Personalitetet historike Shqiptare theksojnë:

[Eni]

Une nuk konsiderova racist PrInCiPiEl-n ne theniet qe ka vene ketu, por shprehjen dhe vete Hafiz Ymer Shemsiun.

Une shprehjen: Të mbrosh fenë islame për kohën e poetit ishte luftë për kombin shqiptar keshtu e kuptoj si mohim i vlerave qe kane dhene te krishteret ne ceshtjen kombetare shqiptare.
Plus si nje justifikim i sundimit osman ne Shqiperi, d.m.th. mire qe na pushtuan e qe u konvertuam ne islam se perndryshe do kishim marre fund si komb.

Pushtimin 500 vjecar turk dhe proceset e ndodhura gjate tij ne trevat shqiptare, ku shqiptaret u konvertuan ne mase ne myslimane, dhe ku nuk lejohej nga "vellezrit" e nje feje (Islami) levrimi dhe zhvillimi i gjuhes sone amtare shqipe, e konsideroj si menxyre per kombin shqiptar.
Pasojat e atij 500-vjetshi ne i mbartim akoma ne mentalitetin tone.
Ne ato 500 vjet Shqiperia (n.q.s. mund ta quajme te tille, pasi si entitet shteteror vetem me 1912 lindi) s'pati zhvillim, por vetem regres.

E njejta gje vlen dhe per sllavet qe nuk lejonin levrimin e shqipes dhe shkollave shqipe ne Kosove.
Tek te dy entitetet ne ishin te pushtuar. Pra si ne Kosove, nen pushtetin e sundimin sllav, si ne Shqiperi, me pare e deri me 1912, nen pushtimin osman.

Nuk shoh dallim mes dy pushtuesve. Nen te dy kemi vuajtur, si myslimane ashtu dhe te krishtere.

[PrInCiPiEl]

Eni
Shkruajtur me : 05-12-2003 06:52

.....

* Në një intervistë kohë më parë ,Pele ,ishte pyetur se cka mendonte për golin që Maradona e kishte shënuar me dorë ,në lojën Angli - Argjentinë dhe se si do të vepronte nëse atij do t'i kishte ndodhur një gjë e tillë . Pele ishte përgjigjur :
Do t'i thoshte referit se kishte bërë gol me dorë dhe do të kerkonte që goli të anulohej!


* Nuk mund të krahasohen sundimi Osman me atë Serbo-Sllav !
Gjatë sundimit Osman:
- Shqiptarët e pranuan shumë lehtë fenë Islame, sepse është fe e pranueshme.
- Shqiptarët arritën pozita të larta të udhëheqjes , sa edhe vet sunduesit.
Ndryshime ka shumë ...
- Të gjithë të interesuari(a)t mund të gjejnë argumente të mjaftueshme në këto dy publikime :
Thomas Arnold : 'Përhapja e Islamit në Shqipëri'
Dr.Muhamet Pirraku: 'Roli i Islamit në integrimin e Shqipërisë etnike dhe të kombit shqiptar'.


* Urrejta fetare është një ekstremitet dhe asnjë ekstrem nuk është i mirë.
- Nëse vazhdohet me veprime të tilla si mund të bashkohemi si popull ?
- Asnjë Fe nuk e predikon urrejtjen !


* Tema nuk është hapur për argumente fetare dhe që të tregoj se cila fe është më e mirë !
- Tema është hapur për të treguar njerëz të mëdhenjë të Shqipërisë në total.
- Pse janë musliman shumica që unë kam cituar, duhet të krenohesh me ato gjëra që kanë shprehur këta musliman ,sepse janë vëllezërit e tu.


Ju faliminderit për vëmëndje dhe mirëkuptim.

