Shkenca vs. Fesë

[Shahu1]

Altino
selam
e ka bere quote nga une ate pjesen

Iliriiiii

degjo se je shum gjynah

une nuk kam shkrujt ajetin aty thjesht kam bere ate "ndarjen" qe the ti me fjalet e mija(ti e kuptove shum mir ket gjo por si qerrata qe qenke e mbajte te fshehte dhe na e hodhe,ha ha )

nga keto qe shkruan ti me duket si ti do naj formule matematike ne Kuran

me vjen keq per ty

[altin55]

Postuar më parë nga Calvero
Tung,
Unë mendoj se shkenca dhe feja duhet të kenë role të ndryshme dhe të ndara nga njera tjetra.
Shkenca duhet të japi njeriut njohuritë e nevojshme që ai të përballojë natyrën ta mposhti atë dhe ta bejë jetën e tij sa më të lehtë. Në të njejtën kohë shkenca duhet ti përgjigjet kërkesave materiale dhe ritjes së vazhdueshme të popullsisë. Shkenca pra siguron anën materiale të nevojave njerëzore dhe ajo e ka luajtur dhe e luan pak a shumë me sukses këtë rol gjatë gjithë historisë njerëzore duke u perfeksonuar vazhdimisht.
Ana shpirtërore duhet të plotësohet nga arti dhe ajo morale (për ata që janë të pagdhendur) nga feja.
Po çfarë ka ndodhur në të vërtetë ? Ndërsa shkenca dhe arti e kanë luajtur më së miri rolin e tyre feja i ka futur turinjt gjithandej. Ajo ka dashur të mari përsipër rolin e shkencës duke propaganduar dogma absurde dhe duke i mbrojtur ato me zjarr. Nuk është roli i fesë të shpjegojë preardhjen e gjithësisë, të njeriut si dhe të shpjegojë fenomenet natyrore. Shkenca nuk është marë asnjëhere me moralin dhe me edukimin shpirtëror të njerëzve përse atëhere feja duhet të meret me edukimin shkencor të tyre ?
Nuk i kuptoj aspak disa persona këtu në forum si Altini55, Klevis2000 dhe Cunimartum të cilët mundohen të na mbushin mendjen se Kurani i paska shpjeguar shumë teori shkencore që para 1400 vjetësh. Nuk dua aspak të debatoj për këtë apo atë teori konkrete. Desha të them thjesht që shpjegimi i tyre është bërë gjithmonë pas zbulimit nga shkenca të një teorie dhe asnjëherë më përpara. Pra pasi zbulohet një teori studiuesit e Kuranit e hapin atë dhe mundohen të vërtetojnë nëpërmjet disa shprehjeve stereotipe se Kurani e paska parashikuar këtë gjë. Le ta hapin njëherë tani Kuranin këta studiues dhe të mundohen të na shpjegojnë shumë teori që janë akoma pezull dhe pazgjidhura nga shkenca. Në këtë mënyrë ata do ti bëjnë një shërbim të madh njerzimit sepse do ti kursejnë me miliarda dollarë që shpenzohen sot nga shkenca për të shpjeguar misteret e natyrës.
Në të gjithë botën e qytetëruar bile dhe në mbretëritë dhe republikat islamike i jepet një rëndësi e veçantë studimit të shkencës për të ecur përpara për të njohur natyrën dhe shpjeguar misteret e saj. Pse nuk studiohet atëhere vetëm kurani në fakultetet e fizikës apo të astronomisë dhe me anën e tij të shpjegohet gjithçka ?

Përshëndetje
Calvero

Calvero kerkon te shfaqesh vje llogjik te shendosh mor djal po gagbo ose nuk ke njohuri mbi fene Islame

I nderuar z Calvero

Na thu nga ana shpirterore njeriu duhet ta plotesoj me art
Jame shume dakort me kete kjo eshte nje nga plotesimet e shpitrit por si mund te plotesohet ky shpirt pa njojtur prejardhen e tij

Na thua qe feje ka dashur te mari rolin e shkences duke e mbrojtur me zjar
Nuk di qe feja Islame te kete bere nje gje te tille Po ke ndonje fakt konkret na i sill
Jo te na thosh llafe ne ajer (per fe tjeter nuk di gje cfar kane bere me shkenctaret)

Tjeter na thua qe nuk eshte roli i fese te shpjegoj pjerardhjen po i shkences
Carnavalo feja formoj njeriun dhe e shpjegon ashtu si dhe shkenca feja me nenyran e saj po dhe shkenca me menyren e saj
Po te lexosh do te shikosh qe te dyja perputhen ne shumicen e rasteve
na thote nuk eshte pune e fese
Eshte nje lloj sikur babai ti thote djalit qe ti ske pasur kurre gjysh

Tjeter na thua qe tipa si mua Klevis Cunimartum mundohemi tjy mbushim mendjen njerzve etj etj..
Nuk pretendojme se mund ti japim shikim qorave dhe degjimin shurdhave
Por sjellim fakte konkrekte ku shkenca perputhet plotesisht me ajetet Kur'anore dhe se Muhammadi.a.s eshte i derguar i Zotit
Qe ta kuptoni me mire Zotri i nderuar ka Zot

Na thua qe ne gjite boten e qyteterur Islame skences i japin nje rendesi
Dhe u po te garandoj qe Islami nuk eshte kundra shkences por per kundazi eshte obligim per te gjithe qe te studjojne sa me shume duke ju treguar juve qe Allahu eshte krijusi i universit

Tjeter na thua pse nuk studiohet Kur'ani ne fakultet e fizikes dhe astronomis
Degjo Carvelo Kur'ani eshte liber fetar dhe fjala e fundit e Zotit nuk eshte liber per shkenctar
Por shkenca eshte perputhur plotesisht me Kur'anin dhe vete shkenctaret jane habitur

Na thua qe nuk do te meresh me kete teme dhe na shkruan nje carcaf te tere
Nga qe te kame patriot me duket
PO te pergjigjem "ic po Habili vdiq"

Shendet

[altin55]

Te gjitha keto mrekulli qe shqyrtuam me siper vertetojne qarte se Kur'ani eshte liber ne te cilin cdo gje eshte provuar te jete e vertet

Faktet rreth temave shkencore pershkrimi i historive te ndodhura ne kohet e lashta tregojne se askush nuk mund ti njihte ato ne kohen e shpalljes se Kur'anit

Kjo na verteton "bindshem" nje gje

Se Kur'ani nuk ka mundesi te jete fjal njeriu


Ai eshte fjala e All-llahut te plotfuqishmit krijusit te gjithkaje

Dija e te cilit perfshin cdo gje

Ne nje ajet Kur'anor Allahu na thote

_______________________________________
"Sikur Kur'ani te ishte prej dikujt tjeter pervec Allahut njerzit ne te do gjenin shume kunderthenije {En'Nisa-82}
____________________________________________

Jo vetem qe kunderthenje nuk ekzistojne ne Kur'an

por shume pjese te ketij libri te shejnt permbajne mrekulli shkencose qe zbulohen dita dites

