A egziston nje kercenim i jashtem per Shqiperine

[Kryeplaku]

perSHENDETje
Gjate viteve te sistemit komunist shqiptaret ishin mesuar te jetonin me friken se cdo moment ata ndodheshin ne rrezik, nga nje sulm ushtarak i ndonje shteti fqinje psh. Jugosllavia, Greqia ose nga ndonje bombardim i Bashkimit Sovjetik me te cilin kishim ardhur ne kundershtim ne vitin 1967. Keshtu shume Shqiptar perfunduan neper burgje-nuk mund te them nese e meritonin ose jo- me akuzen se ishin agjente te UDBse, KGBse agjent te Greqise etj. Sidoqofte keto 48 vitet e fundit (me mbarimin e L.2.B.) Shqiperia nuk ka njojtur zbatim teritorial- nese nuk numerojme hyrjen e ushtrise serbe 2kl. ne brendesi te Kukesit vitin 1998 me luften e Kosoves dhe ca incidente te tjera.
Duke mare parsysh te lartpermendurat- qe sipas meje vertetojne se Shqiperia nuk rrezikohet seriozisht- besoni ende se Shqiperise i kanoset nje rrezik nga jashte???
A besoni se ne Shqiperi veprojne agjente te ndonje shteti, me synime te keqia ose teritoriale???

(kete teme e hapa i frymezuar nga nje ser temash te hapura ne forum qe tregojne synime te ndonje shteti fqinj kundrejt Shqiperise)

Pres pergjigjet tuaja!!!falemiNDERit

[Fringo]

Khalid
Harrove provokacionin e Gushtit, nga Greket.

[Toro]

Khalid, rreziku sot Shqiperise i vjen vetem nga brenda. Nga politikanet e degjeneruar qe ka. Nga jashte po te mos ishte SHBA apo ndonji shtet tjeter, Greqia do e kish kufirin ne Shkumbin sot, ndersa ne anen tjeter te Shkumbinit do te kishte komshije Serbine. Te ishte per ushtrine shqiptare, Milloshevici e merrte Tiranen me 200 gjahtare ( sipas deklaratave te tij - shume reale , aspak ekzagjeruese). Kurse Greqia me potencialin ushtarak qe ka per 30 minuta i ka trupat ne Tirane...
Kunderzbulimi ushtarak shqiptar dhe SHISH, nuk lidhin dot breket e tyre, jo me te gjejne agjente e informata...
Por deri me sot ( lavdi Zotit) ushtrise shqiptare nuk i eshte dashur te provoje impotencen e saj ne beteje, as kunderzbulimeve tona te provojne kotesine e ekzistences se tyre. Sepse kufijte tane garantohen jo nga ushtria jone, por nga marreveshjet nderkombetare dhe nga opinioni i Fuqive te Medha ( SHBA, Britania, Gjermania, Italia, Austria) ne rastin tone.
Rreziku me i madh qe i kanoset Shqiperise eshte ai i brendshem. Nga politikanet tradhetare qe kerkojne te mbushin xhepat e tyre, nga qorrat qe mbushen deri dje Shqiperine me "bamires" islamike te tipit Bin Laden ( madje u dhane dhe pashaporta shqiptare), per te mbushur dhe ata xhepat e tyre me pare kuptohet...Nga syleshet qe per hir te pasurimit te shpejte, thyenin embargon ndaj nje shteti armik fqinj etj etj. Nga keta rrezikohet Shqiperia, jo nga ushtria greke e serbe. Keta jane me te rrezikshem...Ushtrite , cilatdo qofshin, jane te detyruara te zbatojne rregullat e moralet e luftes. Por "politikanet" tane nuk kane as rregulla, as morale, as etika...
Me respekt Toro

[DetiJone]