Cdo të mira në jetë.
PrInCiPiEl

[PrInCiPiEl]

Hafiz Ibrahim Dalliu:

• Po kerkove buken, te japin urine
  Po kerkove jeten te japin paterdine
  Po kerkove gjumin te japin llaftarine
  Po kerkove nderin te japin poshtersine
  Po kerkove shokun te japin pabesine
  Po kerkove besen te japin tradhetine
  Po kerkove meshiren te japin gjakesine
  Po kerkove njeriun te japin kafsherine
  Po te jesh shejetor te bashkojne me qenerine
  Po kerkove driten te japin erresiren
  Po deshe shijen te japin te veshtiren
  Po kerkove fene te japin mundimin
  Po kerkove dhimbjen te japin acarimin
  Po te duash paqen te bashkojne me krimin
  Po te duash familjen te japin burgimin
  Po kerkove rregullin te japin kukudhin
  Po kerkove Zotin te japin te paudhin.

* Shënim #1 : Kështu shkruante Hafiz Ibrahim Dalliu , kundër sistemit diktatorial komunisto-ateist.

* Shënim #2 : Ibrahim Hasnaj rrëfen:
“ Kisha pak dite qe ndodhesha ne nje dhome te vogel te burgut te Tiranes se bashku me Hafiz Ibrahim Dalliun dhe Irin Banushin,nje prift i urte dhe shume njerezor i besimit ortodoks.
Ne nje moment hapet dera dhe futet oficeri i sigurimit dhe hetuesi i birucave i tmerrshmi, M.S. sapo hyri ne biruce ju afrohet te dy klerikeve qe rrinin prane njeri tjetrit dhe,pasi i hoqi callmen Hafizit ja vuri ne koke Irin Banushit (priftit) kurse kamillafin e Irinit ja vuri ne koke Hafiz Ibrahimit.
Ne fillim i drejtohet priftit Ortodoks e i thote :” he si te duket vetja u bere hoxhe ?”:
Irin Banushi ne zgjuarsine dhe inteligjencen e tij te rralle i pergjigjet:
“ Te jam shume mirenjohes qe me vure ne koke callmen e nje kleriku musliman,i cili eshte denuar me vdekje dhe e ka kaluar jeten e tij neper burgje dhe internime per atdheun dhe popullin ".
Me pas oficeri gjakatar i kthehet hoxhes veteran - "po ty a te pelqen qe te bera prift ?"
Hafizi me sinqeritetin qe e ka shoqeruar gjithe jeten dhe me nje gjakeftohtesi krenare i thote:
” me pelqen sepse e kam vella ".

[PrInCiPiEl]

Skënderbeu:

"Çfarëdo që të ndodhë, unë do të jem mik i virtytit dhe jo i fatit"
(Krujë,1460)

[PrInCiPiEl]

Marigo Posio:

" Në pajën tuaj duhet të keni një flamur, atë ua qendis unë "

-Kështu u thoshte vajzave vlonjate Marigo Posio , gruaja që qëndisi Flamurin Shqiptar.

[PrInCiPiEl]

Tahir Zajmi:


"...qendresa shqiptare e drejtueme prej Mulla Idriz Gjilanit dhe oficerave shqiptarë të Regjimentit IV të Prishtinës, edhe në kët betejë të ashpër duel ngadhnyese, kundër dy Divizioneve sllavo-komuniste, që numrojshin 24.000 luftarë të armatosun. Shkaku i kësaj dishfate t’anmikut e demoralizimi i sulmuesave komunistë, padyshim, i dedikohet plagosjes së komandantit të tyne Marshal Titos. Gjatë ndeshjeve të rrepta me armë, me mortaja e mitraloza dhe bomba doret e me bajonete të përdoruna nga të dyja palët kundërshtare, ku mbeten kaq shum të vdekun e të plagosun sa Reka e Hogoshit (përroi i katundit) nder brigje të së cilës u zhvilluen edhe luftimet ishte qenë skuqë prej gjakut të njerëzve. Dy luftarë qi kanë marrë pjesë n’atë betejë dishmojnë, se prroni bante ma shum gjak njerzish se uj, në shtratin e vet të ngusht."