Njerzimi duhet te kapet fort pas ketij libri hyjnor te shpallur nga Allahu

Dhe ta pranojne ate si udhezues te vetem

Ne nje ajet Kur'anor Allahu na bene thirje

________________________________
Kete liber ne e beme dobiprures e te begacem Ndaj permbajuni atij,dhe ruajuni nga (gjynahet) me qellim te meshiroheni {El-En'Am-155}
_______________________________________________

Ne nje ajet tjeter Allahu na terheq vrejtje

__________________________________
Thuaj "e verteta eshte ajo qe vjen nga zoti juaj ndaj kush te doje ta besoj dhe kush te doj le ta mohoj {El-Kehf-29}
__________________________________________
Ne te vertet keto jane keshilla kush deshiron merre mesime nga ky Kur'an {Abese-11-12}
____________________________________

Allahu ju shtofte dituri per te mesuar te verteten

[Calvero]

Tung Altini55,
Tema e diskutimit është shkenca vs fesë. Nuk preçizohet gjë që do të flitej veçanërisht për fenë islame. Kur them që feja ka futur hundët dhe ka dashur të imponojë dogmat e saj nuk thashë që kjo fe është feja islame. Feja katolike siç dihet e ka bërë këtë gjë dhe ka persekutuar shumë shkencëtarë si Xh.Bruno, G.Galilei etj.
Unë thashë që nuk është roli i fesë të shpjegojë preardhjen e gjithësisë dhe të shpjegojë fenomenet e natyrës sepse shpjegimi i tyre nuk është i bazuar në kërkime apo eksperimente, arsyetime apo llogjikë të shëndoshë. Shpjegimi i fesë është krejtësisht pa baza dhe arbitrar dhe nqs përputhet ndonjëherë me atë të shkencës siç thua ti është krejtësisht rastësi.
Më duket se u shpreha qartë kur thashë se nuk do të debatoj për këtë apo atë teori shkencore që vërtetohet në Kuran. Kjo sepse thelbi i shpjegimit më duket pa baza. Pra nuk thashë që nuk dua të diskutoj për këtë temë por nuk dua të hyj në detaje të kota.
Desha të më sjellësh vetëm një rast kur një teori shkencore është zbuluar apo vërtetuar duke u bazuar tek Kurani përpara se ajo të zbulohej nga shkëncëtarët. Ato teoritë janë të gjitha të zbuluara nga shkenca më përpara dhe ti nuk bën gjë tjetër veçse i konfirmon nëpërmjet Kuranit. Edhe po ta zëmë se janë të vërteta ato që thua ti nuk vlejnë për asnjë gjë sepse vijnë siç thotë populli 'Si kofini pas të vjeli'.
Kuptohet që po qe se këto teori i shpjegoheshin shkencëtareve 1400 vjet më përpara nga ana e studiuesve të Kuranit ata nuk do t'i kuptonin por ato mund t'i shpjegoheshin të paktën nja 10 vjet më përpara se të zbuloheshin. Jam i sigurtë se shkencëtarët do t'i kuptonin dhe kështu njerëzimit do t'i kurseshin shuma të mëdha që harxhohen nga shkenca për zbuluar misteret e gjithësisë.
Kur unë them sepse nuk studiohet vetëm Kurani në fakultetet e shkencave ti thua që Kurani është libër fetar. Pikërisht dhe unë aty doja të dilja që Kurani nuk është libër shkencor prandaj dhe ti nuk ke sepse përpiqesh të gjesh aty shpjegimin e teorive shkencore. Këto gjëra duhet t'ia lëmë shkencës. Edhe fanatikët më të mëdhenj myslymanë nuk e studiojnë Kuranin për të shpjeguar teoritë shkencore sepse nuk i ka zgjidhur dot njeri deri më sot dilemat dhe pikëpyetjet e shkencës duke u bazuar tek studimi i Kuranit.

Përshëndetje
Calvero

[rraif]

Me vjen shum keq qe ka akoma njerz qejetoin ne iluzione dhe ne mendime komunisto ateiste
sot kan veretuar ( jo qe ekan vertuar) po kan arrirur tea bejn te qarte per shum ateist disa shkenctar qe ate qe ka then kurani eshte mese evertet
kurse saiperket fjalevetuaj zoteri qe kurani eshte nje kushtetut per nacionalistat arab ajo seshte everete kemi edhe vende jo arabe qe jan muslimane
si per shembull indonezia me maleizin eshum eshum vende te tjera ne bot pa ipermendur muslimanet ne amerik e everop
egjetiu
zoterinje sa iperkete se vendet elindjes jan te prapambetura .kjo nuk eshte aspak eqelluar mierepo eshte etrilluar ose keqinformuar ose ekeni nga inati sepse vendet elindjes jan vendet me te pasura dhe perkete arsye evropa dhe amerika gjithmon kan synuar me luftara te kryqzatave ti pushtoin keto vende gje qe ka quar deri tek mbetja mberapa ne disa segmente te jetes tek keto vende.
shtet jo islam ekemi edhe bullgarin ,letonin ,moldavin tailanden polonin sllovakin eshum eshum vende te tjera qe ju mund ta studijoni harten gjeografike te botes zoterinje te nderuar
kurani eshte liber( kushtetut -shkencorofetare)dhe jo siq pretendoni ju se ai eshte vetem nje liberz ithjesht vetem me liturgji fetare .gje qe ekan vertetuar shum shenctar dhe jo njerz si ju ,sepse gjithkush smund ta kuptoi kuranin sepse ai eshte nje mrekulli hynjore dhe eshte i zberitur nga ana e Allahut te gjith fuqishem e te drejt .icili na eka derguar kete udhe rrefyes per te na nxjerrur nga erresira emos besimit ne driten ete vertetes
ju kisha lutur te mos beni komente te pa baza dhe te painformuar mir sepese kurani eshet feja dhe shkenca eshte udherrefyes perte gjith
kurani eshte baza dhe themeli i shkences moderrne
dhe kaqen edhe dote jet sepse shum versete qe flasin ne lidhje me msheftesit ne natyr sot shkenca nuk ka mundesi tei vetetoi
por me kalimin ekohes dote behe te njohura per njeriun siq uben epo behen shum mesheftesi te nohura per ne gjate kesai kohe .
ju pershendes me pershendetje nga kurani
Allahu na udhezoft te gjithve ne rrugen e Tij te drejt dhe mos na laft ne erresiren einjorances po na udhe zofte ne te drejt dhe driten kuranore .

