KQZ deshton te shpalli rezultatet ne Tirane

[Fringo]

Hej, apo disktuojme Leshatorin e Mustafa nanon, apo zgjedhjet lokale?

Moderatoret ju lutem nderhyni!

[Honezmi]

Postuar më parë nga Manciste
Hej, apo disktuojme Leshatorin e Mustafa nanon, apo zgjedhjet lokale?

Moderatoret ju lutem nderhyni!

------------------------------------------------------------------------------------
Maniciste!
Nuk mu "hap barku" te mirem me SPIUNIN Mustafa, por dhash nje mendim per kete person, qe ter kohen e tije eshte bere "bodigart" i qeveritarve KUSARRRR, qe po e shpien Shqiperin drejt mjerimit te plote.
Mustafa SPIUNI nuk gjen dote kohen te flasi per GRABITJET qe hajdutet qeveritare po i bejne ati vendi?!
Mustafa SPIUNI nuk gjen dot kohe qe te thote nje fjale per perpjekjet e qeveritarve per te manipuluar zgjedhjet?!
Mustafa SPIUNI nuk gjen dote kohe qe te thote nje fjale per atentatet kundra policve e biznesmenve?!
Mustafa SPIUNI nuk gjen dot kohen qe te thote nje fjale per gjith ata te mjere qe nga varferija dhe mjerimi vrasin veten?!
Mustafa SPIUNI mbull syrin dhe heshte dhe kur shtupi dhe komisjonet vertetojne me fakte e argumenta VJEDHJET e Edi Rames e te gjithe pushtetarve SOCJALISTE?!
Mund te vashdoje ne pafundesi po nuk ja vlen meeeee.
Keshtu -Maniciste-nuk jam jasht teme por BRENDA NE THELEEE.
Si mjeshtra qe jeni perpiqeni qe ti minimizoni ose censuroni ato qe sju pelqejne........
Po hajd..mooo ..vari ka....kesaj pune me soin e SPIUNVE.

[SUPERSTAR_N1]

Ngjela: Jam i sigurt që do të fitoj

Kjo mbështetje u kërkua në fillim të mbledhjes nga vetë avokati Ngjela. “Pas mbështetjes politike që unë e di se do ta marr këtu totalisht, më duhet gjithashtu t’ju shpjegoj diçka shkurt nga përgatitjet e mia për këtë fushatë. Unë deri tani jam shumë i kënaqur nga stafi. Jam shumë i kënaqur nga strukturat e partisë të Tiranës të cilat janë të domosdoshme. Kam filluar bashkëpunimin me kryetarët e nëndegëve dhe me kandidatët për kryetar të 11 minibashkive dhe po shpalos shkallë shkalle programin tim në linjat e përgjithshme që i shpreha në hapjen e fushatës. Jam i bindur në fitoren time”, tha dje Ngjela. Kandidati demokrat replikoi dje edhe me ish-Kryetarin e Bashkisë së Tiranës në periudhën e PD, Albert Brojka. Pavarësisht se Ngjela nuk përmendi emër qëndrimi i tij aludonte për ish-Kryetarin e Bashkisë së PD, Brojka. Ky i fundit në një deklarim për Top-Chanel u shpreh se Bashkia nuk mund të bëjë asgjë pa mbështetjen e qeverisë. “Pa mbështetje politike nuk mund të bëhet asgjë. Flitet se nuk mund të ketë sukses një kryetar bashkie që nuk ka mbështetjen e qeverisë. Absolutisht nuk qëndron. Kryetari i Bashkisë së Tiranës është shumë i fortë nëse ka mbështetje politike të partisë së vet. Mbështetja politike është nocioni politik i saj. Mbështetja e qytetarëve është kryesorja. Si qenke i pafuqishëm ti kur nuk të mbështet qeveria ndërkohë që je votuar nga 280.000 ose 300.000 votues. E pamundur nuk ka mundësi”, tha Ngjela. Më pas foli edhe lideri i opozitës Sali Berisha. Edhe ky i fundit u shpreh i sigurtë në fitoren e Ngjelës si dhe të kandidatëve të tjerë të PD në rrethe..
“Kam bindjen se Spartak Ngjela, ky Romeo por jo i Xhuljetës por i fjalës së lire të cilit e shpëtoi nga fundi tragjik burgu i Burrelit, i bën nder me kandidimin e tij çdo qytetari të Tiranës për të cilin janë të çmuara vlerat e lirisë. I bën nder çdo qytetari të Tiranës. Ngjela në një moment tejet të veçantë zgjodhi sakrificën sublime të dinjitetit njerëzor që përbën thelbin e lirisë së njeriut. Avokat ke mbështetjen e plotë totale të PD të anëtarëve dhe të simpatizantëve të saj. Avokati Ngjela do të jetë fitimtari i Tiranës dhe me 12 Tetor, Edi Ramën do ta nxjerrë jo vetëm nga Bashkia por edhe nga çadra”, tha Berisha. Ai mohoi dje edhe mundësinë e kompromisit me socialistët për kandidaturën e Spartak Ngjelës. “Ngjela do të nxjerrë Ramën dhe jo siç fantazoi i fantaksuri Ilir Meta se paskemi bërë marrëveshje dhe ftoj çdo kryetar të Tiranës nëqoftë se mendon për një marrëveshje të mos votojë. Ne duam votën për Spartrak Ngjelën dhe për vlerat e tij”, tha ai.