Shënim :
Tahir Zajmi anëtar i shquar i Kryesisë së Lidhjes së Dytë të Prizrenit

[PrInCiPiEl]

Profesor LUAN GASHI :

" Unë bëja pjesë në rininë e Ballit Kombëtar.
Ne ishim një grup studentësh që i shërbenim direkt Mid’hat Frashërit.
E siguronim, e fshihnim dhe e shpinim nga një vend në tjetrin.
Sa e sa herë kam kaluar lumenjtë duke e bartur në shpinë Mid’hat Frashërin."


" Në shtatorin e vitit 1944,ne kemi luftuar ushtrinë bullgare në Gjilan, në Preshevë dhe në Prapashticë,ku edhe i rrënuam dhe i mundëm,duke iu dalë befas.
Kam dalë me 800 vetë në Prapashticë ku kishte një divizion bullgar.
Ata nuk dinin se po dilnim ne.
Me mua ka qenë Abdyl Henci,Adem Selimi,Ibrahim Kelmendi, Ymer Berisha.
Me një të rënë, i dualëm, dhe ata ikën. "

[PrInCiPiEl]

Profesor Ibrahim Kelmendi

" Ndëgjonje britmën e tokës sonë. Kërkohen jetët tona.
Ani se pak vite kemi mbi supet, duhet me ja falë ato atdheut.
Pak rëndësi ka se ku do të luftojmë në Kosovë a Shqipni, se Kosova dhe Shqipnia janë si mishi e ashti .... tash për tash penda pushon por këndon gryka e pushkës, ju pasha me shëndet .. ti shërbejmë atdheut me ndershmëri e trimëri .. ".


Shënim :
Profesor Ibrahim Kelmendi ishte anëtarë i Komitetit Qendror të Ballit Kombëtar për Kosovë. Së bashku me nacionalistë të tjerë të Ballit Kombëtar , çdo herë ishte në mbrojtjen e trojeve etnike shqiptare në Preshevë, Gjilan,Budrikë,Bujanoc, Sharr, Drenicë etj. Profesor Ibrahim Kelmendi ndërroi jetë më 1979.

[PrInCiPiEl]

Profesor Ymer Berisha :

" Pasi u mblodhën të gjitha armët, u burgosën të gjithë krerët, bajraktarët dhe personalitetet e njohura dhe u hodhën në burgjet më të këqia, në të cilët shumë prej tyre vdiqën nga uria(…). I merrnin natën nga burgu, nga 10 deri në 15 veta dhe duke luajtur me muzikë, i vrisnin pas torturave të mëdha, duke i rrahur e duke i pushkatuar, duke i therur, duke i vrarë, e në disa raste duke u rënë me çekiç në kokë, duke ua vënë nën thonj gjilpërat(gozhdat), duke u rënë brinjëve, duke ua prerë pjesët e trupit derisa ata ishin gjallë. Në atë vepër renqethëse partizanët dërdëlliseshin rreth viktimës, kinse kishin ardhur për të blerë mish, me fjalët: ' ma prisni edhe mua një kilogram mish (…)!' Shumë herë viktimave ua shponin trupin me hekur të skuqur(…).

Në këtë mënyrë gjetën vdekjen edhe të zotët e familjeve për një faj të vetëm, pse kishin qenë familjarë të mirë dhe kishin rritur e edukuar drejt më shumë se katër djem(…). 75 krerë dhe personalitete të njohura nga Drenica ishin mbytur duke u rënë me çekiç në kokë dhe ishin hedhur në një gropë të madhe. Për shkak të këtyre reprezalieve i gjithë populli i kësaj krahine, që ka 35.000 banorë, u ngrit në këmbë dhe nxori zërin e zemërimit: " Ose vdekje ose Liri! "
Gjashtë mijë burra filluan luftën e quajtur " Lufta e Drenicës ", sepse u zhvillua në atë vis dhe po nga ai popull.."


