Nano dhe shpura e tij "shkollojnë" Veriun!

[Pirro i Epirit]

Në kujtim të Ilia Qiqit, Athinasë, dhive të Zagories, Luan Bregasit, e tjerë...

Nga Mero Baze

Një nga dramat e dhimbshme të Shqipërisë ka qenë e lidhur me raportet veri-jug, por jo me diferencat reale mes tyre. Është një histori e tërë që tashmë po mbush 60 vite, në të cilën Veriu është kthyer në simbol të një getoje që shpëtohet nga disa engjëj që fluturojnë poshtë Shkumbinit. Kështu ka ndodhur në vitet e para të komunizmit, kur u morën disa gra amvisa nga jugu për t'u mësuar si gatuhej bukë në veri dhe sidomos në Dibër, Mat dhe Mirditë. Në të vërtetë askush nuk e mori vesh pse u deshën ato gra atje në malet e egra të veriut, pasi as kuzhinën e veriut nuk e ndryshuan dot dhe as mbetën të kënaquraa nga misioni i tyre. Më pas çuan mësues nga Dropulli, si i ndjeri Ilia Qiqi, që shkoi t’u mësonte shqip pasardhësve të Ahmet Zogut, në Lis të Matit, me greqishten e çal të Dropullit. Më pas Athinanë, që u martua atje për të forcuar unitetin, pastaj dhitë e Zagories, të cilat në të vërtetë nuk ishin aspak më të mira sesa dhitë e Martaneshit, dhe së fundi, Luan Bregasin. Këtë të fundit, për të ndërtuar shkolla dhe për t'i dhënë emrin shkollës, si për shembull: Shkolla "Koço Kokëdhima", Shkolla "Luan Bregasi", shkolla "Gjolekë Malaj", shkolla "Xhoana Nano" etj.. Askujt tjetër nuk do t'i kishte shkuar në mendje ta poshtëronte kaq shumë gjysmën e Shqipërisë sesa u rikujtua dje Fatos Nano. Është thuajse gjysma e vendit me një hartë ekonomike gati kriminale, pa asnjë investim, pa asnjë rrugë, pa asnjë perspektivë, e cila tentoi të rikthehej në jetë pas vitit '90 dhe u ndesh me racizmin e së majtës shqiptare duke u identifikuar me drejtuesin e atëhershëm të shtetit. Ky racizëm u shtri gati në një lloj nazizmi të fshehur pas vitit 1997, kur kriteri i parë i të hequrit nga puna, nuk ishte nëse ishe apo jo me PD-në, por nëse ishe apo jo nga veriu. Poshtërimi i kësaj gjysëm Shqipërie, nga një klasë me hipotekë politike jugore, shkoi në ekstrem në qeverinë e parë të Fatos Nanos në vitin 1997, e cila ishte tërësisht jugore dhe vazhdon deri më sot duke mbajtur si simbol të veriorëve në pushtet Ndre Legisin dhe Musa Ulqinin, të cilët, të dy së bashku, nuk kanë fuqi as sa bodigardi i Edi Ramës. Pikërisht kjo klasë politike që urren veriun, kjo klasë politike që ishte ideatore e nxitjes së urrejtjes ndaj veriut, kjo klasë politike që e izoloi veriun dhe po i shkatërron atij të vetmen aortë zhvillimi që ka - rrugën Durrës-Morinë, - kjo klasë politike që mes të tjerash ka justifikuar revolucionin në Shqipëri me luftën ndaj veriut, dje shpalli projektin e saj të fundit poshtërues ndaj Veriut. Një tufë biznesmenësh, nën drejtimin e Fatos Nanos, iu turrën veriut, me një premtim poshtërues për çelje shkollash (për fat të mirë nuk kanë për ta mbajtur premtimin), në shkëmbim të lënies së emrit të tyre në krye të këtyre shkollave. Shteti që ka varfëruar veriun, shteti që ka izoluar veriun, shteti që ka nxitur racizëm ndaj veriut, ende nuk ka asnjë projekt për ta shpëtuar atë. Oferta e tij e vetme është një tufë biznesmenësh, shumica e të cilëve janë produkt i trafikut qeveritar, dhe që shpresojnë ta përdorin veriun si një govatë ku të lajnë këmbët dhe të pastrojnë të këqijat e rrugës së tyre të dyshimtë drejt pasurimit. Biles ky gjest është fyerje dhe për atë sakrificë të sinqertë të Ilia Qiqit, Athinasë, dhive të Zagories, amvisave të Përmetit dhe gjithkujt tjetër që u bë personazh i demagogjisë së komunizmit për veriun e Shqipërisë. Ka gjashtëdhjetë vite që ky shtet përsëri nuk pranon të bëjë diçka konkrete për veriun në emër të shtetit. Përsëri për këtë zonë të getoizuar nga politika, shteti i Fatos Nanos përgatit, - njësoj si vite më parë, - dhi nga Zagoria, ose biznesmenë nga Ballshi. Si për t'u thënë gjithë qytetarëve të veriut, që nuk meritojnë më shumë.



