Tekste të këngëve polifonike

[-BATO-]

http://www.youtube.com/watch?v=hqciYkW1Rgs

Shumë e bukur kjo vallja e kënduar kolonjare! Zylyftar Poda qe krahu i djathtë i Ali Pashë Tepelenës. Teksti që dëgjohet në këngë qenka më i shkurtër se ai lart dhe disa fjalë i ka ndryshe, kështu që po e shkruaj ashtu siç është në këngë.

Thonë, dolli Rumelia
ngriti krye Shqipëria
thonë, dolli sadrazemi
Shqipërisë mor' do t'i vemi

O Zylyftar mustaqeverdhë
prit nizamët se të erdhë
le të vinë, mirë se të vinë
në pusi kam or' Mersinë

Melesini maja-maja
e rreh topi, kumbaraja
mu ne portë e Zylyftarit
varur kokë e bashnizamit

Kjo valle është mirë të mësohet, por mendoj që nuk ia vlen të kërcehet pa kostumin popullor. Vargjet kanë një metrikë të tillë që t'i përshtaten ritmit të valles dhe për ata që duan ta këndojnë dhe kërcejnë këtë valle të bukur, teksti fjalë për fjalë është ky:

O thonë, dolli mor' Ru(mor)melia mor'
ngriti mor' krye mor' Shqi(mor)përia (hajde de -> zëri i dytë)
Thonë mor' dolli mor' sadra(mor')zemi
Shqi(mor')përisë mor' do mor' t'i vemi

O Zylyftar mor' mustaqe(mor')ve(e)rdhë
prit mor' nizamët mor' se mor' të erdhë
le mor' të vinë, mir' se mor' të vinë
në mor' pusi more kam or' Mersinë

O Melesini mor' maja mor' maja
e mor' rreh topi mor' ku(mor)mbaraja
Me(mor')lesini mor' maja mor' maja
e mor' rreh topi mor' ku(mor')mbaraja

O mu ne portë e mor' Zy(ly)lyftarit
varur mor' kokë e mor' bash(mor')nizamit
Mu mor' ne portë e mor' Zy(ly)lyftarit
varur mor' kokë e mor' bash(mor')nizamit

[-BATO-]

Ç'ka babai që rri zemëruar - Këngë toske (Gramsh)

Djali:
Hajde ç'ka babai shokë
o që rri zemëruar
jari nani nani
shumë i dëshpëruar

Kuti e duhanit shokë
i shpëton nga duart
jari nani nani
shumë i dëshpëruar

Unë kam pyetur nënën shokë
po s'më ka treguar
jari nani nani
shumë i dëshpëruar

Babai:
Epo këto mustaqe çuna
nuk janë turpëruar
jari nani nani
o sa i ra me shkuar

Vajza e prishi fejesën
iku e u martua
jari nani nani
sa jam dëshpëruar

Djali:
Hajde rri baba o more
mos hyr në siklet'ë
çupa mori burrë
atë që desh vetë

[-BATO-]

O Sazan, pse rri më vete - Këngë labe (Dukat, Vlorë)

O Sazan, pse rri më vete
apo ke halle dhe derte

Halle dhe derte kam shumë
jo nga dallg' e nga furtunë

Pyes dhe Karaburunë
qysh do bëhet këjo punë

Det pa fund e det pa anë
i mbarove djemtë tanë

[-BATO-]

Unë korba, unë e mjera - Këngë toske (Prespë)

Iku burri dhe la gruan
gjashtë muaj pas martesës
dhe ajo punon e vuan
dhe qëndron grua e besës

Unë korba, unë e mjera
sterrë e zezë moj ç'mu bë jeta
(përsëritet pas çdo strofe)

Kam punuar natë e ditë
i stolisa këto dhoma
me shpresë se do vijë një ditë

Vallë kush t'i mbylli sytë
kush të lau, të ndërroi
kush ta bëri ty sabanë
kush në dhe ty të mbuloi

Bëj ç'të bësh'ë, të thotë nëna
shqelmo varrin, ngrehu dhe eja
dhe aty të mos më mbetesh
në Shqipëri ti të më tretesh

[-BATO-]

Grupi "Zëri i Trebeshinës" është një grup i ri dhe kjo këngë është kënduar në vitin 2010.

