Gazmore

[Shpresmiri]

Një turist amerikan për të parën herë po udhëtonte në vend të huaj. Me të ardhur në aeroportin e parë të huaj, u desht të vendoste: kah cili vendkalim të nisej, sepse në njërin shkruante VENDASIT, kurse në tjetrin TË HUAJT.
U nis kah dalja e parë. Kur më von i thanë se është dashur të kalojë në daljen tjetër, kishte protestuar:
"Po unë nuk jam i huaj. Unë jam Amerikan."

(E vërteta mund të jetë nganjëherë relative).

[Shpresmiri]

Gjykatësi: "Sa vjeç jeni?"
I akuzuari: "Njëzet e dy."
Gjykatësi: "Këtë na thoni ka dhjetë vjet."
I akuzuari: "Është e vërtetë, zotëri. Unë nuk jam njeri që sot e thotë njërën kurse nesër tjetrën."

[dennisi]

ishte kthyer nje shqiptar nga mergimi ,nga nje kohe teper te gjate, i afrohen njerzit dhe e pyesin se si eshte atje tek eshte etj etj.dhe ne fund e pyesin se me cfare ke ardhur !?
ai thote me aeroplan ,, mos i thote nena sepse nuk kemi vend per ta parkuar te shkretin dhe sulet me vrap nga oborri...........

[Shpresmiri]

(Dennisi )


Një familje refugjate kishte marrë plot përvoja pozitive mbi Amerikën – veçanërisht e bija gjashtëvjeçare e cila shumë shpejt e kishte përvetësuar mendimin se gjithçka është amerikane, jo vetëm se është më e mira, por edhe e përkryer.
Një ditë fqinja e saj i kishte thënë se do të ketë një bebë (fëmijë). Bukuroshja e vogël menjëherë vrapoi te shtëpia dhe dëshironte të dijë përse edhe ajo nuk mund të kishte një bebë. Nëna vendosi që ky ishte rasti për ta futur të bijën në faktet e jetës, ndër të tjera, ia spjegoi se i duhen nëntë muaj për të ardhur beba në botë.
“Nëntë muaj!” kishte klithur Bukuroshja e inatosur. “Por, mami, mos harro, kjo është Amerika!”

[Shpresmiri]

Në një spital të çmendurish, mjekët po bënin një test për të parë nëse ka ndonjë të shëruar ndërmjet tyre. Të gjithë pacientët bënin sikur po hanin ushqim me pjata bosh. Vetëm njëri nga ata nuk po hante. Mjekët duke menduar se e gjetën një pacient të shëruar i afrohen dhe e pyesin:

"Po ti pse nuk po han?"

Pacienti i përgjigjet:

"Po pres të ftohet gjella..."

[huggos]

SONDAZH

U be nje sondazh me pyetjen kryesore:
“Ju lutemi na thoni mendimin tuaj per mungesen e ushqimit ne pjesen tjeter te botes”

Nuk egzistoi asnje perfundim i sondazhit sepse:

- Ne Afrike nuk dinte njeri cdo te thote “ushqim”
- Ne Europen Perendimore asnje nuk dinte cdo te thote ”mungese”
- Ne Europen Lindore askush nuk dinte cdo te thote “mendimin tuaj”
- Ne Ameriken Jugore asnjeri nuk dinte cdo te thote “ju lutemi”
- Ne USA askush nuk dinte cdo te thote “pjesa tjeter e botes” …??!!

[cristal]

huggos lol..........

[Shpresmiri]

/huggos /

Dashuria ndaj së vërtetës nganjëherë e fshehë të vërtetën

Dy udhëtarë tregtarë u gjetën pranë peronit të stacionit hekurudhor (trenit).

“Hallo.”
“Hallo.”
Heshtje.
“Kah po udhëton?”
“Për Kalkutë.”

Heshtje e plotë.

“Dëgjo! Kur thua se po shkon për Kalkutë, ti e di se unë do të mendoj se në të vërtetë ti shkon në Bombay. Mirëpo, rastësisht e di se po shkon në Kalkutë. Përse pra nuk po ma thua të vërtetën?”

[Shpresmiri]

Njëherë kishte ardhur një kompozitor i ri te Mozarti për një këshillë në mënyrë që ta zhvillonte sa më mirë talentin e vet.

"Të këshilloj që t'ia fillosh me gjëra të thjeshta", i tha Mozarti. "Për shembull, me këngët".

"Mirëpo ju keni kompozuar simfoni kur ishit fëmijë!" kishte protestuar kompozitori i ri.

"Është e vërtetë. Mirëpo atëherë nuk kam pyetur askënd për këshillë si ta zhvilloj talentin tim."

[Shpresmiri]

Fjalët (dhe konceptet) janë tregues,
dhe jo reflektim i njëmendësisë.
Mirëpo, siç thojnë mistikët e Lindjes,
Kur i mençuri tregon hënën,
idioti shikon vetëm gishtin e tij.

Një natë një pijanec lëkundej andej këndej mbi një urë ku pas një kohe takon një shokun e vet. Që të dy u kërrusën mbi parmakët e hekurtë të urës dhe filluan të llomotisin.

"Ç`është ajo atje poshtë?" papritmas pyet pijaneci.
"Është hëna", i thotë shoku.
Pijaneci sërish shikon poshtë, dhe me mosbesim lëkund kryet dhe thotë:
"Mirë, mirë, në rregull. Por si paskam mbërri atje lartë, he...?

Ne gati kurrë nuk e shohim realitetin.
Atë që shohim është reflektim i tij
në formën e fjalëve dhe koncepteve
që pastaj i marrim si realitet.
Bota në të cilën jetojmë
në të shumtën e rasteve është konstrukcion mendimesh.