Koço Devole lirohet nga burgu italian

[erzeni]

Nji lajm i padeshirueshem sot ne gaz.Shekulli.

Me te thatin digjet dhe i njomi...thote populli.

Prandaj njeriu kur del jasht duhet te ruhet e te mos udhetoje me makinat e te tjereve se ta bejne me hile.

--------------

Koço po shkonte tek dy djemtë e tij në Viçenza me autoveturën e shtetasit nga Tirana Llasko Lubonja, banor në Kombinat
Devole kapet në veturën me 3 kg heroinë

Policia italiane e ndaloi të mërkurën e kaluar në qytetin e Riminit me dy shqiptarë të tjerë

Aleksandra Bogdani
TIRANË- Policia italiane ka bllokuar një automjet brenda së cilit ndodheshin 3 kg heroinë si dhe ka shoqëruar tre shtetas shqiptarë mes të cilëve edhe humoristin e njohur, Koço Devole. Zyrtarë në Ministrinë e Rendit Publik bëjnë të ditur se shqiptarët e implikuar në trafikun e heroinës janë ndaluar tre ditë më parë, në Rimini të Italisë. Po nga zyrtarët e këtij dikasteri mësohet se humoristi i njohur Koço Devole mund të mos ketë asnjë lidhje me heroinën e gjetur në makinën me të cilën ai udhëtonte, pasi ka deklaruar se ndodhej rastësisht në atë makinë. Ndërkohë, hetimi i kësaj çështjeje i ka kaluar prokurorisë së Barit, e cila është duke verifikuar implikimin ose jo në këtë rrjet të trafikut të drogës edhe të humoristit të njohur shqiptar, Koço Devole.
Ndalimi
Sipas burimeve policore, mësohet se të mërkurën e kaluar, policia italiane ka mundur të bllokojë 3 kg heroinë, brenda një automjeti me të cilin udhëtonin tre shqiptarët, Koço Devole, pronari i mjetit i njohur me emrin Llasko Lubonja banor i lagjes Kombinat në kryeqytet, si dhe bashkëpunëtori i tij. Ky automjet ka kaluar nga dogana e Durrësit në Bari të Italisë dhe në asnjërin prej këtyre qyteteve nuk është kapur heroina që ndodhej brenda saj. Kapja e kësaj sasie të heroinës mësohet të jetë realizuar pas një kontrolli të imtësishëm që i është bërë automjetit, në Rimini të Italisë. Ndërsa operacioni i policisë italiane ka përfunduar me bllokimin e 3 kg heroinë si dhe prangosjen e 3 shqiptarëve. Kjo çështje i ka kaluar për hetime të mëtejshme prokurorisë së Barit, e cila prej tre ditësh po merret me verifikimin dhe zbardhjen e plotë të kësaj ngjarjeje. Ndërkohë, aktori i njohur i humorit shqiptar, Koço Devole, ndodhet prej 1 jave në mjediset e policisë Italiane, ku po sqarohet plotësisht pozicioni i tij në lidhje me transportimin e 3 kilogramëve heroinë, nga Shqipëria në Bari të Italisë.
Rastësia
