SKANDAL! Babai vret vajzen 16 vjecare.

[Kingu_Tirones]

pershendetje vellezer edhe motra.ne rradhe te pare desha tju them se kjo teme qe kam hapur,nuk eshte thjesht i teme ku ju mund te jepni mendimin tuaj,por eshte nji tip (artikulli)mund te them.Mbreme ne darke (4.6.2003)tek po fihja televizor kam degjuar nje lajm i cili me ka tronditur jo vetem mua,por gjithe opinionin shqiptar.te gjitha mediat jepnin nje lajm renqethes ku babai vret vajzen 16 vjecare per motive te dobta.po shkruaj pak a shum ngjarjen e rende.
TIRANË - Fiqerete Qinami, jetoi vetëm 16 vjet, pasi i ati nuk e pa të arsyeshme që e bija të gëzonte më tej jetën e saj. E sapoardhur nga një fshat i thellë i Kukësit, e fejuar me një djalë nga një fshat i Dibrës, vajza e re do të bëhej nuse tre javë më vonë, nëqoftëse i ati i saj, Ruzhdi Qinami nuk do të kishte marrë vendimin ekstrem për të, duke e vrarë. Me dy plumba pistolete në orët e para të mëngjesit të djeshëm babai 42-vjeçar i ka dhënë fund “korritjes” së shkaktuar nga vajza duke e lënë të vdekur në vend. Pas vrasjes Fiqireten e kanë larë, e kanë veshur dhe e kanë bërë gati për ta qarë. I ati ishte akoma aty dhe askush nuk ka tentuar që të njoftojë policinë për ngjarjen e ndodhur derisa “fjalët i ka marrë era” dhe informacioni për ngjarjen e ndodhur ka mbërritur në veshët e bluve të policisë. Krimi i fundit makabër brenda familjes ka ndodhur rreth orës 04.00 të ditës së djeshme në fshatin Bërxullë, rreth 20 kilometra larg nga kryeqyteti i vendit, Tirana.
Ngjarja
Rreth orës 04.00 të mëngjesit të djeshëm dy krisma arme janë dëgjuar nga shtëpia përdhese e familjes Qinami, e cila kishte pak më shumë se 4 muaj që kishte ardhur nga Bushtrica e Kukësit dhe ishte vendosur në Bërxull. Pas të shtënave ka mbetur e vdekur në vend Fiqiretja, 16-vjeçare që ishte dhe vajza më e madhe e kësaj familjeje. Plumbat i kanë marrë menjëherë jetën vajzës, e cila ka dhënë shpirt në oborrin e shtëpisë. Sipas burimeve të policisë, ngjarja ka ndodhur pasi babai i saj ka konstatuar daljen e vajzës jashtë, ndoshta për të takuar një djalë. Askush nuk di të ndërtojë me saktësi orët apo momentet e fundit të ngjarjes, pasi askush nuk të thotë se në çfarë ore ka dalë vajza nga shtëpia, kur është vënë re nga të afërmit mungesa e saj dhe se kë kishte dalë që të takonte. Sipas burimeve policore vajza e re mund të kishte një të dashur dhe ky ka qenë dhe shkaku i daljes së saj në “takimin” e pazakontë në orët e para të mëngjesit. Ndërsa banorë të zonës thonë se Fiqiretja mund të kishte dalë për të takuar një nga djemtë që punonte në guroren apo lavatriçen në afërsi të shtëpisë së saj, pasi ka raste që ata në atë orë ata fillojnë punën. Burime nga vendi i ngjarjes kanë thënë se një ditë para krimit, të afërm të vajzës janë grindur me një nga punëtorët e zonës, për të cilin dyshonin se mund të ngacmonte vajzën e tyre, apo dyshonin se kishte krijuar lidhje gjatë kohës që ai ishte në punë, ndërsa ajo bënte punën e saj të përditshme, nxirrte lopën e shtëpisë për ta kullotur. Gjithsesi fshati tashmë gëlon nga thashethemet dhe hamendjet, por të vërtetën duket se e ka marrë Fiqiretja me vete.
Gjurmët
Pasi kanë parë se vajza e tyre ka vdekur, të afërmit e saj e kanë marrë trupin pa jetë dhe e kanë futur brënda. Atë e kanë larë, e kanë veshur dhe e kanë rregulluar duke porositur dhe një arkivol për ta çuar në varreza. Në mëngjes, në familjen Qinami kanë filluar të vijnë dhe të afërmit e parë për ngushëllime, pasi janë njoftuar për vdekjen e vajzës më të madhe të Ruzhdiut. Pas kësaj duket se ngjarja nuk ka qenë e mundur të mbahet e fshehur. Pak orë pasi kishte vdekur vajza, në oborrin e shtëpisë ku kishte ndodhur tragjedia ia kanë behur dhe disa punonjës të policisë, të cilët mësohet se fillimisht kishin marrë vetëm informacionin se në atë shtëpi kishte patur një vdekje. Por një këqyrje e thjeshtë e trupit të 16-vjeçares së shtrirë në arkivol ka mjaftuar që grupi hetimor të konstatojë vrasjen e vajzës me armë zjarri.
Hetimi
Grupi i hetimit i komisariatit nr.4 ka filluar punën për të zbardhur të vërteten e vrasjes së Fiqirete Qinamit. Sipas burimeve zyrtare të policisë kur ka shkuar grupi hetimor e kanë gjetur vendin e ngjarjes tërësisht të prishur, kufomën e larë e të pastruar dhe pa asnjë shenjë gjaku në trup. Më pas hetimi është shtrirë në marrjen në pyetje të dëshmitarëve të ngjarjes dhe të lidhjeve familjare. Pas një punë intensive të bërë nga ana e bluve është arritur që të gjendet dhe pistoleta tip TT që ishte e fshehur nga familjarët pas vrasjes, gëzhojat dhe predhat. Nga ana e grupit hetimor është konkluduar se vrasja është kryer me paramendim nga ana e të atit të viktimës, Ruzhdi Qimani. Rreth orës 10.00 të paraditës së sotme, 42-vjeçarit i është prerë fleta e arrestit në ambietet e komisariatit nr.4. Ndërkohë policia është vënë në kërkim të djalit që dyshohet të ketë patur lidhje me viktimën, por deri vonë në mbrëmje nuk është bërë i mundur shoqërimi i tij.
Ky artikull eshte mare nga nje gazete.Tani me thoni ju o vellezer o motra kudo qe ndodheni neper bote.a eshte e drejte qe nje baba te vrase vajzen e tij vetem sepse ajo kishte dale per te defryer ose me qarte vetem per te plotesuar qejfet e moshes?nuk e di,por gjeja qe me tmeroi me shum ishte se shum njerez qe ishin mare ne interviste e mbeshtesnin vepren e babait (vrases).un per vete nuk jam i ketij mendimi dua te shkruaj me shm dua te flas me shume per kete ngjarje te rende.por te htem te drejten nuk kam me fjale.JU LUTEM LEXOJENI DHE JEPNI MENDIMIN TUAJ TE DASHUR VELLEZER.JU FALENDEROJ PER VEMENDJEN ME RESPEKT Kingu_tirones ose IGLI_mister_KRETA