Uji i Trebeshinës - Grupi "Zëri i Trebeshinës"
Marrëse: Rilinda Velaj

Në grykë të Këlcyrës moj
në buzën e Vjosës
uji i Trebeshinës dhe moj
zili e gjithë botës

Me ujë Trebeshine
të ngrihet dollia
valle dashurie aman
nga viset e mia
Bilbilat edhe thëllëzat
pijnë ujë e lajnë zënë
atje moj lan gërshetin hëna
qëndis malet me argjënd'ë
(përsëritet pas çdo strofe)

Pikon gjiri i malit moj
ilaç për njerinë
ku lan sytë e ballit moj
freskon edhe gjinë

Në buzët e shkëmbit moj
erë e trëndelinës
krenari e vëndit moj
uji i Trebeshinës

[-BATO-]

Sevdaja m'u shtua - Këngë toske (Skrapar)

Aman moj se sevdaja m'u
shtua moj, m'u shtua
aman moj për, për një vajzë
o atje në krua

Oj moj ti, ti moj vajza
vajza lozonjare
aman moj ç'më, ç'më shikon e
edhe s'më flet fare

Hajde moj kthe' ktheje kokën
kokën më shiko
aman moj po' poshtë e lartë
o mos më mundo

Hajde moj në' nëma dorën
dorën moj sorkadhe
hajde moj ba' bashkë ta heqim
hajde këtë valle

[-BATO-]

Erdhi dallëndyshja - Grupi "Ylberi" (Vlorë)

Erdhi dallandyshja
lajmëroi beharë
doli edhe gjyshja
doli për ta parë

Dola more zog'ë
dola të të pyes
kam një vit'ë plot'ë
nipin po e pres'ë

E kam parë moj gjyshe
atje në kurbet'ë
foli dallandyshja
merak të mos kesh'ë

Të lutem o zog'ë
thuaj që të vijë
malli më ka marrë
që ta kem në gji'jë

[-BATO-]

Unë korba, unë e mjera - Këngë toske (Prespë)

Vallë kush t'i mbylli sytë
kush të lau, të ndërroi
kush ta bëri ty sabanë
kush në dhe ty të mbuloi

savanë

Savani është pëlhura e bardhë me të cilën mbështillet i vdekuri në disa vende.

[-BATO-]

Epo hapma derën - Këngë toske (Kolonjë)

U ngrita dhe erdha
në katër të natës
gjumi s'të kish' zënë moj çupë
dremisje m'atë vatër

Gjumi s'të kish' zënë
dremisje në vatër
mua po më prisje çupë
apo prisje tjatër

Epo hapma derën
mos më lër pas shkallës
se vijnë e më hanë moj çupë
qenët e mëhallës

Epo hapma derën
më lër të hyj brënda
se ka zbardhur dita çupë
ka larguar hëna

[-BATO-]

Më panë sytë, ç'më panë - Këngë labe (Dukat, Vlorë)

Më panë sytë, ç'më panë
aman më bëni derman'ë¹

Në krua po qa' një zanë
aman më bëni derman'ë

Në sy ç'e mora nishan'ë
aman më bëni derman'ë

Ma ktheu, më bë' hatanë
aman më bëni derman'ë

Dy zemra që shkrepën, pamë
aman më bëni derman'ë

U bëmë bashkë e më s'u ndamë
aman më bëni derman'ë

_________________
1. DERMAN m. sh. bised.
Mjet shërimi, shërim; mjet shpëtimi,
shpëtim (edhe fig.), rrugë zgjidhjeje. S'i
gjendet dermani. Do t'ia gjejmë
dermanin. S'ka derman. Gjeti derman
me atë ilaç.