A do te kete serrisht konflikt ne Maqedoni?

[Beqari002]

Nuk eshte per tu cuditur edhe nese neser apo pas neser do te filloj kjo "lufte",mirepo duhet shikuar realisht te gjitha ngjarjet qe kane ndodhur be kete vend dhe ate se cka eshte realizuara nga ajo "luifte" qe eshte zhvilluar ne Maqedoni.
Une do ta kisha bere vetem nje pyetje:"Ku jane dhe ku jetojne lideret te cilet deri me marveshjen e Ohrit ishin jashte truallit te tyre,ku ata jetojne sot,ne Shkup apo ne ndonje lagje apo paralagje te ndonje fshatio shqipetar "? larg nga ´qyetet,larg nga njerzit e tyre,pse athua.OPse keta njerez te cilet aq shume betrtasin se kane sjellur dic te mie nuk ulen ne qender ,nuk jane ne kryeqytet , te kene kontakte me njerez,te jene aktual,por nga vende jo te njohura japin deklarata per shtyp.
A thua aketa lider a mund te spjegojne sa kane arritur me "Ohrin",si jane sot fshatrat shqipetare,cka ka sot ne to a ka ka ndonje ndryshim apo vetem germadha,shskrium e hi nga djegjet barabara maqedodnase te vitit te kaluar.
Keto dite lexova ne nje te perjavshme angleze se ne Angli disa te rinje do te formrojne partine e tyre politike per "Mbrojtjen e te drejtave te derrave",ne Spanje do te formohet partia e re per at6a te cilet nuk dine shkrim lexim,ne Suedi partia per zbritjen e cmimit te birres.Pra konsideroje se formimi i paritve politke nuk ka kurfar dometheneie.
"Oj sharki e lehet si era,aa ka ardhur ne Shqiperi pranvera"

[Tigrimelara]

Hysni Shaqiri , sekretar i BDI-së për bashkëpunim ndërpartiak:
Interesi i përgjithshëm i shqiptarëve është të jemi sa më të bashkuar
Në mbledhjen e parë të kryesisë së partisë Bashkimi Demokratik për Integrim, të zhvilluar të mërkurën, u zgjodhën funksionarë të tjerë partiakë, të cilët veç kryetarit Ali Ahmeti, do ta drejtojnë këtë subjekt politik. Nënkryetarë do të jenë: Nazmi Beqiri, Teuta Arifi, Rafiz Haliti; Musa Xhaferri, u zgjodh si Sekretar i Përgjithshëm; Abdylhalim Kasami është Drejtor Administrativ; Hazbi Lika Sekretar organizativ; Sekretar për marrëdhënje me jashtë i BDI-së është Aziz Polozhani dhe Hysni Shaqiri, i cili u zgjodh Sekretar për bashkëpunim ndërpartiak. "Politika shqiptare në Maqedoni përjeton një moment jashtëzakonisht të paqartë, sepse për shqiptarët asgjë nuk është e definuar pas luftës. Është shumë me rëndësi që në këto situata, kur ka një lloj mjegullimi të skenës politike shqiptare, sa më shpejt të ketë një definim të drejtë sa i përket avancimit të gjithë asaj që është obligim i dalë nga lufta", thotë ndër të tjera Hysni Shaqiri në intervistën dhënë Lobit.




Fejzi HAJDARI
Naser PAJAZITI


LOBI: Si i vlerësoni zhvillimet më të reja në politikën shqiptare në Maqedoni?
SHAQIRI: Në përgjithësi, politika shqiptare në Maqedoni përjeton një moment jashtëzakonisht të paqartë, sepse për shqiptarët asgjë nuk është e definuar pas luftës. Partitë që kanë qenë në pushtet, gjatë periudhës së konfliktit të armatosur gjatë vitit të kaluar po mundohen ta mbijetojnë këtë krizë duke u marrë së tepërmi me luftën, për të cilën gjë nuk kanë të drejtë të flasin, sepse meritën kryesore për këtë e ka popullata dhe, natyrisht, ushtarët të cilët kanë sakrifikuar më së shumti gjatë luftës. Pra, politika nuk duhet aspak të merret me luftën dhe aq më pak që në emër të luftës të tentojë të përfitojë pikë politike. Nuk kanë të drejtë morale të flasin në emër të saj ata të cilët e kundërshtuan luftën.
Është shumë me rëndësi që në këto situata, kur ka një lloj mjegullimi të skenës politike shqiptare, sa më shpejt të ketë një definim të drejtë, sa i përket avancimit të gjithë asaj që është obligim i dalë nga lufta.


LOBI: Si e komentoni apelin e PPD-së për koalicion të përbashkët ndërmjet BDI-së dhe PDK-së? A është kjo ofertë serioze, apo vetëm tentim për ngritjen e rejtingut partiak para zgjedhjeve parlamentare?
SHAQIRI: Unë mendoj se shqiptarët në këto zgjedhje duhet të japin prova para faktorit ndërkombëtarë se janë të pjekur për të realizuar zgjedhje të lira dhe demokratike sipas standardeve evropiane. Në këto zgjedhje duhet të tregohemi seriozë dhë te pjekur, të mos premtojmë në stilin e mëparshëm, që pastaj të mos mundemi të realizojmë as edhe një të katërtën e asaj që është premtuar.
Apeli i liderit të PPD-së për bashkëpunim ndërpartiak, është në rregull, por unë mendoj se ky bashkëpunim nuk duhet të jetë vetëm në nivel partiak, por edhe ndërmjet popullsisë, të krijohet një klimë e cila popullsisë do t'i premtonte një perspektivë më të mirë në të gjitha dimensionet e jetës, sepse përndryshe do të konsumohemi shumë shpejt, kurse popullata është një barometër shumë i saktë.