[Klevis2000]

o ilir puna jote eshte si puna e nje te verberi mire vete nuk sheh po i thote te tjereve ecni kendej ose andej. ti je pagan besoj se forumsat e dine cfare do te thote.beson ne shume zotera ose sa turp do te ishte per nje person te thoshte kam 5 baballare.po per Zotin a nuk duhet te kete njeriu turp qe thote se ka shume Zotera ku dihet se Zoti eshte nje e ska dyshim per kete.sikur te kishte zotera te tjere do shkatarroheshin toka dhe qiejt sepse secili do mundohej te sundonte mbi tjetrin.
2) e dyta ti flet per fene kur nuk ke diturine minimale per te se di cdo te thote fe ceshte feja etj. jeton ne kete bote dhe nuk e di pse ke ardhur.shume mire mund te kesh studiuar ndonje shkence te jetes po kjo nuk do te thote qe ti kundervihesh Zotit ose fese islame sepse kane qene shkencetare dhe kane rene dakort me ato qe thote kurani pse???// sepse e e verteta eshte prej Zotit dhe shkencetaret zbulojne ate qe Zoti ka krijuar dhe disa prej ligjeve qe Zoti ka krijuar ose per disa krijesa na ka folur ne kuran e shume te tjera qe shkenca nuk i ka zbuluar ende .pra asnjeher shkenca nuk bie ne kundershtim me kuranin flas jo per te tjerat fe.Pra eshte si shembulli i nje inxhinieri makine ai te thote qe makina ka benzine dhe ajo ka 150 kuaj fuqi do vaj 40 etj kurse ti e shikon nga jashte edhe fillon dhe merresh me zbulimet por po aty ku te thote inxhinieri do dalesh sepse ai ka projektuar.Me vjen keq sinqerisht per ty se ecen me ate ndjenjen e luftimit dhe urrejtjes nuk e di nga te burojne keto nga ndonje ngjarje apo prejardhja jote etj por ne kuran thuhet shpesh here per ato qe mendojne arsyetojne fute pak llogjiken ne pune se merr kot te shtyn epshi ose pasionet ndoshtja dhe urretja por e verteta pranohet me zemer te paster larg cmires dhe zilise nese do te pranosh te vertetn .aa nese do te na japesh mend ne qe te pranojme qe e kemi prejardhjen nga majmuni dhe te behemi pagane e ke shume gabim nuk mund te behemi pagane dhe ateiste smund ta degjenerojme prejardhjen tone njerzore dhe te themi e kemi prejardhjen nga majmuni.je njeri o ilir je krijese e larte mos e co veten kaq poshte ti sundon token me gjithe ajo cka pse e ul veten kaq poshte e behesh pagane beson tek copat e drurit etj.me ne fund te kezhilloj qe argumentesh e muslimaneve ti shikosh me syrin e gjetjes se vertetes dhe jo ate te kundershtimit pa i lexuar ato njehere edhe dicka dije se Zoti nuk ka nevoje per ty as ne muslimanet nuk kemi nevoje per njeri te gjithe ne kemi nevoje per te vertetn e cila eshte prej Zotit.nqs sdo ta marresh kete te vertete atehere Zoti te udhezofte ne rruge te drejte ty dhe shume prej personave ne forum .

te keshilloj te shikosh edhe keto tema ndoshta shikon dicka interesante tek to.
http://www.forumishqiptar.com/showth...threadid=21328

http://www.forumishqiptar.com/showth...threadid=20954

http://www.forumishqiptar.com/showth...threadid=21370

[Enri]

Feja e Shqiptarit eshte Shqiptaria.
Thjesht Paster Qarte e Bukur

[altin55]

Postuar më parë nga Calvero
Tung Altini55,
.
Desha të më sjellësh vetëm një rast kur një teori shkencore është zbuluar apo vërtetuar duke u bazuar tek Kurani përpara se ajo të zbulohej nga shkëncëtarët. Ato teoritë janë të gjitha të zbuluara nga shkenca më përpara dhe ti nuk bën gjë tjetër veçse i konfirmon nëpërmjet Kuranit. Edhe po ta zëmë se janë të vërteta ato që thua ti nuk vlejnë për asnjë gjë sepse vijnë siç thotë populli 'Si kofini pas të vjeli'.
Përshëndetje
Calvero

Pershedetje Carvelo ne rradhe te pare te uroj shendet

Vleresoj diskutimin tuaj pa akuza dhe ironi kur dikutimet jane te tilla ne si musliman kur na pjyesin na ngelet vetem te kthejme pergjigje

Le te fillojme pa pretenduar se do ti mbushim mendjen njeri tjetrit

Duke u bazuar tek Kur'ani na tregon se universi eshte krijuar dhe jo sic pretendohej ne shekullin e XIX qe universi ka qene i perjetshem

Duke vazhduar te reklamojme supozimet materialiste te shekullit XIX materja listet akoma pretemdojne se universi eshte i perjetshem se materja nuk eshte krijuar dhe se jeta u shfaq pas reaksioneve kimike te materies
Zbulimet e shekullit te XX kane hedhur poshte plotesisht keto teza.Supozimi se universi eshte i perhershem dhe si pasoje nuk ka pasur fillim eshte hedhur poshte nga zbulimi se universi filloj nga nje shperthim i madh (big bengu) qe ndodhi rreth 15 miljarde vjete me pare. Big Bengu tregon se te gjitha substancat fizike te universit erdhen ne ekzistence nga asgjeja
Me nje fjal ato u krijuan

Nje nga avokatet me te shquar te materializmit fillozof ateist Anthony Flew thote

Rrefimi eshte i mire per shpirtin ndaj une po filloj duke rrefyer ateistve Duhet tju vij turp nga konsesusi bashkekohor kozmologjik (big bengu) me sa duket kozmologet po provojne shkencerisht se universi ka nje fillim
Big Bengu tregon gjithashtu se ne c'do faze universi eshte formuar nga nje krijim i kontrolluar .Kjo duket mjafte qarte nga rregulli dhe organizimi qe u shfaqen pas Big Bengut gje e cila eshte e pamundur te ndodhe si pasoje e nje shperthimi te pa kontrolluar

Fizikanti i njohur Paul Davies e shpjegon keshtu kete fakte

"Eshte shume e veshtire ti rezishtosh pjyetjes se sruktura aktuale e universit e cila eshte teper e ndjeshme ndaj ndrushimeve dhe modifikimeve me te vogla duhet te jete shfaqur si pasoj e nje plani te menduar mire

I njejti realitet e ben profesorin Amerikan te astronomis George Greenstein te thote

Kur shqyrton te gjitha provat shfaqet me insistim ideja se nje force e mbinaturshme duhet te kete gjishte ne krijimin e universit

Keshtu qe shkenca pranon krijimion e universit Zoti ekziston dhe eshte krijus i c'do qenije qe shihet dhe nuk shihet perreth

Ai eshte i vetmi krijues Zot i projektimit dhe ekulibrit ne qieje ne Toke
Nga ana tjeter sot materializmi eshte hedhur jashte kufinjve te shkences dhe tashme perjetohet si nje bestytni mbi kete fakte

Studiuesi i gjenetikes Amerikane Robert Grifits thote me humor
"Kur kerkoj per vete nje ateist per te diskutuar shkoj gjithmon ne departamentin e Filozozofise.Sepse tani e tutje ne departamentin e fizikes nuk del dikush i tille"

