Tekste të këngëve polifonike

[-BATO-]

Kjo është një këngë e njohur çame dhe unë gjeta dy versione të saj. I dyti është më i njohur. Për shpjegimet që kam dhënë nuk jam shumë i sigurt, kështu që nëse dikush shikon ndonjë gabim, le të na sqarojë.

Këngë për Çelo Mezanin - Grupi çam i Babicës (Vlorë)

Ra dielli në mal'ë Viglë¹
Çelua qishi² në Arilë³

Çelua qishi në Arilë
për të shkretën pajgorinë⁴

Arilotë mor' daillarë⁵
mysafir Çelo Mezanë

Kush e vrau Çelo Mezanë
Idriz Gërra, djali i madh'ë

________________________
1. Mal në Çamëri (mali Vigël)
2. Mendoj se është koha e kryer e thjeshtë e foljes është (jam -> qeshë, është -> qe)
3. Fshat në Çamëri (sot quhet Kefalari)
4. Ngushëllim.
5. Trima. (Dai -> trim)

Këngë për Çelo Mezanin - Grupi çam i Rrogozhinës

Ra dielli n'mal'ë Viglë
qishi Çelua në Arilë

Qishi Çelua në Arilë
për të shkretën pajgorinë

Mu te Pusi i Sulejmanit
pusi¹ e Çelo Mezanit

Kur na ra martinë² e parë
Çelua na ktheu surranë

Kur na ra martinë e dytë
Çelua gremisi sytë

Kur na ra martinë e tretë
Çelua u vra me të vërtetë

Vanë nënës e ia thanë
se Çelon e kanë vrarë

Mos më thoni këtë fjalë
se Çelon e kam të gjallë
s'kam bërë të tillin djalë

___________________________
1. Këtu nuk duhet ngatërruar me pusin e ujit. Pusi (theksi tek i-ja) është prita që i bëhet dikujt për ta vrarë.
2. Lloj pushke.

.

[-BATO-]

Çamëri moj, s'më zë gjumi - Këngë labe (Vranisht, Vlorë)

Kur më merr malli për vëndë
loti më bie ndër gurë
më të sertë s'paska moj nënë
kthehen shkëmbënjtë në lumë

Çamërinë o moj ma kanë marrë
ma kanë prerë o dhe ma kanë vrarë
m'ato kulla moj ma dhunuan
shpirtin tonë o e përvëluan

Më muar gurët e vatanit
më dogjën djepet dhe strehnë
nënë qysh moj t'ia bëj hallit
tregomë gjakun që ke derdhë

Çamëri o moj s'më zë gjumi
s'ti gjëj dot o plagët e trupit
do qaj moj sa o të fryhet lumi
për ty jo o dhe s'më zë gjumi

Unë jam gjallë moj Çamëri
erdha mëmë dhe të shikova
unë tek ti do vij të rri'jë
të kesh jetë, je e jona

Tokat tona moj dot s'i mbajnë
i kanë grekë o dhe jugosllavë
u bashkofshi mor' shqipëtarë
çamë, labë edhe kosovarë

[-BATO-]

Kjo është kënga e shtruar karakteristike e Skraparit. E kam thënë edhe më lart që këngët e shtruara janë më të vështira për t'u kënduar. Vargjet janë marrë me shkurtime nga poezia "Mëmëdheu" e Çajupit dhe janë përshtatur për këngë.

Mëmëdheu - Këngë toske (Skrapar)

Mëmëdhe quhet toka
ku më ka rënë mua koka
ku kam dashur mëmë e atë
ku më njeh dhe guri i thatë
ku jam rritur me thërrime
ku kam folur gjuhën time
ku kam qeshur, ku kam qarë
ku kam fis e ku kam farë
ku rroj me gaz e me shpresë
ku kam dëshirë të vdes'ë

[BlerinaL]

Pershendetje adhurues te kenges polifonike.
Dini gje nese e ka vendos dikush tekstin e plot te kenges me poshte?