Rreth 1 javë më parë, Devole është takuar me të njohurin e tij, Llasko Lubonja. Aktori i njohur i humorit shqiptar i ka thënë të njohurit të tij Llasko Lubonjës se ka problem dy djemtë e tij, të cilët ndodheshin në Viçenza të Italisë pa punë. Ndërsa Lubonja mësohet t’i ketë premtuar Devoles punë për dy djemtë, nëqoftëse ai shkonte me të në Itali. Llasko Lubonja, pranë pallateve “Agimi” në Tiranë, ka edhe një pikë shitjeje të biletave të “Eurollotos”. Lubonja është nisur të martën e kaluar së bashku me Koço Devolen dhe bashkëpunëtorin e tij, drejt Italisë. Ata kanë udhëtuar me makinën e Lubonjës, duke kaluar në portin e Durrësit, pa patur probleme me kontrollin e policisë. Prania e aktorit të njohur Devole, mendohet të ketë shërbyer si garanci për Lubonjën dhe bashkëpunëtorin e tij, për të kaluar heroinën pa u vënë re nga policia. Mesa duket, punonjësit e policisë nuk kanë ushtruar kontroll të imtësishëm në makinën me të cilën udhëtonte Devole. Por ky automjet ka kaluar pa u vënë re edhe nga policia e Barit. Ndërsa gjatë një kontrolli policor në Rimini, është zbuluar sasia e heroinës.
Implikimi
Sipas zyrtarëve të Ministrisë së Rendit Publik, thuhet se nuk ka prova që e implikojnë Koço Devolen në trafikun e 3 kg heroinë, drejt Barit të Italisë. Kjo gjë është dëshmuar nga humoristi shqiptar, para hetuesve italianë. Ai mësohet të jetë shprehur se ndodhej rastësisht në makinën brenda së cilës ndodheshin edhe dy shqiptarët e tjerë. Më pas Devole ka thënë se nuk ka pasur dijeni se në makinën me të cilën ai po udhëtonte gjendeshin 3 kg heroinë. Devole u është prezantuar hetuesve italianë duke u thënë atyre se është një person publik në Tiranë, dhe se nuk ka asnjë lidhje me trafikun e heroinës. Ndërsa kjo gjë është pranuar edhe nga dy shqiptarët e tjerë, të cilët nuk e kanë përfshirë humoristin shqiptar në trafikun e organizuar prej tyre. Deklaratat e dy “pronarëve “ të heroinës, të cilët udhëtonin në të njëjtën makinë me Devolen e kanë lehtësuar këtë të fundit nga akuza për trafikun e lëndëve narkotike. Ndërkohë, ai vazhdon të qëndrojë në qelitë italiane në statusin e të ndaluarit, derisa gjithçka të verifikohet plotësisht nga prokuroria e Barit.
Hetimet
Ndërkohë, burimet e mësipërme bëjnë të ditur se djali i Koço Devoles ka marrë një avokat, i cili po ndjek nga afër këtë çështje. Prokurorët italianë disponojnë provat e mjaftueshme për të zbuluar trafikantët e 3 kilogramëve të heroinës. Megjithatë, gjithçka pritet të sqarohet brenda pak ditësh nga pala italiane. Ndërkohë mësohet se policia italiane ka komunikuar me homologët shqiptarë, për të identifikuar humoristin e njohur Devole. Ndërsa emrat e dy personave të kapur, pronarë të makinës brenda së cilës ndodhej heroina, ende nuk kanë mbërritur zyrtarisht tek agjentët e Interpol Tiranës. Prokurorët e Barit kanë verifikuar paraprakisht vetëm identitetin e shqiptarit të prezantuar në Itali si humoristi Koço Devole si dhe deklaratat e tij dhënë përballë policisë italiane, për faktin se ndodhej rastësisht në makinën që transportonte 3 kg heroinë dhe se nuk ka pasur dijeni për këtë sasi të drogës.