Duke permledhur cilido ligj te te fizikes apo ndryshore do te verejme se keto zoterojne vlera posacerisht per te mundesuar jeten ne Toke Ne lidhje me kete Pol Devis ne paragrafin e fundit te librit te tij me titull "The Cosmic Blueprint (Plani Kozmik)
Spjegon se "Ideologjia e nje projektimi vjen sunduese mbi gjthka"padyshim "Projektimi i universit do te thote krijim dhe programim nga ana e Zotit"

Ky perfundim qe arriti shkenca nuk eshte asgje tjeter vecse pohim ise vertetes te informuar nga Kur'ani 14 shekuj me pare

"Vertet Zoti juaj Allahu eshte Ai qe krijoj qiejt dhe Token brenda gjashte ditesh pastaj qendroj mbi arshin, Ai e mbullon diten me nate,qe me te shpejte e kerkon ate (mbulimin e drites se dites) Edhe dielli edhe Hena edhe yjet i jane nenshtruar sundimit te tij .Ja vetem Atij i takon krijimi dhe sundimi i madheruar eshte Allahu Zoti i boteve"{Kur'an Araf-54}

Ja ku dhe shkenca e ka pranuar qe universi eshte krijuar nga Zoti
Por nuk eshte vetem kjo Carvelo ka FAKTE qe shenctaret jane habitur me ajetet Kur'anore

per te tjera shruajm me vone

Respekt nga Altini55

[Klevis2000]

KUR'ANI DHE TEORIA E AJNSHTAJNIT
--------------------------------------------------------------------------------


Me të vërtetë All-llahu i Madhërishëm është mbi kohën dhe hapësirën. Krijesave të veta ua ka caktuar kohën dhe hapësirën, ndërsa Ai vetë është mbi të gjithë kohërat dhe hapësirat.
Gjithçka që ka të bëjë me diturinë e Tij veçmë ka ndodhur…



Kur’ani në dy vende tregon për shkurtimin e kohës, dhe atë:

“Atje ngjiten engjujt dhe Ruhi (Xhibrili) në një ditë që zgjat pesëdhjetë mijë vjet.” (El Mearixh: 4)

“Ai i kordinon të gjitha çështjet prej qielli deri në tokë, e pastaj të gjithë Atij do t’i shkojnë në ditën e cila sipas llogaritjes tuaj zgjat një mijë vjet.” (Es Sexhde: 5)

Pse është shkurtuar koha? Pse vlerësimi i shkurtimit të kohës dallohet në dy ajetet e lartëpërmendura?

Në ajetin e parë kur’anor dita përmendet se është e gjatë pesëdhjetë mijë vjet, ndërsa në ajetin e dytë një mijë vjet; dhe pse Kur’ani në dy ajetet e lartëpërmendura e potencon “lëvizjen”, gjegjësisht të “ngjiturit”?

Përgjigje më të mirë në këtë pyetje, në frymën e komentimit shkencor të Kur’anit, do të na jep drejtori i katedrës së Shkencave Natyrore pranë Fakultetit të Femrave të Universitetit “Ein Shems” në Kajro, Dr. Mensur Muhammed Hasib En-Nebijj. Dr. Mensuri thotë: “All-llahu më së miri e di se përgjigje të drejtpërdrejtë dhe bindëse në lidhje me këtë çështje, përkatësisht problematikë, duhet kërkuar në parimet themelore të “teorisë së relativitetit” të Ajnshtajnit, dhe atëherë do ta kuptojmë elokuencën shkencore të Kur’anit, ku do të vërejmë se gjendemi para përsosshmërisë së madhe… me të cilën polemizojnë ata individë që veten e konsiderojnë të “mëdhenj”, e që në të vërtetë s’janë asgjë tjetër pos kokëfortë, të pandjeshëm, të verbër dhe të pavetëdijshëm”.

Dr. Mensuri vazhdon më tej: “Ajnshtajni e anuloi hapësirën dhe kohën në “teorinë e tij të njohur të relativitetit”, në vitin 1905 kur tha: “Nuk mundemi të bëjmë fjalë për kohën, e ta lëmë pas dore hapësirën, e as që mundemi të bëjmë fjalë për hapësirën, e të mos e marim në konsiderim kohën. Duke marë parasysh se gjithçka lëviz, ndërsa ajo gjithçka duhet ta ketë kohën e vet… e, meqë gjithçka lëviz shpejt, koha e tij e lëvizjes do të pakësohet në raport me kohën e lëvizjeve tjera dhe do të jetë më e ngadalshme se sa e tyre”.

Këtë shkurtim të kohës ne nuk e kuptojmë… Shtrohet pyetja: Pse? Sepse lëvizja jonë në tokë është e pamjaftueshme në raport me shpejtësinë lëvizëse, shpejtësia e së cilës është 300.000 kilometra në sekondë, përkatësisht 186.000 milja në sekondë, që njëherit është edhe absolutisht shpejtësia më e madhe. Sa për ilustrim, korpuskulat (trupthat) atomike lindin dhe zhduken, dhe pas një kohe të caktuar “jeta” u zgjatet, duke marë parasysh shkurtimin e kohës, kuptohet nëse lëvizin me shpejtësinë e dritës…

Për shembull, ta paramendojmë një raketë e cila lëviz me shpejtësi 10 nga shpejtësia e dritës në drejtim të planetit i cili është larg nesh 20 vite të dritës, d.t.th. në largësi prej 120 miliard miljash, dhe nëse kjo raketë arrin të kalon një distancë kohore prej 25 vjetësh sipas kalendarit tonë të të llogariturit, atëherë kjo e njëjta kohë shkurtohet në 15 vjet në raport me kosmonautët që gjenden brenda në raketë!!!

Kjo është gjithnjë sipas “teorisë së relativitetit” të Ajnshtajnit, që do të thotë se prindërit (etërit) që gjenden brenda në raketë mund të paramendojmë se pas kthimit nga udhëtimi astronautik janë bërë më të rinj me vjet se sa fëmijët e tyre të cilët i kanë lënë në tokë, ngase 30 vjetët e zgjatjes së udhëtimit të tyre të nisjes dhe kthimit nga hapësira i përgjigjen kohës prej 50 vitesh të jetuara në tokë…

Sipas kësaj “teorie”, rruga e cila zgjat me mijëra vite sipas llogaritjes tokësore të kohës, mundet të zgjat vetëm një ditë në raport me ekuipazhin në raketë, kuptohet nëse shpejtësia e lëvizjes i afrohet shpejtësisë së dritës.

Me të drejtë shtrohet pyetja: Vallë si mund ta kuptojmë shkurtimin e këtillë të kohës në raport me ata anëtarë të ekuipazhit të cilët udhëtojnë me shpejtësi të jashtëzakonshme? A mund të besojmë se mund t’i vizitojmë edhe pikat e fundit dhe më të largëta të kozmosit dhe të kthehemi në sipërfaqen e tokës para se të përfundojë jeta jonë? Si dhe, se kur do të kthehemi do ta gjejmë gjeneratën e dytë dhe ndryshime të shumta në tokë, ndryshime këto që na e bëjnë me dije dhe na tregojnë se kanë kaluar mijëra vjet në raport me banorët e tokës që nuk kanë udhëtuar…?