[Orku]

Punët e Edi Ramës dhe puna e opozitës

HENRI CILI

Kryetari i Bashkisë së Tiranës, Edi Rama, në nisje të fushatës elektorale, është duke shpalosur një buqetë idesh, stilemash, vizionesh, skenimesh dhe inskenimesh, e përbashkëta e të cilave është gradient i papërballueshëm totalitar. Si gjithnjë, por dhe me një dendësi si kurrë me parë.

Së pari, sikur të kishte idenë se zgjedhjet e 12 tetorit 2003, janë po ato të 2 dhjetorit 1945, ai ka shndërruar ndërtesat e administratës shtetërore, minibashkitë, konviktet e studentëve dhe mjedise të tjera publike në zyra elektorale, ku janë ngjitur posterat, pankartat, apo vërtiten vullnetarët e tij.

Këta të fundit asociojnë pa asnjë sforcim me "vullnetarët e Enverit", por kjo duket e parëndësishme përballë angazhimit të fëmijëve në fushatë. Në këtë mënyrë, në Tiranë, nuk po konkurron Edi Rama me Spartak Ngjelën, por Institucioni i Bashkisë së Tiranës kundër kandidatit të opozitës.

Askush nga njerëzit që kanë konkurruar në lindje dhe perëndim në erën e demokracisë, nuk i ka përdorur fëmijët si "punëtorë elektoralë". Jo thjesht sepse nuk është ligjore dhe kundër të drejtave të fëmijëve. Por edhe sepse gjithë despotët e lindjes e perëndimit e kanë përdorur pafund parabolën e fëmijëve që zbusin imazhin e liderit, për ta çuar atë drejt e në "zemrat e njerëzve".

Ligjërimi politik i kryetarit të bashkisë Edi Rama është duke u fokusuar tek fjala "punë" dhe kontrastit sipas tij, mes "njeriut të punës" dhe "opozitës së llafeve". Në fakt këtë temë, pra koncepsionin e tij mbi rolin e opozitës politike në demokraci, zoti Rama, thjesht po e zhvillon në një version të ri pasi e ka rimarrë disa herë më parë. Po shkon shumë më tej. Për zotin Rama nuk quhen "punë", punët e opozitës: debati politik, denoncimi i problemeve të qeverisjes, projekt - ligjet, interpelancat, konferencat, projektet, idetë, propozimet. Në vështrimin e zotit Rama, opozitës politike, jo vetëm i duheshin vjedhur votat, siç bëri ai në zgjedhjet e tetorit 2000, por "nuk duhej pranuar në Këshillin Bashkiak" siç deklaroi ai në vitin 2002, kur opozita pranoi të hynte për hir të konsensusit politik, në Këshillin e vjedhur Bashkiak. Sipas Edi Ramës, së fundmi, "punë të opozitës", quhen ajo që i jepte Presidiumi i Kuvendit Popullor apo Komisioni i Internim - Debimeve. Pra duke shtyrë vagona në minierat e Burgut të Spaçit, duke tharë këneta në Maliq apo duke ndërtuar Azotikun e Ballshit.

Zoti Rama është duke iu drejtuar me shpejtësi një modeli politik të tipit të lidhjeve direkte udhëheqës-popull. Në këtë ecje drejt "Sanijes dhe Xhevrijes", zoti Rama, mediat dhe gazetarët e pablerë i konsideron "baltaxhinj". Në aksionin e tij politik, media e lirë del po aq e tepërt sa dhe opozita.

Dhe e fundit. Në të vetmen përpjekje legjitime politike që ai po bën, me shenja gjithnjë e më të hapura për t'u paraqitur si figura unifikuese e së majtës shqiptare, të përçarë deri në pragndarje, ai sërish bie në stilemat totalitare. Bën thirrje për bashkim dhe "ulje armësh" mes socialistësh. Pra "uniteti" para së gjithash: Uniteti para akuzave, uniteti para krimeve dhe abuzimeve të ndërsjellta. "Padrinoja" të heshtë për "fashistin", Nano të heshtë "duart e Edi Ramës në xhepat e bashkisë" e kështu me radhë.