22 tetor 1945

[PrInCiPiEl]

Mid'hat Frasheri :

Një tubim i rëndësishëm u zhvillua në fund të vitit 1878 në Gjirokastër dhe dy delegatët, Abdyl bej Frashëri e Mehmed bej Vrioni, u caktuan të vizitojnë kryeqytetet e Fuqive të Mëdha dhe të paraqisin ankesat e shqiptarëve: në fakt ata do të shkonin në Romë, Paris, Londër, Berlin e Vjenë dhe pritja që iu bë nuk kishte aspak natyrë qe t’i dekurajonte ata.
Kur u kthye nga misioni i tij, delegati Abdyl bej Frashëri shkoi në Prizren ku u krijua Komiteti Qëndror i Mbrojtjes Kombëtare.
I njohur me emrin "Lidhja e Prizrenit".
Qëllimi i vërtetë i ndjekur nga komiteti ishte, përveç se ta shpëtonte vendin nga copëtimi, të bënte që të njihej e të pranohej ekzistenca e një Shqipërie dhe e një kombi shqiptar.

.....
Veprimtaria e Lidhjes nuk ishte sterile: Gucia dhe Plava u shpëtuan; Preveza dhe Janina nuk iu dhanë aspak Greqisë mbasi fuqitë u detyruan të pranonin se ato ishin rajone shqiptare. Nga ana tjetër është e vërtetë se Nishi, Vranja dhe Kurshumlie humbën dhe koncertit europian iu desh të përdorte një manovër detare për t'u dorëzuar malazesve qytetin trim të Ulqinit me banorët e tij të guximshëm.

[PrInCiPiEl]

" Të bëhemi të zotit të ruajmë të drejtat tona,
të jemi të zotët që të kuptojmë detyrat tona ..."



Lumo Skëndo (Mid'hat Frashëri)



Shënim :
Mid'hat Frashëri lindi në Janinë më 25 mars 1880 dhe vdiq në New York më 3 tetor 1949.

[tIrOncjA]

Gjergj Kastrioti - Skëndërbeu

Lirinë, nuk e solla unë, atë e gjeta në mes tuaj! (14xx)


Principiel, ke bërë një punë të shkëlqyer me sistemimin e këtyre thënieve legjendare të patriotëve shqiptarë!

[PrInCiPiEl]

Selfixhe Ciu - Broja :

" Prej gjirit tënd
nektar dashurie,
trimërie e bukurie
thithën bijt e tu
ndër breza.
Ay pinë titanët
Bajrami, Vokshët, Isai,
Kadria e Hasani
dhe malet buçitën
për Liri!
Me gjak u lanë trojet
për nënën Shqipëri ".

...

" Vdekjen civile
Pasaportë xhepi
e ndjej
me vite...
Një jetë të tërë
në shëmbëlltyrë "gogoli"
diktatura më ka kthyer ".

[PrInCiPiEl]

" Çështja e alfabetit mori fund në një mënyrë që do të mbesin jo veç të gjithë të kënaqur, e për këtë shkak u zgjodhën dy abetë e të dy do të përdoren prej shqiptarëve: njëri është ai i Stambollit e tjetri një abe thjesht latine që i afrohet atij të Stambollit."

Mid'hat Frashëri
Kongresi i Manastirit më 1908


" abece e Stambollit, ësht' e mjaftë për nevojat e kombit, po me qenë se shumë herë për të shtypur libra lark Shqipërisë dhe për të hequr telegraf kemi nevojë për një abece thjesht latine " .

Gjergj Fishta
Kongresi i Manastirit më 1908

[PrInCiPiEl]

" Liria është që të mos të trazojë njeri ty dhe ti të mos të trazosh të tjerët. "

Mid’hat Frashëri

[Brari]

Me vjen mire Principel qe shkruan vazhdimisht per figura te shquara te Kombit.

Ke postuar dhe vargje te Selfixhe Ciut.

E meriton ajo grua zonje te shkruhet per te.

Po shtoj dhe une dy fjale.