LOBI: Sipas jush, cili ka qenë dhe është roli i PDSH-së para dhe pas mbylljes së konfliktit të armatosur, pasi që ju më parë keni qenë edhe anëtar i kësaj partie?
SHAQIRI: Ju e dini se unë kam qenë edhe deputet i PDSH-së dhe jam një ndër themeluesit e kësaj partie. Aktivitetin e vetë partiak fillimisht PDSH-ja e zhvillonte gjithnjë duke u thirrur në mbrojtjen e interesave shqiptare, përkatësisht për avancimin e statusit politik të shqiptarëve të këtushëm dhe kjo ishte arsyeja që atëherë një pjesë e intelektualëve shqiptarë iu bashkangjitën kësaj partie. Pra, kjo parti u zotua se do të bëjë një kthesë në avancimin e statusit të shqiptarëve, edhe pse disa procese kishin përfunduar.
Gjatë fillimit të konfliktit të armatosur, PDSH-ja ishte në Qeveri dhe në këtë fazë nuk diti ta luajë rolin e duhur. Këtë e dëshmuan deklaratat e pamatura dhe tepër të rënda të kreut më të lartë të PDSH-së ndaj luftës dhe pjesëtarëve të UÇK-së, gjë që shkaktoi shumë mjegull përballë faktorit ndërkombëtar. Si rezultat pikërisht i këtyre sjelljeve të moskoordinimit të aktiviteteve, ne kemi marrëveshjen e Ohrit, për të cilën u përcaktua edhe faktori ndërkombëtar, duke parë relacionet UÇK-së me politikanët, përkatësisht se shqiptarët janë të ndarë dhe kanë mendime të paqarta rreth luftës, por edhe për politikën e tyre në Maqedoni.
Një situatë të rëndë të moskoordinimit të aktiviteteve ndërshqiptare gjatë luftës e krijoi pikërisht PDSH-ja si pjesëmarrëse në pushtet. Më vonë kësaj përbërje të qeverisë së Maqedonisë iu bashkangjit edhe PPD-ja, dhe mund të them lirisht se nuk kishin politikë të qartë rreth luftës dhe rreth problemeve që po ndodhnin në hapësirën shqiptare në Maqedoni, sidomos në rajonin e Likovës, ku u shënua një luftë tepër e ashpër që rrallëherë përsëritet në histori. Pikërisht këtë situatë të rëndë, të cilën e krijoi lufta, edhe më shumë e krijuan partitë politike.
Në këtë drejtim, unë si Hysni Shaqiri, mendoj se PDSH-ja mban përgjegjësi të madhe, që nuk mund t'i falet. Por, jo e gjithë PDSH-ja, se aty ka edhe njerëz që mendojnë krejt ndryshe nga kreu i kësaj partie, pra këtu përgjegjësia duhet të kërkohet nga individë të cilët nuk patën qasje të drejtë ndaj luftës, nuk patën vizion për luftën dhe për gjendjen të cilën e kanë shqiptarët në Maqedoni.


LOBI: Disa komandantë të ish-UÇK-së tanimë kanë kaluar në disa parti që, sipas jush, nuk kanë qenë në një vijë me pretendimet e luftës së UÇK-së. Çfarë mund të thoni për këto lëvizje?
SHAQIRI: Është normale, sepse partitë politike ekzistuese përmes transfereve të disa komandantëve dëshirojnë të lajnë mëkatet për qëndrimet e tyre ndaj luftës. Ata dëshirojnë të dalin nga arkivoli i vdekjes politike përmes sakrificës së komandantëve. Kjo dihet mirëfilli se bëhet për të zgjatur jetën politike, respektivisht për t'i fituar zgjedhjet e sivjetme parlamentare. Fundja, kjo është e drejtë e tyre, e cila në demokraci askujt nuk mund t'i merret, por jeta politike dallon shumë nga ajo e luftës.
Jeta politike ka parametrat e saj dhe ato duhet t'i caktojmë ne, duhet t'ua bëjmë me dije të gjitha forcave politike shqiptare në Maqedoni se interes i përgjithshëm dhe prioritar i shqiptarëve është që të jemi sa më të bashkuar.


LOBI: Ku qëndrojnë arsyet e bllokimit të Këshillit Koordinues Ndërshqiptar? Kush mund të jenë fajtorët apo përçarësit e aktivitetit të Këshillit?
SHAQIRI: Lidhur me punën e Këshillit dolën në shesh të gjitha demagogjitë e disa politikanëve shqiptarë. Në fakt, këtu u pa se dikush ka folur diçka tjetër, kurse ka bërë diçka krejt tjetër. Para popullatës ka deklaruar se nevojitet uniteti, kurse ka punuar për përçarjen e shqiptarëve dhe thjesht nuk u pajtua që të jetë në kuadër të këtij Këshilli, ku koordinimin do ta bënte tjetërkush. Funksionimi i Këshillit, ku fjalën do ta kishin ish-përfaqësuesit më të lartë të UÇK-së, dikujt i pengonte.


LOBI: Pas formimit të BDI-së, partitë maqedonase kanë deklaruar se nuk do të koalicionojnë me Ali Ahmetin nëse partia e tij i fiton zgjedhjet parlamentare të shtatorit...
SHAQIRI: Nëse subjekti ynë politik legjitimohet me anë të votës nga popullata shqiptare, mendoj se maqedonasit do të jenë të detyruar të koalicionojnë me BDI-në. Deklaratat e krerëve partiakë maqedonas duhet shikuar në kuadër të marketingut partiak.


LOBI: Pse nuk mund të lëvizni ende të lirë? Ku qëndrojnë arsyet dhe pengesat, pasi që ligji për amnisti është në fuqi?
SHAQIRI: Unë personalisht tri herë radhazi kam pasur ftesë nga Gjykata themelore-1 e Shkupit, të cilës deri sot nuk i jam përgjigjur. Akuzohem për shumë vepra që kanë të bëjnë me luftën: për gjoja mbajtjen e popullatës civile të komunës së Likovës peng, pastaj akuzohem për apelin që i kam drejtuar mjeteve të informimit dhe opinionit gjithëshqiptar në Maqedoni për t'iu bashkangjitur UÇK-së.
Mendoj se është obligim i shtetit që të përfillë dhe respektojë të gjitha obligimet që dalin si rezultat i kthimit të paqes dhe stabilitetit në këtë vend. Shumë çështje nuk kanë përfunduar si duhet, sikurse edhe vetë amnistia. Unë mendoj se institucionet e këtij shteti nuk janë në gjendje të kuptojnë seriozisht çdo obligim që kanë marrë para faktorit ndërkombëtar për amnistinë.