PËRVJETORI

Humoristi Koço Devole feston ditëlindjen në qelitë italiane

TIRANË- Koço Devole, aktori i mirënjohur i humorit shqiptar ka festuar dje ditëlindjen në qelitë italiane. I implikuar apo jo në trafikun e 3 kg heroinë, ai qëndron prej 1 jave mes policëve dhe prokurorëve të Barit. Ndërkohë, miqtë e tij në Tiranë janë njohur me “aventurën” përtej brigjeve italiane, nëpërmjet lajmeve në disa stacione televizive shqiptare. Nuk kanë ditur ç’të thonë, përveç faktit se kanë një javë që nuk e kanë parë Devolen, pasi ai është nisur drejt Italisë për të takuar të birin. Një ndër miqtë e tij, humoristi Filip Çakuli është shprehur për “Shekullin” se e ka marrë vesh arrestimin e Devoles ditë më parë. Më pas ai ka shtuar se nuk beson se Devole mund të jetë implikuar në trafikun e heroinës. Sipas Çakulit, mund të jetë i vërtetë varianti që ka dhënë Devole para policisë italiane, pra që ndodhej rastësisht në atë makinë pa e ditur se ç’kishte brenda. Ndërkohë, Çakuli shprehet se është interesuar pranë Ministrisë së Drejtësisë, Ministrisë së Punëve të Jashtme dhe politikanëve shqiptarë, për t’u sqaruar pozicioni i Devoles në këtë rast. Megjithatë, Çakuli ende nuk ka marrë asnjë përgjigje, se ç’do të bëjnë autoritetet shqiptare për aktorin e njohur, Koço Devole. Ndërsa personeli i lokalit “Guva e Qetë”, janë shprehur dje se nuk e kanë parë prej tre javësh Devolen. Ndalimin e Devoles nga policia italiane edhe punonjësit e lokalit të frekuentuar nga Devole e kanë marrë vesh nga një stacion televiziv shqiptar. Ata nuk dinë ç’të thonë lidhur me këtë fakt, por i besojnë deklarimeve të Devoles para prokurorëve italianë, se ai ndodhej rastësisht në makinë dhe se nuk ka qënë i implikuar në trafikun e heroinës.


Gruaja e Devoles: Donte të takonte djemtë

TIRANE – “Nuk ka dyshim që Koçoja është pa faj, por ai tani është në burg”, - kështu shprehet e tronditur nga fatkeqësia që i ka ndodhur, bashkëshortja e Koço Devoles, Hurma Devole. Iku bashkë me një të njohurin e tij për të takuar djemtë në Itali”, - vazhdon rrëfimin e saj për “Shekullin”, bashkëshortja e humoristit të njohur. Sipas saj, gjithçka që ka ndodhur është një aksident, por autoritetet italiane vazhdojnë ta mbajnë të izoluar Koço Devolen, një prej personaliteteve të humorit në Shqipëri. “Koçoja nuk pranonte ta ulte dinjitetin as për ndonjë ofertë që i bëhej për profesionin e tij sepse donte ta ruante emrin e jo më pastaj të merrej me ato që e akuzojnë”,- shprehet gruaja e aktorit të njohur duke kërkuar që të ndikohet për të liruar menjëherë bashkëshortin e saj, i cili u arrestua para një jave nga policia italiane, pasi në makinën ku ai udhëtonte së bashku me dy shqiptarë të tjerë, u gjendën 3 kg heroinë.


Kush është Koço Devole

Koço Devole është një nga personalitetet më të njohura të humorit shqiptar. Përveçse aktor i shkëlqyer humori, Devole është karrikaturist, skenarist, regjisor dhe prezantues spektaklesh. Rolet e tij në skeçe dhe komedi janë nga më të njohurit për publikun shqiptar. Koço Devole ka lindur në Kuçovë më 28 nëntor 1945, nga një familje me origjinë nga Poloska e Korçës. Në vitin 1946 familja e Koço Devoles është zhvendosur në Tiranë. Koço Devole ka studiuar dy vjet për Inxhinieri mekanike në Universitetin e Tiranës, por në vitin e dytë të shkollës së lartë konkurroi për dramë në Akademinë e Arteve, ku nuk fitoi, pasi e cilësuan si të patalentuar. Më 1966 shkoi ushtar, ku së bashku me aktorë të tjerë të njohur si Aleko Prodani, Sejfulla Myftari etj krijoi estradën e ushtarit. Më pas ka punuar edhe në revistën “Hosteni” me emrat më të spikatur të humorit shqiptar si Spiro Çomora, Dionis Bubani, Niko Nikolla, Filip Çakuli etj. Gjatë viteve1072-1989 Devole është dërguar 10 herë në punë të detyruar. Pas viteve ’90 Devole ka punuar si regjisor në TVSH, ku aktiviteti i tij artistik ka qenë mjaft i ngjeshur. Në vitin 1997 është shkarkuar nga TVSH duke u detyruar të emigrojë me familjen në SHBA. Në dhjetor të vitit 20 është rikthyer në Tiranë, por aktiviteti i tij artistik nuk ka njohur ritmet e mëparshme.