Copyright © Media Enter 2003

[krokodili_73]

Cfare ka bere veriu per ket shtet e komb qe te kerkoj borxhin mbrapsh. Dhe nje gje, ky qe ka shkruar artikullin duket qe eshte nga ata qe kane bere shkollen e gazetarise se marksizem leninizmit. Ne demokraci jane individed qe ne rradhetepare duhette mundohen te permirsojne jeten e tyre nepermjet zbatimit te ligjit dhe punes, fatkeqesisht kto janedy gjera shume te rralla qe spara i hasim ne veriun tone te dashur. Me shume atje gjen vlerate tipit kanuni shpelles sesa civilizim prandaj keq puna.

[Orku]

Cfare ka bere veriu per kete shtet dhe komb ????

Te jesh valle kaq i trashe sa mos ta dish qe figurat me te spikatura te kombit shqiptar vijne pikerisht nga Veriu, duke filluar me ate qe shkruajti shqip per heret te pare, tek ai qe sot eshte heroi yne kombetar, tek ai qe arriti per here te pare ne histori nje shtet te centralizuar, tek ajo qe sot konsiderohet si gruaja me e dashur e rruzullit dhe per te perfunduar tek ai qe udhehoqi studentet ne rrezimin e diktatures dhe qe sot nuk eshte me !

Megjithate po te kujtoj edhe se cfare nuk ka bere Veriu !

Nuk ka mbjellur faren e keqe te komunizmit, nuk shkaterroi fene dhe vlerat kombetare, nuk u be kurre bishti i Serbise, nuk e degjeneroi shqiptarin deri ne ate pike ku femija spiunonte prindin, nuk e izoloi Shqiperine per ta cuar ne Kine dhe ne Rusi, nuk ngriti ndonjehere tre gishtat apo flamurin grek ne toke Shqiptare .... se harrova nuk furnizon semaforet e Europes !

[Orku]

Mendoj se shteti me diskriminimin qe po i ben per aresye politike apo te tjera infrastruktures dhe zhvillimit te veriut jovetem del jashte funksionit te tij por mbi te gjitha i fryn ne nje forme shume te rrezikshme konflikteve sociale. Eshte e papranueshme qe bashkia nr 2 e vendit dhe njekohesisht me e madhja ne veriun e Shqiperise, Shkodra, te marre te njejten sasi fondesh nga qeveria shqiptare sa bashkia e Orikumit qe eshte njekohesisht edhe bashkia me e vogel e Shqiperise.

Pertej <> se disa dudumeve qe u ka ngelur sahati ne kohen a atij qe sot e therrasin me te drejte(edhe genetike) babe kjo politike i fryn percarjes kombetare sepse krijon nje hendek shume te thelle midis individit ne Veri dhe shtetit qe e trajton ate si nje qytetar te huaj ...... kjo fryme qeverisje mund te kete nje fund shume te hidhur prandaj duhet qe qeveria te shperndaje fondet dhe sherbimet e saj ne nje menyre te ekuilibruar dhe transparente !

[krokodili_73]

Orku, mos bej propagande kot . Per nje gje jame shume dakort me ty, thellimi i ndarjes veri jug eshte dicka e keqe qe nuk i sherben kombit shqiptar. Megjithate mendimi im qe veriu me vlerat e kanunit qe i ka rringjallur dhe i mban gjalle, me bindje te verbta politike, me paaftesine per te bindur vetveten se ka ligj qe duhet repsektuar ndryshe nuk behet shtet, eshte kthyer ne nej pengese me shume se sa nje ndihmues ne modernizmin e kombit shqiptar. Cfare finanacimesh do nga shteti ti kur gjithe kohes i ke vene shkopinj nen rota, duke filluar qe nga mospagimi kolektiv i dritave, taksave, mosluftimi i korrupsionit dhe injorimi i ligjit. Dhe per kto gjera nuk ja ka fajin jugu, apo jo. Megjithate, mendimi im eshte se kjo teme sduhet hapur fare sepse eshte shume e mbrapshte, dhe i fryn percarjes, qe ne duhet ta evitojme. Megjithate kjo sdo te thote qe ne sduhet te kritikojme anet negative te kujdo personi, sepse autokritika eshte ajo qe na ka munguar gjithmone ne si popull dhe gjithe jeten kemi fluturuar me pras, ose e kanun ne dore.
OK

[shkodra13]

"cfare ka bere veriu per kete komb"?!?! ke ndejte shume ne lluce per me e marre vesht o krokodil. Por po deshte ke mundesi me pa pak ma larg.