Selfixhe Ciu eshte bije nga nje familja e mirnjohur gjirokastrite.
Ne vitet 1930-40 ajo ishte nje nga vajzat e mirnjohura te Tiranes si talent letrar dhe me vone si revolucionare e shquar.
U martua me shokun e mikun e saje Xhemal Brojen, nje shkodrano-Kosovar gjithashtu i mirnjohur ne ato vite si talent letrar e revolucionar i njohur..shok i Qemal Stafes etj.
Ne vitet 1940-41 cifti Broja Ciu moren nje shtepi me qera dhe pikerisht ate shtepi qe me vone ata e vune ne sherbim te kauzes se tyre revolucionare ..pra qe u perdor si vend takimi e strehimi e mbledhjesh per komunistet e Grupeve te asaj kohe e qe pikerisht aty u bene dhe mbledhjet e krereve komuniste qe formuan Famekeqen PK...Partine Komuniste Shqiptare..

Natyrisht Selfixheja e Xhemali as qe u ka shkuar ne mendje athere se me duart e tyre po mbjellin Diktaturen gjakatare..te PPSH-se ose te Enver hysni Ramizave e sot te demagogve e hajduteve PS-iste te llojit te Braho Brace- Dritero Nano Ruc Klos caushve..

Ne ato vite disa here i ra rasti Selfixhese e Xhemalit te shkrete te ndeshen me karabinieret e Kuestures per te mbrojtur"shoket"..
Ne nje rast tregojne bashk-shoket e Xhemalit kur karabinieret sulmuan shtepine dhe godisnin me plumba e bajoneta deren e madhe prej druri te oborrit ndersa selfixheja ndihmonte kalimin e shokve ne shtepijat e Komshive i ndjeri Xhemal vuri shpatullat deres qe te mos hapej..
Shpina e tij e di cdo ket hequr nga goditjet e fuqishme te xhandareve te Fashizmit..

Por vuajtjet e atyre pak viteve i harroi shpejt cifti Broja Ciu..

Pikerisht kur ne pushtet erdhi PKSH-ja e tyre te cilet ata e themeluan dhe e mbrojten.. erdhen dhe vuajtjet e verteta te Familjes Ciu-Broja..

Ata u bene deshmitare te asaj tragjedie qe pllakosi vendin e tyre..

Themeluesit e PK-se ishin keta..

Koco Tashko, Bedri Spahiu, Sotir Vullkani, Qemal Stafa, Vasil Shanto, Tuk Jakova, Anastas Lula, Sadik Premtja, Ramadan Citaku, Elhami Nimani, Enver Hoxha, Pilo proletari etj etj..

Te gjithve me vone u a hengri koken PK-ja.. themeluesve te saje por dhe vet Ciftit CIU-Broja u a nxiu jeten..

Per 40-50 vjet me radhe Selfixheja e Xhemali provuan kanalet e fshatrave te Muzeqese e gerxhet e maleve te Kurvelesh-Tepelenes neper internime e burgje..pa fund..

Mullaqe medhenjte-biroisto-sheiket e PPSH-se kapardiseshin cdo vit me 8 Nentor ne shkallet e Shtepise se Selfixhese.. e Selfixheja vete me gjithe Xhemalin kushedi ku ngryseshin ne barakat e burg-Internimeve..te leckosur e drobitur..



Vite me pare mbas shume e shume skrapacimeve mbylli syte revolucionari e atdhetari e dramaturgu Xhemal Broja, shoku e burri i Selfixhese..

Vjet nga fundi i veres.. mbylli syte dhe vete Selfixheja..





I qeshi buza dhe asaj ne ato pak vite demokraci qe sollen jo ish kelishet e PK-se e PS-se por ca studente me ne krye Hajdar-Berishet..e PD-se..
Te pakten perjetuan ca dite te qeta ku nuk u a benin me me gisht zhabat e zhapiket e PPSH-se..

Le ta kujtojme Selfixhene me nderim sa here te degjojme kengen e Prodanit..per Nenen.. ku vargjet e shkruara nga Selfixheja mbeten te perjetshme..

