia puthi petalet,
kur dita e zgjoi nga gjumi,
gjeti vend në ngrohtësinë e aromës,
më e brishtë se lulja vetë,
në një njollëz ngjyrë rozë u shkri.

[shigjeta]

Shume poezi te bukura. Ashtu si nje piktor qe penelat pas penelate I jep jete nje tabloje dhe fjala jote ne keto poezi I bente teper te gjalla keto dy impresione

[elda]

Fantazine e keni shume te zhvilluar dhe e shpreh shume bukur ne vargjet e tua .vertet shume te bukura urime.

[Dita]

Shigjeta

Zoti s'ma ka falur ate fat, qe me nje penel ne dore une te prek natyren dhe ta ngjesh pas nje tabloje.............e une fantazoj per te.........Te falemderit!!!

Dita!

[Dita]

Elda

Falenderime edhe per ty!!!!

Dita!

[Dita]

***


Me natë po hesht natyra,
kur gjurmët e njerëzve
që vijnë nga qyteti,
dehje mbartin me vete,
aromë djersitjeje
e parfumesh që shpërbëhen
në ajrin e ngrohtë,

Rënduar, gjethet e pemëve
Nuk fëshfërijnë,

Bulkthat janë të vetmit
Që pyllin shqetësojnë,

Drapëri i hënës,
i fshehur pas një reje,
nuk ndrit,

Aroma e trëndafilëve
Ka mbetur pezull
Mbi trupat e mbledhur
Që veshur me natë flenë.

[Dita]

***


Hëna e derdh dritën
Prej faqeve rrumbullake
Mes ajrit të mbytur në lagështi,

Retë që njëra-tjetrën ndjekin
mundohen ta zbehin,
Me tym ngjajnë,
para se të bien me shiun,
e lagështirën me vete ta marrin,

Era shpërndan
Aromën e dheut të lagësht,

Fërshëllen pema
e fryrë me gjethe të reja,

Zogjtë akoma në gjumë,

Me qetësinë e shiut
Prej qiellit vazhdon të
Zbresë errësirë.

[Dita]

***


Një rreze e krisi
grinë që kish veshur qiellin,
Të tjera e ndoqën pas,
mes grisë arritën të çajnë,

Dielli me përtesë i buzëqeshi
syve të lodhur prej
ngjyrës së shiut,
zbriti dhe preku natyrën,

U shkri lagështia
Mbi kokat e luleve
Që me naze qëndronin përkulur,

Gjelbërimi i ftoi zogjtë
të cicërinin
e natyrën të rimbushej
me frymë.

[Estella]

You go girl.......

[edspace]

Forma e poezise qe ke zgjedhur eshte shume e bukur. Ti je e vetmja anetare qe shkruan ne kete menyre, te pakten me sa kam lexuar une.

Sic te kane permendur edhe me lart......ke imagjinate te tmershme. Fjalet qe ke zgjedhur ne keto poezi pikturojne ne mendje foto reale me shume ngjyra te bukura. Besoj se ke talent edhe per pikture dhe nqs jo do ishte shume gjynah.