NJE VDEKJE GREKE NGA NJE JETE SHQIPTARI


Vetem nje iluzionist do ta besonte ate fabul te sajuar ne menyren me mediokre te mundshme, ne menyren me feminore te mundshme, po aq dhe ne menyren me te pacipe te mundshme: nje polic grek qellon ne ajer me nje plumb dhe ky i bie ne koke shqiptarit. Prove me te mire se kjo per fajin e policise greke nuk mund te gjendet. Me pas, u tha, gjithnje nga pala greke, se shqiptari i vrare me nje plumb ne koke, ishte nje kontrabandist. Duken krejt qarte perpjekjet groteske te policise greke per te fshehur nje krim. Krimineli ka nje emer dhe ai eshte grek. Krimineli ka nje emer dhe ai nuk eshte vetem polici grek qe shkrepi pistoleten. Krimineli ka nje emer dhe ai eshte nje emer i keq: Ksenofobi Greke. Te ishte ky nje rast i shkeputur, do te mundoheshim te gjithe te pershpirteshim perpara trupit te pajete te emigrantit fatkeq e te falnim fisnikerisht, sic e kemi per rrenje ne shqiptaret.

Por, qe me ndryshimet e medha demokratike te hapjes, jemi perballur periodikisht me dhunen e strukturave policore e shteterore greke ndaj emigranteve shqiptare. Greket vazhdimisht kane menduar e vazhdojne te mendojne gabim, duke fantazuar me superioritetin e nje vendi perendimor, anetar te BE e NATO-s. Greket ne pjese te madhe te tyre, mendojne shume gabim, madje abuzojne, me faktin se kane "ca lefta" me shume se shqiptaret. Ata duhet te dine te lexojne mire historine, ate histori kur vete ata vinin bregdetit shqiptar per te punuar toka, per te mbjelle ullinj e ndertuar mure me gure. Dhe per te marre me vete ca leke per familjet e tyre. Tamam sic bejne sot shqiptaret. Histori qe perseritet, ose per tu treguar grekerve se teoria e Galileit eshte universale ne kohe e hapesire. Problemi eshte akoma me i thjeshte, nese policet greke nuk jane analfabete: kemi qene vertete nje vend i varfer, shume i varfer. Madje jemi akoma nder vendet e varfera, por duhet te shikoni mire ndryshimet ekonomike progresive ne vetem nje dekade demokraci.

Atehere pse? Pse kaq urrejtje ndaj shqiptareve? Po politika shteterore?

Sikur te ndodhte nje ngjarje e tille makabre ne Shqiperi, a mund te imagjinohet se si do te sillej shteti i grekërve?! Cdo te ndodhte me kufirin, me emigrantet, me politikat apo marredheniet bilaterale nese nje polic shqiptar do te vriste me nje plumb ne koke nje shtetas grek me duar ne xhepa?! Ne s'kemi pse te heshtim per nje njeri qe na e kane derguar ne qiell ne menyren me te padrejte njerezore. A ju kujtohet se si reagoi politika greke kur u burgosen kater shtetas shqiptare me nenshtetesi greke ne vitin '93? Dhe behej fjale per kater nenshtetas qe kishin shkelur flagrantisht ligjin shqiptar, kishin kryer veprimtari antikombetare shqiptare dhe po ne menyren tipike kishin shkaktuar nje ngacmim etnik.

Natyrisht evokimi jo gjithmone eshte i vyeshem. Por ne rastin e emigrantit te njome shqiptar, te vrare ne kufi nga policia kufitare greke, kemite bejme me nje mungese shpirti, me nje krim te shemtuar te cilin natyrshem mund ta quajme te pashembellt. Eshte dinjitoz reagimi i Komitetit grek te Helsinkit, por eshte cinik deklarimi zyrtar "per vrasjen e nje kontrabandisti". Ndergjegjia shteterore e grekërve ne kete rast, ka perfituar nje ngjolle, nje zezim te cilin s'mund ta fshehe as prezenca europarlamentare e as perkedhelia europiane. Perballe kesaj vrasjeje shteterore gjithe greket dhe shtetaret e ketij vendi "ndiejne nje meditatio mortis kur duhet te ndienin nje meditatio vitae".