-----------

I deshirojme artistit Koco Devole te dale i pa lagur nga kjo ngaterrese.

[Beqari002]

Në autostradën që përshkon zonën e Riminit janë ndaluar nga njëra prej autopatrullave. Policët kanë dyshuar në pasaportën e drejtuesit të mjetit, identitetet e të cilit nuk bëhen të ditur, por dihet që thirret "Llasko"

Në makinën ku udhëtonte humoristi i njohur gjenden 5 kile heroinë. Merret përsipër nga drejtuesi i mjetit

Koço Devole arrestohet për drogë

Eshtë kapur një javë më parë në Rimini të Italisë



TIRANE

Humoristi i njohur Koço Devole qëndron i arrestuar që prej një javë në policinë e Riminit në Itali me akuzën e trafikut të lëndëve narkotike.

Mbrëmjen e së mërkurës së kaluar Devole është ndalur nga policia italiane e këtij rajoni, pas dyshimit që kanë pasur karabinierët se në makinën ku udhëtonte ai ka pasur heroinë. Dhe pas kontrollit të imët të makinës ata kanë gjetur e sekuestruar 5 kilogramë heroinë.

Askush nga zyrtarët e Ministrisë së Rendit (mbase për hir të faktit se dje ka qenë ditë pushimi) nuk është shprehur zyrtarisht për këtë fakt, ndërsa lajmi ka marrë dhenë nga të afërt të aktorit. Sipas këtyre burimeve, të mërkurën e kaluar Koço Devole është nisur nga Tirana së bashku me një mikun e tij të vjetër nga Lagjja "Kombinat" (Devole ka jetuar në atë lagje) me makinë e këtij të fundit. Shkaku i kësaj vizite ka qenë takimi me dy djemtë e tij të cilët aktualisht janë në Itali. Kanë kaluar rregullisht të gjitha kontrollet në pikat e kalimit kufitar si në atë shqiptare dhe atë italiane. Në autostradën që përshkon zonën e Riminit janë ndaluar nga njëra prej autopatrullave. Policët kanë dyshuar në pasaportën e drejtuesit të mjetit, identitetet e të cilit nuk bëhen të ditur, por dihet që thirret "Llasko". Sipas policisë italiane, ai ka pasur pasaportë të falsifikuar, pasi dokumenti i pajisur me vizë të rregullt ka qenë i një tjetër personi, ndërsa shoqëruesi i Koços vetëm se i ka vëndosur fotografinë e tij. Në këto rrethana dyshimi, karabinerët kanë ushtruar kontroll të imët të makinës dhe kanë zbuluar 5 kilogramë heroinë. Sipas burimeve, mësohet se që në momentin e parë "pronësinë" mbi drogën e ka marrë drejtuesi i mjetit, ndërsa aktori Devole ka thënë se nuk kishte fare dijeni për ekzistencën e saj në makinë. Por policia nuk është bindur dhe ka bërë ndalimin e të dyve deri në sqarimin e rrethanave. Ndërkohë, familjarë të Devolës kanë nisur interesimin për fatin e tij edhe nëpërmjet Ministrisë së Jashtme. Nga Italia ende nuk dihet nëse të arrestuarit kanë dalë para gjykatës për t'iu komunikuar akuzat.

Nga italia kohët e fundit po bëhen deklarata të zyrtarëve të saj se nga Shqipëria nuk po vijnë me klandestinë, por tonelata heroine. Madje, një deklaratë e tillë është bërë edhe gjatë një takimi në Londër për krimin e organizuar në Ballkan.
----------------------
------------------------------
Oj sharki e lehte si era , a ka ardhur ne Shqiperi pranvera?

[ganoid]

me vjen shume keq per kocon dhe shpresoj te mos kete gisht ne kete pune.

[{FIGO}]

mire e ka legeni
tja humin celesin///

[une jam Z...]

duan s'duan, "kominatsat" e qisin koken kudo qe te jene.

[Enkela B.]

a eshte e besushme kjo?