Ne ato vite te erreta barbare..vetem Nena guxonte ti shkonte ne vend internim-gulaget enveriste Selfixhese gjore..
E ajo tha..
Nje Nene..vetem nje Nene ka ne bote..
I embel tingllon Zeri saje..

Le ta vazhdoj tekstin dikush qe e mban mend.. kengen qe kendon Anita Take..

[PrInCiPiEl]

" Në qoftë se Ballkani mbetet sipas pjestimit të bërë nga Konferenca e Londrës, serbët, bullgarët e grekët duke ruajtur përkohësisht miqësitë e vjetra në zemrat e tyre, një ditë prej ditësh do t'i manifestojnë ato si një vullkan që është gati të shpërthejë në një konflikt të përgjakshëm.
Nëse Europa dëshiron të sigurohet paqja e qetësija në Europë, duhet të formojë një Shqipëri etnografike e të pavarur.
Një Shqipëri e tillë mund të formojë një ekuilibër të vlefshëm dhe një garanci për sigurimin e qetësisë e të paqes në Ballkan.
Pasi në Europë nuk ka ndonjë shtet tjetër, përveç SHBA, që ta marrë përsipër këtë detyrë të lartë njerëzore në Ballkan, punën e organizimit të Shqipërisë dhe të drejtën e kontrollit të Maqedonisë është e nevojshme që ta ketë nën kujdesin e tij shteti i madh i Amerikës ".

Kadri Lutfulla Prishtina
Prill 1919


Shënim :
Kadri Lutfulla Prishtina i njohur edhe si Hoxhë Kadriu ishte Kryetar i Komitetit Mbrojtja Kombëtare e Kosovës .
Në atë komitet ishin edhe Hasan Prishtina , Bedri Pejani , Bajram Curri, Hafiz Ymer Shemsiu, Sali Nivica, Hysni Curri, Tafil Boletini, Azem Bejta,Beqir Vokshi, Hasan Ferri etj.

[Dita]

Principiel,

mire do te ishte te shenoje dhe burimet nga te cilat ke cituar gjithcka qe ke sjelle ne kete teme.

Teme e bukur!

[PrInCiPiEl]

Do të ishte mirë sikur të shkruanim diçka për ndonjë nga personalitetet e shquara kombëtare shqiptare.Në veçanti do të ishte mirë nëse shkruhet edhe për :
Nazmi Gafurrin , Metush Krasniqin-Dajkoci , Gjon Sereqin, Haxhi Zekën , Azem Bejtën ,Abaz Ermenjin,etj.
-Nxitje e mirë për këto shkrime ishin/janë gjyshërit tanë, librat e ndryshëm të historisë kombëtare shqiptare ,etj....

[Veshtrusja]

Pershtypje

Njoha kulturen demokratike. Njoha tragjedine e permbysjeve te medha revolucjonare. Njoha nje gjyq special, njoha 16 vjet burg me perplasje sa andej, kendej. Njoha punen e punetorit me forme individuale, njoha punen e krahut me norme kolektive, si bujqesine e rastit ne burg dhe gjithe ndryshimet qe pesojne nga ky termet I panderprere per te konsoliduar diktaturen e proletariatit.

Po njeriu u ndodh perpara nje qendrimi te ri. U vune ne levizje te gjitha vogelsirat, percarjet, punet e renda, kallximet dhe studjova ne veprat e perfaqesuesve te marksizmit parimet themelore, taktiken dhe strategjine revolucionare. Njeriu u ndodh perpara te pa priturave te hidhura dhe per mos ardhur ne kundershtim me vet-vehten nuk ka rruge tjeter vecse terhqeje, humbje, duke u mbeshtetur ne forcat e veta, ne minimumin e jetes dhe duke rrojtur me boten e vet te brendshme. Rralle ose asnje njeri nuk pata rast ta shoh te formuar ideologjikisht. Ne gjithe ate mori grash, I kujtoj, me mall vjetet e kaluara bashke dhe jane te paka ato qe arriten ne shkallen me te fundit te poshtersise. Te paka. I kam pare si qenie ku marredheniet e mia kane qene te thjeshta, jashte cdo synimi politik, ne lidhje fqinjesie, duke folur per jeten dhe pjestaret e familjes, ngjarje te ngjara si ndodhi dhe arrita keshtu te njoh Shqiperine e permbysur, dhe ata te punes ne Rreshen, qe nuk me kane lene vec mbresa te keqia, pasoje e c’organizimit, e mungeses se disiplines, e qartesive dhe mungeses se trajtimit ne menyre parimore ne themel te organizimit. Njembedhjete vjet pune ne ndertim ka qene nje zhgenjim, pasoja e inferioritetit ne krahasim me superioritetin e organizimit te punes tek te burgosurit dhe intensiteti I rendimentit me te larte, ne krahasim me te liret. Sa I forte eshte nje brigadier I lire e sa abuzime ben. Sa e vertit punetorin e shkrete, mjafton qe te kete guximin t’I kundershtoje.