- ------------------------ -
Gazeta KOHA JONE
E Shtune, 27 Shtator 2003

[Kryeplaku]

DetiJone, me kete mesazh qe shkruajte do te thuash qe Shqiperia kercenohet nga Greqia?? (sepse kjo eshte tema jone: kercenimi i Shqiperise)

[DeuS]

Eshte hera e pare qe bie dakort me ate ( Shefin e kriminalitetit lol ) .
Per te mos u zgjatur shume sepse eshte e kote te them te njejtat gjera qe jane siperpermendur nga ai dua te them vetem kaq ; Ne e kemi te keqen vetem tek vetja vellezer. Jemi nje popull teper i decantrilizuar ne cdo prizem. Greku po ben qejf me Shqiperine ashtu sic i do qejfi atyre. Po arrijne te perfitojne gjithcka cfare duan ato. E cfare i duhet atyre te kercenojne kufijte tona duke rene ne sy te botes kur ato Kalin e Trojes kesaj here nuk e futen me dinakri ne shtetin tone por e ndertoi vete Krimineli Nano dhe i tha : Hajdeni pra se late nam...kalin e kam ndertuar me kohe si dhurate per ju..!
Nga serbet eshte e kote te mendosh qe mund te kercenohemi me. Bota ua ka prere krahet dhe percarjen tanime ato e kane mes tyre. Prit kur te ndahet dhe Mali i Zi prej tyre tani shpejt. ( Eshte nje politike qe u intereson USA dhe ENGLAND ).
E keqja jone dhe rreziku me i madh vjen nga vete shoferi i autobuzit Shqiperi i cili ka mberthyer duart ne timon dhe zor se cohet dhe i liron vendin dikujt tjeter. Biles edhe nese vendin do ta liroje dhe autobuzin tone do e ngasi dikush tjeter ...do jete Nano prape i cili do i citoje nga mbrapa se cilen dalje te marre dhe se ku ta parkoje ............. prandaj e kote gjithcka.
Ne temen tjeter kam thene qe Shqiperia eshte nje si nje kope delesh e cila nese nuk drejtohet nga nje qen i zoti, direkt e ne goje te ujqerve do perfundoje, por ama harrova te permend edhe kete , qe , Fatkeqesisht neve na ka qelluar qeni UJK

Respekte !

[DetiJone]

Sërish dhunë në kufi, ndonëse ministrin e Jashtëm grek kërkon ndjesë


Në gjendje shoku, me shenja dhune në fytyrë, Arian Tarko, është paraqitur në orët e mbrëmjes në komisariatin e Korçës. Me zërin që i dridhej, por plot duf e mllef, ai ka bërë denoncimin, që tashmë është bërë i zakonshëm: “Më kanë rrahur policët grekë!” Dhe siç ndodh në të tilla raste, policët e komisariatit të Korçës, kanë plotësuar një formular, ku ka firmosur dhe viktima, i cili më pas, është nisur drejt shtëpisë së tij në Gramsh.

Akoma pa u shuar mirë buja e vrasjes së Vullnet Bytyçit nga kufitarët grekë, këto të fundit kanë shkaktuar një tjetër incident. Arian Tarko, 28 vjeç, është rrahur nga policët grekë në postën e doganës greke të Kristolopogjisë. Sherri ka nisur në prani të dhjetra personave të tjerë, të cilët ishin në radhë si Tarko, për të hyrë në tokën greke. Por duke dashur që gjithçka të ngelë brenda për brenda, policët grekë e kanë marrë të riun shqiptar dhe e kanë futur brenda në postë. Aty, ata kanë e rrahur dhe e kanë qëlluar, duke i shkaktuar plagë të rënda.