[une jam Z...]

pse jo? shumica e Shqiptareve nuk e kane per turp te merren me droge, qofshin ata edhe "humorista". I vetmi gabim qe beri Koco ishte se u kap.
Me vjen keq se po ishte e vertete do haje ca vjet burg dhe do i mungoje skenes Shqiptare. Megjithate te shpresojme qe s'eshte.
Nuk e besoj qe do e duroj dot burgun i shkreti se eshte edhe ne moshe.

[Brari]

Artistet reagojne: "Devole eshte i pafajshem"


Alida Cenaj

- Ka reaguar dje edhe komuniteti i artisteve shqiptare, ne lidhje me arrestimin e disa diteve me pare te Koco Devoles. Asnje nga koleget e tij, qe e njohin mire, nuk e beson se humoristi i njohur te jete i perzier ne histori droge. Shume prej tyre ishin ne dijeni te udhetimit te Kocos drejt Italise. Ashtu sic deshmon nje nga miqte e tij, ai ishte nisur dret Milanos per te festuar 55-vjetorin e lindjes me dy djemte, qe prej vitesh jetojne ne vendin fqinj. Madje, Koco Devole pergatiste projekte te reja per realizimin e nje komedie ne Tirane. Se shpejti, ai do te udhetonte edhe drejt Amerikes, ndaj "nuk kishte se si te kishte lidhje me nje rrjet trafikantesh".
Normalisht qe ka edhe shume artiste qe nuk pranojne te japin nje opinion te sakte. Ajo cfare ata dine eshte vetem lajmi i publikuar nga te perditshmet shqiptare, ndaj edhe preferojne heshtjen, megjithese nuk e fshehin cudine per ate qe ka ndodhur. Opinioni i pergjithshem eshte se nje natyre si Koco Devole nuk eshte e pershtatshme per trafik droge. Artistet e pranojne idene se cdonjeri prej tyre po te gjendej ne pozicionin e Kocos do te vepronte njesoj. Nje ftese per nje udhetim te larget, sic eshte Bari-Milano, do te pranohej nga kushdo. Dhe sigurisht qe asnjeri prej tyre nje ftese te tille nuk do t'i pergjigjej: "Prit sa te te kontrolloj makinen, nese ke ndonje gje te paligjshme brenda".

Mendimi i kolegeve te Koco Devoles eshte nje: "ai nuk mund te jete i perzier ne nje trafik te tille". Disa prej tyre kane provuar t'i drejtohen edhe personaliteteve te larta te drejtesise shqiptare ne menyre qe te sqarohet sa me shpejt pozicioni i tij. Megjithate tashme gjithcka eshte ne dore te policise italiane. Gjykata e vendit fqinj do te jete ajo qe do te thote fjalen e fundit.

Nderkohe ne lidhje me ngjarjen jane prononcuar edhe disa artiste shqiptare, figura te njohura qe e njihnin nga afer humoristin Koco Devole.

Robert Papa, gazetar - "Ne Itali do festonte ditelindjen"

Per mendimin tim ajo qe i ka ndodhur Kocos nuk eshte tjeter vecse nje rastesi ose nje keqdashje. Me Kocon jemi miq te vjeter dhe e di se ai nuk mund te jete i perzier ne ate histori. Ajo qe i ndodhi atij mund t'i ndodhe kujtdo. Edhe mua po te me ftonin te hipja ne makine per te bere nje pjese rruge do te pranoja, por kjo nuk do te thote qe je trafikant, edhe pse shoferi apo ndonje tjeter pjesetar, bashkudhetar, mund te tranportoje ne ate makine ndonje mall te paligjshem. Une e dija per udhetimin e Kocos ne Itali. Shkonte te festonte me djemte 55-vjetorin e lindjes, qe e kishte te enjten.
Ma tha disa dite me pare e bija, kur e takova ne Amerike. Pas disa ditesh do te udhetonim te dy drejt Amerikes. Gjithcka eshte normale ne kete mes. Nga ana tjeter mendoj se edhe policia shqiptare ka fajin e saj. Me aq sa lexova ne shtyp, informacioni per trafikantet ka dale nga policia jone. Pse kjo polici nuk e beri arrestimin ne Shqiperi. Ose, meqe kishte informacion, pse nuk e sqaron edhe pozicionin e Kocos. Nderkohe qe ka edhe shume shqiptare te tjere qe vuajne burgun padrejtesisht ne Itali, perse shteti shqiptar nuk nderhyn te mbroje interesat e shtetasve te vet?

