A do te kete serrisht konflikt ne Maqedoni?

[Tigrimelara]

Pas largimit te PDSH-se nga Keshili i Ali Ahmetit ,dhe tani pas formimit te Bashkimit Demokrat per Integrim si parti politike UCK-ja dhe Ali ahmeti i zhyten politikes ne IRJM- . Ai pas zgjedhjes se tije Kryetar i BDI-se u deklaroi gazetareve se nder Shqiptaret ne Maqedoni nuk do te kercklloje Kallashi se Keshilli ende mund te rifunksionoje dhe se Shqiptaret pra Partite politike te tyre ne Maqedoni do te munden te meren vesht per disa qellime te perbashketa.
Por dilema mbetet e hapur ,per te shtjelluar kete dileme do te ftoja te gjithe Shqiptaret kudo qe jane te japin mendimin e tyre reth asaj qe ndodhe ne Maqedoni me Shqiptaret.

[Tigrimelara]

Kim MEHMETI
Nga kali i bardhë deri te gënjeshtrat e larmishme
Sado që të jetë kurorëzuar me imazhin e mirë në popull, Ali Ahmeti doemos do të duhet që të kalojë nëpër sfida mjaft të vështira. Nëse jo tjetër, doemos do të duhet ta fitojë betejën ndaj një elite politike tashmë të etabluar, e cila e ka shijuar kënaqësinë e fuqisë politike dhe e cila është e paskrupullt në mbrojtjen e privilegjeve të veta. Përkatësisht, e ardhmja politike e Ahmetit do të varet se sa ai e di që nëntoka politike e PDSH-së është ajo që i qep "konceptet etnike shqiptare", e jo organet partiake dhe opinioni publik. Nëntoka politike të cilën e krijoi Xhaferi, ka diçka që nuk e ka asnjë parti tjetër politike e këtushme, përveç asaj të Georgievskit (VMRO-DPMNE): kapitalin e madh, me të cilin mund të blejë dhe të frikësojë shumicën e votuesve shqiptarë. Thjesht, do të jetë problem i madh për Ahmetin që t’i kundërvihet kapitalit të madh të PDSH-së, që nga kjo parti dhe nga kreu i saj bëri "kapitalistë më të mëdhenj", kurse sipas mënyrës se si është bërë ky kapital, këtë parti e bëri motër binjake të VMRO-DPMNE-së. Që do të thotë, kundër ambicieve të tij politike Ali Ahmeti e ka përballë fuqinë e dy partive politike dhe fuqinë e institucioneve shtetërore që kontrollohen nga këto dy parti (VMRO-DPMNE dhe PDSH), tani për tani më të pasura në Maqedoni, e mbase edhe më gjerë




Epokën e Maqedonisë demokratike shqiptarët e këtushëm e filluan me parakalimin e kalit të bardhë në mes të Tetovës, të cilin "e ngiste" kryetari i atëhershëm i partisë së vetme të tyre - Partisë për Prosperitet Demokratik. Të magjepsur nga freskia e kohës së re, pakkush atëherë vuri re se ngjyra e bardhë e kalit mjaft ishte e damkosur me njolla dhe aspak nuk ngjante në kalë marshimi. Atëherë as që ishin të rëndësishme detajet, por pamja e përgjithshme. Kurse në këtë portret grupor politik të shqiptarëve të asaj kohe, nga ngjyrat e euforisë as që mund të shiheshin profilet e atyre që dolën në krye të kolonave politike. Përkatësisht, si të gjithë të tjerët që u ndanë nga socializmi dhe shpallën bashkëshortësinë me nacional-romantizmin e manifestuar me "trung-revolucione" të ndryshme dhe autonomi të shumëllojshme, edhe shqiptarët e këtushëm konsideruan se në orën e bardhë të kohës së re kishte ardhur çasti që t’i realizonin ambiciet kolektive të ëndërruara me vite dhe të pritura gjatë.


Në këtë dhjetëvjeçar të filluar me mitingje euforike, shqiptarët në Maqedoni lan pas vetes shumë protesta, përplot ballafaqime me kordonët e policisë, një "mini-luftë" me forcat e këtushme të sigurisë, që, përfundimisht, mozaikun politik ta kompletojnë me dhjetëra parti politike me prapashtesën "shqiptare" dhe me dilema të dyfishta se cilës prej tyre duhet besuar më shumë në zgjedhjet e ardhshme parlamentare. Në dallim nga vitet e largëta të 90-ta, kur për herë të parë u votua "demokratikisht" - për partinë e tyre e jo për kandidatët, përkatësisht për inat të maqedonasve etnikë e jo për vete - tash kur u "harxhuan" të gjitha format e veprimit, nuk do të kenë zgjidhje tjetër përveç se të votojnë për vete dhe për shtetin në të cilin jetojnë ose të vazhdojnë vetëmashtrimin me mëlmesë të gënjeshtrave të larme të partive të dikurshme.


Votimi nga faza e orëve të para të demokracisë - që të shkohet pas secilit që ka bekimin e partisë sonë - detyrimisht shpiente tek vetëdija politike se vlerat individuale ishin të barabarta me zero nëse nuk ishin verifikuar me librezë partiake. Edhe partia (PPD) që e promovoi principin se vetëm "licenca" e saj garanton cilësi, detyrimisht duhej një ditë të shndërrohej në një "punëtori" që prodhon "sekta politike", që prapa premtimeve të rrejshme të larmishme do t’i fshihnin interesat personale dhe përfitimet. Kështu, nga "inkubatori" PPD lindën gati të gjitha partitë tjera, prej të cilave më e rëndësishmja ishte PDSH-ja (Partia Demokratike Shqiptare), në kreun e së cilës erdhi Arben Xhaferi.


Gjatë dhjetëvjeçarit të kaluar shqiptarët dëgjuan shumë premtime, mbajtën pa kufi mitingje ku mund të drejtohej secili që kishte aftësinë të gënjente dhe aspak të mos skuqej. Ndërkohë, gati secilin vit vijues regjistrohej ndonjë parti e tyre, si shprehje e zhgënjimit ndaj së mëparshmes. Derisa nuk u shfaq UÇK-ja (Ushtria Çlirimtare Kombëtare), që i la nën hije të gjitha partitë dhe e futi Maqedoninë në luftë.


Kur të gjithë menduan se partitë politike shqiptare në Maqedoni janë kufoma të pashpirt dhe pritej që Ali Ahmeti (lideri i dikurshëm politik i ish-UÇK-së) të kryente aktin e varrimit të tyre dinjitoz, ndodhi çudia: ato u bënë më agresive sesa kurdoherë më parë dhe bënë të ditur se nga skena politike nuk mund t’i largojë as fatkeqësia e popullit të tyre, as e dhëna se edhe ato dhanë kontributin e tyre në ndërtimin e magjistrales që Maqedoninë e futi në konflikt ushtarak. Ato edhe një herë dëshmuan se populli lehtë mund të zgjedhë përfaqësuesit e vet, por vështirë e ka që t’i heq të zgjedhurit nga shpatullat. Veçmas të korruptuarit (të cilët, mbase jo se nuk duan të largohen nga skena politike, por nuk e dinë se ku të gjejnë strehim), të cilët i frikëson hija e tyre për të (pa)bërën, hije kjo e cila ata i ndjek si fantazmë.