Mirëpo e gjithë kjo do të ndodhte me kusht që udhëtimi të zhvillohet me shpejtësi e cila është e përafërt me shpejtësinë e dritës, pa marë parasysh pamundësinë e bërjes së një udhëtimi të këtillë, ngase raketa e cila do të udhëtonte me këtë shpejtësi do të duhej të harxhonte lëndë djegëse (karburante) hiç më shumë e hiç më pak se dhjetë mijë herë më tepër se sa mbarë harxhimi i lëndëve djegëse për një vit në tërë rruzullin tokësor! E pamundshme apo jo!?

Ky është problemi i shkurtimit të kohës në rast të shpejtësive të mëdha të cilat i afrohen shpejtësisë së dritës, dhe të cilën e vë në dukje Ajnshtajni. Prandaj, me të drejtë shtrohet pyetja vetvetiu: A vërehet në mënyrë të dukshme përsosshmëria shkencore e shkurtimit të kohës, e përmendur në Kur’anin Fisnik në dy ajetet e lartëshënuara të sures El-Mearixh dhe Es-Sexhde? Disa pohojnë se ekziston kundërthënie, përkatësisht kontradiktë në përmbajtjen e këtyre dy ajeteve kur’anore, kjo duke marë parasysh dallimin e shkurtimit të kohës në të dy udhëtimet…”

“Mirëpo”, vazhdon Dr. Mensuri, “kjo nuk është kontradiktë, por përkundrazi, përsosshmëri shkencore. Sipas “teorisë së relativitetit”, koha shkurtohet duke u varur në shpejtësinë e shtuar. Sipas kësaj, ngjitja e melekëve dhe Xhibrilit [alejhis-selam] do të ndodhë në një ditë e cila është e barabartë me kohën “prej pesëdhjetë mijë vjetësh”, e që njëherit jep kufizim (ngushtim) më të madh kohor, përkatësisht shpejtësia e “të ngjiturit” është më e madhe… Por, “të ngjiturit” në ajetin tjetër do të përfundon “në një ditë” e cila është e barabartë “me një mijë vjet”, që d.t.th. kufizim (ngushtim) më të shkurtër kohor.

Mirëpo këtu nuk ka kontradiktë, përkundrazi, e gjithë kjo është plotësisht e kuptueshme, pasi që e dimë se melekët dhe Xhibrili [alejhis-selam] janë krijesa drite, të cilat ngjiten më shpejtë se krijesat tjera për të cilat bëhet fjalë në ajetin tjetër.

Shtrohet pyetja: A e ka lexuar Albert Ajnshtajni Kur’anin para shpalljes së “teorisë së relativitetit?”, apo Muhammedi [sal-lall-llahu alejhi ve sel-lem] (për të cilin biografët pohojnë dhe vërtetojnë besueshëm se nuk dinte shkrim-lexim) e ka njohur “teorinë e relatitivitetit” para se të shpallej kjo “teori” një mijë e treqind vjet pas vdekjes së tij?!?!

Kjo vlen sa për informim për ata të cilët me padije dhe me kokëfortësi pohojnë se gjoja Kur’ani është vepër njerëzore (sic!)…”

“Përsosshmëria shkencore”, vazhdon më tej Dr. Mensuri, “nuk përfundon vetëm me shkurtimin e kohës. Folja “je’aruxhu”, e përmendur në dy ajetet e sipërpërmendura të Kur’anit, në apektin gjuhësor do të thotë: “Ngjitje shtegut të shtrembërt” e jo vijës së drejtë. “Shtegu i shtrembërt” është parimi themelor i “teorisë së relativitetit”, bashkim për të gjitha lëvizjet e materieve dhe forcave në vasionë (hapësirë), “teori” të cilën Ajnshtajni e elaboroi në vitin 1916 për ta shpjeguar baraspeshën (ekuilibrin). Pohimin e tij e plotësoi me pjerjen e dritës së planetit në kozmos dhe matjen e shtigjeve të shtrembërta.

Albert Ajnshtajni thotë: “I tërë kozmosi shtrihet në sipërfaqe, e cila sipërfaqe është në trajtë të sferës së mbushur si balonë, i mbyllur në vetvete, që d.t.th. se kozmosi nuk është brenda balonës, por me trupat e vet e formon sipërfaqen e balonës. Kështu që, për rrjedhojë, lëvizja e materieve në kozmos është pjertazi e jo drejtë”.

Lidhur me këtë pohim të Ajnshtajnit, Dr. Mensuri thotë: “Këtë më së miri e shpjegon folja “je’aruxhu” që është përdorë në ajetet e sipërpërmendura, e jo ndonjë shprehje tjetër, për shpjegimin e udhëtimeve vasionike, që shpie tamam në precizitetin shkencor, sikur që përdoret edhe në ajetet kur’anore vijuese:

“Edhe sikur Ne t’u hapnim atyre një derë në qiell dhe të ngjiteshin vazhdimisht lart në të (e të shihnin engjujt e fshehtësisë).” (El Hixhr: 14)

“E di se çka futet në tokë dhe çka del prej saj, dhe çka bie nga qielli e çka ngjitet në qiell…” (Sebe’ë: 2)

Është thënë se kozmosi ngjan sikur balonë. Ajnshtajni llogariti se gjysma e kozmosit është e barabartë me 35 bilion vite të dritës. Largësia e trupave të Kozmosit njëri prej tjetrit është vërtetuar dhe shkencërisht është argumentuar. Në lidhje me këtë tregon edhe ajeti kur’anor vijues:

“Ne kemi ngritur qiellin me forcën tonë, por me të vërtetë mundemi edhe më tepër.” (Edh Dharijatë: 47) D.t.th. All-llahu i Madhërishëm qiellin, respektivisht kozmosin, e ndërtoi (ngriti) me Fuqinë e Përsosshmërisë së Vet qysh në periudhën parahistorike, në gjërësi shumë të madhe; si dhe zgjerimin e qiellit, që është dukuri konstante, në përputhshmëri me zgjerimin e kozmosit, gjë që edhe kjo shkencërisht është vërtetuar, të cilën e vërtetoi (shpalli) Hebeli pas llogaritjes që filloi në vitin 1929 e që vazhdon gjer në ditët e sotme…

Pasi që Krijuesi, sipas Cilësive të Veta, dallohet nga krijesat e Tij, Ai është i Vetmi që nuk ka kufij, Ai është i Vetmi që është mbi hapësirën dhe kohën, siç na rrëfen ajeti kur’anor vijues:

“Ai është i pari dhe i fundit; I Dukshmi dhe i padukshmi. Ai është I Gjithdijshëm për çdo send!” (El Hadid: 3) dhe “…e Tij është ç’ka ka në qiej dhe ç’ka ka në tokë…” (El Bekare: 255)

“Sipas kësaj”, vazhdon Dr. Mensuri “All-llahu i Madhërishëm është Krijuesi i përhershëm. Ekzistenca e krijesave është e kufizuar me kohën, ndërsa ekzistimi i Krijuesit është i përhershëm për çdo kohë. Ai nuk ka të kaluar, të sotshme dhe të ardhme. Ai, I Madhëruar qoftë, është përherë i Përhershmi…