[Tigrimelara]

Ilir BABARAMO / TIRANË


LOBI: Pak ditë më parë ju ishit në Ohër, ku u takuat dhe me homologun tuaj maqedonas. Georgievski kishte deklaruar më parë se nuk dëshironte të realizohej ky takim. Çfarë e ndryshoi qëndrimin e tij?
MAJKO: Me informacionet që kam pasur, nuk di që të ketë pasur ndonjë mohim. Të paktën kështu më janë shprehur ndihmësit e mi, të cilët kishin komunikuar me kabinetin e Georgievskit. Megjithatë, takimi ishte i nevojshëm dhe e mendoj atë si të dobishëm përsa u përket vlerësimeve të mia për situatën që është aktualisht në Maqedoni, duke pasur parasysh se shumë shpejt aty do të kemi zgjedhje. Takimi me Georgievskin u bë dhe në një moment delikat, në sfondin e një debati brenda skenës politike maqedonase, për ecurinë e reformës që kishte paketa e marrëveshjes së Ohrit. Mendoj se takimi ishte i suksesshëm nga pikëpamja e shtytjes së disa proceseve për të cilat unë ngela optimist dhe, në fund të fundit, u shërbejnë interesave të shqiptarëve në rajon si dhe stabilitetit të Maqedonisë. Për këtë arsye, i shpreha presidentit Trajkovksi, i cili ishte promotori i vizitës sime, së bashku me një grup kongresmenësh amerikanë, përkrahjen e plotë të Shqipërisë për ecurinë e marrëdhënieve mes dy vendeve tona. Kam parasysh se Shqipëria sapo kaloi në Parlament marrëveshjen e tregtisë së lirë me Maqedoninë. Shpreha gjithashtu vizionin tonë për zbatimin sa më të shpejtë të Marrëveshjes së Ohrit, e cila për ne ngelet esenciale për zhvillimet e brendshme në Maqedoni. Mendoj se komunikime të tilla do të ketë dhe në vazhdim. Shqipëria po krijon një atmosferë ku palë, shumë shpejt jam i bindur, se do jetë dhe Qeveria e Kosovës, sigurisht brenda kuadrit përkatës të së drejtës ndërkombëtare që ka. Dalëngadalë po krijohet bindja se Qeveria e Kosovës dhe institucionet e saj janë dhe duhet të jenë palë e zhvillimeve në rajon. Komunikimi me këto institucione jo vetëm do të forcojë institucionet e porsakrijuara të Kosovës, por do të shmangë dhe keqkuptimet që shfaqen herë pas here. Nga kjo pikëpamje, mendoj se takime të natyrës tripalëshe, siç mund të jetë Shqipëri-Kosovë-Maqedoni apo Shqipëri-Mal i Zi-Kosovë, për ne do të ishin jashtëzakonisht pozitive dhe të mirëpritura. Pas takimit me kryeministrin Rexhepi, unë mbetem optimist. Tek ai kam gjetur dhe gjej një partner të jashtëzakonshëm.


LOBI: Në Maqedoni, tani në prag të zgjedhjeve, spektrit politik shqiptar i është shtuar dhe partia e Ali Ahmetit. Ju prisni që këto forca politike të hyjnë bashkë në zgjedhje apo të shkojnë sërish të fragmentarizuara?
MAJKO: Unë nuk mund të bëj rolin e atij që i kupton të gjitha dhe është i gatshëm të ofrojë këshilla për gjithçka. Mua më duket se i rëndësishëm është forcimi real i bazamentit të politikës shqiptare në Maqedoni. Kjo është shoqëruar dhe me përfshirjen si faktor stabiliteti atje. Ndryshimet kristalizuese mua më duken pozitive.Gjithsesi, ky është një moment që i përket kohës për ta gjykuar. Në fund të fundit, votat janë po ato. E rëndësishme është që kandidatët, emrat që të do shkojnë të përfaqësojnë shqiptarët në zonat elektorale, të jenë njerëz që dinë të komunikojnë dhe të dinë të mbrojnë të drejtat, të cilat Marrëveshja e Ohrit u ka dhënë mjaft fleksibilitet, jo vetëm për sot, por dhe për të ardhmen.


LOBI: Zoti kryeministër, ju e keni konsideruar ndërtimin e rrugës Durrës-Kukës-Prishtinë si një prioritet të prioriteteve të qeverisë suaj. Përse?
MAJKO: Shpegimet besoj se nuk janë të nevojshme. Për një arsye të thjeshtë: rruga ekzistuese bëhet për 12 orë, ndërsa ndërtimi i rrugës së re do të sjellë që ky aks të përshkohet vetëm për 2 orë e gjysmë. Nëse shtojmë dhe faktin se pa këtë rrugë, si Shqipëria ashtu dhe Kosova rrezikojnë të ngelen tregje të ndara dhe pastaj fjala ndarja mund të sjellë dhe mënyra të tjera të shpegimit, mua nuk mund të më duket se kanë nevojë për një shpegim të detajuar. Komisionet parlamentare kanë kaluar tashmë projektin e Qeverisë, i cili parashikon vendosjen e taksës që do të përdoret vetëm për ndërtimin e kësaj rruge.
Për të sensibilizur opinionin organizuam dhe një konferencë kombëtare në Tiranë. Gjatë diskutimeve të ekspertëve u konfirmua dhe një herë fakti se ndërtimi i kësaj rruge është një nga ëndrrat e vjetra të inxhinierëve të Shqipërisë. Ky projekt ka ngacmuar dhe ekspertë të huaj.
Diskutimi për këtë rrugë vjen dhe në një moment shumë specifik. Kur më kanë pyetur të huajt se a fshihet ndonjë qëllim i Shqipërisë tek prioriteti i ndërtimit të kësaj rruge, u kam thënë se përgjithësisht qëllimet e fshehta nuk “fshihen” në mënyrë kaq publike dhe nuk mbarten te një rrugë, e cila nuk ka filluar të mendohet sot.
Mendoj se ndërtimi i kësaj rruge do të sjellë shumë zhvillime pozitive si në biznes, turizëm, investime, deri te struktura e mallrave bujqësore që do të prodhojë qoftë Kosova, qoftë Shqipëria. Ardhja e rreth 1 milionë turistëve nëpërmjet kësaj rruge çdo vit, jo vetëm në verë, në thelb do të orientojnë një proces, i cili do t’i kalojë muret e zakonshme të një komunikimi.