Një shumicë jashtëzakonisht e madhe mediash të blera prej tij, me shumë mundim dhe shumë kosto, në fakt janë duke i bërë një dëm shumë të madh: Janë duke e shumëfishuar në dhjetëra ekrane dhe gazeta profilin e një njeriu politik, frymëzimi totalitarist i të cilit nuk mund të retushohet me asnjë kombinim ngjyrash.

[Zarathustra.]

Te vjen keq ketu te shikosh se si askush nuk ka as kapacitetin dhe as aftesine per te diskutuar per problemet qe shtrohen ne kete shkrim por merren me autorin.

Mustafa Nano mund te jete cte doje, spiun, komunist, etj etj po ai nuk eshte denglaxhi apo njeri i hicit dhe i kotit si shume nga ju trimosha ketu. Te pakten Nano shtron nje argument racional qe askush nga ju nuk e kundershtoi dot, e keshtu mallkoni Nanon. Kur mesazhi nuk iu pelqen, mos fajesoni korrierin zoterinj.

Megjithate duke iu kthyer temes, del qarte dicka teper esenciale nga ajo analize por edhe nga vete realiteti i Ngjeles dhe i PD.

Ngjela ashtu si PD perfaqeson nje entitet politik, EUNUK, dmth te tredhur nga cdo lloj mendimi inovator, ndermarres dhe kreativ. Ngjela pra eshte nje individ qe nuk prodhon, apo qe nuk pjell ide apo zgjidhje. Eshte shterp, i paafte per tu mbarsur me rrugedalje dhe aftesi udheheqese. Ai eshte i ndrydhur, i viktimizuar dhe i perdhunuar si karakter, dhe nuk zoteron asnje nga karakterisikat e karakterit te nje lideri.

Vete figura e tij paraqitet si nje "kelysh partie", qe mendon dhe funksionon nen termat qe i lejon partia. Ngjela duhet te thote "rrofte lideri yne" ndryshe ai s'ka me identitet, vlere apo iniciative. Ngjela nuk eshte lider, ai nuk eshte inovator, bile ai nuk ka as personalitetin e vet, te pavarur nga te qenit anetar i PD.

[Orku]

Postuar më parë nga Leshator
Ngjela ashtu si PD perfaqeson nje entitet politik, EUNUK, dmth te tredhur nga cdo lloj mendimi inovator, ndermarres dhe kreativ. Ngjela pra eshte nje individ qe nuk prodhon, apo qe nuk pjell ide apo zgjidhje. Eshte shterp, i paafte per tu mbarsur me rrugedalje dhe aftesi udheheqese. Ai eshte i ndrydhur, i viktimizuar dhe i perdhunuar si karakter, dhe nuk zoteron asnje nga karakterisikat e karakterit te nje lideri.

Nuk ka gje me te bukur se skermitja e qenit qe nuk kafshon dot me !

[Orku]

Meqe ra fjala per nanon . m, qe me shume se vjedhjet dhe varferia i le mbrese nje shprehje qe do te ishte krejt normale ne cdo fushate elektorale ne cdo vend te bote, dua te them se eshte turp t'i japesh atij benefitin e argumentimit pasi vetem sa e riciklon.

[Zarathustra.]

Mesazhi i Ngjeles deri me sot ka qene "Do ta bej me mire, por nuk e di akoma se si". Personaliteti i tij ka qene i skllav i mentalitetit "Rrofte Lideri Yne", kur fushata elektorale i dedikohet Ngjeles apo aftesive te tij udheheqese.

Mesazhi qe Ngjela bie ne Tirane nuk ka asgje te re nga ai qe sollen ish krye-bashkiaket e PD ne Tirane, Ngjelen nuk e dallon asgje, nuk e vecon asgje, nuk e perfaqeson asgje vecse qenia "kadiadat i PD per kryetar Bashkie". Edhe vete Arbnori edhe pse i shkau ne fakt e pohoi faktin se PD nuk kishte kandidate me te mire. Kete e perforcon me shume edhe fakti se shume emra te tjere u terhoqen nga konkurimi.

Pra Ngjela eshte pjese e humbjes ne PD, ai eshte humbesi i rradhes, sepse te tjeret nuk duan te digjen. Ja pse PD, nuk e ka vene aspak perpara pergjegjesise Ngjelen per tu prezantuar me nje plan serioz, konkurues dhe inovator ne kete fushate. Por ndoshta eshte edhe fakti qe PD, nuk del dot jashte mentalitetit te saj qe e ben ate te mendoje si KOPE. Ky mentalitet nuk e pervecon Ngjelen, si nje individ ndryshe nga tradita falimentuese dhe e mosarritjeve e PD ne pushtet. Ngjela eshte pjese e kesaj tradite, pjese e deshtimit, pjese e PD se pandryshueshme qe i konsumoi vite me pare shancet e medha qe kishte per te qene e suksesshme.