Sido që të jetë, prejse Ali Ahmeti nuk arriti që t’i fuste nën tutelën e vet partitë më relevante politike në, tashmë, Këshillin Koordinues të shpërbërë (të cilin për një kohë të shkurtër e përbënin Partia për Prosperitetit Demokratik, Partia Demokratike Kombëtare dhe Partia Demokratike Shqiptare), këtyre ditëve vendosi që të bënte të vetmen gjë që i kishte mbetur pa provuar - të krijonte partinë e tij politike. Pra, njeriu që pas vetes ka një luftë, një tentim për të krijuar "front të përbashkët politik të shqiptarëve", menjëherë sikur e kuptoi se "mangupët politikë", të cilët dhjetë vjet e gënjyen popullin, nuk kanë kurrfarë dilemash që ta gënjejnë edhe atë. Përkatësisht, se ata që i vodhën votat e shqiptarëve, kanë fuqi dhe aftësi të vjedhin edhe imazhin e tij të arritur në popull përmes UÇK-së. Ali Ahmeti, i cili e pa se thesi me "brirët partiakë" është shumë i rëndë për t'u bartur, përfundimisht sikur e kuptoi se imazhi i tij ngadalë shkrihet dhe pahetueshëm shtresohet në partitë politike ekzistuese. Veçmas në radhët e PDSH-së së Xhaferit, e cila filloi të "blinte" komandantët e Ahmetit si me ndonjë mall joshës për ta gënjyer popullin në zgjedhjet e ardhshme parlamentare.


Dhe, derisa partitë e këtushme politike të shqiptarëve "komandantizoheshin" - duke luftuar që secila të marrë ndonjë emër të njohur nga komandantët e dikurshëm të UÇK-së - Ali Ahmeti gjithnjë e më tepër bindej se të ndërtosh paqen ndonjëherë është shumë më e vështirë sesa të bësh luftën. Tani, kur e paralajmëroi partinë e vet politike, pritet të shihet se çka i ka mbetur nga "kapitali i dikurshëm" dhe sa e kanë dëmtuar tentimet e deritanishme të bëhej lider gjithëshqiptar. Dhe, kuptohet, do të shihet përfundimisht a thua e ka kuptuar se emri popull nuk është i gjinisë femërore, jo vetëm për shkakun se është i prirë që të mashtrohet nga dama e quajtur politikë, por edhe nga shkaku se ai (populli) i fundit e kupton se kush janë kopilët e posalindur politikë që vetë i mbarsi gjatë votimeve.


Ndërkaq, edhe më tutje do të mbetet e vërteta se shqiptarët e Maqedonisë nuk janë kurrfarë përjashtimi nga "mbiemrat" e tjerë që i shtohen emrit popull dhe prandaj joshen nga gënjeshtrat e larmishme të politikanëve të tyre. Tani, kur e kuptuan se prapa premtimeve të bukura të Xhaferit fshiheshin vetëm pretendime të ambicieve të ulëta që të vidhet pushteti për t’u arritur dobi sa më e madhe për kamaren e kësaj partie, shqiptarëve të Maqedonisë u ofrohet vetëm edhe një mundësi - ta provojnë fatin me partinë e Ali Ahmetit e cila, siç thotë ai, "do të jetë e hapur për të gjithë njerëzit e drejtë". Mbase mbetet shpresa se, ndërkohë, Ali Ahmeti e ka kuptuar se në këto hapësira tashmë kaherë drejtësia nuk varet nga njerëzit e drejtë, por nga të fuqishmit, të cilët u pasuruan brenda natës dhe mund ta blejnë madje edhe drejtësinë.


Sido që të jetë, mbetet e vërteta se në dallim nga shqiptarët e këtushëm, të cilët në zgjedhjet parlamentare do të kenë oferta të mëdha politike, Ali Ahmetit nuk i mbetet zgjidhje tjetër veçse të provojë fatin me partinë e tij të re. Pra, ose të arrijë sukses me partinë e tij, ose përfundimisht t’i kthehet së kaluarës së rrjedhave të këtushme politike. Në këtë rast, një gjë është e sigurt: sado që të jetë kurorëzuar me imazhin e mirë në popull, Ali Ahmeti doemos do të duhet që të kalojë nëpër sfida mjaft të vështira. Nëse jo tjetër, doemos do të duhet ta fitojë betejën ndaj një elite politike tashmë të etabluar, e cila e ka shijuar kënaqësinë e fuqisë politike dhe e cila është e paskrupullt në mbrojtjen e privilegjeve të veta. Përkatësisht, e ardhmja politike e Ahmetit do të varet se sa ai e di që nëntoka politike e PDSH-së është ajo që i qep "konceptet etnike shqiptare", e jo organet partiake dhe opinioni publik. Nëntoka politike të cilën e krijoi Xhaferi, ka diçka që nuk e ka asnjë parti tjetër politike e këtushme, përveç asaj të Georgievskit (VMRO-DPMNE): kapitalin e madh, me të cilin mund të blejë dhe të frikësojë shumicën e votuesve shqiptarë. Thjesht, do të jetë problem i madh për Ahmetin që t’i kundërvihet kapitalit të madh të PDSH-së, që nga kjo parti dhe nga kreu i saj bëri "kapitalistë më të mëdhenj", kurse sipas mënyrës se si është bërë ky kapital, këtë parti e bëri motër binjake të VMRO-DPMNE-së. Që do të thotë, kundër ambicieve të tij politike Ali Ahmeti e ka përballë fuqinë e dy partive politike dhe fuqinë e institucioneve shtetërore që kontrollohen nga këto dy parti (VMRO-DPMNE dhe PDSH), tani për tani më të pasura në Maqedoni, e mbase edhe më gjerë.


Sido që të jetë, dhjetëvjeçarin e pluralizmit shqiptarët nga Maqedonia e përfundojnë me një meny të pasur partiake. Dorën në zemër, ata edhe nga ofertat e deritanishme politike u ngopën deri në vjellje, megjithatë, si çdo popull, edhe shqiptarët me kërshëri sillen ndaj së resë. Kështu, me padurim presin të dijnë se kush do të jenë njerëzit e parë të partisë së paralajmëruar të Ali Ahmetit, duke e ditur që më parë se disa komandantë të tij tashmë një kohë kanë gjetur vatër atje ku u është paguar më mirë "puna e kaluar" ushtarake. Që do të thotë, nëse Ali Ahmeti nuk shpejton, mund t’i ndodhë që të mbetet vetëm me pak ish-luftëtarë të UÇK-së. Kështu, edhe një herë do të dëshmohej se në politikë më së shpeshti nuk është e rëndësishme kush çfarë bëri, por sa është i fuqishëm që të grabis nga ajo që është bërë. Veçmas në këto hapësira të popujve të varfëruar, që ende vuajnë nga sëmundja e kujtesës së shkurtër.

[Tigrimelara]

