Kushtet e renda ne Burgjet Shqiptare!

[ALBA]

70 PER QIND TE SEMURE

Vlorë, pllakos zgjebja në qelitë e burgut


Gentjan Bellaj
Aida Harka

VLORE

Sëmundja e zgjebes që ka "lulëzuar" në komisariatin e policisë së Vlorës, që prej kohësh është shkruar, tashmë është pohuar edhe zyrtarisht. Prokuroria e këtij rrethi dhe organizma të të drejtave të njeriut, kanë deklaruar dje se në kushtet aktuale që vuajnë dënimin të burgosurit në qelitë e burgut të Vlorës janë shkelur të drejtat e njeriut. Madje në kushtet e sëmundjes ngjitëse, shtatë të burgosur kanë vendosur të hyjnë në grevë urie. Hajri Sinaj, vëllai i njërit prej grevistëve, është shprehur se vëllai i tij, Klodian Sinaj, 21 vjeç, së bashku me shokun e tij, Xhorxh His, janë dënuar nga gjykata e Vlorës 8 muaj më parë të dy me 5 vjet per vjedhje. "Që prej një viti ata jetojnë në qeli dhe kanë qenë në kushte tepër të rënda, nga 8 veta në një dhomë. Përpara disa ditësh jam takuar me vëllanë tim në burg dhe ai më tha se kishte kaluar zgjeben dhe se kushtet brenda ishin jashte normave", shprehet vëllai i Sinajt. Ai tregon më pas se kishte shkuar edhe në drejtorinë e policisë, por ata nuk i kishin dhënë një zgjidhje. Madje pak orë më vonë kur familjarët vendosin të komunikojnë me mediat për zgjeben dhe për grevën e urisë së shtatë të burgosurve, atëherë punonjësit e policisë vendosin të nxjerrin një njoftim për shtyp ku konfirmojnë zgjeben. Rreth 70 për qind e të burgosurve që qëndrojnë në dhomat e paraburgimit në Komisariatin e policisë së Vlorës janë të infektuar nga zgjebja. Alarmi për këtë gjendje është dhënë kohë më parë, por nuk është pohuar asnjëherë zyrtarisht. Vetëhelmimi i Arben Ajazit -njëri prej të dënuarve që vuajnë dënimin në dhomat e paraburgimit të Komisariatit të Vlorës- me ilaçin e zgjebes e ka përligjur faktin se në këto dhoma ekziston sëmundja ngjitëse.

[Enri]

Nje TURP tjeter i nje vendi qe e meriton te quhet VEND I BOTES SE TRETE!
Mire bere Alba qe e solle ketu kte shkrim tendin.