Plasaritje

[Elna Durrësi]

Postuar më parë nga fisnik
Fly away

“Ti vjen e shkon
kjo s’ka rëndësi”
zjarri i ndezur
nuk shuhet dot
nëse dashuria
mbështetet në zemër
e kënga në melodi
fjala ka kupim
kur,
loti nuk del
vetëm nga syri
poeti
nuk mban zi
veç,
lidh nyje-nyje
kënaqësitë e natës
me puthje të buta
që shkrijnë yjet
e pëlcet delli
mes këmbësh
shkumë e bardhë
zjarr në kurm
prush për këngë
nisin rrëshqitjet
psherëtimat ripërtypen
çdo çast
fjalët digjen
maja e gjuhës
lëvizje në terr
ethe
gjamët si në jerm
zgjasin lojën
s’marr vesh
është kjo dashuri
apo flakë

Zëmë pozitat
si në beteja
gjumit i shpallëm luftë
derisa na tradhëtoi


Dy puthje të fundit
asnjë fjalë
goja s’punon
dëshmi e ndarjes
mes buzësh pëshpërimë
ti tash po shkon
n’mot kur vjen
deshta të them

Ikja
me hapa të shpejtë
gulshimin në fyt
shikim të çartur
lëng në buzë
përzirje
lotësh me djersë
shije e rëndë
reklamat veshën
veladonin e zisë
unë rrugës time
ti - fly away
Lamtumirë

Shumë e bukur . Urime.

Elna.

[Mjellma]

Fisnik te kam percjell gjithemon ne heshtje...shume here kam pas deshir te te pergezoj per poezit por me ka mungu vetebesimi...

Sonte vendosa te shkruaj edhe te ju pergezoj per poezit e tua por edhe prozen e ke te shkelqushme!

Ne vargjet tua ka shume dhimbje...!



Me shume respekt
Nje adhuruse e shkrimeve tua

[fisnik]

Postuar më parë nga Brari
Poezi te bukura je ka i ban o fisnik djali..

Edhe un po e baj nji poezi per Kosoven..

....

Brar i nderuar,

Të falënderoj, si gjithnjë, për kohën që i kushton leximit të poezive të mia, por edhe të tjerëve. Ti ke të drejtë t’i këndosh Kosovës sepse e do sikur unë, pra ket të drejtë edhe të kritikosh veset e çoroditura tonat siç ke bërë në poezinë tënde.

Postuar më parë nga Elna Durrësi
Shumë e bukur . Urime.

Elna.

Durrëske e nderuar, të falënderoj për vlerësimin që më ke bërë. Mbiemi yt Durrësi më kujtoi pushimet aq të kendshme që kalova në Durrës vitin e kaluar. Ma kujtoi hotel Illirinë dhe siishullin artifical në të cilin gjatë qëndrimit tim ndodhën tri dasma. Romantike kjo!

Shëndet !

Postuar më parë nga Dea_a


Fisnik shumë therrëse i ke poezitë......

Dea a, emër i ri që me paraqitjen e pare freskove forumin. Pastaj me tregimin e shkurtër e të ndier na mallëngjeve të gjithëve. Na i ktheve edhe një herë kujtimet e tmerrshme të luftës dhe ankthin që familjet po përjetojnë duke pritur pjestarëve e tyre: as të vdekur as të gjallë!
Ndërsa me elegjinë e huazuar ke shprehur një dhimbje të madhe!

Të falënderoj duke të përshëndetur dhe shprehur ngushëllime.

Postuar më parë nga Mjellma
Fisnik te kam percjell gjithemon ne heshtje...shume here kam pas deshir te te pergezoj per poezit por me ka mungu vetebesimi...

Mjellma,

Guxo pa hezitim! Të falenderoj për këtë inkurajim dhe përgëzim. Edhe unë t’i kam lexuar shpesh shkrimet ne ditarin e kujtimeve.

Përshëndetje

[fisnik]

SHPRESË

Nga çardaku i kullës
ndihet fishkëllima e trenit
kerkon t’i lirohet rruga

S’e sherben më këtë stacion
ka vdekur edhe udhëtar i fundit

Tri notat e lozura
në pianon e vjetër
muzikë sublime pa tekst

Me “këngët e pakënduara “
poeti niset n’banesën e fundit

Në dhomën sterile
diagramëve në monitor
nisi t’u zihet fryma

Copë-copë trupi stërkeqet
Shpresa (s) vdes e fundit

[fisnik]

DRAMË

Asnjë denim s’ma prishë gostinë
engjëjut le të prehen n’deliret pambarim
n’darsëm s’e kam ftuar për inat hyjninë
në u zhduktë njerëzimi për fajin tim

Shfaqjen e dramës s’dua ta ndalë
edhe nëse teatri mbytet në lotë
lakuriq n’skenë vdiq shpirt i përdalë
ngaqë fjalën dashuri e di për zot

Atë mbrëmje t’kam thirrë tri herë në derë
një erë të çudishme ia ndieja trupit
n’damarë digjej gjaku nga venë e prerë

Trazimi i shpirtit për atë buzëqeshje
është dyluftim që s’ka fitimtar
« prishje e gjumit » sipas Jeseninit

[Ard]

Urime fisnik!
Je mjeshter i vargut ,padyshim.
Te lexoj me endje.

[fisnik]

Urime fisnik!
Je mjeshter i vargut ,padyshim.
Te lexoj me endje.

Shumë të falënderoj për epitetin e mjeshtrit që më ke dhënë. Por mjeshtrat janë tjerë. Unë ende asnjë përmbledhje me poezi nuk e kam të botuar. Megjithatë falemnderit shumë që gjen kohë e më lexon në këtë jetë shumë dinamike.

Përshëndetje...

[Ard]

Fisnik,une mjeshter quaj dike qe me vargun e tij ,kur e lexoj me ndjen ne shpirt,dhe tek ty i gjeta,dhe filozofine dhe pathosin.
Saper librin qe s'ke botuar?C'behesh merak,ka qe kane libra dhe s'ju lexohen dot te gjitha,pra s'ka te bej fare me keto qe thua,por te uroj nga zemra,qe krijimet e tua t'i perfshish ne nje vellim dhe jo vetem.
Koha eshte e vlefshme kur lexon gjera te vlefshme dhe kjo s'quhet kohe e humbur.
Nje poezi te bukur te lexosh ,nje tabllo te bukur te shikosh dhe nje fjale me mend ta thuash cdo dite,atehere thua jetova diten(kete e kam lexuar diku).
Te pershendes H-D

[fisnik]

POETË

Poetët janë dashnorë
të njerëzishëm
që orët e vuajtjeve
i këthejnë në gëzim

Poetët qeshen
kur i kafshojnë
nuk iu dhemb
as kur u pëlcet damari
nga tradhtia e radhës

Poetët janë zogj
pa emër e mbiemër
stoikisht u qëndrojnë
trazimeve qëmtuese

Poetët janë emancipues
të vetmisë së trishtë
të ënderrave mbytëse
të nënçmimit që vret

Poetët janë racë mbi raca
guxojnë me guxim
t’iu këndojnë virgjëreshave
grave e kurvave
muzave dhe hyjnive

Poetët i lodh lufta
i merzit paqja …

[Ard]

Bukur e ke thene Fisnik si kunderpergjigje te Oscar Wild,por ja qe ekziston dhe kjo dashuri shkreta qe ne i shkruajme pa pushim,a nuk e shfrytezojme ate gjer ne palce...?