Personalitetet historike Shqiptare theksojnë:

[PrInCiPiEl]

Haki Sharofi :

• ”Sod kur po ofrohet ora vendimtare e fatit të atdheut tonë, lypset t`i përmbledhim krejt forcat tona morale e materiale të cilat duhet t` i rregullojmë, t`i sistemojmë e t`i drejtojmë kah një qëllim i vetëm; “Shpëtimin e Shqipërisë etnike”. Këtë gjë duhet t`a presim vetëm prej bashkimit e vllazërimit të mbarë kombit.
  Nuk ka tjetër rrugë shpëtimi.”
  
  Qershor, 1944

[PrInCiPiEl]

Hafiz Ali Korça :

• ” Nuk duhet të mbushim gjuhen tone engjullore me gjemba e me ferra se nuk i qërojmë dote më vonë.”

[PrInCiPiEl]

Hafiz Ali Korça :

• 
  "...fqinjet tona nga ana e arsimit kanë arrirë shkallën më të lartë, na për fat të keq kemi mbetur si populli i Afrikës së mesme".

Kongresi i Dibrës , mbajtur më 1909.

* Fjalët e Hafiz Ali Korçës ishin në kuadër të kërkesës së tijë për hapjen e shkollave shqipe .

[PrInCiPiEl]

Rexhep Mitrovica:

• “Kjo racë, ky komb, ky popull e ndjen veten e tij vëlla dhe të pandarë prej shoku-shokut. Dhe ka vetëm një qëllim. Ky qëllim është:
  
  1. Të ketë Shqipëri të lirë dhe indipendente,
  
  2. Të sigurojë një Shqipëri të pavarur, të zonjën për të jetuar, të nderuar dhe të vëllazëruar,
  
  3. Të ruajë kufijtë e saj etnikë, të mbështjellë në një atdhe djemtë e saj,
  
  4. Të jenë gati djemtë e këtij kombi për çdo sakrificë për të arritur qëllimin e përbashkët,
  
  5. Për të arritur këtë qëllim duhet që gjithë shpresën më përpara ta kemi tek vehtja jonë. Vehten tonë do ta shpëtojmë ne vet, me sakrificat tona, me përpjekjet tona, me dëshirën tonë. Dhe Zoti ka për të na ndihmuar,
  
  6. Nacionalizma shqiptare dëshiron që me kombet dhe me shtetet fqinje të ketë marrëdhënie fqinjësore, të rrojë në harmoni me ta. Kjo miqësi lypset të jetë e themeluar mbi respektin e të drejtave të të dy palëve. Nacionalizma shqiptare e këshillon krejt popullin tonë që të lërë menjëanë ideologjitë dhe të përpiqet vetëm për Shqipërinë rreth Flamurit të Skënderbeut, me patriotizmë të patundur”
  (Arkivi Qendror i shtetit, fondi 14, AP, Programi i hartuar në prill 1939).

[PrInCiPiEl]

Hysen Terpeza:

• 
  “ Kam luftuar kundër terrorit dhe diktaturës, për lirinë e popullit të Kosovës, dhe sot përmes protestave dhe organizimeve tjera luftoj kundër diktaturës komuniste. Kjo diktaturë ma ka djegur shtëpinë në Kosovë deri në shkatërrim “.

Shënim :

Hysen Terpeza(15.6.1910-23.6.2002)

Njëri nga legjendat e veprimtarisë atdhetare, luftëtar(komandant i forcave nacionaldemokratike e balliste të Karadakut) dhe atdhetar i shquar i Lëvizjes Kombëtare Çlirimtare .

Nëse dikush nga Ju , ka informacione/njohuri më të shumta për Hysen Terpezen , do të ishte vërtet një veprim i shkëlqyeshëm nëse do të shkruanit në këtë temë.


Sinqerisht
PrInCiPiEl

[PrInCiPiEl]

Hafiz YMER SHEMSIU:
(Prishtinë 1895 - Sazli 1945)

• "Të mbrosh fenë islame për kohën e poetit ishte luftë për kombin shqiptar, ta mbrosh gjuhën shqipe ishte heroizëm kombëtar,
  të përpiqesh për lirinë, ta ndihmosh rezistencën shqiptare kundër denacionalizmit të Kosovës, kundër shpërnguljes së shqiptarëve, ishte luftë patriotike, ishte sakrificë e heroizëm kombëtar".
  

[Eni]

Postuar më parë nga PrInCiPiEl
Hafiz YMER SHEMSIU:
(Prishtinë 1895 - Sazli 1945)

• "Të mbrosh fenë islame për kohën e poetit ishte luftë për kombin shqiptar, ta mbrosh gjuhën shqipe ishte heroizëm kombëtar,
  

Per mua kjo shprehje eshte puro raciste dhe mohuese e kontributit te pjeses se krishtere te shqiptareve ne te mire te ceshtjes kombetare.