LOBI: Në çfarë faze është konkretizimi i këtij projekti? A ka një parashikim: kur pritet të fillojnë punimet dhe kur mendohet që ato të përfundojnë?
MAJKO: Ligji për taksën është tashmë në Parlament. Ndërkohë, kemi ngarkuar Drejtorinë e Përgjithshme të Rrugëve për hartimin e projektit të rrugës. Ushtria gjithashtu ka marrë detyrat përkatëse. Sigurisht, ne kemi vendosur disa afate që do doja t’i mbaja deri diku konfidenciale. Ne duam ta nisim sa më shpejt. Mendoj se që nga viti 1999, kur Banka Botërore e futi këtë rrugë në projektet e saj, mund të them se kemi humbur pak kohë. Por, unë jam i bindur se do ta fitojmë kohën e humbur.

[alumni]

SHKUP (1 Korrik) - "Asnjë amerikan nuk është përfshirë në trajinime dhe nuk ka ndihmuar Ushtrinë Çlirimtare Kombëtare (UÇK)". Këtë ka bërë të ditur sot Qeveria amerikane, nëpërmjet një deklarate për shtyp të Ambasadës në Shkup. Duke hedhur poshtë disa publikime në shtypin maqedonas, qeveria e SHBA ka deklaruar se" asnjë amerikan në Haraçinë, apo pjesëtarë të trupave të NATO-s, korrikun e kaluar nuk kanë ndihmuar UÇK-në". ad/ko (MIA/BalkanWeb)

[ornament]

Une them JO! lufte s'do te kete me kurre, bile jo vetem ne Maqedoni, por ne ter rajonin e me gjere, ne te ter globin duke filluar nga neser do te kalojme te lumtur e ne paqe te perhershme. Kush s'e beson kete eshte tradhetar dhe racist. Pike!

[Brari]

nga shtypi.
---------------------

Nga këndi i mërgimtarit

Euforia zgjedhore në IRJM


--------------------------------------------------------------------------------

Nga partitë politike që kanë dalur me kandidatët e tyre për deputet të mundshëm në zgjedhjet e ardhëshme 2002 realisht (jo politikisht) gjasat më të mira për më shumë deputet që mund të zgjedhen i kanë BDI dhe PPD, këtë e mbështesim në faktin se BDI përbëhet nga strukturat e ish-UÇK-ës kurse PPD përbëhet nga njerëz të cilët tani më janë kalitur në skenën politike dhe se vetë partia ka strukturë të shëndoshë kadrovike e cila din të reagon në momentin e duhur më së miri. Mjafton të përmendim z.Ixhet Mehmetin i cili me këmbëngulësinë e tij bëri që amnestia për ish pjestarët e UÇK-ës të flitet në Qeveri dhe në parlament dhe mbi të gjitha të bëhet ligj,shikuar nga këndi real po mos të ishte ky ligj ish strukturat e UÇK-ës do ta kishin shumë vështirë të formojnë parti politike. Pastaj pikërisht ky zotëri zbuloji vjedhjen e ministrit për punë të mbrendshme Boshkovskit si ky ka dhënë shtetësi 3500 personave pa kurfar autorizimi nga ministria e drejtësisë.

Nyon (Zvicër), 24 gusht 2002 / Alistar Ramadani

Zgjedhjet që kemi në prag të derës me siguri se do të jenë shumë interesante si për kampin shqiptarë poashtu edhe për kampin maqedonas,Kjo vjen nga vetë fakti kur dëgjojmë dhe shikojmë se si dalin partitë politike në promovimet zgjedhore.Tubimet e tyre karakterizohen me eufori të stërmadhuar aq sa njeriut i duket se këta do të na sjellin një jetë shumë të begatshme dhe të qetë( ?!). Nga euforia parazgjedhore vetëm se filluan plagosjet, mos të flasim për zhargonin e dobët të fjalorit që përdorin simpatizantët e partive të ndryshme në mes veti,nga ky fjalor jo rrallë nuk mungojnë edhe grushtat dhe shkelmat,qërimet e hesapeve pra me anë të forcës.

Pikërisht kjo është ajo që i karakterizon për fat të keq shqiptarët sepse gjithnjë ndjenja për superioritet ndaj tjetrit sjell grushtin,qoftë larg edhe plumbin.Gjelozia bën të vetën sidomos tek ato njerëz që kanë qenë në luftë dhe si pasoj e luftës ju ka ngelur në veti krenaria dhe trimëria dhe tash as shqiptari nuk vlenë shumë për ate. Të përmendim shifrën 35 do të tregojmë se pas luftës 35 pjestarë të ish-UÇK-ës janë vrarë në mes veti,kjo shifër nuk do të mbetet aty me siguri,siç i shohim punët kjo shifër do të rritet aq shumë sa që kam frigë që bashkësia ndërkombëtare do të na shpallë popull i çmendur, e popullin e çmendur nuk e don,as ndihmon, as përkrah askush.Për këtë dukuri të shëmtuar pak kemi dëgjuar nga partitë politike,përveç PPD-ës e cila doli me thirje publike që me këtë dukuri të shëmtuar të miren partitë politike dhe të ulen në tryezën e rrumbullakët për t’ju qasur zgjedhjes urgjentisht,sa « bëri pare » kjo thirje kërkush nuk e din.