Megjithate, per nje gje jam i sigurte: nuk eshte e mundur qe Koco te jete i perzier. Gjithcka eshte thjesht nje rastesi.

Filip Cakuli, humorist - "Eshte thjesht nje aksident"

Eshte thjesht nje aksident qe mund t'i ndodhe kujtdo. Une e them me bindje se Koco Devole nuk ka te beje fare me kete histori dhe thjesht ai eshte rastesisht ne qeli. Personalisht, si mik, kam kontaktuar edhe me te gjithe personalitetet shqiptare si Ministrin e Rendit, Ministrin e Jashtem dhe Prokurorin e Pergjithshem ne menyre qe te sqarohet sa me pare kjo histori. Kam bindjen se Kocoja do te dale shume shpejt nga qelia.

Andon Qesari, regjisor/aktor - "Artisti nuk mund te shtiret ne jete"

Eshte nje ngjarje qe nuk dua ta besoj. Ka me shume se pese dite, qe nje i njohuri im me tha lajmin e arrestimit te Kocos ne Itali. Une e prisja ne Tirane sepse shume shpejt do te fillonim nje komedi te re. Nje histori interesante, per suksesin e se ciles jam mese i sigurt. Do te luanin se bashku Koco Devole dhe Sejfulla Myftari. Do te "shfrytezoja" kete cift interesant te humorit shqiptar, per te sjelle dicka vertet te bukur. Pak dite me pare, kur Cekja ishte ne Tirane, i thashe qe shume shpejt mund te angazhoheshim per komedine e re, dhe ai e priti i entuziazmuar lajmin e nje loje te re me Kocon. Me pak fjale gjithcka ishte gati, Koco kishte projekte ketu, ndaj nuk kishte si te hynte ne nje rruge te tille. Dua te them qe e gjithe kjo histori eshte nje absurditet.

Alibia e tij mund te mos jete e besueshme ne Itali, por ketu po. Dhe si e tille, per mendimin tim, prokuroria italiane duhet te vije ketu te pyese me pare per kete njeri. Te gjithe e dime se ai nuk mund te merret me te tilla gjera.

Eshte edhe dicka tjeter qe opinioni duhet te dije. Artisti vertet di te "genjeje" ne skene, te interpretoje role dhe te marre pozicione te ndryshme, por nuk ben dot te njejten gje ne jete. Perkundrazi, cdo artist ne jete eshte krejtesisht vetvetja dhe, duke njohur Kocon, mund te them qe ai nuk mund te jete nje trafikant. Pikerisht per arsyen se artistet nuk mund te shtiren kane mbetur edhe aq te varfer sa jane. Ne Shqiperi, gjate ketij tranzicioni, edhe nje kamarier i thjeshte (pa dashur te fyej profesionin) ka arritur te behet milioner, ndersa artistet jo. Ndaj them me bindje se Koco nuk eshte i perzier. Te pakten une nuk e besoj nje gje te tille.

Medi Malkaj, aktor - "Edhe une do te veproja si Koco"