All-llahu i Madhërishëm krijesave të veta ua ka dhënë kohën, kurse Ai Vetë është mbi rrjedhat e kohës. Gjithçka që Atij i është e njohur, veçmë ka ndodhur. Argument për këtë është: All-llahu i Madhërishëm i përshkruan ngjarjet e Ditës së Gjykimit me foljen e kohës së kaluar, edhe pse ajo (Dita e Gjykimit) ka të bëjë me të ardhmen…

“Erdhi (është afruar) caktimi i All-llahut (kijameti), pra mos kërkoni ngutjen (ardhjen para kohës) e tij!...” (En Nahl: 1)

“… dhe do t’i fryhet (vërejtje: folja në perfekt) surit dhe të gjithë do t’i tubojmë.” (vërejtje: folja gjithashtu në perfekt) (El Kehf: 99)

All-llahu i Madhërishëm nuk është i kufizuar me kohën dhe hapësirën. Ai është prezent (gjendet) në tokë dhe qiej. Musa [alejhisselam] bisedoi me All-llahun e Madhërishëm në tokë (kodrinën Turi-Sina), ndërsa vulës së Pejgamberëve, Muhammedit [sal-lall-llahu alejhi ve sel-lem], në natën e Israsë dhe Miraxhit, ia zbuloi dhe tregoi shenjat e Tij më të mëdhaja në Mbretërinë Qiellore (Fronin e Tij, Arshin), ku koha dhe hapësira gjithashtu ishin të anuluara”.

Në fund, Dr. Mensuri thotë: “All-llahu i Madhërishëm deri diku edhe neve na ka dhënë aftësi që të lirohemi nga nocionet kohë dhe hapësirë, me anë të imagjinatës, ëndërrave etj. Me anë të imagjinatës, imagjinon vitet e shkuara sikur të mos kishin kaluar fare. Kurse nëpërmjet ëndrrave thyhet bariera e kohës dhe hapësirës, ngase kjo forcë (pra, thyerja e nocionit kohë dhe hapësirë, vërej. e përkth.) është shenjë e shpirtit të njeriut dhe dëshmi se shpirti është i pavdekshëm, i përjetshëm.

E njëjta gjë ndodh edhe me vetë shpirtin i cili del (largohet) nga gjymtyrët e trupit, dhe pa marë parasysh kohën dhe hapësirën, me anë të shpejtësisë së vet, shpejtësi kjo që vetëm All-llahu i Madhërishëm e din, mbërrin në botën tjetër - ahiret”.
shiko edhe ketu
http://www.forumishqiptar.com/showth...threadid=21328

[Klevis2000]

KUR'ANI PRIATAR I SHKENCES
--------------------------------------------------------------------------------


Prim. dr. med. Ali ILJAZI
Kur’ani famëlartë është mrekulli e përhershme në duart tona deri në Ditën e Kijametit. Shkencëtarët e shekullit tonë gjejnë në Kur’an dituri hyjnore nga të gjitha sferat shkencore. Kur’ani fisnik është si një oqean.

Njerëzit më pak të ditur mbledhin nga brigjet e tij guaca dhe guralec sikurse fëmijët. Njerëzit e ditur dhe shkencëtarët, sikurse zhytësit e margaritarëve, gjejnë në to urtësinë, filozofinë kulminante dhe rregullat e përkryera të mënyrës së jetesës.

Kur’ani famëlartë fton njerëzit që të hulumtojnë natyrën dhe në të të vërejnë argumentet e All-llahut të Madhërishëm. Të gjitha qeniet e gjalla në univerz janë përplot shenja të cilat demostrojnë fuqinë, diturinë dhe urtësinë e Krijuesit

Meqë Zoti është Krijues i të gjitha diturive, mesazhi i Kur’anit famëmadh është i vërtetë dhe shkencor dhe mund t’i bëjë ballë sfidës së shkencës në të gjitha kohët.

Shembull tejet interesant dhe të shkëlqyer për shkencëtarët hasim në kaptinën Ankebut (Merimanga).

“Shembulli i atyre, të cilët veç All-llahut morrën mbrojtës (zota idhujsh), është si shembulli i merimangës që thurë shtëpi, e sikur të dinin ata, më e dobëta shtëpi është shtëpia e merimangës.” (El Ankebut: 41)

Rrjeta e merimangës është njëri prej argumenteve më mahnitës dhe të çuditshëm të krijesave të All-llahut të Madhërishëm. Përbëhet prej fijeve të mëndafshta tejet të ndieshme të cilat formohen nga sekreti i gjëndrrave të merimangës. Ekzistojnë shumë lloje të merimangave dhe rrjetave të tyre. Ekzistojnë rrjeta apo fole në formë gypi me një ose dy dyer, vërtetë banesë e ngrohtë familiare. Më tej ekzistojnë rrjeta të merimangave për ne të njohura me një pikë qëndrore dhe vija rrezore, të cilat lidhin fije tërthorazi në mënyrë rrethore reth qendrës. Ky është një instrument gjuetie. E tërë struktura është shembull i ekonomisë në kohë, material dhe rënditjen e fijeve. Menjëherë, posa ndonjë insekt arrinë në rrjetë, merimanga ndien vibrimet dhe vie për ta mbytur gjahun. Nëse insekti është shumë i madh dhe i fuqishëm, merimanga përdor gjëndrrat e saja helmuese. Në fijet e merimangës ekzistojnë mrekulli të veçanta. Fija e merimangës me diametër më të vogël se e mijëta pjesë e milimetrit është pesë herë më e fortë se fija e çelikut, më e fortë dhe më elastike se fija e mëndafshit. Çeliku, i cili special prodhohet në industri, është një prej materialeve më të fuqishme. Por, megjithatë merimanga, në trupin e saj edhe pse në dukje insekt i vocërr, mund të prodhojë fije më të forta se çeliku. Dhe përderisa njeriu prodhon çelikun, ai përdor një dituri dhe teknologji shekullore. Por, a thua cilën dituri dhe teknlogji të përsosur përdor merimanga derisa i bënë fijet e saja? Siç vërehet, të gjitha mjetet tekniko-teknologjike, të cilat i ka në disponim njeriu, ngecin pas merimangës.

Po përse vallë Kur’ani fisnik thotë: “… e sikur ta dinin ata, më e dobëta shtëpi është shtëpia e merimangës.”

Këtu fshihet një mister biologjik. Sot u zbulua se merimanga femër (edhe në arabisht, por edhe në gjuhën shqipe ekziston vetëm gjinia femërore) është ndërtuese e shtëpisë së saj. Ajo ndërton rrjetin e saj dhe dominon në rrethin ku jeton. Pas mbarsimit merimanga e mbyt menjëherë mashkullin dhe ushqehet me të. Pra i gjason mjaft “familjes moderne”, në të cilën për çdo gjë vendos femra. Të vegjëlit, posa dalin nga vezët, e hanë njëri-tjetrin.