Si e shoh unë si mërgimtar partinë politike shqiptare ?

Pa dyshim se partia formohet që të meret pushteti,që të udhëheqet një popull për të jetuar më mirë,ato i tregojnë programet e veta,ofrojnë alternativa të ndryshme për momentin dhe ja kështu mëtojnë të marin pushtetin dhe privilegjet që ka ky pushtet.Që t’i përgjigjemi pyetjes më lartë,jemi të obliguar të përmendim se me çka karakterizohet partia politike këtu në perendim ku jemi ne.

Po t’i pyesim vendasit nja 90% prej tyre nuk e dinë kend e kanë Kryetar kënd Kryeministër,kuota reale kur dalin në votime njerëzit në perendim sillet prej 40% deri 45% nga popullata e përgjithshme që në përkthim don të thotë se as gjysma e popullatës nuk dalin të votojnë sepse edhe pse jetojnë mirë dhe konfort atyre nuk ju intereson politika dhe njerëzit që miren me politikë.Kurse njerëzit që miren me politikë nga premtimet e tyre gjatë kampanjës parazgjedhore ,pasi mbarojnë zgjedhjet shumicën prej tyre edhe e realizojnë.

Këtyre ditëve jemi dëshmitarë të vërshimeve të mëdha që ka kapur evropën perendimore,sidomos Gjermaninë,Austrinë,Çekinë dhe Sllovakinë.Është interesante të përmendet Gjermania ku edhe pozita edhe opozita kanë dalur së bashku për të bërë diç në zbutjen e katastrofës që i kapluar, ato krah për krahu kanë dalur dhe flasin me viktimat e katasrofës ,me këtë kuptojmë se pa marë parasysh programet politike Gjermanët nuk i ndajnë regjionet e tyre në baza partiake,për nerëzit mos të flasim. Kurse tek ne është e kundërta,nëse nuk i përket partisë së caktuar lutju Zotit që mos të të ndodhë asgjë sepse partitë politike do të bëjnë me gisht dhe do të thonë o,ti i përket filan partisë,nuk meriton ndihmë.

Ua rikoujtojmë atyre që nuk e kanë ditur se përpara se t’i fitonte zgjedhjet PDS(Partia Social Demokrate) e Shröderit,Rudolf Sharping në të njejtën parti ishte frakcion partiak, por kjo nuk e pengoji Shröderin që t’a nominon Ministër të Mbrojtjes në Gjermaninë Federale. E te ne ? Çka te ne ? Po qe se bëhesh frakcionist shpallesh shpiun, tradhëtar,aq sa bile të quajnë të marë dhe mund të hash edhe dajak. Ky lloj mentaliteti sillet vërdallë në trojet tona, deri tani së paku askush nuk ka dalur që t’i thotë stop kësaj dukurie të ulët.

Me që ishim në « pushim » këto ditë vere në vendlindje pamë,dëgjuam dhe u helmuam me shumë gjëra të cilat me të vërtetë njeriu normal nuk mund t’i kupton. Prej më të shëmtuarave ishin krismat e pakuptimta pas mesnatës, dhe e ashtuquajtura « kasim ». Pas mesnate tek ne ishte bërë rutinë që krismat ta karakterizojnë natën,këtë e vumë re në Tetovë, Shkup, Kumanovë, për fat të keq në të shumtën e rasteve ishin shqiptarët që avancojnë në këtë drejtim, shumë armë sillen nëpër duart e popullatës.

Viktima ka, të vdekur ka,në disa ahegje familjare,dasma etj. ka të vdekur,të lënduar.Kryeneçsia ska kufi,dhe çka është më keq askush nuk guxon kryeneçit t’i thotë që e ka gabim,përkundrazi ai lavdërohet në stilin :a ti je trim për bes,hallall të qoftë se me ty ska etj.etj.Bile edhe nëse don ndokush të intervenon të tjerët i thonë j ky është me filanin, i filan partisë është ky, mos i thuaj gjë se të vret edhe aspak nuk përgjigjet. Mafi ! Mafi e vërtetë !

Pyes :A me këso njerëz ne do të bëjmë rend, a me këso njerëz ne do të krijojmë vende pune,a me këto shalatanë që brdhin natën si ujq do të ndjehemi të sigurt në shtëpit tona. Jo.Jo ! Vaj halli për ne se çka kishte ndodhur dhe çka po ndodhë në vendlindjen tonë. Me këtë duam të tregojmë « kasimi » se çka donte të thotë. Kasimi ishte mënyra me të cilën mireshin kriminelët e lartëpërmendur,ato me kasimin dilnin në gjueti të viktimave dilnin dhe i kërkonin shtëpitë e shqiptarëve të cilat nuk kanë burra dhe bënin plaçkitje,këtë dukuri ato e quanin kasim.

Kasim !!! Eu bre !!! Vjedhin shtëpitë e shqiptarëve shqiptarët,plaçkisin shtëpitë e shqiptarëve shqiptarët,plaçkisin shitoret e shqiptarëve shqiptarët,shumë raste kanë ndodhur,në asnjë rast,e përsërisim ASNJË RAST nuk është ndriçuar deri më tani se kush ka bërë këto krime,kush qëndron pas këtyre krimeve. Njerëz kuptoni,në vendlindje mbretëronte një anarki e vërtetë ku as qeni nuk njihte të zotin. Eu bre !! E ne këtu vraponim me kilometra të tërë për t’i ndihmuar gjatë luftës,ato prej heronjëve u bënë kriminel që nuk dëgjojnë as prindërin e tyre lere më strukturat udhëheqëse të UÇK-ës,bile disa prej tyre edhe me politikë mireshin !