Pse vendosëm të kalojmë në partinë e Ali Ahmetit?
Këtë javë pritet që më në fund ish udhëheqësi politik i Ushtrisë Çlirimtare Kombëtare, të shpërbërë, Ali Ahmeti, të notojë në ujërat politikë. Këshilli nismëtar, duke paralajmëruar formimin e partisë së re që do të emërtohet si Bashkimi Demokratik për Integrim dha këtë arsyetim: "Përpjekjet e vazhdueshme të popullit shqiptar në Maqedoni për barazi dhe demokraci u avancuan me ngjarjet e veitit të kaluar, që rezultuan me Marrëveshjen e Ohrit. Udhëheqja politike e UÇK-së inicoi formimin e Këshillit Koordinues të partive politike shqiptare në Maqedoni, me qëllim të bashkrenditjes të veprimeve politike të palës shqiptare për implementimin e kësaj marrëveshjeje dhe arritjes së barazisë të plotë të shqiptarëve në Maqedoni. Për shkaqe të njohura, ky Këshill nuk funksionoi ashtu siç ishte paraparë dhe pas konsultimeve të gjëra lindi nevoja që të themelohet një parti e re e cila do të garantonte vënien në jetë të marrëveshjes së nënshkruar". Këshilli nismëtar është i përbërë nga Ali Ahmeti, Gëzim Ostreni, Nazmi Beqiri e Hazbi Lika (ish UÇK), Teuta Arifi (shoqëria civile) dhe Azis Pollozhani e Rizvan Sulejmani (aktualisht me status të deputetit të PPD-së). Lobi luti tre të fundit dhe ish Komandant Mësuesin, Rafiz Aliti, që të paraqesin pikëpamjet e tyre rreth angazhimit për krijimin e edhe të një subjekti të ri në skenën politike shqiptare (i dhjeti me radhë). Sikundër shihet objektivat që partia e re i shtron para vetes janë thuajse identike me ato të Këshillit Koordinues, për funksionimin e mëtejmë të të cilit nga selia në Reçicë të Vogël dalin prononcime të ndryshme e herë-herë kundërthënëse, kryesisht përsa i përket mundësisë së mbijetimit të tij. Në të njëjtën kohë Këshilli Nismëtar ka vazhduar përpjekjet për shtrirjen e idesë gjithandej nëpër vendbanimet shqiptare dhe kudo është mirëpritur. Njerëzit presin se zhgënjimet e deritashme të elektoratit shqiptar nga mosvënia në jetë e premtimeve të bëra nga dy partitë tani për tani më të mëdha shqiptare (PDSh-ja e PPD-ja) me lindjen e partisë së re do t'i përkasin së kaluarës, aq më tepër kur Ali Ahmeti ka siguruar se në të nuk do të ketë vend për të gjithë ata të cilëve iu bie era hudhër, se ka për të çmuar aftësitë profesionale dhe pastërinë morale e kombëtare. Promovimi solemn i BDI-së dhe përcaktimeve të saj programore pritet të bëhet të mërkurën.




Teuta Arifi:
Vlen investimi personal në krijimin e një shoqërie të re


Vendimi për të marrë pjesë në mënyrë të drejtpërdrejtë në krijimin e një subjekti të ri politik dhe, njëkohësisht, për t'u bërë pjesë e procesit të drejtpërdrejtë politik, është vendim jo aq i lehtë për një person i cili i përket sektorit të shoqërisë civile dhe asaj akademike.


Konsideroj se viti 2001 ishte vit i kthesave të mëdha, të cilat kishin si rezultat ndryshimin e statusit legjislativ të shqiptarëve në Maqedoni dhe konsideroj që vitet të cilat janë para nesh shtrojnë sfidën e madhe të jetësimit në praktikë të këtyre ndryshimeve. Po ashtu konsideroj se viti 2001 solli si sfidë ndryshimin e raporteve politike brendashqiptare, duke shtruar si imanente nevojën e krijimit të një klase të re politike e cila do të duhej të përballej me sfidat e reja politike, normalisht, duke fituar legjitimitet në zgjedhje fer dhe demokratike, pa kompleksin se për të fituar në zgjedhje duhen bërë kompromise të panevojshme të cilat do të dëmtonin statusin dhe imazhin e subjektit në formim e sipër.


Në shkrimet e mia të botuara në javoren Lobi në mënyrë të vazhdueshme kam nënvizuar mangësitë të cilat kanë karakterizuar veprimtarinë e subjektit shqiptar gjatë dhjetëvjetëshit të kaluar, edhe atë:


Mungesën e platformave shkencore gjatë shtrimit të problemeve të shqiptarëve në Maqedoni;


Mosgatishmërinë për të zhvilluar institucionet dhe strukturat e brendshme partiake sipas modeleve demokratike perëndimore;


Tendencat për të vënë nën kontroll mediat dhe për të kufizuar objektivitetin e tyre gjatë ushtrimit të pushtetit nga cilido subjekt politik shqiptar;


Mosgatishmërinë elementare për të vendosur rregulla xhentëlmene të sjelljes në luftën politike për pushtet mes subjekteve politike shqiptare, të cilët i lejuan vetes trajtimin e kundërshtarit politik si armik gjaku dhe jo si kundërshtar politik;


Mosefikasitetin për të kontrolluar dhe parandaluar korrupsionin e shkallës më të ulët e më të lartë të funksionarëve partiakë, mosefikasitet i cili është paguar me humbje të pozicioneve politike;


Mungesën e palejueshme të subjektit femër nga proceset e vendimmarrjes politike tek shqiptarët në Maqedoni;


Periudhat pas konflikteve konsideroj se janë periudhat e sfidave kryesore, kur duhen reformuar jo vetëm raportet ndëretnike shqiptaro-maqedonase, por edhe raportet e ndjeshme dhe të pareformuara ndërshqiptare në Maqedoni.


Periudhat pas konflikteve janë kohërat kur kërkohet mobilizim i strukturave më të gjera për të forcuar paqen dhe për të ndërtuar masa të mirëbesimit të ndërsjellë në shoqëri.


Periudhat pas konflikteve janë kohërat kur duhen promovuar disa vlera të reja në politikën shqiptare e ato janë: ndershmëria politike, transparenca në veprimet politike, lufta kundër korrupsionit dhe krimit të organizuar, reformimi i mentalitetit patriarkal politik, promovimi i proceseseve integruese si rrugë e vetme e shqiptarëve dhe komuniteteve të tjera, promovimi i politikës si mjet i realizimit të interesave publike dhe jo vetëm i realizimit të interesave private.


Duke u angazhuar për realizim të vlerave të sipërpërmendura, unë kam vënë kredibilitetin tim personal, si të vetmen gjë me vlerë të cilën posedoj, në shërbim të iniciativës për formimin e subjektit të ri politik shqiptar, duke qenë e vetëdijshme se proceset politike janë të ndjeshme, të komplikuara dhe mund të tërheqin kriticizëm apo pakënqësi eventuale.


Në qoftë se gjatë viti 2001 kishim bashkëqytetarë të cilët vendosën jetën e tyre si fli për ndryshimin e pozitës legjislative të shqiptarëve në Maqedoni, atëherë është obligim i intelektualëve që të vënë në shërbim angazhimin, kohën, njohuritë dhe kredibilitetin e tyre në çuarjen përpara të proceseve politike.


Jam e vetëdijshme se procesi politik mund të ketë për implikacion marrëveshje të ndryshme politike, por besoj se bashkiniciatorët dhe bashkëpartiakët e mi nuk do të injorojnë kredibilitetin e ofruar të intelektualëve, ashtu siç duhet të ruajnë respektin për jetën e atyreve të cilët nuk e kursyen fare në kohën kur ndryshimet ishin të pabesueshme për shumë të tjerë, të cilët nga politika kishin bërë mjet të promovimit dhe pasurimit të vetvetes së tyre.


Prandaj, konsideroj që vlen investimi ynë personal në krijimin e një shoqërie të re dhe një klase politike të re e cila për ideal parësor do të kishte ndryshimin dhe reformimin e vetvetes, për të pasur të drejtë morale të kërkojë ndryshimin e të tjerëve.