Megjithatë, 28-vjeçari u ka shpjeguar grekërve se ai e kishte nxjerrë pasaportën në policinë e Gramshit
e nuk e kishte blerë rrugëve apo ta kishte të falsifikuar. “Në këto momente njëri nga policët më ka goditur me grushta disa herë në fytyrë dhe me shkelma në pjesën e prapme të trupit”, dëshmoi gramshioti. Pasi e kanë rrahur, policët e kanë detyruar atë që të firmoste një formular, të cilën e kanë plotësuar para syve, por ai nuk ka pranuar që të lërë firmën mbi të. Autoritetet greke e kanë kërcënuar dhe i kanë thënë që të largohej urgjentisht. “Në rast se do të kalosh në Greqi, të duhet një pasaportë e re dhe vizë”, mësohet t´i kenë thënë ata. Pasi ka shkelur sërish në token shqiptare, Tarko ka mbërritur në policinë e Korçës. Menjëherë ai ka bërë denoncimin për ngjarjen e rëndë. Shenjat e dhunës në fytyrën e tij nuk kishin nevojë për ndonjë dëshmi të stërholluar. Grushtat dhe shqelmat e policëve grekë kishin shkaktuar enjtje dhe të çara në fytyrë, ndërkohë që në pjesën e pasme të trupit dukeshin qartë të mavijosurat. Tarko ka qëndruar për disa minuta në policinë e Korçës, e cila i ka premtuar se do
të marrë masa për të sqaruar akoma më tej këtë incident.


VIKTIMAT E TRI JAVËVE TE FUNDIT

Vullnet Bytyçi i vrarë (18 vjeç, nga Hasi)
Ligor Halili i gjymtuar (45 vjeç, nga Elbasani)
Mili Halili i rrahur (43 vjeç, nga Elbasani)
Rrahman Pashollari i rrahur (60 vjeç, nga Elbasani)
Leonard Shmilka i rrahur (19 vjeç, nga Pogradeci)
Dashamir Brekolli i rrahur (26 vjeç, nga Devolli)
Sokol Hallka, i rrahur 26 vjeç, nga Cërriku


KRYEMINISTRI SHPREH NGUSHËLLIMET PËR EMIGRANTIN E VRARË

Kryeministri shqitar Fatos Nano, ka bërë dje një vizitë në shtëpinë e emigrantit të vrarë nga kufitari grek, Vullnet Bytyçi. Rreth orës 13.00 të mesditës së djeshme, i shoqëruar nga shtabi i tij dhe ministri i Rendit Publik, Luan Rama, ai ka shprehur ngushëllimet në familjen e Bytyçëve. Ndonëse dialogu nuk ka qenë shumë intensiv, kryeministri Nano, i është drejtuar kryefamiljarit Mehdi Bytyçi: “I kam kërkuar autoriteteve të pushtetit lokal që të bëjnë bilancin e të gjitha nevojave emergjente që ka familja juaj dhe unë angazhohem, se brenda një kohe shumë të shkurtër, do t’i realizoj ato”. Ai ka vazhduar më tej se ka kontaktuar dhe me palën greke për të zbardhur rrethanat e ngjarjes. Kam folur në telefon me ministrin e Jashtëm grek, Papandreu. Ai më ka thënë që të të bëj shumë të fala dhe të kërkon ndjesë për incidentin e ndodhur në kufi”. I zhytur në trishtim, kryefamiljar Mehdi Bytyçi është shprehur se familja e tij kërkon vetëm drejtësi. “Djali im është nisur me një çantë të mbushur me bukë dhe nuk ka pasur armë. Unë dua që kësaj çështje t’i shkohet deri në fund dhe të zbardhet plotësisht”.

7 Tetor 2003
Gazeta PANORAMA

[Kryeplaku]

DetiJone, mesazhi jot na ven ne shqetesim te gjitheve dhe une besoje se nuk mjaftojne vetem ngushellimet nga ana e kryeministrit.
Do ishte me mire qe mesazhin qe shkruajte me siper, t'a hapesh si teme me vete!