Në këtë derexhe kishin ardhur shqiptarët nga një pushtet kriminel ,e sot të njejtit kërkojnë votën e shqiptarit !Kush or do t’i ja jap votën kriminelit ?Kush janë ato që do të marin lapsin në dorë dhe do të rrethojnë emrin e kriminelit në votime. A me të vërtetë krimineli meriton të votohet ? Nëse si tërësi jemi të degjeneruar atëherë votojeni kriminelin,për ndryshe ju thaftë dora atij shqiptari që voton kriminelin,sepse shqiptaria ka njerëz të mençur që meritojnë votën dhe përkrahjen,nuk jemi ende në gjendje të degjenerimit kolektiv jo, nuk do të lejojmë që një tufë njerëzish të nxinë shpirtin dhe gjakun bujar të shqiptarit,në zgjedhje votoni ato që duan qetësinë,paqën,mirëqenien njerëzore.

Votoni ato të cilët në vepër treguan se si mbrohet dinjiteti i shqiptarit,mos i votoni ato që edhe gjatë luftës nuk i përfillnin urdhërat e Shtabit të përgjithshëm,mos i votoni ato të cilët ushtarët e UÇK-ës në fillim i barazonin me teroristët e me grupe të armatosura njerëzish që duhet eliminuar sa ma parë.Mos i votoni ato që për një grusht të hollash shitën dinjitetin dhe trimërinë luftarake duke ua kthyer shpinën shokëve të luftës. Prandaj mos keni frig, dilni masovikisht në votime,se neve këtu në diasporë edhe vota e lirë na u privua,na e morën të drejtën që të mos votojmë,bile ju mos abstenoni,dilni masovikisht dhe votoni strategjinë luftarake duke ia bashkangjitur strategjinë politike ato dy parti janë BDI dhe PPD.

Vetëm me këto dy parti do të zhduket anarkia në vendlindje,vetëm me këto dy parti politike do të zhduket kriminaliteti dhe korupcioni. Vetëm me këto dy parti do të jemi të sigurt se nuk do të tradhëtohemi karshi politikës maqedonase.Vetëm me këto dy parti Marveshja e Ohrit do të ketë edhe ndryshime rënjësore gjatë implementimit të saj. Sepse Nga partitë politike që kanë dalur me kandidatët e tyre për deputet të mundshëm në zgjedhjet e ardhëshme 2002 realisht (jo politikisht) gjasat më të mira për më shumë deputet që mund të zgjedhen i kanë BDI dhe PPD, këtë e mbështesim në faktin se BDI përbëhet nga strukturat e ish-UÇK-ës kurse PPD përbëhet nga njerëz të cilët tani më janë kalitur në skenën politike dhe se vetë partia ka strukturë të shëndoshë kadrovike e cila din të reagon në momentin e duhur më së miri.

Mjafton të përmendim z.Ixhet Mehmetin i cili me këmbëngulësinë e tij bëri që amnestia për ish pjestarët e UÇK-ës të flitet në Qeveri dhe në parlament dhe mbi të gjitha të bëhet ligj,shikuar nga këndi real po mos të ishte ky ligj ish strukturat e UÇK-ës do ta kishin shumë vështirë të formojnë parti politike. Pastaj pikërisht ky zotëri zbuloji vjedhjen e ministrit për punë të mbrendshme Boshkovskit si ky ka dhënë shtetësi 3500 personave pa kurfar autorizimi nga ministria e drejtësisë. Për BDI-n nuk do të themi shumë përveç se ate që thamë më lartë,ato në vepër e kanë treguar se cilit komb i takojnë,në vepër e kanë treguar se cilit popull i takojnë.


Për fund

Bëni gjithçka për shporjen e krimit nga trevat tona, bëni gjithçka që jeta jonë dhe e fëmijëve tanë të ketë kuptim, bëni gjithçka që kur të dilni në votim mos i shikoni rivalët e partisë tjetër si armiq por në rradhë të parë shikoje si vëlla,si mik,si dashamir, bëhuni prej atyre që mos të bini në provokimet e mundshme nga rivalët partiak sepse partia shkon, lideri politik shkon,e ju të hidhëroheni për shkak të liderëve të papërgjegjshëm nuk ka thënë Zoti ashtu. Mbledheni tërë fuqinë, dhe dilni krah për krahu të votoni,së bashku në një kutij votoni për kënd të doni por mos hidhëroheni.Vota e lirë është sublime,ate askush nuk ka të drejtë të ta vjedh,së bashku jemi edhe më të fortë edhe armikut ia fusim ethet.Bëhuni prej këtyre.

--------------------------------------------------

[Beqari002]

Armata Kombëtare Shqiptare: Policët në Gostivar i vramë ne, lufta do të intensifikohet

SHKUP, 27 gusht - Armata Kombëtare Shqiptare (AKSH) ka marrë përsipër vrasjen e dy policëve maqedonas dje në Gostivar, në një komunikatë për shtyp të publikuar në faqen e saj në Internet. Një njësit gueril i brigadës "Avni Beqiri-Drenica" - pohohet në komunikatë - "që vepron në qytetin e Gostivarit, pas mesnatës (ora 00.45) të 26 gushtit 2002, në lagjen 'Cigllana', siç e quajnë sllavo-maqedonasit këtë lagje tërësisht shqiptare" ka vrarë në vend dy policë "sllavomaqedonas" dhe një tjetër u plagos rëndë. Sipas komunikatës, "shpifjet e sllavomaqedonasve se gjoja i kanë zënë vrasësit e policëve, në kufi me Kosovën duke kaluar me një veturë me regjistrim të Italisë, sa janë të palogjikshme po aq janë edhe gënjeshtra të kulluara", lexohet në komunikatën e AKSH. Kjo e fundit i bën njëkohësisht edhe një apel atij që e quan "populli sllavo-maqedonas", që "bijtë e tij t'i largojë nga uniforma e këtij 'shteti' të ngordhur". Gjithashtu, AKSH i kërkon rinisë shqiptare të inkuadruar në "të ashtuquajturën polici multietnike që të largohet nga kjo polici kriminale dhe të inkuadrohen në AKSH". Në fund të komunikatës theksohet se kjo armatë "tani dhe në të ardhmen, me një intensitet edhe më të madh, do ta intesifikojë luftën dhe së shpejti do të shpallë Kryengritjen e Përgjithshme Popullore për çlirimin dhe ribashkimin e tokave shqiptare në një Shqipëri të Bashkuar Etnike".