Shprehje apo deklarata te tilla i fryjne zjarr jotolerances fetare dhe cojne ne persekutimin e te krishtereve nga shumica myslimane ne Shqiperi e Kosove.

[PrInCiPiEl]

Eni
Shpirt i Lirë
Regjistruar: 15-04-2002
Anëtari Nr. 10
Poste: 1421
Shkruajtur me :04-12-2003 08:41

" ....... "

" Forca e gjuhës nuk është në të lëshuarit, por në të përmbajturit e fjalës."
Johan Volfgang Goethe


HAFIZ YMER SHEMSIU
(Prishtinë 1895 - Sazli 1945)


Pinjoll i një familjeje intelektuale hafizësh dhe haxhijsh, Ymer Shemsiu ndoqi mësimet e mesme fillimisht në medresenë e Prishtinës e pastaj në atë të Shkupit. Por për arsye madhore nuk arriti t’i përfundojë ato. Formimin fetar dhe intelektual të tij ai e vazhdoi në rrugë autodidakte. Me vullnet të patundur arriti të zotërojë disa gjuhë të huaja si: arabishten, persishten, turqishten, gjermanishten dhe serbishten.
Krahas zotërimit të këtyre gjuhëve, ai u thellua edhe në studimet letrare e, në mënyrë të vçantë, në studimet filozofike, duke formuar kështu fizionominë e intelektualit të mirëfilltë islam.
Titullin Hafiz ai e mbrojti publikisht në xhaminë e boshnjakëve.
Ymer Shemsiu është një figurë poliedrike.
Ai ishte imam, poet, luftëtar, veprimtar, mësues.
Në periudhën e Luftës së Parë Botërore Ymer Shemsiu hapi në fshatin Sazli një shkollë shqipe.
Shkolla fatkeqësisht pati jetë të shkurtër.
Pushtuesit bullgarë, kur hynë këtu, e mbyllën menjëherë këtë shkollë dhe mësuesin e saj shqiptar, Hafiz Ymerin, e lidhën me veriga dhe e burgosën në burgun e Ferizajt.
I ngritur nga ana botëkuptimore islame, botëkuptim që e respekton lirinë dhe lufton për te, Hfz.Ymeri, i mbrujtur me dashuri për kombin, u aktivizua në shërbim të Komitetit për çlirimin Kombëtar të Kosovës dhe bëri pjesë në partinë politike shqiptaro-myslimane "Bashkimi", që kryesohej nga Ferhat Draga.
Në këtë kohë, Hfz.Ymeri shpërtheu me tërë përsonalitetin e tij, bashkëpunoi me lëvizjen kaçake kombëtare, këndoi me çifteli këngë që evokojnë të shkuaren e lavdishme të kombit, formuloi ilahi dhe thuri poezi me metrika të ndryshme, por ku mbizotëron vargu popullor.
Një aspekt tjetër i veprimtarisë së Hfz. Ymer Shemsiut është edhe organizimi i mësimit të gjuhës shqipe fshehurazi.
Në xhaminë e Talimocit, ku shërbente si imam i saj, ngriti Komitetin e Kosovës. Në këtë kohë ai jepte mësimin e gjuhës shqipe fshehurazi dhe, në të njëjten kohë, mbante dhe mejtepin.
Mësimin, në lokalin e ngritur nga vetë populli, e vazhdoi që nga viti 1934 deri me 1941. Në këtë mejtep, Hfz.Ymeri zhvilloi një punë pedagogjike përtej programit që zhvillohej në mejtep.
Përveç shkrim-leximit në gjuhët orientale, ai u mësoi nxënësve dhe shkrim-lexim në gjuhën amtare shqipe dhe i përgatiti ata me njohuri dhe aftësi të vlefshme për jetën e përditshme.
Në veprimtarinë e tij zë një vend të rëndësishëm edhe krijimtaria si rapsod i talentuar. Talenti i rapsodit kronikan shoqërohej nga virtuoziteti i tij si vallëtar i shkëlqyer.
Ai i hartonte vetë këngët, i këndonte me çifteli dhe i kërcente me lëvizje karakteristike shqiptare. Protagonistë dhe tema të rapsodive dhe të këngëve të tij qenë heronjtë e kombit, betejat, bëmat e ndryshme, duke na dhënë kështu tabllo realiste të kohës.
Nga krijimtaria e tij spikat poema "Nazmi Gafurri".
Për këto cilësi, Hfz.Ymer Shemsiun studuesit e quajtën "Bard i Kosovës". "Bardi i Kosovës" e sfidoi policinë serbe duke u mësuar shqip nxënësve dhe popullit, duke shkruar shqip dhe duke shtypur shqip. Ai hartoi rreth 30 ilahi shqip, që kapin rreth 1000 vargje dhe përçoi te nxënësit dhe populli besimin islam.
Ai ka një qëndrim të prerë dhe një mendim të qartë për bashkimin e popullit, për luftën kundër përçarjes fetare dhe asaj kombëtare..
"Të mbrosh fenë islame për kohën e poetit ishte luftë për kombin shqiptar, ta mbrosh gjuhën shqipe ishte heroizëm kombëtar, të përpiqesh për lirinë, ta ndihmosh rezistencën shqiptare kundër denacionalizmit të Kosovës, kundër shpërnguljes së shqiptarëve, ishte luftë patriotike, ishte sakrificë e heroizëm kombëtar".
Hfz.Ymeri ishte për një Shqipëri etnike. Ai mori pjesë aktive për realizimin e kësaj ideje, duke ngjallur armiqësinë e pushtetit serb ndaj tij.
Vdiq në mënyrë të dhëmbshme, por të madhërishme, që konkretizohet në fjalët e fundit të tij: "Lamtumirë o populli im! Për ty dhashë atë që mund ta jepnja: pasurinë, familjen, veten. Për ty do të vijnë ditë më të mira".