Sa leke ha ai duke mos punuar, sa dite shkruan ai, jo vetem per vete por per ate qe e mbron dhe ka leverdi. Nje qehaja qe vjedh shtetin dhe punetorin. Nje Tiran I vogel, po qe lakmon jeten e punetorit nje jete te tere dhe ai perfiton se kultura, shtypi punetor nuk eshte nje arme qe te udheheqe punetoret dhe punetori te shpreh mendimet, jashte mureve te ndermarrjes. Punetori I krahut vuan per nje mos kuptim nga I deleguari I shtepise se kultures. Punetori eshte I pa ndihmuar dhe varet nga nje brigadier dhe nga nje teknik qe te paguan si dhe sa ti pelqeje.

Puna e krahut eshte e rende dhe ne socializem, qe thone se eshte klasa punetore ne fuqi ai mbetet gjithmone ne fund: qofte si dituri, aqe me pak ne pagese dhe aq me shume ne mbylljen e tij, brenda kater mureve te ndermarrjes.

Kete njoha dhe ky eshte realiteti. Dhe po te mos kisha kaluar kete rruge sa tragjike aqe dhe tronditese, une do ta quaja veten po te merresha me letersi se kisha bere nje pune kush e di sa me rendesi. Vertet talenti dhe kultura do pune dhe studim po ama punetori I bujqesise, I minieres, I ndertimit bejne punen me te rende dhe luftojne cdo dite ne gjirin e kolektivit po dhe me vet-vehten, me forcat e veta, me lodhjen e me pafuqine, bashke me te gjitha keto dhe nje familje per te mbajtur, femije per te rritur. Mosha kalon, fuqia pakesohet, norma ose eshte ajo e para ose ehte ngitur dhe ai duhet te punoje, te robetohet dhe nevojat e tija mbeten gjithmone kerkesa legjitime. S’ka dallim midis punes mendore dhe fizike. Sa e lehte te thuash dhe sa e rende eshte kur e jeton. Norma eshte nje angazhim per lufte. Ai qe s’ka pune me norme, ta quaje veten te lumtur, se nuk I bie rasti as t’I hane hakun as te thone qe s’ka fuqi te punoje.

Socializmi prape se prape, te pakten, ate socializem qe kam kaluar, eshte diferencim dhe punetori I krahut e ka punen me te rende, punon me ore te zgjatur dhe kur kthehet ne shtepi nuk ka fuqi te rrije ne kembe.

Le ta mbydhim vitin 1972 me keto shenim. U detyrova, lashe punen se nuk do t’I haroj kurre sa padrejtesi behen ne shpine te punetorit, sa mbetet I pakulturuar dhe sa pak interesim ka nga inteligjenca e cila ben reportazhe ose shkruan nje roman po asnjehere nuk e ndihmon ne zgjidhjen e problematikes.

Musine Kokalari (1918-1983)
Rreshen, Dhjetor 1972

Marre nga libri: “Musine Kokalari: Si lindi partia social demokrate, Artikuj, shkrime, esse, kujtime…” ( © te drejta te rezervuara: Platon Salim Kokalari)