"mospagimi kolektiv i dritave, taksave, mosluftimi i korrupsionit dhe injorimi i ligjit" nuk e din ti krokodil se prej kah vine? Me duket se ja veshe Veriut kot se jane tipare te tjeterkujt e tjeter kush po perfiton prej tyne.

Nxirre o krokodil pak kryet mbi uje e shif.

Megjithate mbas fjaleve te Orkut asht e panevojshme me shtue.

[Dita]

Postimi #2
Cfare ka bere veriu per ket shtet e komb qe te kerkoj borxhin mbrapsh

Postimi #5
Per nje gje jame shume dakort me ty, thellimi i ndarjes veri jug eshte dicka e keqe qe nuk i sherben kombit shqiptar.

Cfare kontradikte mes ketyre dy fjalive!
Duke ndjekur permbajtjen e plote te dy postimeve duket qe fjalia e dyte eshte shkruar vetem per te lare gojen.
Diskriminimi yt fillon qe me fjaline e pare, vazhdon me ate qe perdor fjalen "shpellor" (kanuni shpelles) per cilesimin e vlerave te njerezve nga veriu e pasurohet me tej kur shprehesh

Megjithate, mendimi im eshte se kjo teme sduhet hapur fare sepse eshte shume e mbrapshte, dhe i fryn percarjes, qe ne duhet ta evitojme.

Dmth le te mbetet ashtu sic eshte gjendja, mjerim pa kthim, ku asgje nuk u ofrohet njerezve dhe sikur i thuhet, hajt ikni prej andej, zbrazeni e mbushni rrethinat e mjeruara te Tiranes e Durresit ose zhdukuni me tej jashte Shqiperise.


Per cfare shkojne parate e buxhetit te shtetit, po ato per pushtetin lokal?
Apo per te bere fushata zgjedhore e mbushur xhepa?

Zgjidhjet ne kapitalizem i ben individi?
Po, por shteti ka detyrime e nje shtet socialist e ka akoma dhe me shume per detyre dicka te tille, te ndihmohen e t'u lehtesohet jeta atyre qe s'kane. Kane bere per veriun e Shqiperise nje zero te madhe me bisht (apo me xhufke).



Orku dhe shkodra13, ju lumte!

[dordi1]

e hodhi budallai gurin ne pellg...
u ngriten 30 te zgjuarit me e nxjerr!!!

me hy me diskutue se ca ka bo VERIU per kombin eshte as me pak se mungese inteligjence...
ca njerez nuk kane nevoje per brire qe ti dallosh per ''gjenialitetin'' qe rrezatojne...

postimi #3 e ka thone tamom sic duhet, megjithate mendoj se opinione te tilla me mire te injorohen se sa te shtjellohen...
ja edhe vete po bie ne kurth...nejse

[Albo]

Vetem njerez te ceket mundohen te bejne dallime krahinore duke ngritur vlerat e nje krahine e duke ulur te tjetres. Veriu dhe Jugu, Kosova dhe Cameria, Ulqini e Shkupi jane Shqiperi pasi shqiptare e kane emrin ata qe jetojne ne ato troje.

Veriu dhe jugu i Shqiperise i kane dhene kombit njerez te perkushtuar ndaj ceshtjes kombetare dhe nuk ka nevoje ta ktheni diskutimin ne "gare" pasi keshtu i fryni ndasive kombetare.

[Pirro i Epirit]

Nuk besoj se eshte e udhes te diskutohet se kush i ka dhene kombit me shume, veriu apo jugu! Jemi shume pak per te qene veriore dhe jugore, kenetore apo shpellore! Problemi qendron a ka te drejte Mero Baze ne ato qe ka shkruar ne Gazeten TEMA, dhe ku po e con kete vend, edhe keshtu mjaft te mjere, Klika kriminale Naoiste dhe ustallaret e tyre?

Ku eshte fundi i gjithe kesaj katastrofe kombetare te ciles nuk po i duket fundi?