Dhe shterpesia e Ngjeles e ben ate te bej premtime "Liza ne boten e cudirave". Ne nje ekonomi totalisht informale, ne nje komb qe u shkaterrua plotesisht pikerisht nga investimet informale, Ngjela kerkon te ndertoje burse. Ky pra eshte mendim sa pervers po aq edhe i tredhur, dmth pa frut, pa realitet pa rezultat.

[Orku]

Postuar më parë nga Leshator
Mesazhi i Ngjeles deri me sot ka qene "Do ta bej me mire, por nuk e di akoma se si".

Ka degjuar njeri nga Edi Rama te paraqese rruget me te cilat synonte te realizonte premtimet elektorale ne zgjedhjet e 2000 apo ato qe po ben tani ?

Postuar më parë nga Leshator
Personaliteti i tij ka qene i skllav i mentalitetit "Rrofte Lideri Yne", kur fushata elektorale i dedikohet Ngjeles apo aftesive te tij udheheqese.

Kjo fjali mund ti shkoje per shtat atij qe e moren <> nga Parisi dhe jo atij qe ka bere familjarisht burg pikerisht per lirine e ndergjegjes. Ngjela iu afrua PD atehere kur te tjeret i largoheshin.

[Zarathustra.]

Ngjela sigurisht qe iu afrua PD kur te tjeret i largoheshin, por kjo vetem sa nxjerr ne pah faktin se Ngjela eshte nje karierist i paafte per te ber vend ne ambiente te tjera me konkururese, ku njerezit dhe sidomos intelktualet normalisht afrohen dhe jo largohen. Ne nje vakum te tille individesh te afte sigurisht qe Ngjela do ngjitej ne mae ne PD.

Edi Rama ndoshta nuk paraqiti planin e zhvillimit (ne fakt nuk e di dhe nuk e mbaj mend se si u organizua fushata e Rames ne 2000) por Edi Rama kerkoi pushtetin ne nje situate ku Tiranasit mendonin se me keq nuk mund te behej. Mbi te gjitha Edi Rama kishte nje rekord mjaft te mire ne administrimin e ministrise se Kultures, ai shpalosi angazhim, ide te reja, zhdervjelltesi dhe veprim ne detyren qe mbajti ne ministri, por edhe u paraqit si nje udheheqes apartiak ne ate fushate, gje qe ishte inovatore, dhe qe e i dha atij shume pike. Kryebashkiaku eshte i zgjedhur drejtperdrejt nga populli dhe votuesit kerkojne qe ai te jete ne me shume kontakt me keta se sa me vijen e partise. Si i tille Rama u pa shume here me i shkeputur nga PS qe e mbeshteti ate se sa kandidatet e tjere, dhe akoma edhe sot ai shikohet si i tille.

Ngjela nuk ka asnje nga keto avantazhe; ne fakt Ngjela po konkuron me barren e dy disavantazheve te medha ne krah 1)falimetimet e ish-bashkiakeve te tjere te PD (nuk ka asnje arsye pse Tirana mos te mendoje qe Ngjela eshte nje tjeter Kelmendi apo Brojka), ketu Ngjela nuk e ka provuar aspak veten te jete i ndryshem prej tyre dhe 2) arritjeve te pakundershtueshme te Rames, qe ai i pergjigjet me plane zhvillmi "Fluturon Gomari".

Tirana eshte shoqeri aristokratesh, njerez qe i perkasin suksesit, suksesit pra qe ne kapitalizem eshte mjaft i eger dhe i pashpirt, ashtu sic i perkasin tolerances, kultures, klases se liderave te cdo kohe qofshin, qe nuk u kercet shume per morale. Tirana nuk fitohet me biografi burgjesh, jo vetem sepse tashme ne Tirane askujt nuk po i pelcet me per "mekatet" e Hoxhes, por edhe sepse Tirana eshte qyteti me perparimtar dhe progresist ne Shqiperi, si i tille Tirana mohon cdo refernce tek e kaluara per te ndertuar te ardhmen e saj. Te afte nuk te ben burgu, e viktimizmi por aftesite dhe vlerat personale, qe mund ti perkasin nje te persekutuari (praktikisht e pamundur) ashtu sic mund ti perkasin nje te privilegjuari te atij rregjimi (qe ndodh ne 100% te rasteve)Me e shumta Tirana mund te solidarizohen me vuajtjet e Ngjeles ne parim, por Tirana nuk i perket klases morale te Ngjeles.


PS
..............Nuk ka gje me te bukur se skermitja e qenit qe nuk kafshon dot me !

Ti nuk do qe une te te kafshoj, se kur kafshoj une ti perfundon 30 vjet ne Spac,...........