[skipetar]

Pershendetje adhurues te kenges polifonike.
Dini gje nese e ka vendos dikush tekstin e plot te kenges me poshte?

http://www.youtube.com/watch?v=71jUtTfeaqQ

Përshëndetje BlerinaL,

Tekstin e kësaj kënge e gjeta te "Fjala e Lirë":

Vajza e malit
http://www.fjalaelire.com/thumbnail...._594705942.png
Neço Muko Himarjoti

Autori këtyre këngëve është Neço Muko Himarjoti

Disku 44008

Kendon; Koço Çakalli

Neço.M.Marjoti

Dhimtër Rumbo



Erdhi prilli, u shkri bora

maleve

Mbani vesh, bie këmbora

majave

Hej, prandvera, vera, vera

sa gëzim

Këndojn’ zogjtë nëpër ferra

pa pushim

Gjith’ natyra u ndryshua

dhe ndryshon

Toka e gjithë u zbukurua,

lulëzon

Zogjtë dy nga dy jetojnë

në fole

Çajnë qiellin dhe shkojnë

si rrufe

Pashë një bilbil mënjanë

pa një shok

Pse s’këndon po rri dhe qan

e qan me lot

Është vajza, vajza e malit

si një yll

Si një lule, lule maji

trëndafil

Është ajo që dashurova

që me koh’

Dy tre vjet për të lëngova

sa ta shoh

“ O moj vajza kanakare,

ç’bën atje

A s’më njeh? M’harove fare

ç’zemër ke ?

Vajza më shikon një herë

plot me lot

Me hidhërim si në skëterrë

dhe më thot’

‘’Dashurin’ se kam haruar,

s’e haroj

Brenda thell e kam të shkruar

sa të rroj

Port re vjet që jemi ndarrë,

gjithëmon

Natë e ditë duke qarrë,

shkova kohn’

Q’atëherë jam e tretur,

le ç’e do

S’kam shërim me ç’më ka gjetur,

jo, mor jo

Tashti unë vajta,shkoba,

shumë shpejt

Dhe të ritë s’e gëzova,

mos pyet

Shorti im kështu ma shkroi,

kështu qe

Shumë shpejt më afëroi

për nën dhe

Por duke ikur nga jeta,

kam një fjal

Dua që të di e shkreta,

në më fal

N’atë varr pas disa muaj,

pas një vit

Thuaj të më vend he mua,

ndonjë kryq

Tashti nëmë dorën tënde

dhe njëher

Mos m’haro,por mbam në mëndje

kurdoher

O dynja,dynja e bukur

të lë shpejt

Dhe ti djalë qofsh i lumtur

me shëndet

Lamtumirë o për jetë.

[BlerinaL]

Faleminderit shume

[skipetar]

Faleminderit shume

Shumë e nderuar qofshe çdoherë.

[-BATO-]

Dy barinj zihen me njëri-tjetrin dhe faji është i bariut të dhive që afrohet te kullota e deleve.

Ç'u ndezën fanarët tanë - Këngë labe humoristike

Ç'u ndezën fanarët tanë
kush je ti dhe unë kush jam'ë
hidhet i pari dhiari
si vetë stani, më xanxari

Bariu i deleve:
Ku vete more veshak'ë
ty-ty-ty poshtë edhe lart'ë
duke fshirë djersët me shark'ë
si s'të pa nusja një darkë

Bariu i dhive:
Si më folka barkbrakaçi¹
do ta bëj përcëllak saçi
për të ngrënë me burbeka²
të të qajnë syska dhe bejka

Bariu i deleve:
Hiqmu qafe mor' murriz'ë
shko kaps si qumësht i dhisë
hiq kërpushët mbi kurriz'ë
pastaj hidhu dhe dalldis'ë

Bariu i dhive:
More ti mustaqelesh'ë
kujt i flet ashtu dhe qesh'ë
do t'i bëj hundët përshesh'ë
do të lë pa sy, pa veshë

Bariu i deleve:
More ti turishëllirë
kush ka frikë nga keci i shtirë
mos m'u qas te bari i dhëne
të futa në varr të qëne

_____________
1. Braku është qen i madh gjuetie. Barkbrakaç -> barkqen, me bark të madh.
2. Gjellë me mish dhe bulmet.

[-BATO-]

Ç'u ndezën fanarët tanë - Këngë labe humoristike

Si më folka barkbrakaçi
do ta bëj përcëllak saçi
për të ngrënë me burbeka
të të qajnë syska dhe bejka

të të ngrënë me purteka

Domethënë, të të ngrenë me barelë. Barela ka një shtrojë prej pëlhure dhe dy purteka (shkopinj) anash.

[-BATO-]

Jasaman moj vajzë - Këngë toske (Skrapar)

Preva dy bileta vajzë
të shoh kinemanë

Jasaman moj vajzë
ç'të shtira sevdanë
verem do të bëhem
ty s'të lë pa marrë
(përsëritet pas çdo strofe)

Unë në radhë të dytë vajzë
ti në radhë të parë

Çorapet me vija vajzë
këpucët me majë

Për flokët e tua vajzë
që m'i mban mënjanë