[DetiJone]

Vritet në Greqi ish-oficeri i SHIK
Mitat Mersinllari 47-vjeç goditet me makinë në mes të Selanikut


Një aksident i dyshimtë i merr jetën ish-agjentit sekret shqiptar në qëndër të Selanikut. Ngjarja ka ndodhur në 2 tetor 2003 ku është vrarë aksidentalisht në Greqi ish-oficeri i SHIK-ut Mitat Mersinllari, 47 vjeç. Vrasja e tij është mbuluar me mister, ndërsa vëllai dhe shokët e tij, këmbëngulin për një vrasje shtetërore të projektuar mirë dhe jo për një aksident automobilistik të zakonshëm.

Kjo nuk është hera e parë që ndodh kështu, tha vëllai i tij Mersin Mersinllari, pedagog në Universitetin e Tiranës. Sipas familjarëve dhe shokëve të tij, aksidenti mund të ketë lidhje me të shkuarën e tij si oficer i Shërbimit Sekret Shqiptar (SHIK), detyrë që ai e ushtroi deri në vitin 1997. Mitati, njëkohësisht njihej edhe si veprimtar politik në Greqi dhe merrte pjesë në aktivitete të tilla.

Policia ka mbërritur menjëherë në vendngjarje, por në emër të mbledhjes së provave dhe fakteve, e ka vonuar rreth dy orë dërgimin e Mitatit në spital, i cili ishte jo më larg se 200 metra. Sipas variantit të policisë, Mitati është goditur nga një makinë me targë NZN 2698 e drejtuar prej 18-vjeçares Theofili Zeropulos, e bija e çifutit Jakov. Policia thotë se makina e ka goditur Mitatin në rrethana të paqarta, por, ndërkohë, ajo nuk e ka kapur autorin e ngjarjes. Makina, menjëherë pas goditjes, ka ikur nga vendngjarja, duke e lënë viktimën të shtrirë përtokë. Pas ngjarjes tragjike, aty ka shkuar ekipi hetimor, i cili ka marrë me vete të gjitha provat e krimit, dhe si përfundim i ka lënë fajin viktimës. Ekspertët policorë nuk kanë deklaruar rrethanat e këtij krimi, duke u mjaftuar me mbrojtjen e autorit të krimit.

Vëllai i viktimës, por edhe disa prej shokëve të Mitatit, këmbëngulin se krimi ishte i planifikuar dhe se në timonin e makinës nuk ishte 18-vjeçarja, por i babai i saj, i cili jashtë çdo mundësie ka goditur shqiptarin për vdekje dhe më pas është larguar qetë-qetë pa u ndjekur nga policia dhe nga askush.

Mitati ka qëndruar i shtrirë në asfalt rreth dy orë, pra nga ora 21.30 deri në 22.45, kur ai u dërgua në spital. Pasi u dërgua në spital, ai mori ndihmën e parë, por vdiq në orën 22.30. Nëse policia do ta kishte marrë menjëherë në vendngjarje, sipas burimeve shqiptare, ai do të kishte shpëtuar, por miqtë e tij këmbëngulin se ai u la aty për të vdekur me çdo kusht. Një detaj tjetër, për të cilin këmbëngulet, është fakti se policia e Selanikut nuk e lajmëroi konsullatën shqiptare, derisa për këtë u kujtuan shokët e Mitatit. Konsullata, pasi i bëri telefon policisë dy ditë më pas konfirmoi vdekjen e Mitat Mersinllarit. Kur shefi i konsullatës kërkoi shpjegime për mosinformimin, zyrtari i policisë tha se ne nuk e dinim numrin e telefonit. Shokët e Mitatit thanë se kur e kërkuan kufomën e shokut të tyre, polica e fshihte. Bashkë me kufomën policia, sipas tyre, ka zhdukur edhe provat e krimit, duke krijuar pseudoprova të tjera. Policia i dha të shoqes së Mitatit rroba pa gjak, një portofol me 40 euro dhe lejën e vjetër të qëndrimit. Gruaja e tij nuk di greqisht, kështu që ajo firmosi për marrjen e këtyre gjërave, pa ditur se policia po përdorte një mekanizëm për fshehjen e provave të së vërtetës. Ne kërkojmë drejtësi. Po ata që thanë se djali nga Hasi u vra nga plumbi që bëri rikoshetë në ajër, thanë se vëllai im u vra aksidentalisht. Por hetimet për djalin nga Hasi treguan se ai u vra me qëllim, ashtu siç gjurmët e krimit për vëllanë tim u fshehën për të bërë fajtor viktimën, shprehet i revoltuar Mersini.

