Impresion

[Brari]

Dita keto poezite e Tua do kishin lezet te lexoheshin ne nji mbremje te bukur vere te shoqeruara nen tingujt e nokturneve pianistike te shopenit ose shumanit. bukur eee..

nuk e di a jan dakort kto tjeret.

[shigjeta]

Pooooooooooooo

[Dita]

Falemnderit miq që më lexoni!


Dëshiroj t’ju lutem për dicka,
të ma përkëdhelni nga pak fantazinë,
se ajo e mjerë ka nevojë,
e thith shijimin tuaj si ushqim.

Ju pikoj nga pak me penelin tim te kaltër!

Ju përshëndes përzemërsisht!
Dita

[Dita]

***

Me Diten perqafuar,
diku ne perendim zbret Dielli
E rrezet drejtuar qiellit
me lutje ngjajne,

Nder fjollat e reve
gishterinjte e humbur
shenja gjaku lene,

embelsisht buzeqeshin
shkrihen,
erresire.

[elda]

Te faleminderit dita poezia jote eshte teper e rralle e bukur dhe shprehesh aq me ndienje saqe kur e lexoj ndiej kenaqesi me behet shume qejfi qe shqiptaret jane kaq te talentuar.

[Dita]

Me falin gezim keto fjale Elda!
Te falenderoj!

Dita!

[Dita]

***

Pike-pike e me ngadale
po i lodh hapat mjegulla,

Po e derdh grine mbi lulet,
mbi pemet, te gjelbren
po e ben te harrohet
ne trishtimin e nje ngjyre
prej lotesh shiu,

Pike-pike mbi barin bie
e humb aty,

Qielli me nuk sheh,

Trishtuar natyra,
me grine pika-pika,
me sy qe presin te lotojne

[Dita]

***


Topolakë, trëndafilët,
lodhur petalet,

Lagështia mungon,

Në përçartje vape bien,
Zhveshur mbeten trupat,

E gjembat në kercej,
nuk trembin më as

Gishtat, që hajdutçe
vishnjen mbi buzë shkonin,

E gjelbra e kercejve
akoma pret për shiun,

Pak ngjyrë me aromë vere,

E ajër mbushur me lëng.

[Dita]

***


Me rruzuj shiu,
retë mbi trupat shfryhen,
që në qeshje e sipër vrapojnë,

I lagësht, ajri përshkon djegjen,
Retë lehtësuar, hapat rimarrin,
Pemët, rimbushur me frymë,

I tejdukshëm,
Megjithë errësirën, i kaltër qielli,
Hëna me faqet rrumbullake qesh.

[Dita]

***

E vjeshtës kjo zbritje e ëmbël gjethnaje,
me ngjyrë jete të perënduar,

Me butësi të fëshfëritshme,
prehet mbi tokën lakuriqësuar.