Fjala tejet e qëlluar arabe “vehnun” do të thotë: dobësi, lodhje, rraskapitje deri në maksimum. Pra, të gjithë ata që kërkojnë dhe marrin mbrojtës tjetër, e jo All-llahun, d.m.th. të gjitha ideologjitë apo izmat që ishin apo do të vijnë pas nesh dhe që nuk kanë bazë dhe mbështetje në All-llahun e Madhërishëm, i përngjajnë merimangës, karakterit të saj grabitës, por edhe shtëpisë së saj, e cila është më e dobët, pa mure, transparente dhe zhduket menjëherë posa ta prekësh.

Pra, verseti kur’anor mund të kuptohet si parabollë. Fijet e merimangës nga aspekti i saj janë të fuqishme, por nga aspekti i njeriut ato janë të dobëta të cilat fare lehtë i bartë era. Kështu është edhe me fuqinë njerëzore kur bazohen në mjetet materiale, të cilat sado që në pamje të parë duken të bukura dhe të sofistikuara në pikëpamje relative, kundruall realitetit të amshuar nuk paraqesin asgjë. Struktura e tejndieshme ndërtuese e një merimange nuk mund t’i kundërvihet lëvizjeve të dorës njerëzore.

Në pyetje është e vërteta të cilën shumica e njerëzve e harrojnë dhe anashkalojnë.

Mendojnë se janë të sigurt nëse mbështeten në pasuri, fuqi, dituri etj, pra në forcën e jashtme. Por me këtë rast harrojnë në një e Cila i ka krijuar të tëra.

Të gjitha janë fuqi të rrejshme dhe pa vlerë, sikurse janë edhe personaliteti, shoqëria, shteti apo të ngjajshme, kundruall fuqisë të All-llahut të Plotëfuqishëm, mu sikur rrjeta e merimangës - e dobët e thyeshme e paqëndrueshme, të cilën një fshisë e lehtë e zhdukë menjëherë.

Kur është fjala për Kur’anin famëmadh, duhet të kemi parasysh gjithë atë thesar të diturive universale, sepse është libër universal, i përhershëm hyjnor. Vetëm syri i gjenive mund t’i shohë hollësitë mikroskopike të Kur’anit fisnik, siç informon verseti në vijim:

“O ju njerëz, ja një shembull, veni veshin pra: Vërtetë ata që po i adhuroni në vend të All-llahut, ata nuk mund ta krijojnë as një mizë, edhe nëse tubohen të gjithë për të, e po ashtu, nëse miza ua rrëmben atyre ndonjë send, ata nuk do të mund ta shpëtojnë atë prej saj, i dobët është edhe lutësi edhe i luturi.” (El Haxhxh: 73)

Edhe pse në dukje krijesë e thjeshtë, e vocërr e dobët, miza është mjaft e komplikuar që e nxitë njeriun në hulumtim.

Ç’është karakteristikë për mizën?

1. Shiqimi panoramik nëpër njëmijë thjerrëza.

Thjerrëzat e syve të mizës kanë formë heksagonale, e cila i mundëson një zonë shikimi të madh, se sa me një thjerrëz. Tek disa miza, sipas zbulimeve shkencore, numri thjerrëzave mund të arrijë deri në pesë mijë.

Përveç kësaj, struktura sferike e syve i mundëson për të parë shpinën e saj, çka i jepë përparësi në krahasimin me armikun.

2. Pompa absorbuese e mizës.

Një karakteristikë tjetër e mizës është mënyra e tretjes së ushqimit. Për dallim nga shumë organizma të tjerë të gjallë, mizat nuk e tretin ushqimin në gojë, por jasht trupit. Ato nga trupi i tyre tajojnë një lëng special në ushqim, që e bën të përshtatshëm për thithje.

Me pastaj miza atë ushqim e thithë me pompën absorbuese e cila ndodhet në grykën e saj. Miza femër ka madhësi 5-7mm dhe bën 600-2000 vezë, të cilat zhvillohen pas 8-10 ditësh. Edhe pas zhvillimit të hovshëm shkencor e teknologjik, ky shembull është ende fshehtësi për shkencën dhe për shkencëtarët. Kush është në gjendje të krijojë mizën? Nëse kjo mizë privon njeriun nga jeta përmes sëmundjeve ngjitëse, kush mund t’a kthejë në jetë? Nëse rrëmben një pjesë të glikogjenit nga ushqimi ynë, të gjithë kimistët botëror nuk mund ta rikthejnë. Miza me shpejtësi mahnitëse me enzimet e saja e zbërthen glikogjenin në glukozë. Pra, sa i dobët është ai skencëtar apo dijetar që adhuron shkencën e tij e jo Krijuesin e përsosur.

Miza në këtë verset mahnitës paraqitet si një gjë e vocërr e parëndësishme. Por, secili idhull të cilin idhujtarët e adhurojnë nuk është në gjendje të krijojë një send si miza. Krijimi i mizës me me anë të mjeteve tekniko-teknologjike është i pamundur, sikurse krijmi i devës apo elefantit. Sepse tek të gjitha krijesat fshihet sekreti i cili nuk mund të imitohet, sekreti i jetës.

Pra, edhe idhujt edhe adhuruesit e tyre janë qenie të dobëta dhe të pa afta.

Andaj, kur tregon për një të vërtetë shkencore, Kur’ani famëmadh ka metodën e vet të paraqitjes së gjërave që dallon nga metodat tjera. Ai nuk e shtjellin sikur do ta shtjellonte një shkencëtarë mirëfilltë, apo siç bën biokimisti apo fizikani që i paraqet gjërat në hollësi.

Kur’ani fisnik e tregon të vërtetën shkencore me shenja (isharet), simbolikisht, me metaforë, parabollë, me shpejtësi rrufeje, me shpejtësi e cila përshkon intelektin me shkëlqim të rrufeshëm. Kur’ani famëmadh herë-herë përdor ndonjë fjalë të cilën bashkëkohësit nuk janë në gjendje ta kuptojnë apo ta shpjegojnë, por All-llahu i Madhërishëm e di që brezat e ardhshëm do ta shpjegojnë, siç bën aluzion verseti kur’anor:

“Ne do t’u bëjmë atyre të mundshme që të shohin argumentet Tona në horizonte dhe në vetën e tyre deri që t’u bëhet e qartë se ai (Kur’ani) është i vërtetë. A nuk mjafton që Zoti yt është dëshmitar për çdo gjë!” (Fussilet: 53)

Një dituri specifike e parashtruar në Kur’anin famëmadh, shumë shekuj para zbulimeve shkencore, është ajo lidhur me përbërjen e atmosferës. Tani është e njohur që sa më tepër që ngjitemi kah qielli, hasim më pak oksigjen dhe vështirësi në frymëmarrje.