[Wordless]

Si mund te justifikosh vrasjen e femijes tend?!
Ky eshte realiteti i hidhur ku jetojne akoma shumica
e shqiptareve! Fanatizmi + mentaliteti mesjetar i
perzier me varferine e tejskajshme, dhunen e perditshme,
trysnine e nje shoqerie konsumi qe troket tek porta
shnderrojne njeriun ne bishe, ne momente te caktuara.

Para disa vitesh ne zonen time nje prind rrahu vajzen
deri ne vdekje sepse nuk donte te martohej me "bandillin"
qe i kishte zgjedhur ai?!! Te nesermen u hap llafi qe
vajza kishte rene nga shkallet!
Askush nga policia nuk kerkoi me tutje! Ky baba-perbindesh
edhe sot e kesaj dite eshte i "nderuar" ne fshat; burre
me "namuz", qe per nder vrau femijen e tij!!! Dajlli ta
haje, po ku u shkel nderi i tij ketu?! Sepse per here te
pare ne jeten e saj vajza i kundershtoi?!!

Fatkeqesisht keto gjera nuk evolojne brenda dites, do te duhen
breza te tere per ti hequr qafe dhe rruga e vetme eshte
shkollimi e zhvillimi ekonomik, faktore te cilet do tu japin vajzave
shqiptare autonomine ne jete per te mos te ngelur skllave te
injorances!!! (Sa vajza neper fshatra kapercejne nivelin e 8-vjeçares ne ditet e sotme?!)