----------------------------------------
Aziz Pollozhani:
Vihem në shërbim të vlerave të reja

Është e qartë se konteksti politik i shpalosur pas luftës imponoi një sjellje të atillë e cila duhte të çonte në një rikostruksion dhe në një riprofilim politik në funksion të realizimit më efektiv të arritjeve që i solli lufta, si dhe në funksion të krijimit të hapësirave për apsorbimin të vlerave të reja qofshin ato njerzore, individuale madje dhe konceptuale. Këtë faktorë të cakruar të subjekteve politike do të duhej ta kishin parasysh, ndonse kjo vihej re në një sasi të konsiderueshme.
Unë duke qënë në pozicionin e nënkryetrait të PPD-së u mundova që në këtë strukturë, nga pozita dhe nga ndikimi që kisha të imponoj, ose të incioj një lëvizje të brendëshme, që do të ishte drejt ristrukturimit të brendëshëm të PPD-së, në përputhje me vlerat që u paraqitën. Këtë e bëja që partia të ngelte e aftë për të përmbushur përcaktimet e veta, jo vetëm programore por edhe ata që u fituan dhe që u mterializuan me ndërrimin e Kushtetutës.
Bindja ime është se një subjekt politik imponohet si për nga struktura ashtu edhe për nga koncepti. Duke marrë parasysh se një kohë të gjatë në këtë subject politik, duke përjashtuar njerëz me vullnet të mirë dhe që meritojnë respekt, një segmet i caktuar dhe i rëndësishëm nuk lejoi të krijohet hapësirë e mjaftueshme për këto koncepte të reja, por përkundrazi me disa hapa të pamatura, jo statutare dhe me obstruksion, arriti të mbysë levizje të tilla, madje duke shfaqur edhe elemente të cilat kanë qënë të huaja për PPD-në, dhuna dhe presioni, më bënë që të largohem që andej.
Këto elemente nuk mund të jepnin garanci që mund të ishin në funksion të vlerave të reja. Duke e ndjerë veten se bëra çështë e mundur, dhe duke pasur parasysh moralin e luftës të vitit të kaluar, i cili nuk mund të rrezikohet dhe nuk mund të mbetet peng i grupacioneve pa marrë parasysh se nga cila prominiencë vijnë, të cilit do kra politik, unë e çmova se duhet të kërkoj hapësirë për t'iu vënë në shërbim atyre që në mënyrë qënësore e ndërruan kntekstin politik në Maqedoni dhe hapën prespektiva të reja për shqiptarët e Maqedonisë.
Nga ana tjetër mendoj se nëse i hyj kalkulimeve se ku e gjej veten unë, pas deklaratave për "njerëz të pastër", ose kufizimin e mandataeve për deputetë vetëm dy herë, nuk do të isha i sinqerte. Arsyeja është se nuk kam menduar se ku do të jem unë në këtë struktutre, por çfare mund të bëj unë që fryti i punës i asaj strukture të paktën për aq sa më përket mua, të mos mbesë i mangët.
Nuk jam i ngarkuar se çfarë do të bëhët me mua, megjithatë mendoj se kjo strukturë sjell hapësirë për absorbimin e kuadrove me mundësi për të qënë funksional në të ardhmen. Këtu nuk bën pjesë vetëm Aziz Pollozhani por ka edhe shumë të tjerë. Prandaj nuk kam bërë kalkulime për fatin tim plitik kur është në pyetje një koncetpt politik aq i madh dhe substanical, aq sublim dhe që buron nga sakrifica e atyre që dhanë gjakun dhe jetën në luftën e kaluar.
Nga ana tjetër me këtë lëvizje të re politike shtrohet fati i Këshillit Kordinativ të Partive Shqiptare. Këshilli paraqiste formën e cila i krijonte mundësi shqiptarve, përkatësisht subjekteve politike shqiptare, për të harmonizuar qëndrimet drejt fuqizimit të peshës së tyre politike dhe krijimin e kushteve më të volitshme për realizimin e marrveshjes së Ohrit.
Unë mendoj se pa marrë parasysh gioditjve, dhe pa marrë parasysh nga situate e re e krijuar, ku ish struktura e UÇK_së është pjesë substanciale e subjektit politik, nevoja për ekzistimit e një trupi, e një ode, e një tavilne, ku do të ballafaqoheshin mendime edhe të kundërta, është e dobishme dhe duhet të ekzitojë.
Nga ky aspect nuk e shoh të udhës për ta vënë në pikpyetje ekzistencën e Këshillit, por mund të mendohet ndoshta për ridimensionimin e tij, por si i tillë nuk i ka kaluar koha, sepse nevoja për të biseduar, nuk është e tepërt.
Inisiativa e re për krijimine partisë do të jetë e hapur për bashkëpunim konstruktiv me të gjitha partitë politike. Organet e partisë dhe strukturat e saj do të jeën ato që do të përcaktojnë kornizat e bashkëveprimit dhe mënyrat e veprimit me çdo subject politik në Maqedoni, jashët saj, ndërkohë për çështje të caktuara të interesit të përbashkët kjo mund të ndodhe edhe me subjekte politike maqedone.
Kurse refuzimi në aparencë për ta llogaritur partner Z. Ali Ahemti në fakt nuk është aq dëshprues për ne sa do të jetë dëshprues për ato subjekte që e bëjnë këtë.
Sepse ajo ne thelb denoncon thellësinë e frymës së tyre antireformuese. Vlerat e rejka të bazuara në Marrveshjen e Ohrit nuk kanë vetëm karakterin e rrefgullimit të mardhenieve ndër etnik, kanë edhe bazë për ristrukturimin e shoqërisë së Maqedonisë. Prandaj qasja refuzuese e subjekteve politike tregon në fakt frymën anti reformuese të këtyre subjekteve politike. Shpresojs se së shpejti kjo frymë do të tejkalohet dhe ata do të duhet ta kuptojnë se njerzit e ish UÇK-së janë njerzit që fatkeqësisht me forcë imponuan reforfa, nga të cilat reforma nuk do të përfitojnë vetëm shqiptarët, por jam i sigurt se do të përfitojnë edhe maqedonasit.
Struktura e sih UÇK-së është e amnistuar, tani ata janë qytetarë të lirë, është e drejtë Kushtetuese e çdo qytertari që të zgjedhë dhe të jetë i zgjedhur, dhe mbi këtë bazë këtë të drejtë kushtetues e kanë të gjithë. Kjo duhe të pranohet nga të gjithë fanatikët .


---------------------------
Rizvan Sulejmani:
"Ohri" më mban në politikë

Pas një periudhe të gjatë mendimesh nëse duhet të mbes në plitikë ose jo? Duke ndjekur rrjedhat politike që zhvillohen në Maqedoni posaçerisht në kampin shqiptar. Kur janë të qarta sinjalet se kampi politik shqiptar dhe skena politike komplikohet pa masë. Ku partitë politike shqiptare kanë kriza të thella dhe ku fragmentimi i mëtejshëm i faktorit politik shqiptar është i pashmangëshëm. Kur jepen sinjale se kjo situatë bllokon implementimin e marrveshjes së Ohrit, dhe pas konsultimeve me disa intelektualë, politikanë shqiptar dhe me faktorë relevantë në Maqedoni, mendimi i të cilëve ishte që është momenti i fundit për veprim dhe krijimin e një subjekti të ri, një partie të re politike, e cila do të ketë kapacitetin dhe legjitimitetin e popullatës shqiptare, për ta prezentuar dhe implementuar marrveshjen e Ohrit, më shtynë të kaloj në partinë e re. Këto ishin motivet kryesore që të veprimit tim pas shumë hamendjeve, nëse do të merrrrem ose jo me politike.


Do të mundohem edhe një herë të jap kontributin tim aq sa është e mundur në këto momente, drejt stabilizimit të faktorit politik shqiptar që do të implementonte marrveshjen e Ohrit. Kur kihet parasysh se Maqedonia por edhe Ballkani edhe për një kohë të gjatë do të jetë në turbulencë, mendoj se kjo përpjekje është e domosdoshme.
Kësaj inisative unë i jam bashkangjitur pa asnjë kushtëzim. Z. Ahmeti dhe strukturat e tjetra nuk kanë asnjë obligim ndaj meje. Është vullneti i mirë, ku është vlersuar se Rizvan Sulejmani ka kapcitet politik njerzor dhe moral që të mund të ndihmoj në këtë çështje.
Kurse krijimi i forcës së re politike shtron edhe pjetjen për të ardhemn e Këshillit, i cili prej disa kohësh është vënë nën goditje të thella, nga subjektet politike shqiptare, por jo vetëm shqiptare.