Kam nje konsiderate te larte per Kocon. Ai nuk hyn kurrsesi te njerezit qe shkelin ligjin. Duke e diskutuar ne pergjithesi problemin, pa e ditur se si qendron e verteta, mund te them qe ky fenomen mund te me ndodhte edhe mua. Ne jemi njerez te njohur, dhe kushdo mund te na beje nje ftese. Prandaj edhe une do te pranoja te hipja ne nje makine, thjeshte per te bere nje cope rruge. Mund te besoj fare mir- se nje ftese e rastesishme me eshte bere thjeshte se ai person me njeh, dhe do pranoja. Dhe sigurisht qe nuk do te beja me pare kontrollin e makines. Ne kete rast jam thjeshte viktime dhe jo pjesemarres ne trafik. Ne rastin konkret, besoj se edhe me Kocon ka ndodhur e njejta gje. Me vjen shume keq per ate qe ka ndodhur. Koco eshte nje emer shume i madh, sepse ai nuk eshte vetem aktor, por eshte edhe regjisor, autor i shkelqyer dhe karikaturist shume i mire. Eshte nje figure e kompletuar. Nga ana tjeter te mos harrojme qe artistet jane edhe shtresa me e varfer e shoqerise. Dhe shteti duhet ta kete parasysh kete. Kjo mund te jete nje shtyse per te hyre ne rruge te gabuara. Ne administraten shqiptare, nje sekretare paguhet me shume e krahasuar me nje aktor qe jep pjese nga shpirti i tij per te realizuar nje rol. Ketu artistet shihen si mjet argetimi dhe asgje me shume. Megjithate per rastin e Kocos mund te them se nuk ka asnje lidhje. Jam i sigurte qe ai nuk eshte i perzier ne nje histori trafiku.

Shpetim Saraci, kompozitor - "Trafikantet shfrytezuan Kocon"

Une kam marredhenie shume te mira me Koco Devolen. Ai eshte nje njeri i humorit dhe babaxhan. Nga informacioni qe kam une, e gjithe kjo me duket vetem nja rastesi. Mendoj se trafikantet e kane shfrytezuar emrin dhe figuren e Kocos. Ftesen per te hipur ne makine e kane bere vetem per te fshehur ate cka transportonin. Ai eshte thjesht viktime e tyre ne kete histori. Koco Devole eshte njeri shume i mire. Miresine e tij e shfaq me publikun dhe me komunitetin e artisteve. Megjithate, uroj qe ai te mos kete asnje konsekuence nga kjo histori.

-------


Aty lart mes tjerash thuhet:

"Nga ana tjeter mendoj se edhe policia shqiptare ka fajin e saj. Me aq sa lexova ne shtyp, informacioni per trafikantet ka dale nga policia jone. Pse kjo polici nuk e beri arrestimin ne Shqiperi. Ose, meqe kishte informacion, pse nuk e sqaron edhe pozicionin e Kocos. Nderkohe qe ka edhe shume shqiptare te tjere qe vuajne burgun padrejtesisht ne Itali, perse shteti shqiptar nuk nderhyn te mbroje interesat e shtetasve te vet?"

Ne se eshte e vertete se italianet e kane ndjekur makinen qe udhetonte Kocua me ato krokodilat e Bingos nga sinjalizimi i policise Shqiptare athere kjo eshte e qarte..

Kemi te bejme me nji loje te felliqur te ish Sillove.

Enveristet e Sillos, qe ne fakt sundojne Portin, marrin hak ne kete menyre mbi artistin fukara Koco Devole.

Pra ata gangot e Tiranes qe i kane ofruar Kocos nji udhetim "Qyl" nga Bari ne Milano jane spiuna te klanit enverist Tiran-Durres.




Kjo eshte hamendja ime..

[Idmon]

UNE MENDOJ SE KOCO DEVOLE ESHTE I PA FAJSHEM POR NGA NJERIU I LIG CDO GJE MUND TE NDODHE DHE BESOJ SE SHUM SHPEJT DO SQOROHET POZICIONI I TIJ NE KETE NGJARJE DHE JAM I BINDUR QE KOCO DEVOLE DO TE JETE I PA FAJSHEM. MENDOJ SE SHOFERI I MAKINES ESHTE PERPJEKUR TE SHFRYTEZOJE RESPEKTIN QE GEZON KOCO DEVOLE NE SHQIPERI DHE JASHT SAJ SI NJE NJERI I KOMPLETUAR I ARTIT DHE KULTURES SHQIPETARE I HUMERIT SHQIPETAR. NUK JAM DAKORT ME DISA MENDIME QE KETIJ PROBLEMI DUAN TI JAPIN NGJYRA POLITIKE DUKE P

ERMENDUR ENVERIN APO HITLERIN .
ME RESPEKT MONDI DETROIT

[Beqari002]

Eshte pakez per cudi , por gjendja ekonomike,sociale dhe familjare kam degjuar te thuhet se te fut gjithkundi,prandaj ndoshta po them se edhe Koco per kete e beri kete.Te shpresojme ne kete.