[Brari]

PRISHTINE (27 Gusht) - Një depozitë armësh u zbulua sot në Kosovën lindore, pranë kufirit me Maqedoninë. Operacioni është kryer nga ushtarët amerikanë të KFOR (forca e paqes e udhëhequr nga NATO) dhe nga policia e misionit të Kombeve të Bashkuara në Kosovë (UNMIK). "Arsenali ishte i groposur dhe u lokalizua pranë fshatit kufitar të Korbulic", tha për agjencinë italiane të lajmeve ANSA, Andrea Angeli, zëdhënës i UNMIK. Mes të tjerash u gjetën 23 mortaja, 838 granata dhe 430 detonatorë, të gjitha në kuti me shënime në gjyhën shqipe nga sipër. Pikërisht sot, u rikthye në skenën ballkanike Armata Kombëtare Shqiptare (AKSH), lëvizje guerile që vepron mes Kosovës, Shqipërisë dhe Maqedonisë, e cila mori përsipër vrasjen e dy agjentëve të policisë maqedonase të ndodhur natën mes të djelës dhe të hënës në Gostivar, qytet në Maqedoninë jugore. AKSH, mes të tjerash, kërcënoi se "do të intensifikojë veprimet e saj ushtarake" kundër Qeverisë së Shkupit.

in/mr (ANSA/BalkanWeb)

--------------------------------------------

Nuk po i kuptoj keto te AKSH-se.
Sa mire veprojne ashtu sic desheron BOSHKOVSKI..interesant.

Tani ne Maqedoni ka votime dhe vepra me patriotike eshte VOTIMI per deputetet Shqiptare.

AKSH me keto deklarate qe merr persiper vrasjet e dy Policve dhe me "bashkim trojesh" ben nji M-U-T te MADH dhe nji AUTOGOL te madh.


vlen VOTA sot or shoqa jo pushka.

SOLANEN, mikun e madh tonin ja Dhuruat Boshkovskit mor magara.

E tmershme..

[Beqari002]

I pa besi gjithmon eshte i pabese,por allavi eshte edhe nje katerfish me i pabese se i pa besi,prandaj nuk duhet besuar fare ne ate cka sllavet trumpetojne apo thon,por nganjehere cuditem si disa lider shqipetar,disa lider partish bien aq ulet dhe ulen e bisedojne,nenshkruajne marrveshje apo pakte me ta,kjo me bene nje pershtypje se edhe keta lideret tane kane humbur trurin e vogel dhe ...


Nis fushata hakmarrëse e maqedonasve për vrasjen e policëve tre ditë më parë. Në Gostivar grisen flamuj shqiptarë