[Klevis2000]

PER MENDIMIN TIM disa zakone te trasheguara te shqipatereve nga kanuni jane yte keqiat sepse i kalojne kufijte e tyre psh vrasin per gjera qe nuk duhet te kete kete denim megjithese ajo vajza ishte e fejuar edhe iku nga shtepia pa leje edhe u kthye me nje makine sipas lajmeve ky eshte nje gabim per te sepse duke qene e fejuar ska pse te shkonte me ndonje makine tjeter por duhet theksuar se vajza nuk duhet te martohet me zor nga prinderit ajo ka te drejten e Zgjedhjes ne martesen e saj edhe ne fene islame nuk lejohet qe te nmartohet vajza pa pelqimin e saj. i bej thirrje baballarreve ti edukojne vajzat e tyre me besnikeri dhe te gjejne gjuhe mirekuptimi ne lidhjet e tyre edhe vajzave te jen me besnike ndaj burrave te tyre sepse sipas sondazheve qe beri kanali top channell per nje teme a do ta tradhetonit shokun me te dashuren e tij shumica e tyre u pergjigjen po.kjo eshte turo ku e ka sinqeritetin shoqeria jote me shoket ose shoqet e tua ne keto raste.

[Idmon]

PER MENDIMIN TIM FAJIN E KA KANUNI I LEK DUKAGJINITI CILI ESHTE NGULITUR NE MENDJEN E ZEMERN E VERIOREVE TE SHQIPERIS DHE NUK ESHTE VETEM QENAMI POR KA ME MJRA QENAMER NE VERI QE JANE NGUJUAR NE BJESHKE NE SHTEPI PER TI SHPETIAR VDEKJES .UNE MENDOJE QEPARLEMENTI TE MIRATOJE NJE LIGJ KU TE PARASHIKOH PER KETA PERSONO DENIMI KAPITAL VETEM KAFSHA MUND TE VRASE PJELLEN E TIJ POR JO NJERIU .ZOTI TI RUAJ NJERZIT NGA KANUNI.

[Miss*Naughty*TR]

Une mendoj qe kjo eshte c'menduri!!!!!!!!! Edhe sikur i ati ta gjente vajzen ne krevat me nje djale, vrasja nuk eshte zgjidhja e drejte por per disa Shqiptare kjo eshte zgjidhja me e shkurter.
Por edhe ajo vajza ka bere gabim qe ka dalur ne mengjes sepse kur ajo e di se cfare babai ka ajo duhet te ishte me e kujdeshme.
Se kuptoj si nje prinder vret femijen e tij qe e do jashte mase vetem qe te mbuloj namin me buke dhe te jet i respektuar nga populli............une mendoj se keto far prinder mendojne vetem per vete dhe nuk mendojne per lumturine e femijeve te tyre.
Shpresoj qe kjo gje te perfundoje shume shpejt

Kingu_Tirones nqse ka ndonje gje te re mbi kete krim te lutem na shkruaj
faleminderit

bye
Bruna xxx

[Kingu_Tirones]

TIRANË – Gjykata dha dje vendimin me burg pa afat për Ruzhdi Qinamin me akuzën e vrasjes me dashje të vajzës së tij dhe armëmbajtjes pa leje, ndërkohë që motivi i saktë nuk është zbuluar ende. Babai 42- vjeçar dje para gjykatës ka bërë rolin e indiferentit. Është munduar të qëndrojë i ftohtë para gjykatës, madje disa herë është shprehur se nuk e di ende arsyen se ku është vajza e tij. I pyetur nga gjyqtarja Mirela Fana se sa fëmijë ka, ai u përgjigj saktë, por nuk ka pranuar se është autor direkt për vrasjen e vajzës. “Kam patur katër fëmij, por tani kam vetëm tre. Nuk e di se ku është vajza. Nuk kam dijeni për këtë fakt”, - ka thënë i pandehuri dje para gjykatës. Disa herë gjyqtarja është munduar të nxjerrë nga goja e të pandehurit detaje në lidhje me ngjarjen, por ka qenë e kotë. Ai ka heshtur. I vetmi person që ka pranuar arrestimin në flagrancë duke e quajtur të ligjshëm, ka qenë avokati i tij Ilir Murati. Edhe Murati nuk ka dhënë shumë shpjegime para gjykatës, por në fund ia ka lënë në dorë gjyqtares Mirela Fana të vendosë për fatin e klientit të tij. Prokurori Ened Nakuçi që në fillim të leximit të akuzës e deklaroi fajtor të pandehurin Qinami për vrasjen e vajzës së vet 16 vjeçe, Fiqirete Qinami. Tashmë për policinë dhe prokurorinë është e vërtetuar akuza e vrasjes me dashje të 16 -vjeçares, por e gjitha ajo që pritet është deklarimi i vetë të pandehurit, i cili u përpoq gjatë seancës së djeshme të luante rolin e njeriut që ka goditur në kushtet e një depresioni të thellë mendor dhe që nuk mban mend asgjë nga ngjarja. Fiqirete Qinami u vra me dy plumba, në orët e para të mëngjesit të datës 3 korrikut, në oborrin e shtëpisë së saj, që ndodhet në fshatin Bërxull të Tiranës. Familja Qinami kishte vetëm katër muaj që kishte zbritur nga fshati i thellë i Kukësit, Bushtricë, në periferi të kryeqytetit. Viktima ishte e fejuar që prej dy vjetësh me një djalë nga Dibra, i cili ndodhet në emigracion në Angli dhe pas tre javësh do të vinte kurorë. Por sipas të dhënave të policisë kjo fejesë nuk ishte pranuar nga Fiqiretja, e cila vetëm natën që do të vritej ka provuar ta kundërshtojë atë. Policia tashmë është edhe në kërkim të një djali, i cili mendohet se ka qenë i dashuri i 16- vjeçares. Pikërisht një dashuri e re, mendohet se është edhe strumbullari i gjithë kësaj ngjarjeje të rëndë që ndodhi në familjen Qinami. I pandehuri do të qëndrojë në dhomat e paraburgimit të repartit 313-të në pritje të fillimit të shqyrtimit gjyqësor. Në bazë të Kodit Penal i pandehuri rrezikon dënimin minimal me 15 vjet burgim.