Heroina, si e futen ne kurth humoristin Koco Devole

Si e "peshkuan" artistin e njohur vetem per te kaluar pa probleme sasine e droges ne Portin e Durresit. Premtimi per nje vend pune per djalin ne Vicenca dhe shtyrja pambarimisht e dates se nisjes. Ministria e Rendit: Ende nuk kemi ndonje sinjal nga policia e shtetit fqinj. Paguhet kesti i pare per avokatin italian

Ferdinand DERVISHI

"Djalin ta rregulloj une me pune ne ndermarrjen e perpunimit te drurit te pronarit tim ne Vicenca. Madje ai te njeh, pasi une i ka treguar per ty", kjo ka qene biseda fillestare mes humoristit te njohur Koco Devole dhe nje te riu nga lagjja "Kombinat" e Tiranes rreth nje muaj para se te dy te kapeshin nga policia ne Rimini te Italise, teksa udhetonin me nje makine ne bordin e te ciles kishte 5 kg droge te llojit heroine. Sipas familjareve dhe miqeve te Kocos, i riu nga "Kombinati", qe thirrej me nofken Llasko dhe me mbiemrin Lubonja i kishte premtuar Devoles, se do ta ndihmonte te sistemonte me pune njerin nga dy djemte e tij ne Itali, pikerisht ne qytetin e Vicences, tek "pronari i tij" qe kishte nje ndermarrje te perpunimit te drurit. Nisur nga nje premtim i tille Devolja kishte pranuar, duket per hir te mendimit te mbyllte nje nga shqetesimet e veta. Por me pas gjithcka ishte marre zvarre, madje nisja per ne Itali kishte krijuar shqetesime ne familje, pasi miku i Kocos, qe e therrisnin Llaska, disa here kishte shtyre daten e nisjes. Nderkohe qe argumenti i kundert kishte qene fakti se humoristi kishte patur disa oferta pune, te cilat ishte detyruar t'i refuzonte. Pas ngjarjes, miq te humoristit pohuan se shtyrja e afatit te nisjes behej sepse Llaska nuk kishte siguruar "mallin". Madje ata betohen se edhe nisja e Kocos per ne Itali ishte e befte, pra nje tjeter moment qe mbeshtet argumentin e mesiperm. Po sipas shpjegimeve te familjareve itinerari qe percaktonte qytetin e Vicences si destinacion, nuk kishte qene me shume se nje tjeter loje, pasi aty duhet te mberrinte sasia e porositur e droges. Keshtu Devole, duke mos ditur gje, ka kaluar policite ne Durres e Bari dhe me tej ka mberritur deri ne Rimini, ku edhe eshte kapur sasia e droges. Burime te ministrise se Rendit pohuan se nuk kane ndonje sinjal nga policia e shtetit fqinj per kete ngjarje. Madje shtuan se ne shumicen e rasteve lajme nuk vijne, nderkohe qe rralle ka patur raste te interesimit, por vetem per bashkepunim ne zbulimin e rrjeteve kriminale.

Miqte e Kocos paguajne kestin e pare per avokatin italian

Familjaret e humoristit te njohur Koco Devole, pohuan se kane pajtuar nje avokat dhe se miqte e Kocos ne Shqiperi i kane derguar atij edhe kestin e pare te te hollave, duke kontribuuar secili sipas mundesive. Pikerisht ne zotesine e ketij avokati, por edhe ne faktin se Devole ka mohuar ne menyre kategorike te kete lidhje me sasine e droges, miqte e tij shpresojne ne nje lirim te shpejte te artistit. Nderkohe qe jane duke u munduar edhe me menyra te tjera t'i dergojne drejtesise italiane nje lloj "certifikate" pafajesie te artistit.
-----------------------
------------------------
Oj sharki e lehte si era , a ka ardhur ne shqiperi pranvera?