Tekste të këngëve polifonike

[_AuLoNa_]

^^^Ashtu eshte Nestor!



Moj ftuj¹ e bardh e shullërit²
ushqerë me majën e gjërit

Rrituro përpara prërit
sa more o çapin e drërit

Çta pata shume o silloinë
se moj se keshe lerë kërthinjë

Po kush u hodh moj sa tinë
majë më majë edhe brinjë më brijnë

Majë më majë edhe ledh më ledh
as qëndis as që më ndan drek

O djersën e punës derdh
si bleta o që lulen mbledh

Kur del te stani te stani moj vitë
pse moj të veliten stolitë

Hajde të shkëmbejmë sytë
unë të tutë edhe tinë të mitë

1) Ftuj-Kec femër e bëshme, që është gati për tu bërë dhi
2) Shullërit-Vend që e zë dielli mirë e që nuk e rreh era


PS. Bato te vodha kete indekset e numrave...:P

[baaroar]

Duke ngjit' malin përpjetë



Duke ngjit' malin përpjetë
ç'më hodhi sevdaja,
tek një lule prilli, tek një zë birbili.
M'a muar mëndjen, m'a muar
toka dhe birbili
tek një lule prilli, tek një zë birbili.

Lis më lis e breg më bregë
mëndjen ku t'a mbaja,
tek sharku i çobanit, tek gurët e stanit.
Ngjitem lartë e s'kam të ngopur
me erën e malit
tek sharku i çobanit, tek gurët e stanit.

Nga një këngë e lashtë djepi
përkundej kalaja,
fllad përmbi burime, këngë e nënës sime.
Shkonte dhe më ledhatonte
zog o zoga ime
fllad përmbi burime, këngë e nënës sime.

Dal në majë e zë ylberin
por dot nuk e mbaja,
o deti me valë, o bora mbi malë.
Më ndihmoni t’a kalojë
më bën nëna fjalë
o deti me valë, o bora mbi malë.

Falendëroj Baton për ndihmën e dhënë për plotësimin e tekstit.
Ja të paça Bato, një dolli për ty !

[baaroar]

Moj thëllëza pëndë murrme

Kur shkoje zallit përpjetë
çapin hidhje lehtë lehtë
që mos të të shohin djemtë
thëllëz-ooo
Moj thëllëza pëndë murrme
më humbe, nga sytë më humbe.

Kur më rrotullove synë
sikur më theve dy brinjë
thëllëz’ do të gjej pluvinë
thëllëz-ooo
Moj thëllëza pëndë murrme
më humbe, nga sytë më humbe.

Kur të pashë e të zunë ethet
moj vjeshta që gremis gjethet
si delja bejkë kur qethet
thëllëz-ooo
Moj thëllëza pëndë murrme
më humbe, nga sytë më humbe.

[-BATO-]

PS. Bato te vodha kete indekset e numrave... : P

Mirë bëre, sepse ka fjalë që nuk kuptohen nga të gjithë dhe ato duhen shpjeguar. Të përshëndes me këtë këngë për Kurveleshin, meqë je andej.

Ja të paça Bato, një dolli për ty!

Gëzuar Dalan! Ja dhe unë po vij sot me një këngë të re.



Ansambli “Çipini” është një grup polifonik i kryesuar nga Tomor Lelo, që ka mbledhur disa nga emrat më të njohur të këngës labe. Kënga i kushtohet Kurveleshit, një zone malore të Labërisë, që është shquar në histori për luftra. Ajo këndohet nga dyshja e njohur e Grupit të Bënçës së Tepelenës, Goliku dhe Paroja, që edhe pse të kaluar në moshë, pasioni për këngën labe nuk u shteron.

Kurvelesh, zëmra ime – Grupi “Çipini”
Marrës: Golik Jaupi, Përparime Zilfaj

Kurvelesh, o mal mbi male
vapor i steresë¹ mbi halle
heronja përmbi st(ë)rralle
burojnë në këngë e në valle

Kurvelesh zëm(ë)ra ime
përvëluar, bërë thërrime
(përsëritet pas çdo strofe)

Këtu që përpara Hënës
gur i babës dhe i nënës
dhe loton dhe ja merr këngës
këtu dega i ngjan rrënjës

Këtu çdo ditë është një datë
këtu çdo gjurmë është një shpatë
këtu shkëmbonjat me borë
kanë përmbysur perandorë

Këtu besa dhe betimi
trimëria dhe guximi
këtu i pari çlirimi
ku pi foshnja qumësht gjiri

Këtu majat s'quhen maja
përmbi to janë bijtë e saja
këtu hordhitë e mëdhaja
hyjnë bejka² dalën llaja³

1) toka e thatë dhe e fortë e bregdetit
2) dele të bardha
3) dele të zeza

[kapllani]

njera prej kengeve me te cilesuara te isopolifonise shqiptare:

Do filloj duke menduar
me zember te perveluar
sot qe erdhi dita e bekuar
do marr penen per te shkruar.

