Parlamenti maqedon njeh zyrtarisht Universitetin e Tetovës

[Albo]

Parlamanti maqedonas ka miratuar të mërkurën ligjin për themelimin e universitetit të tretë shtetëror në vend, atë të Tetovës.

Pro themelimit të universitetit të Tetovës, votuan 68 deputetë, kryesisht të partive të koalicionit qeverisës, por edhe të Partisë Demokratike Shqiptare në opozitë. Ligji, po ashtu mori edhe shumicën e votave të deputetëve jo maqedonas. Deputetët maqedonas të opozitës, braktisën votimin. Ndërsa deputetët opozitarë e cilësuan si gabim historik miratimin e këtij ligji, deputetë e partisë shqiptare në qeveri, Bashkimi Demokratik për Integrim thonë se me miratimin e këtij ligji, realizohet ëndrra e vjetër e shqiptarëve në Maqedoni.

"Mendoj që do të ishte e tepërt të thuhet më shumë se sa një urim për të gjithë ata që kanë pritur që ky parlament të institucionalizoj universitetin e tretë shtetëror në Maqedoni, me çfarë realizohet një ëndërr e kahmotshme e shumë gjeneratave, që më në fund edhe shqiptarët të studiojnë në gjuhën e tyre amtare, në vendin e tyre, në atdheun e tyre," tha Ali Ahmeti. Ai e cilësoi si kthesë të madhe historike për afrimin midis shqiptarve dhe maqedonasve. Analistët thonë se miratimin e Ligjit zgjidhet problemi dhjetëvjeçar i arsimit të lartë të shqiptarve në Maqedoni. Sipas ligjit, parashihet që në Universitet të funksionojnë katër fakultete dhe shkolla politeknike.

BBC

[Albo]

Duke qene se nje numer i madh anetaresh te ketij forumi jane studente ne kete universitet, jeni te lutur qe te na sillni gjendjen aktuale te Universitetit te Tetoves dhe si eshte pritur ky lajm nga drejtuesit dhe nxenesit e universitetit te Tetoves.

Albo

[DriniM]

Shqiptarëve të Iliridës , Studentëve të këtij Univerziteti ,por edhe të gjithë Shqiptarëve dhe Univerziteteve Shqiptare në Shqipëri e Kosovë ,Urime të përzemërta për Univerzitetin e Ri të Tetovës .

Së fundi , Ëndra e kahmotshe u bë Zhgandër .


Studentëve të UT-së iu dëshiroj sukses dhe të tregojnë vlera të mirëfillta shkencore .


U R I M E !

[elisabet]

Eshte me te vertet nje lajm shume i gezuar..
Urime e mia me te perzemerta per te gjithe studentet e Universitetit te Tetoves.
Jam e sigurte qe per ata qe nuk munden te studiojne ne kete universitet ne gjuhen e bukur shqipe ky eshte nje lajm me te vertete emocionues...
Tani ata do shoqerojne djemte e tyre ne kete Universitet...duke bere keshtu realitet nje pjese te endrres se tyre
Studime te mbara dhe suksese!!

[FJORIN]

Pershendetje
Sinqerisht me behet qejfi me kete lajm qe degjova ketu ne forum
U uroj te gjithe studentave sukse dhe ju realizofshin te gjitha deshirat tuaja

shendet

[StterollA]

Se fundi edhe nje lajm i i mire nga UT-ja per te gjithe ata 8000 shqiptare qe jane diplomuar ne te. Lajm i mire per te gjithe ata studente qe iu bashkangjiten inicjatives se nje grupi intelektualesh shqiptare ne krye me Prof. Dr Fadil Sulejmanin, per te krijuar nje shkolle univerzitare te trete ne Maqedoni, por te pare ne gjuhen shqipe. Periudha 10 vjecare per 13 Fakultetet e UT-se ishe jashtazonisht e rende si nga ana financjare (financuar nga shqiptaret ne Perendim dhe vete studentet) ashtu dhe nga ana politike (presjon politik nga politikanet dhe mafiozet maqedonas), por edhe nje here durimi, vetebesimi dhe deshira per nje jete me te mire triumfoi mbi cdo gje.

Lajmi me gezoi jashte mase. Kam shume shoke qe jane diplomuar ne UT apo jane akoma ne studime andej. Diplomat e tyre ne punet shteterore ishtin te barabarta me nje leter fringo te bardhe. Gezohem qe perfundimisht u thye kjo barikade.

StterollA

[StterollA]

I N F O R M A T Ë

Kryesia e Unionit të Studentëve të Universitetit të Tetovës, njofton opinionin e gjërë se ditën e hënë (26.janar.2004), me rastin e zyrtarizimit të Universitetit të Tetovës do të organizojmë manifestim për shënimin e këtijë evenimenti të rendësishëm.

Ftojmë të gjithë arsimdashësit, studentët, profesorët, nxënësit, si dhe gjithë popullin që bashkarisht të festojmë këtë të arritur të madhe për ne.

Manifestimin e kemi planifikuar që të jetë një kremtë gjithë popullore në qendër të qytetit të Tetovës me fillim në ora 13.00, të cilën do t’a begatojnë recitalet dhe programi i pasur artistik.

Tetovë, 23.I.2004



UNIONI I STUDENTËVE TË UNIVERSITETIT TË TETOVËS



[size=0.7]Marre nga faqa zyrtare e UT-se.[/size]

[DriniM]

A din dikush nëse Universiteti i Tetovës ka web- faqe të vetë ?

Nëse po e shkruani këtu adresën ,ju lutem .

[StterollA]

Marre nga faqa zyrtare e UT-se.

Drini, ketu eshte linku per faqen e UT-se.

[bregu26]

Pershendetje juve!

Suksese UT-së, dhe studentave te tij!

Bregu