Keshilli u dëmtua pa masë, gjë që çoi në krijimin e strukturës së re.
Megjithaë besoj se edhe pas legjitimitetit që do të merret pas zgjedhjeve të ardhëshme, kur do të dihet se pas kujt force politike do të jenë të përqëndruar votuesit, nevoja për vazhdimsinë e Këshillt do të qëndorjë, kjo për kordinimin e mëtejshëm të momenteve politike shqiptare.
Edhe një herë them se në tre vjetët e ardhëshme Maqedonia dhe Ballkani do të ballafaqohen me probleme dhe me vendime të mëdha, ku Këshilli do të duhet të ketë rolin e tij .
Në këtë kontkst, parashikohet bashkëpunim me të gjitrhë. Nga deklarata e z. Ali Ahmeti dhe përfaqsues të tjerë, nuk përjashtohet asnjë opcion. Unë sopzoj se z. Ahmeti do të vazhdojë të kordinojë dhe të bashkërendisë aq sa mudnet, aktivitetet politike me të gjitha partitë. Është cështje tjetër se cfare drejtimi do të kenë, cfarë angazhimi do të marrin partitë e tjera politike? Por unë shpresoj se partia e re do të qëndrojë drejt rrugs së bashkëpunimit me të gjithë sepse ky është edhe qëllimi që formohet.

[kosovar]

Tigrimelara

Paske bërë mirë që ke sjellur këto shkrime rreth formimit të partisë së Ali Ahmetit në Maqedoni. Përndryshe, dinamika e ndryshimeve që po ndodhin në trojet shqiptare pak vështirë edhe t'i përcjellim. Nëse më lejohet, pasi e paske hapur këtë debat, do t'i them disa fjalë sa për të dhënë disa fakte. Do t'i lusja të gjithë pjesëmarrësit në diskutim të përmbahen nga emocionet, sepse pastaj po dalim nga tema e po kalojmë në personale.

Shkrimtari Kim Mehmeti është emër i njohur tashmë dhe shumë meritor për të shprehur mendimet se çfarë ndodh me spektrin politik shqiptar në Maqedoni. Më ka rënë të lexoj edhe shkrime të më hershme me të cilat ngrit në qiell Ali Ahmetin për meritat e luftës në Maqedoni. Nëse flasim realisht, partitë: PPD, PDSH e Xhaferit ia kanë zgjatur secila në mënyrën e vetë jetën Maqedonisë, shpërbërja e së cilës do të na shpëtonte të gjithëve. VMRO-DPMNE janë parti me program probullgar dhe qendrën e kanë atje. Këto janë parti në pushtet, por janë edhe për shkatërrimin e Maqedonisë. Mu për këtë nuk kuptoj pse shqiptarët (apo Ali Ahmeti me partinë e tij) kërkojnë integrim dhe me kënd kërkojnë integrim për ta shpëtuar Maqedoninë?

Kam disa pyetje me rastin e themelimit të partisë së Ali Ahmetit:

1. A e di Kim Mehmeti, se Ali Ahmeti ka qenë shoqëruesi më i devotshëm i Koço Danajt, gjetë gjithë kohës sa ky i fundit ka qëndruar në Zvicër? Koço Danajn e kishte dërguar PSSH për ta shkatërruar diasporën shqiptare, në veçanti atë kosovare. Të njejtën punë e bënte Bedri Islami në Gjermani. Posa ka rënë qeveria demokratike, Koço Danaj me urdhër të PSSH është kthyer në Shqipëri.

2. A e di Kim Mehmeti, se Ali Ahmeti ka qenë anëtarë i LPRK-se, më vonë LPK-së, e që këtu nuk mund të anëtarësohej askush, nëse nuk ishte me shpirt, me mendje, me vepra dhe gjeste enverist?

3 A e di Kim Mehmeti, që Ali Ahmeti i takonte të të njëjtes Lëvizje sikur Ibrahim Kelmendi, i cili mori pjsë fizikisht në shkatërrimin dhe dgjegjen e Shqipërisë në vitin 1997 me kallash në dorë? I. Kelmendi ka shkruar një libër për pjesëmarrien e vetë e dhe ka pranuar që ka luftuar kundër policëve e Sali Berishës në Vlorë.

4. Pse Ali Ahmeti nuk e themeloi këtë parti posa mbaroi lufta, por u munduar t'i manipulojë shqiptarët me Këshillin Kordinues etj...?

5. Pse Ali Ahmeti nuk tregoi gjë rreth takimit që pati me Ilir Metën, i cili pasi vizitoi Beligradin, shkoi edhe në Maqedoni dhe takoi vetëm Ali Ahmetin?

6. Pse Ali Ahmeti kërkon që mos të flitet për Universitetin e Tetovës? Ai e di se aty janë intelektualët nacionalistë, prandaj e ka dërguar në mesin e tyre edhe dajën e vet Fazli Veliun, që të përhap tezën riedukuese për integrim në Maqedoni.

7. Pse Ali Ahmeti u zgjodh kryetar me aklamacion, por nuk zgjodhi as nënkryetarin, as sekretarin e partisë së "Re"-bijës së LPK-së?

8. Nëse Ali Ahmeti guxon dhe thotë vetëm një fjali kundër diktaturës enveriste, apo kundër Enver Hoxhës, unë do të jem anëtar i partisë së tij?!

9. Pse në partinë e Ali Ahmetit nuk gjindet edhe Rufi Osmani, a do të angazhohet ai në këtë parti?

10. Pse Ali Ahmeti nuk tregon se bazat e luftëtarëve shqiptarë në Maqedoni ishin në fshatin Haraçinë, të cilat padeshirën e këtyre luftëtarëve i përvetësi dhe dekoroi vetën me grada të huaja?

Përfundim: Shqiptarë, pionerët e "xhaxhit", ngadalë, por sigurtë po nguliten kudo nëpër trojet shqiptare. Edhe në Kosovën Lindore, UÇPMB është duke u përgaditur të themelojë parti.

Na qoftë përhjar kjo!

[Tigrimelara]

Une vetem desha qe te hap nje teme e cila do te sjelle se paku nje pasqyre te gjithe asaj qe ndodhe ne jeten politike ne IRJM,
une nuk do mundem te pergjigjem ne keto pyetjet e tua pasi qe ata nuk me drejtohen mua sic pyesni ju a e din Kim Mehmeti etj etj kete pyetje nese e lexon Shkrimtari do ta madheshtonte temen tone nese do pergjigjej.
Por une se paku do doja te jap nje sqarim te vogel pasi qe jam edhe bartes i kesaj teme ,sqarimi im do te jete ky se Ilir Meta me sa me kujtohet mua nese nuk gaboj se pari ka Vizituar Ali Ahmetin ne Tetove dhe se kane biseduar reth mundesise se mbajtjes gjalle te Keshillit kurse pastaj pak dite me vone ka shkuar ne Beograd e pastaj ne Presheve ku plotesish pajtohem me ate se se pari eshte dashur te shkoje e te qaje hallet me Shqiptaren ne Presheve e pastaj ne Beograt .
Me nderime
Tigri me Lara

[kosovar]

Tigrimelara

Unë tu kam drejtuar ty vetëm më këta rreshta që po i kopjoj këu më poshtë.

------------------------------------------------------------------------

Postuar më parë nga kosovar


Tigrimelara

Paske bërë mirë që ke sjellur këto shkrime rreth formimit të partisë së Ali Ahmetit në Maqedoni. Përndryshe, dinamika e ndryshimeve që po ndodhin në trojet shqiptare pak vështirë edhe t'i përcjellim. Nëse më lejohet, pasi e paske hapur këtë debat, do t'i them disa fjalë sa për të dhënë disa fakte. Do t'i lusja të gjithë pjesëmarrësit në diskutim të përmbahen nga emocionet, sepse pastaj po dalim nga tema e po kalojmë në personale.

---------------------------------------------------------------------------
Ndërsa pyetjet i takojnë shkrimtarit Kim Mehmeti, por edhe të tjerëve që deshirojnë të inkuadrohen në këtë temë.