Shkup, eksploziv në zyrat e dy partive shqiptare

SHKUP - Në orët e para të ditës së djeshme, pranë zyrës së dy partive shqiptare në Maqedoni, Bashkimi Demokratik për Integrim (BDI) të Ali Ahmetit, dhe Partisë Demokratike Kombëtare (PDK) të Haxhirexhës, persona ende të paidentifikuar kanë hedhur lëndë eksplozive: përkatësisht një bombë dhe një shishe molotov. Ngjarja ka ndodhur në lagjen "Çair", pranë qendrës së Shkupit. Sipas zëdhënësit të policisë së kryeqytetit maqedonas, Zafirovski, eksplozivi nuk ka lidhje direkte me selinë e dy partive shqiptare edhe pse dëmet në to janë të dukshme. Si pasojë e shpërthimeve janë dëmtuar xhamat e zyrave si dhe disa makina që ndodheshin aty pranë. Por dy parti politike shqiptare kanë thënë se sulmet e fundit ndaj selive të tyre në Shkup kanë si qëllim tensionimin e situatës para zgjedhjeve parlamentare që do të zhvillohen më 15 shtator.
Sulmet kanë ndodhur në pjesën e qytetit të banuar kryesisht me shqiptarë. Dy partitë politike thanë se për incidentet në selitë e tyre kanë njoftuar organizmat përkatëse ndërkombëtare dhe organet vendore. Nga të dy këto parti konfirmohet se nuk ka pasur viktima, por vetëm dëme materiale. Një deklaratë e PDK-së thoshte se ky incident dëmtonte procesin normal të zgjedhjeve, ndërsa BDI, parti e udhëhequr nga Ali Ahmeti, ish -komandanti i guerilëve të UÇK-së, ka vlerësuar se incidente të tilla krijohen për të tensionuar situatën parazgjedhore. Kandidati për deputet i BDI-së për zonën e Shkupit, Nazim Bushi, thotë se para selisë së partisë së tij është hedhur një bombë dore. "Është hedhur para selisë, por për fat nuk kemi viktima, por vetëm dëme materiale," - tha Bushi. "Gjithë mjediset e selisë së PDK-së i ka mbuluar bloza dhe tymi, ka gjurmë djegieje dhe zjarri", -tha për BBC-në sekretari i përgjithshëm i PDK-së, Xhevat Ademi. Pas kësaj ngjarjeje, PDK tha se "nëse nuk gjenden autorët, përgjegjës mund të jenë përfaqësues të forcave të rendit me prapavijë politike".
Qeveria hesht
Ministria e Brendshme maqedonase ka konfirmuar dy incidentet ndaj selive të partive politike shqiptare, por nuk ka bërë ndonjë vlerësim për autorët apo motivet e sulmeve. Zyrtarë të OSBE-së thonë se kanë kontaktuar partitë politike në fjalë dhe kanë marrë informacione rreth incidenteve. Edhe pse ndërkombëtarët në Shkup ende deklarojnë se këto incidente nuk ndikojnë në zgjedhjet që po afrojnë, situata duket shumë e frikshme. Ka nisur një hakmarrje nga pala maqedonase, veçanërisht pas vrasjes së dy rezervistëve ditën e hënë në Gostivar. Sipas kryetarit të bashkisë së këtij qyteti, me shumicë shqiptare, maqedonasit kanë djegur gjatë natës duke u gdhirë dita e djeshme flamuj shqiptarë. Por nuk kanë guxuar të bëjnë akte të tjera dhune, siç ndodhi një vit më parë në Bitola, ku iu vu zjarri shtëpive, pronave dhe dyqaneve të shqiptarëve. Atëherë kjo fushatë shërbeu si fillimi i luftës guerile, që për pak e futi vendin drejt një lufte civile.
Ahmeti nuk do të dalë ca kohë në publik
Sipas mediave të Shkupit, lideri i Bashkimit Demokratik për Integrim (BDI), Ali Ahmeti, ka pranuar sugjerimet e ambasadorit të NATO-s në Shkup, Nikolas Bigman, që për një kohë të mos paraqitet në tubimet publike. Këto sugjerime thuhet se kanë ardhur pas paralajmërimeve të ministrit maqedonas të Policisë, Lube Boshkovski, se Ali Ahmeti do të arrestohet së shpejti. Ndërkohë, përfaqësuesit diplomatikë perëndimorë në Shkup po binden se ministri i Brendshëm, Boshkovski, e ka kurdisur arrestimin e Ali Ahmetit pikërisht në kohën e fushatës parazgjedhore. Edhe për vrasjen e dy policëve maqedonas, qeveria ka drejtuar gishtin ndaj ish -komandantit gueril Ali Ahmeti, i cili tashmë po kryen fushatën elektorale. Një miting i tij që do të orgnizohej pikërisht ditën kur u vranë dy policët, u anulua. Por Ahmeti nuk ka pranuar se ka gisht në këto incidente të fundit në Maqedoni. Nëpërmjet një letre drejtuar zyrtarëve të lartë perëndimore, presidentit Bush dhe sekretarit amerikan Kolin Pauell, përfaqësuesit për politikë të jashtme dhe sigurisë së BE-së, sekretarit të përgjithshëm të NATO-s, kryetarit të Komisionit Evropian dhe kryesuesit të OSBE-së, Ahmeti deklaron se partia që ai udhëheq "është e angazhuar për zgjedhje të lira dhe demokratike dhe për një fushatë parazgjedhore pozitive dhe konstruktive". "Fatkeqësisht, me gjithë angazhimin tonë maksimal për respektimin e vlerave dhe parimeve të përmendura, kohët e fundit, një pjesë e qarqeve qeveritare kanë ndërmarrë një fushatë presionesh, komplotesh, shantazhesh, sabotimi nëpër mediume, me qëllim të izolimit të veprimit politik të BDI-së".


Përforcime në kufirin shqiptaro-maqedonas
TUSHEMISHT: Maqedonasit përforcojnë kufirin me Shqipërinë. Prej 2 ditësh policia kufitare maqedonase ka sjellë forca të shumta ushtarake përgjatë gjithë vijës kufitare që nga Mali i Thatë deri në Qafën e Thanës. Janë ofruar edhe teknikë luftarakë si blinda me goma etj. Burime të policisë kufitare shqiptare thanë për gazetën se pala maqedonase e shpjegon këtë me afrimin e datës së zgjedhjeve të 15 shtatorit. Ndërkohë veprimet në dy pikat doganore kanë qenë në kufinjtë e normalitetit. Edhe kërkesës së komandantit të kufirit Vasil Priftit, që veturave tranzit me emigrantë të mos u sjellin probleme ata i janë përgjigjur pozitisht. Çdo ditë kalojnë nga 50 vetura në të dy pikat doganore të Qafë Thanës dhe të Tushemishtit.


Oj sahrki e lehete si era , a ka ardhur ne Shqiperi pranvera?

[Beqari002]

Sic po duket mu tani ka filluar te "zbatohet ne jete Marrveshja e Ohrit"nenshkruar nga udheheqesit sllavo-maqedonas dhe disa krere shqipetar te cilet mu tani heshtine,me keto te cilat po ndodhin ne trojet shqipetare ne Maqedoni.E eshte per tu cuditur si disa lidere shqipetar ne deklaratat e tyre konsideronin se kane arritur shume kete marreveshje famkeqe.Por mendoj se tani ata duhet te binden se nuk kane bere asgje ne te miren tone me kete.


MAQEDONI: Policia heq flamujt shqiptarë në Tetovë


TETOVE ( 29 Gusht ) - Me aksion të policisë së qytetit dhe me urdhër të shefave të Sektorit të Punëve të Brendshme, në Tetovë dhe rrethinë janë hequr rreth njëqind flamuj kombëtarë të shqiptarëve, që valëviteshin në vendet publike në qytet dhe në disa fshatra. Sipas policisë, "ky aksion do të vazhdojë edhe gjatë përiudhës së ardhshme" dhe se "nuk do të tolerohet vendosja e flamujve të një shteti tjetër në Republikën e Maqedonisë". Ndërkohë njfotohet që flamuj të Partisë Demokratike Shqiptare (PDSH) dhe shqiptarë janë djegur mbrëmë në Gostivar. Flamujt që janë djegur, kanë qenë të vendosur në shtyllat për ndriçim të rrugëve në bulevardin "Vëllezërit Dinoski" në hyrje të Gostivarit, natën ndërmjet të shtunës dhe të dielës. ed/mr (MIA/BalkanWeb)