per mendimin tim kane qen prinder qe i kan patur femijet kriminela dhe prape nuk i kan vrare as nuk i kan prere por i ndjekin neper burgje.ose e fundit fare ka patur vajza qe kan qen prostituta dhe prape familja i ka pranuar.ky rast per mua eshte nji rast i vecante.bruna kjo eshte masa qe ka dhene gjykata deri tani,dhe ky eshte informacioni deri tani.e dini cili ishte shkaku qe e kam hapur kete teme ketu ne forum?sepse gjeja qe me tmeroi ishte se ne opinione te mara nga kanale qe ndryshme psh (TOP CHANNEL)nje grua me gjtieh vajzen e vet tha se po ti kishte ndodhur asaj do ta kishte perzene vajzen nga shtepia ose mund te kishte vrare.kurse per per te shoqin tha se do e kishte vrare se sben.ky per mua eshte kulmi.me sinqeritet gati sa nuk kam thyer televizorin nga nervat.kjo tregon se e njejta histori mund te perseritet prape te dashur vellezer e motra.se shum prinder mendojn se femija eshte nji (vegel)ku ata mund te bejne cfare te duan dhe ta perdorin si te duan.ata mund ta vrasin vetem per ate te ashtuquajturen (nder)pa pyetur deshirat qe kan ose zgjedhjet qe mund te kete femija per jeten.kaq kisha ju falenderoj te gjtiehve per mendimin shrpesoj te me shkruani prape. me respekt IGLI_mister_KRETA ose kingu tirones

[twist]

ketu nuk hyn as kanuni as librat e Gjergj Fishtes, ktu tregohet qarte injoranca dhe mentaliteti i ulet qe ekzisto ne Shqiperi. qe i futi dy pluma goces vet ai dhe mendoj qe e rregulloj muhabetin. kjo tregon vertete qe ne Shqiptaret jemi kafshe me nje K te madhe. jemi bo per ti thone vetes gjynah. u iken truni robve e iken e vret femine...zot bo derman.

[HootieX]

nuk kam lexuar artikull me makaber se ky. mu rrenqeth mishi
kjo eshte prove e injorances te disa njerzve. nuk e imagjinoj dot c'fare ka menduar ai baba qe vret femine e vet, edhe e kishin lare e bere gati per varrim...e neveritshme.

[Miss*Naughty*TR]

Kingu_Tirones faleminderit per informacjonet e reja.

Ishalla i pagofte zoti keto prinder qe i trajtojne femijet ne menyre skandaloze.
Nejse me vjen shume keq per keto femije qe vuajne dhe i ruajt zoti nga e keqja

bye to u all
love Bruna xxx

[alda_o]

Eshte makaber te vraseah femijen tend gjakun, shpirtin tend.
Nuk i kuptoj dote keta njerez te tille qe vrasin femijet si do qe te jete ,cfare do qe te kete bere femija nuk vritet po falet prandaj jane prinderit per te falur dhe mesuar femijet e tyre po kur ata jane injorant i zgjidhin me arme gjerat.
Me vjen shume keq qe ne shqiptaret vazhdojme akoma me keto gjera.
Ketu do denuar dhe nena e vajzes si e lejoj ajo burrin e vete te vriste vajzen, une e kisha vrare burrin po te me vriste femijen,
nuk e kuptoj si eshte aq indiferente nena .Hajdo injorat hesapi.Mjer kujt i kane rene per pjese.
Eshte nje teme vertet e dhimshme, nje vote nga une Kingu_ Tiranes
bye