Ndërsa kur flasim për Ilir Metën është puna pak më ndryshe. Ai mund të interesohet për shqiptarët kudo që janë, por në cilësinë e kujt i bëri ai ato vizita në Tetovë, Preshevë e në fund në Beograd. A ishte e domosdoshme të shkonte Ilir Meta në Beligrad kur dihet që vitin e kaluar i ka deklaruar Zoran G. se, "...Çeshtja shqiptare nuk ekziston në Ballkan".

Tigrimelara, të lutem nëse mundesh në ndonjë mënyrë e siguron e-mailin e Kim Mehmetit dhe na e sjell këtu. Jam shumë i sigurtë që Kim Mehmeti nuk do t'i jepte aq shumë publicitet Ali Ahmetit sikur ta dinte se ky njeri përveç që ka shoqëruar Koço Danajn sa ka qëndruar në Zvicër, ka shoqëruar edhe Namik Doklen dhe djalin e Enver Hoxhes.

Kim Mehmeti mund ta përkrah kend të dojë, por nuk do duhej pastaj të thotë sikur Kadare për Rugovën (parafrazoj) se në mungesë të informacioneve, me deklaratat e tij, kishte dëmtuar figurën e Rugovës .

[illiriani]

ASHTU SIKURSE KA DOMINUAR POLITIKA MAQEDONASE NE LUFTE, POASHTU DO TE DESHTOJE LUFTA SHQIPTARE NE POLITIKE SOT
ME KETE GJENDJE CFARE ESHTE EKUILIBRUESE PA VENDOSJE!

Pyetjes, se a do te kete konflikt tjeter ne IRJM - une them se vetem sa zhagitet permes Marreveshtjes se Ohrit, sepse ceshtja shqiptare atje, kurre nuk ka me u zgjidhe, ashtu sikur eshte planifikuar permes luftes clirimtare dhe kerkesave te popullesise shqiptare, si element shtetformues e FYROM dhe njohjen e shqipes zyrtare, gjoja si sistem dygjuhesie - as me barazimin e shqiptareve me maqedonasit atje etj.

Situaten politike dhe luftarake ne irjm, une e ndaje ne dy faza:

1. Politika shqiptare e pranuar nga qeveria ne irjm, para luftes

2. Politika e shkrire nga UCK tok me te paren politike shqiptare ne irjm

Politika ne lufte dhe lufta ne politike jane dy gjera krejt te ndryshme, te cilat ne kuptimin gjeneral ne irjm, vetemsa ia zgjaten jeten Fyrom-it.

1. Me krisjen e luftes nga UCKombetare, te gjitha partite shqiptare ne irjm, duhej te shperbeheshin dhe te kalonin ne anen e popullit ne lufte per clirim dhe t'i lenin te zbrasta vendet (kolltuqet) ne parlamentin maqedonas, keshtuqe, ceshtja shqiptare atje, do te merrte permasa tjera, te volitshme deri ne shperberjen e irjm. A. Xhaferri, thoshte se 'puna me e lehte eshte t'i lame vendet ne arlament'! Sepse donin te pervehtesonin edhe nga politika maqedonase edhe nga lufta clirimtare, me dy luge, ashtuqe, nuk ben.

2. Riformimi i nje politike te pertrire edhe nga ish-UCK-ja, tok e rrmok me ato partite shqiptare te paraluftes, qofte si koalicion partishe, qofte si te ndara - permes marrevedshtjes se Ohrit, nuk do te arrihet asgje konkrete per nje zgjidhje te ceshtjes shqiptare atje - tok e rrmok me politiken maqedonase. Dhe ja doli titulli -

TOK E RRMOK ME POLITIKEN MAQEDONASE

Nese edhe kjo politike e ALi Ahmetit, me ate parti te tij te re PDI,
nuk eshte vertet, ne parime demokratike, por fryen ne dy anet, si kah PSSH si kah nje parti demokratike, atehere mbetet vetem, te shkoi ai gjak kot - tok e rrmok me politiken maqedonase dhe pa as me te voglin ndryshim te kushtetutes se Maqedonise! Kjo politike qe sot luhet atje, eshte shkelje mbi gjakun e deshmoreve te lirise, duke dredhuar permes politikes maqedonase kah politika nderkombetare, qe vetemsa veshtireson edhe me shume situaten
ia humbe vlerat e luftes clirimtare!

Se sa ishte dhe eshte politika nderkombetare e interesuar per ruajtjen e FYROM-it, dihet, por, me daljen nga skena politike maqedonase te te gjitha partive shqiptare gjate kohes se luftes, kur kriste pushka e lirise, vritej populli, shperngulej...e kolltukofaget shqiptare, gjoja po shpetojme popullin, duke ndejte ne parlamentin maqedonas - kjo edhe ishte frymemarrja e lire e pushtetit maqedonas, kur popullesia shqiptare atje u nda ne dy krah (politik e ushtarak) gjate luftes! Kjo ishte sa absurde aq edhe demtuese per te ardhmen e shqiptareve atje ne irjm.

Politika shqiptare e vjeter e paraluftes ne irjm, nuk kishte cka te humbete, nese shperbehej gjate luftes, sepse edhe kjo ushtarake shqiptare, qe nuk ishte fare, por ne lufte me po ate pushtet, ne te cilin servirshin dy partite shqiptare PPD e PDSH - ajo e demtoi me se shumeti te ardhmen shqiptare dhe mbajtjen gjalle te fyrom-it.

Sotpersot, une nuk shohe kurrfare dobie ne lirine shqiptare ne irjm, sepse edhe po te beheshin tash te gjitha partite politike shiptare si nje koalicion, perseri, jane dhe do te mbeten nen tutelen maqedonase, me nganje cercalle te drejtash te kufizuara
pa njohje dhe finansim te UT nga pushteti maqedonas, ku universiteti i Tetoves ka mbetur si nje objekt pezull ne ajer, gjoja si njohje evropiane juglindore, qe nuk ka ndonje perspektive afatgjate. Edhe perkunder kesaj, lufta ne politike sot nen pushtetin maqedonas eshte pa fryte lirie!!!

Dobesite jane te shumeta edhe gjate luftes por edhe me te shumetapas luftes ne irjm. Tash mbetet, vetem te levrine tjeret me emra tjere te ushtrive te ndryshme, gjoja si kercnim per pushtetin maqedonas dhe shanset jane me te vogla, per lirine shqiptare ne irjm, dhe as qe do te barazohen 'pushtetaret' shqiptar - kurre, me pushtetaret maqedonas ne keto kushte te nje politike Jeremie!!!

E keqja qendron ne faktin, se dikush po ka deshire edhe te thirret si luftetar edhe te jete bashkepunetor me okupatorin gjate kohes se luftes, qe ta shpetoje koken e vet edhe ta marri pushtetin ne te gatshem...e akjo nuk behet se nuk e han me kush
at pilaf. Maqedonia do te shkatrrohej, poqese, te gjithe shqiptaret do t'i bashkangjiteshin luftes clirimtare, mbasi ishte evidente dhe e coi politiken maqedonase edhe deri te ndamja e maqedonise, kur u pa rreziku nga shqiptaret...

Tash, tok e rrmok me politiken maqedonase: Ahmet e Xhaferr, e Ymer e Kastriot... e maqedonasit tredhi ngadale forcat qe paraqesin rrezik per ta edhe disa vjet me rradhe...

Se cka shkruajne gazetaret per politikajt, e cka kane shkruar, as qe me intereson fare, se te gjithe kane vepruar pa nje udheheqje te forte proshqiptare ne irjm!

