Ankth!........

[Agim Doçi]

ANKTH!…..

Sa shumë gënjeshtra premtojmë
Ndaj jeta na kthehet në ankth
Në agoni mëkatojmë
Por plagët mbeten nga pas…

Virtyti mbetet pa sy
E keqja na rri si humnerë
Një hap dhe bijem aty
Absurdi i jetës na merr…

Absurdi i jetë vazhdon
Dikush bile fyen pa shkak
Një tjetër më tutje mashtron
Gënjeshtra mbjell frikë edhe ankth.

Lakohen, zgjedhohen cilsorët
Dhe jeta trishtohet pastaj
Me maska u veshën njerzorët
Kam ankth dhe kur qesh dhe kur qaj…

Po iki, me dhimbje më larg
Nga pas do t’u ndjek si një hije.
Pas meje do lë vetëm ankth
Me një pafajsi prej fëmije!…

[denku]

E bukur,teper e bukur!
pershendetje!!!!!!!!!!!!!

[Agim Doçi]

Denku,
Të falem or mik! Më ngrohe. Unë të përqafoj.
Gimi

[Brari]

Si gjithmone shpuze dhe shpate fjala jote Agim, por dhe e bute si nje guguftu .

Cdo te mire i nderuar Poet i yne !

[Agim Doçi]

E kapa ankthin nga të dy veshët
ama tinëz që mos të më shihte askush
"Dëgjo këtu! Më prapa mos të më qepesh!
Se do ti tërheq fort të mbetesh veshllapush!"

Ankthi s'kishte gojë, por flinte brenda meje
strukur, i pabesë, vëlla me djallëzinë!
Kish hyrë thellë në palcë, në mishe gjer në deje
dhe plagë të pashëruar më la një psherëtimë!
....ahhhhhhhhhhh!
Agimi

[Lekë Rezniqi]

Shumë i nderuari z. Agim,

Kjo poezi shumë më pëlqen, nuk e kam ditur se e keni shkruar ju, kërkoj falje.
Duke lexuar poezinë më është kujtuar kënga e Ema Qazimit Ankth, d.m.th. poezinë tuaj ajo këndoka.

Jeni i mrekullueshëm
Përshëndetje
Leka nga Prishtina

[Agim Doçi]

Po Lekë i dashtun kam shkruar për të madhen Ema Qazimi plot tekste kangësh.
falem nderës për vlersimin

Agimi

[Lekë Rezniqi]

Shumë i nderuari z. Agim,

E di se çdo lëvdatë është e tepërt, por më lejoni të ju pyes një gje.
Ju jeni një poet shumë i madh dhe i çmuar, desha të ju pyes a keni ndonjë libër të botuar me poezitë tuaja?

Nëse po kërkoj ndjesë për mosnjohurinë time, por nuk më ka rënë asjë në dorë.

Leka nga Prishtina

[Agim Doçi]

1. Botuar në dy gjuhë shqip e italisht nga CICAL - Centrum Internazionale Italo - Albanese me titull "Libri i fundit" ...
2. Botuar nga IMPIS - Qendra Botërore e Konkurseve të Poezisë në Bellinzona me titull "Ninulla e nanës".
3. Arkivuar në Min. P. Brendëshme 3 vëllime poetike që nuk e panë kurrë dritën e botimit sepse nuk mbanin asnjë varg, strofë apo poezi për partinë dhe Udhëheqsin zvarrë të shqipëtarëve E. Hoxha!
4. Botuar në organet e letrave Prishtinë, Shkup, Zurich, Londër, New York, Hamburg, Bruxelles, (në 22 shtete të Europës) krijimet e mija kushtuar Luftës Heroike të Parafundit 1998-1999 në Kosovë (Lufta e fundit do jetë kur të shporren socialistat greko-sllavo- grek nga pushteti i uzurpuar me kallashnikov!)
Tani po përgatitet vëllimi poetik përsëri në dy gjuhë ITALISHT - SHQIP me përkthyes personalitetin e shquar AMIK KASARUHO dhe prof. DEMTRIO PATTITTUCI me titull "Rreshti i parë!..."
Ja disa nga vargjet e atij vëllimi:

Larg qoftë mos u ktheftë Nata përsëri!
Lirinë të më marrë!
Do jetë FunDi i Librit dhe i poezisë!
Dhe unë përsëri do gjëndem në rreshtin e parë!

Agimi