Dy emigrantë korçarë kanë nderruar jete gjithshtu dje pas një aksidenti në kryeqytetin grek, Athinë. Burimet nga qyteti i Korçës bëjnë të ditur dje se, dy viktimat, Vaskë Ceci dhe Romeo Treni, banues në qytetin e Korçës, pësuan fundin tragjik gjatë një përplasjeje mes automjetesh në një autostradë në dalje të Athinës.

Në morgun e Selanikut, që prej dy muajsh vazhdon të dergjet trupi i pajetë i një shqiptari nga Gjirokastra. Quhet Jorgo Vasili. Këtë e dëshmon për gazetën prof. Mersin Mersnillari. Kur unë shkova të merrja trupin e vëllait, shefi i morgut m'u lut të bëja publik faktin që në këtë morg dergjej edhe një shqiptar tjetër, për të cilin nuk kujdesej askush. Ne i kemi kërkuar ndihmë konsullatës shqiptare, por ajo na ka thënë se po interesohemi, por në fakt askush nuk ka ardhur të marrë trupin e tij. Më thanë se në disa qytete të tjera, ka edhe shqiptarë të tjerë, që dergjen në morg pa ditur se kush janë dhe që nuk kujdeset askush për ta, saktëson Mersini.


Gazeta Panorama
11 Tetor 2003

[Nika]

Besoj se vrasjet e shqiptarëve që i bëjnë grekët, sllavomaqedonët në kufi, brënda territorit shqiptarë dhe brënda territoreve të tyre janë kërcënime nga jasht. Më kujtohet që para disa vjetëve dikush nga zyrtarët amerikanë paten deklaruar se rreth 300 /treqind/ agjentë = spiunë serbë janë në Shqipëri. Pastaj ultrashovinisti serb Vojisllav Sheshel, pati deklaruar në parlamentin serb se ku janë harxhuar ato 17 milionë $ në Shqipëri? Ai ka pyetur para v. 1997. Me djegjen e Shqipërisë, i bibliotekave, dokumentave etj. me vlerë kombëtare, u pa se ku u shpenzuan ato para. Pas v. 90 nuk ka ndodhur, nuk ndodhë dhe vonë do ndodhë /nëse ndodhë ndonjëherë?/, që organet tona të vrasin ndonjë nënshtetas të vendeve fqinje. Ne vetëm numrojmë e varrosim të vrarët dhe i shërojmë të gjymtuarit e të persekutuarit, ndersa qeveritarët tanë aktual, i arsyetojnë organet greke edhe më mirë se vetë grekët, apo u kërkojnë ndjesë organeve të shteteve fqinje, që janë duke hequr shumë!!!, duke vrarë e duke keqtrajtuar shqiptarët = bashkombasit e mi shumë të dashur, por të varfër, të mjerë e jetimë, pasi nuk kanë shtet të vetin që t'i mbrojë! Ne jemi koloni greke. Ende vlenë thënia e të Madhit Faik KONICA, -se shqiptarët janë armiq të shqiptarëve!- sepse politikanët tanë shumica janë prostitutanë pasi e kanë shitur moralin, dinjitetin, kombësinë, mendjen dhe shpirtin tek dreqi = të huajt, tek pasurimi personal= tek egoizmi etj. Nga jasht jemi të kërcënuar edhe nga kriminelët e kontrabandistët e huaj dhe tonë, e nga brënda nga shqipfolësit që punojnë kundër popullit e MËMË/ATË/DHEUT tonë.