Perderisa nuk arrine politika shqiptare ne irjm, ta beje nje regjistrim demokratik te popullesise shqiptare, te lire e pa diktate, duke i shkunde nga mbiemrat shqiptare, sufiksat - ovski dhe te dihet saktesisht numri i shqiptareve ne irjm dhe nje koordinim koalicionativ i partive politike shqiptare qe te flasin me nje gjuhe ne parlamentin maqedonas per te drejtat themelore te shqiptareve atje - nuk ka ndonje progres eventual te zgjidhjes se ceshtjes shqiptare ne ate ish-republike fallse ish-jugosllave!

Perderisa politika shqiptare ne maqedoni nuk eshte e lidhur me interesat kuadrovike universitare te UT, si burim kuadrosh te reja politike e kulturore - ajo politike do te mbetet edhe me e deshtuar!

[Tigrimelara]

Une nuk kam ndonje e-mail te Kim mehmetit por besoj se tek kjo adrese mundet me pasur edhe likn kontakti e ata mundet te jua sigurojne www.Lobi.com.mk

[kosovar]

Falemnderit Tigrimelara!



------------------------------------------------------------------------

Pjesëtarët e ish-UÇPBM-së në Luginën e Preshevës formojnë partinë e re - Lëvizja e Progresit Demokratik


-----------------------------------------------------------------------

Preshevë, 10 qershor 2002 - Ish-komandanti i UÇPBM-së, Jonuz Musliu, udhëheqës i Këshillit nismëtar, në një intervistë dhënë BBC ka bërë të ditur themelimin e një partie të re. Partia e re, e cila do të veprojë në Luginën e Preshevës, thotë z, Musliu është emërtuar Lëvizja e Progresit Demokratik.

"Kjo parti do të jetë me dyer të hapura për të gjithë shqiptarët e Luginës së Preshevës dhe në të nuk do të kyçen vetëm krerët ushtarakë të ish-UÇPBM-së, por edhe një pjesë e mirë e popullatës dhe intelektualëve, të cilët kanë qenë të minimizuar nga dy subjektet politike shqiptarë, përkatësisht kanë qenë të lënë pasdore", tha z. Musliu.

Ai shtoi se bazë e programit të kësaj partie do të jetë realizimi i Referendumit 1992 dhe platforma e hartuar nga ish-UÇPBM-ja
---------
Komenti im:

Ka qenë një këngë e vjetër ku thuhej:

Vuqiterrnë he virane,
Dymdhet shpi tremdhet kafehane

[Tigrimelara]

Ali Ahmeti për "Kosovapressin"
Maqedonia mund të qeveriset vetëm përmes koalicioneve


Të gjithë politikanët duhet të mos presin që në Maqedoni gjithmonë proceset e mbara të nxiten dhe të shtyhen nga komuniteti ndërkombëtar. Ne duhet të ndërgjegjësohemi njëherë e përgjithmonë se Marrëveshjen e kemi bërë dhe këtë Marrëveshje duhet që ta çojmë ne vetë dhe komuniteti ndërkombëtar të luajë rolin e lehtësuesit. Nuk është e ndërgjegjshme për gjithë ne që vazhdimisht te ndërkombëtarët të krijojmë shqetësime të pengimit e të moszbatimit të Marrëveshjes së Ohrit-thotë ai për zhvillimet më të fundit në vendin tonë




Në intervistën për "Kosovapressin", kryetari i BDI, Ali Ahmeti, është përqendruar në ngecjet e fundit në miratimin e ligjeve nga Marrëveshja e Ohrit, punën e Këshillit Koordinues pas formimit të partisë së tij, arsimin sipëror, zgjedhjet e ardhshme dhe deklaratat e VMRO-DPMNE-së dhe të LSDM-së për (mos) pranimin e subjektit politik që ai udhëheq.


- Procesi për implementimin e Marrëveshjes së Ohrit po vështirësohet, po ngadalësohet dhe po ngec. Si e komentoni ju këtë?
AHMETI: Pavarësisht ngecjeve dhe zvarritjeve që bëhen nga strukturat qeveritare dhe parlamentare, unë mendoj se e vetmja zgjidhje në Maqedoni është implementimi i plotë i Marrëveshjes së Ohrit dhe mendoj që Marrëveshja e Ohrit është një akt shumë i lartë, me çka edhe e bën pajtimin ndërmjet shqiptarëve dhe maqedonasve. Marrëveshja e Ohrit, duhet ta kemi parasysh të gjithë ne, nuk është marrëveshje mes koalicioneve apo partnerëve, Marrëveshja e Ohrit ka karakter ndërkombëtar dhe në qoftë se e nënçmojmë ose veprojmë duke krijuar obstruksione të ndryshme rreth kësaj marrëveshjeje, vërtet dalim joseriozë edhe përpara faktorëve e edhe përpara komunitetit ndërkombëtar.


- A keni ju ndonjë mesazh për politikanët maqedonas veçmas, por edhe shqiptarë, për zhbllokimin e gjendjes së tashme?
AHMETI: Unë mendoj që të gjithë politikanët duhet të mos presin që në Maqedoni gjithmonë proceset e mbara të nxiten dhe të shtyhen nga komuniteti ndërkombëtar. Ne duhet të ndërgjegjësohemi njëherë e përgjithmonë se Marrëveshjen e kemi bërë dhe këtë Marrëveshje duhet që ta çojmë ne vetë dhe komuniteti ndërkombëtar të luajë rolin e lehtësuesit. Nuk është e ndërgjegjshme për gjithë ne që vazhdimisht te ndërkombëtarët të krijojmë shqetësime të pengimit e të moszbatimit të Marrëveshjes së Ohrit.


- Ju thatë se edhe me formimin e partisë Bashkimi Demokratik për Integrim, puna e Këshillit Koordinues të shqiptarëve vazhdon?
AHMETI: Sigurisht që ne mendojmë se puna e Këshillit duhet të vazhdojë. Aktualisht në Këshill veprojnë dy subjekte politike dhe me krijimin e subjektit të ri, sigurisht që edhe Bashkimi Demokratik duhet të integrohet në këtë këshill, por duhet biseduar vazhdimisht edhe me Partinë Demokratike Shqiptare që të rikthehet në Këshill, se kemi shumëçka për të biseduar, me qëllim që të krijojmë një klimë afrimi jo vetëm për subjektin politik shqiptar, por edhe për popullatën në tërësi, që të mos rrinë nën ankth vazhdimisht, por të çlirohen dhe të shohin që ka një bashkëpunim ndërmjet subjektit politik shqiptar. Unë mendoj që ky këshill duhet të pasurohet edhe me asociacione të tjera jopolitike, siç janë shoqata e grave, unionet e studentëve të Universitetit të Tetovës, të Universitetit të Shkupit e kështu me radhë.