Në kohën e shpalljes së Kur’anit fisnik në shekullin e VII-të, askush nuk e ka ditur se ngjitja kah qielli shkakton shtypje dhe dhembje në krahëror, siç e përshkruan me stil mahnitës Kur’ani:

“Atë që All-llahu dëshiron ta udhëzojë ia zgjeron zemrën për (të pranuar) Islamin. Atë që dëshiron ta lërë të humbur, zemrën e tij ia bën shumë të ngushtë sikur të ngjitej në qiell. Kështu All-llahu lëshon dënimin mbi ata që nuk besojnë.” (El En’amë: 125)

Faktet shkencore mbi gjendjen e njeriut në lartësi të mëdha

1.Shtresa atmosferike dhe efektet e tyre fiziologjike te njeriu

a. Niveli i mjaftuar fiziologjik për njeriun është nga niveli detar deri në 10.000 milja mbi sipërfaqen e detit. Oksigjeni në këto shtresa atmosferike është i mjaftueshëm që njeriu të mbijetojë.

b. Niveli fiziologjik i pamjaftueshëm është në mes 10.000 deri në 50.000 milje. Në këtë zonë ekziston mungesë e oksigjenit, përveç ramjes së shtypjes atmosferike. Kjo rezulton me simptome fiziologjike në trupin e njeriut dhe paraqiten simptomet e hipoksisë (mungesë oksigjeni) dhe desparizmit (shtypja e ulët atmosferike).

c. Kosmosi i afërt, mbi 50.000 milje. Nga aspekti fiziologjik njeriu nuk mund të jetojë në lartësitë më të larta se 50.000 milje, qoftë edhe nëse thithë oksigjen 100%. Ai do të bartë rroba kosmike për shkak të ramjes së shtypjes atmosferike dhe deficiencës së oksigjenit.



2. Simptomet e fazës së hipoksisë



a. Nga niveli detar e deri te lartësia 10.000 milje simptomet e hipoksisë nuk ekzistojnë.

b. Prej 10.000 deri në 16.000 milje sistemi fiziologjik i njeriut pengon paraqitjen e simptomeve të hipoksisë, përveç nëse periudha e ekspozimit është e gjatë frymëmarrja shpejtohet dhe është më e thellë, pulsi dhe tensioni i gjakut ngriten.

c. Në lartësinë prej 16.000 deri 25.000 milje sistemi fizilogjik nuk funksionon dhe nuk mund të ushqejë indet me sasi të mjaftueshme të oksigjenit dhe simptomet e mëparshme janë më të theksuara. Në këtë gjendje hasim qartë shpjegimin e ngushtimit në gjoks i cili përjetohet në këto lartësi (Kur’ani, 6:125).

d. Momenti kritik është në mes 16.000 dhe 25.000 milje dhe më lartë. Në këtë lartësi njeriu tërësisht e humb vetëdijën për shkak të çrregullimit të sistemit nervor. Ndryshimet që ndodhin në gjoks arrijnë maksimumin në këtë lartësi dhe tërësisht çrregullohet funkcioni fiziologjik i zemrës dhe frymëmarrjes.

3. Ramja e shtypjes atmosferike

Kur njeriu i ekspozohet shtypjes së ulët atmosferike në lartësi të mëdha (e kjo ndodh te udhëtarët në aeroplan kur sistemi për mbajtjen e shtypjes prishet), paraqiten disa simptome si rezultat i ekspansinit të gazrave dhe rritjes së tyre në trupin e njeriut. Gazrat e robëruar në hapësirat e organizmit të njeriut, siç është barku, kur zgjërohen, bëjnë presion në mushkëri duke shkaktuar pengesa dhe vështirësi gjatë frymëmarrjes dhe dhembje në gjoks.

Efekti i parë i hipoksemisë në organizëm është zvogëlimi i aftësisë së të parit në errësirë. Zvogëlimi më i vogël i ngopjes së gjakut arterial me oksigjen dobëson funksionin e kunjëzave në retinë.

Ventilimi i mushkërive zakonisht nuk rritet deri në lartësinë 2500m. Në këtë lartësi ngopja e gjakut arterial me oksigjen bie në afro 93%, dhe ky është niveli kur reagojnë kemoreceptorët. Mbi 2500m. mekanizmi i stimulimit nëpërmes kemoreceptorëve gjithnjë e më tepër rritë ventilimin, përderisa arrihet lartësia në afro 5000 deri 6000m. Në këtë lartësi ventilimi arrin vlerën maksimale në afro 65% mbi normalen. Rritja e mëtejme e lartësisë nuk rritë më aktivitetin e kemoreceptorëve.

Nga ndikimet e tjera të hipoksisë të cilat paraqiten në lartësinë 3500m. janë kokëdhembja, gjumësia, rëndimi, lodhja mentale dhe ndonjë herë euforia. Shumica e këtyre simptomeve rritet në lartësitë më të mëdha. Sidomos kokëdhembja, dhembje të ashpëra në gjoks, simptomet cerbrale, rriten deri në stadin kur paraqiten konvulsionet, dridhjet e trupit dhe përfundojnë me gjendjen komatoze në lartësinë afro 7000m.

Njëri ndër ndikimet më të rëndësishëm të hipoksisë është aftësia e zvogëluar e gjykimit, kryerja e lëvizjeve të stërholluara motorike dhe të menduarit.

Nëse njeriu është i ekspozuar hipoksemisë një kohë të gjatë, aftësia e tij mentale, e përcaktuar me kohën e reakcioneve, të shkruarit dhe testeve të tjerë psikologjik, mund të zvoglohet për 20% nën vlerat normale, bile edhe në lartësinë prej 3300m.

Nëse njeriu qëndron në lartësi 4500m. një orë, aftësia e tij mentale zakonisht zvogëlohet 50% nën vlerat normale, ndërsa pas 18 orëve të kaluara në atë lartësi zvogëlohet për 80% nën vlerat normale.

Dhe kur njeriu ndodhet në gjendjen e hipoksisë së rëndë d.m.th. në stadin e komës, deficiti metabolik në neuronët e qendrës për frymëmarrje shkakton për disa minuta depresionin e kësaj qendre dhe vdekjen momentale.

Nga e tërë kjo që u cek më lartë mund të konkludojmë se All-llahu i Gjithëfuqishëm do t’ua zbulojë njerëzve disa nga argumentet e Tij, që t’ua bëjë të qartë se Kur’ani fisnik është priatar i shkencës dhe civilizimit.

Me të vërtetat e gjithësisë - universit, të cilat njerëzit do t’i zbulojnë pas qindra apo mijëra vjetësh duke aktivizuar intelektin e tyre, ata do të shohin se Kur’ani ka dhënë sinjalet për këto, se Kur’ani fisnik përmban të fshehtat të cilat njeriu do t’i zbulojë një ditë.

Pra, jeni në prag të një shekulli të ri, të shekullit të përqafimit të fesë me shkencën, asaj shkence të mirëfilltë dhe fesë së vërtetë, mes të cilave nuk mund të ketë kundërshtime as kontradikta.

Përkujtojmë duke medituar thellë për versetin e Kur’anit famëmadh:

“Këta janë shembuj që Ne ua sjellim njerëzve, por këta nuk i kupton kush pos dijetarëve.” (El Ankebut: 43)