Do marr penen per te shkruar
me dridhen te zezat duar
te keqijat qe mu qepne
per pateriot Smail Bene

Per Smail Bej Bukurine
qe eshte shtrire ne Kanine
kombin tone e kane nxire
Shqiperise i hodhen mavrine

Keto fjale kur i thone
se kane me vete zone
mali madh baba Tomorr
qe ta merr frengun ne dore

Mali madh e nje te ngrite
mblodhi te gjithe paresite
mblidhni mblidhni paresi
pas ju vjen dhe populli

Pas ju vjen dhe populli
mor ta marrem vdekjen ne sy
ta marrem vdekjen ne sy
burra permbi Itali.

Burra permbi Itali
burra permbi italiane
ta marrem prape Sazane
Sazane dhe Portonove

Sazane dhe Portonove
kemi dy kyce ne dore
njeqinde vjete luftojme
armiqt dot s'na zapetojne.


Ja edhe kengetari, vetem me tekst pakez me te ndryshe:

[-BATO-]

KËNGË LABE VAJTIMI

Korba, korba Sherifo – Grupi i Dukatit (Vlorë)

O Sherif Hasan bresvëna¹
korba, korba Sherifo (përsëritet pas çdo vargu)
Ç'i bëre zilat e rënda
Lekë² kond'³ u bënej tënda
Kanal po dëgjon e ëmbla

Qaj o vejë, e qaj o bijë
Qaj o mor' i zi në grykë
Qaj Qamil Namik Kasëm'ë
Se s'vjen më Çeçua me Hënë

Qaj Vasil në Qesarate
Të bukur zot'ë që pate
O Sherifi meskalore⁴
More k(ë)rrabën dhe shkove

Në Tragjas vajte rënkove
As për një kafe s'qëndrove
Qani o ju male, qani
Se nuk vjen Sherif Hasani

1) brezvëna (që ka vënë brez)
2) lekë – maja e kokës
3) konde – këmishë, veshje, mbulesë
2) kalore – thupër. Meskalore – meshollë (përdoret për vajzat dhe gratë me trup të hollë)

[_AuLoNa_]

Flm Bato, rrofsh!




Me dy emra në flamur

Si shqiponja me dy kre
kish dy emra trimi ynë
njërin Gjergj, tjetrin Skënder
një të vetmen Shqipëri

Kur mbi turq Skënderi hopa
nga Gjergji o mbrohesh Evropa

I shkoi jeta përmbi kalë
nuk e uli shpatën kurrë
sa në fushë aq lart në mal
me dy emra në flamur

Kur mbi turq Skënderi hopa
nga Gjergji mbrohesh Evropa

Nga beteja prej betejë
kështjell gjokset përbmi topa
gjaku yt na rrjedh në deje
duhet te na njohë Evropa

Kur mbi turq Skënderi hopa
nga Gjergji mbrohesh Evropa

[_AuLoNa_]

Nënë që më linde djalë
kam shumë kohë që s'me zë gjumi
jo jo s'më zë gjumi

I shikoj ëndërrat me rradhë
kam shumë kohë që s'me zë gjumi
jo jo s'më zë gjumi

Më vijn shtojzovallet pranë
kam shumë kohë që s'me zë gjumi
jo jo s'më zë gjumi

Më thotë mendohu o djalë
kam shumë kohë që s'me zë gjumi
jo jo s'më zë gjumi

Çobanesha që do çobanë
kam shumë kohë që s'me zë gjumi
jo jo s'më zë gjumi


Studentesha kasabanë
kam shumë kohë që s'me zë gjumi
jo jo s'më zë gjumi

Nënë do më bësh dermanë
kam shumë kohë që s'me zë gjumi
jo jo s'më zë gjumi

[_AuLoNa_]

Vlorë o lule zambaku
ngritur mbi themele gjaku
Qëndron mbi themele shkëmbi
larë në dritë ergjëndi
Gjithë mrekullitë e tua
kush i pa e s'u gëzua
Për gëzime dhe për derte
s'të lëndoj që flas për vete
Gjiri ku kam pirë sisë
Vlorë djepe Labërisë

[nestorp]

Je e mrekullueshme AuLoNa!Komplimente