- Ju keni formuar disa grupe të punës të Këshillit. Cili është rezultati i punës së tyre të deritashme dhe a mund të na thoni pak më shumë për punën e Grupit për arsimin sipëror në zgjidhjen e çështjes së zyrtarizimit të Universitetit të Tetovës?
AHMETI: Unë mendoj që grupet që janë caktuar në kuadër të Këshillit Koordinues vërtet kanë bërë mjaft punë, duke filluar nga Grupi për trajtim të ushtarëve, si në aspektin shëndetësor, ashtu edhe në aspektin ekonomik. Këto grupe udhëhiqen nga njerëz profesionistë, nga grupe mjekësh, sociologësh… Të gjithë ushtarët kontrollohen, përcaktohet shkalla e invaliditetit. Kemi arritur që familjet e dëshmorëve të marrin të ardhurat e tyre të rregullta, por të ardhurat e tyre t’i kenë edhe invalidët që kanë mbetur të paaftë dhe kemi arritur që një pjesë e invalidëve që kanë plagë akoma, të kurohen në spitalet e ndryshme në Evropë, në Shqipëri e Kosovë dhe në Turqi. Kështu që këto grupe me ndërgjegjshmëri janë duke vepruar, por kemi arritur që të fillojnë bisedime edhe për zgjidhjen jo më të arsimit sipëror, por për fatin e 12 mijë studentëve të cilët studiojnë në Universitetin e Tetovës. Ne vërtet na preokupon kjo çështje, për arsye se është pjesë e historisë sonë, për Universitetin e Tetovës është derdhur gjak dhe nuk mund të humben shtatë vite të kësaj historie. Ne jemi për ate që Universiteti i Tetovës të mos bëhet monopol i politikës ditore, qofshin ato individë apo parti politike, sepse shkollimi dhe Universiteti janë interes kombëtar dhe jo partiak. Kërkojmë që të krijojmë grupe profesionale prej vetë Universitetit, prej vetë profesorëve, ligjëruesve dhe akademikëve tanë që janë dhe të vendoset përfundimisht për fatin e 12 mijë studentëve dhe për fatin e të ardhmes së Universitetit të Tetovës. Ne mendojmë që të krijohen grupe pune, të fillojnë negociatat edhe me komunitetin ndërkombëtar e edhe me Ministrinë e Arsimit dhe përfundimisht të gjendet një zgjidhje. Pa fillim të negociatave nuk mund të flitet se çfarë zgjidhje do të ketë. Kjo çështje duhet të bëhet publike që të dijnë të gjithë qytetarët se çfarë negociatash zhvillohen dhe çfarë vendimesh mund të sillen e jo të bëhen bisedime të mbyllura, larg syve të opinionit dhe syve të studentëve e të profesorëve.


- Analistë të ndryshëm po spekulojnë me variante të ndryshme se shqiptarët do të dalin në dy blloqe, si te maqedonasit, me dy lista kandidatësh... Ka të tillë që thonë se mund të ndodhë të dalin me më shumë lista zgjedhore. Një pjesë, madje, japin vlerësime se a do të mund ose jo Ali Ahmeti të integrojë politikisht faktorin shqiptar në Maqedoni në zgjedhjet e ardhshme etj. Cili është qëndrimi juaj për këto çështje?
AHMETI: Në radhë të parë ne mendojmë se është me rëndësi të kemi zgjedhje korrekte, të lira dhe demokratike, pa përplasje, të konkurrohet me ide dhe me njerëz të devotshëm, të cilët do të angazhohen sinqerisht në zgjidhjen e të gjitha problemeve, qofshin ato politike ose probleme me të cilat janë të preokupuar qytetarët. Ne ballafaqohemi me krizën politike, po edhe me krizën tepër të rëndë ekonomike, kështu që prioritet për ne është kjo dhe angazhim yni do të jetë që ne të konkurrojmë me njerëz të ndershëm, me programe që ofrojnë zgjidhje për problemet e pazgjidhura, qofshin të natyrës politike, ose të natyrës ekonomike e sociale dhe të dukurive të tjera që përfshihen në shoqëri.


- Cili do të jetë qëllimi i votës që do ta japë tani Ali Ahmeti?
AHMETI: Qëllimi është që të triumfojë liria e vërtetë, të shprehet mendimi i lirë i secilit dhe të triumfojë demokracia e mirëfilltë.


- A do të keni ndonjë takim më të shpejtë me kryetarët e tri partive të tjera shqiptare?
AHMETI: Unë kam pasur takime vazhdimisht dhe do të kemi takime të tilla.


- Si i vlerësoni reagimet e partive maqedonase, se nuk do të koaliciononin me Ali Ahmetin?
AHMETI: Mua paksa më duken euforike gjithë këto qëndrime. Ne të gjithë duhet të respektojmë vullnetin dhe votën e lirë të qytetarëve, por njëkohësisht duhet të jemi të bindur se Maqedonia mund të qeveriset vetëm përmes koalicioneve. Tash, pavarësisht se kush fiton, dihet se një ditë pas zgjedhjeve fituesit duhet të ulen në tavolinë dhe të mendojnë për qeverisjen e ardhshme të këtij shteti. Në parim ne nuk jemi që të krijojmë koalicione artificiale dhe as ndarje interesash personale apo grupore. Koalicionet të ndërtohen mbi bazën e interesit të përgjithshëm, çka është interes parësor për shqiptarët dhe të jemi të hapur. A do të jenë ato të VMRO-së apo të LSDM-së, për ne me prioritet është se kush i jep garancitë dhe sigurinë që brenda katër viteve qeverisjeje do të materializojmë idenë për çka merremi vesh dhe të jenë të hapur dhe të sinqertë e jo t’i luajnë fjalët sipas motit. Ne nuk mendojmë për koalicione dhe miqasi të përjetshme, këtë e mendojmë mbi baza parimore dhe ato që do të angazhohen për vlera në këtë shtet. Ne na intereson krijimi i vlerave. Ky do të jetë prioritet për lidhjen apo për koalicionet e ardhshme që mund të ndërtohen brenda shtetit.


- Është një ofertë interesante që ia bën VMRO-ja LSDM-së për themelim të koalicionit mes tyre në zonën zgjedhore numër 6 të Pollogut, ku hyjnë Tetova, Gostivari, Dibra e Kërçova...
AHMETI: Mirë, le të merren vesh, për ne s’prish punë kjo.


- Në kuvendin themelues të partisë suaj e keni përmendur edhe çrrënjosjen e kriminalitetit dhe të krimit të organizuar në Maqedoni dhe gjithashtu keni përmendur edhe domosdonë e demokratizimit brenda faktorit politik shqiptar...
AHMETI: Sigurisht që një plagë e rëndë brenda shoqërisë është dhe korrupsioni dhe krimi i organizuar. Këto dukuri të shëmtuara mund të luftohen me njerëz të ndershëm dhe në të gjitha nivelet e qeverisjes së vendit, që nga lart-poshtë dhe që nga poshtë-lart. Në qoftë se e mbyll një plagë dhe plagët tjera i lë të hapura, përsëri organizmi nuk është i shëruar. Kështu që duhet intensivisht të punohet në këtë drejtim dhe kjo nuk varet vetëm prej neve shqiptarëve, por të gjitha partitë duhet të luftojmë në një front, qofshin ato shqiptare a të komuniteteve të tjera. Pa shërimin e këtyre plagëve, vështirë se mund të kemi përparim edhe në vendosjen e standardeve demokratike, vështirë se mund të përparojmë politikisht dhe ekonomikisht. Prandaj, kjo duhet të mbetet detyrë me prioritet për gjithë subjektin politik të organizuar në Maqedoni. Në qoftë se angazhohemi vetëm ne si Bashkim Demokratik për Integrim dhe të tjerët veprojnë me avazin e vjetër, do të jemi të pafuqishëm për t’i ndryshuar këto rrjedha të shëmtuara.


- Ju e keni dhënë vlerësimin tuaj për çështjen e kontestit kufitar Maqedoni-Kosovë dhe keni thënë se përshkrimi i këtij kufiri duhet të bëhet pasi të qetësohet gjendja. Në aspektin e politikës së jashtme, si i shihni marrëdhëniet e Maqedonisë me Kosovën dhe Shqipërinë?
AHMETI: Unë mendoj që Kosova, Shqipëria, janë vende fqinje me ne dhe marrëdhëniet duhet të intensifikohen. Sa më afër që të jenë Kosova, Maqedonia, Shqipëria, sa më shumë të ketë bashkëpunim mes Kosovës, Shqipërisë e Maqedonisë, aq më shumë do të kontribuohet në drejtim të stabilitetit edhe brenda rajonit. Do të thotë se Kosova, Shqipëria e Maqedonia kanë një pozicion jashtëzakonisht të fuqishëm për stabilizimin e përgjithshëm të rajonit. Për këtë dhe kontaktet vazhdimisht duhet të rriten në të gjitha nivelet.