"There is so much misunderstanding about Islam in the West that it is our duty as scholars to show to the West that a Muslim is not only a 'fundamentalist' or a man with a dagger between his teeth, as projected by the mass media, but there are artistic and mystical dimensions to them, too."

Prof.Dr.Annemarie Schimmel( Professor Emeritus ,Harvard Univesity)


Vrojtim :
Problemi është që dikush sapo të lexoj fjalën Islam-e ,
menjeherë e kap dhimbja e kokës , dhe nuk dinë cka të bëjnë më vonë !
Kjo tregon :
1.Injorancë të thellë
2.Paragjykim
Rrjedhimisht bëhen veprime totalisht të gabuara !

[Veshtrusja]

Principiel

Ke te drejte. Shume nga njerezit e ngritur te shqiperis kane qen fetar dhe Mysliman.

Por cfare duhet te kene shume njerez parasysh eshte se feja nuk eshte gjithmon nje "ekstremitet". Per kundrazi, feja eshte dicka qe te dhuron disa virtyte admiruese ne zhvillimin e karakterit.

Ndoshta nje nga problemet kryesore ne Shqiperi ka qen mos lejimi i fes, na beri njerez qe nuk mund te praktikonim dot nje besim. Dhe tani, sa do qe te "zgjedhim" nje fe, nuk jemi me te vertete fetar ne kuptimin e plote te fjales.

"Të mbrosh fenë islame për kohën e poetit ishte luftë për kombin shqiptar, ta mbrosh gjuhën shqipe ishte heroizëm kombëtar, të përpiqesh për lirinë, ta ndihmosh rezistencën shqiptare kundër denacionalizmit të Kosovës, kundër shpërnguljes së shqiptarëve, ishte luftë patriotike, ishte sakrificë e heroizëm kombëtar".

Shume bukur e ka then HAFIZ YMER SHEMSIU. Sikur te merrnim te tere ato keshilla te njerezeve te tille nuk mendoj se do te kishim shume nga problemet qe ekzistojn sot.

Pershendetje dhe urime per temen, eshte me te vertete e vlefshme.

PS: Duhet te ruajm BESIMIN duhet te ruajm KARAKTERIN ne vend qe te ruajm SHPRESEN dhe ne vend qe te VEPROJM per tu BASHKUAR.

[Veshtrusja]

Postuar më parë nga Eni
Per mua kjo shprehje eshte puro raciste dhe mohuese e kontributit te pjeses se krishtere te shqiptareve ne te mire te ceshtjes kombetare.

Shprehje apo deklarata te tilla i fryjne zjarr jotolerances fetare dhe cojne ne persekutimin e te krishtereve nga shumica myslimane ne Shqiperi e Kosove.

Eni mos paragjyko aq shpejt. Ne rradhe te pare ne qoftese do te konsideronim nje preference si dicka rraciste, atehere te tere jemi rracista sepse cdo njeri ka preferenca duke filluar nga ato me elementare dhe deri te ato me fetare. Ne rradhe te dyt, nese njeriu nuk e ka ofenduar nje fe tjeter (ne kete kontekst krishterizmin) atehere ku qendron rracizmi?

Tema e Principiel eshte shume e vlefshme per bashkimin kombetar, nese bashkimi mund te vi nepermjet nje feje atehere perse mos te shfrytezohet feja per nje veper te mire? Kjo nuk te jep te drejte te konsiderosh dike rracist, sidomos duke patur parasysh se me cfare qellimi jane bere postimet. Per kundrazi, une mund ta quaj Patriot dhe Atdhedashes...

Zjarri ndaj jotolerances fetare nuk vjen nepermjet atyre qe ka postuar Principiel por vjen pikerisht nga paragjykime te tilla si ajo qe ke postuar. Mendohu mire perpara se sa te shprehesh.

Sinqerisht,
Veshtrusja