Rreth Trupave Mbrojtese te Kosoves (TMK-s)

[dini2]

arb nese ti si shqiptare mendon se AKSH eshte organizate terroriste e ateher cpresim prej shtajnerit dhe serbeve.

[Arb]

Postuar më parë nga dini2
arb nese ti si shqiptare mendon se AKSH eshte organizate terroriste e ateher cpresim prej shtajnerit dhe serbeve.

Nuk kam shkruar se, "Une shpall AKSH-ne terroriste."

Ka kush merret me etiketimin e saj si terroriste apo jo.

[DriniM]

Eh telash me disa këndej pari !

Që TMK-ja është institucion kërkush nga diskutuesit nuk e mohi diçka të tillë .
Por që në TMK-ë kanë shfrytëzuar rastin që të hinë thij e kuçka të të gjitha llojeve e kalibrave edhe ajo gjë dihet .

Që TMK-ja duhet të reformohet ,aty as që ka dyshim .

Përse e them këte për shum arsye !!!!!!!!

Ishte vetë Gj. Çeku ,ai cili për arestimin e gj. Sali Veselit tha që unë për atë njeri i fusi duart në prush ,që ai nuk e ka bë vrasjen e Komandant '' Drinit '' .
Nga drejtësia rezultoi që vërtet Sali Veseli nuk e ka vrarë me dorë të vetë Komandant '' Drinin '' ,por ka qenur inicues dhe përpilues i asaj vrasje !

Tjetra vendosja e drejtësisë mbi '' grupin e Dukagjinit '' .
Gjykimi '' grupit të Llapit '' si pjestarë të TMK-së edhe këta !

Vrasja e pjestarit të TMK-së gjatë minimit të urës në Zveçan !!

E tjera e tjera .............. e tjera !

Pra sikur dihet që të gjithë këta kriminelë ishin të mbrojtur nën ombrellën e institucionit të quajtur TMK-ë .

Në anën tjetër ,duke u nisur vetëm nga të vrarit që ishin e pësuan dhe këta vrasje të bëra nga të emëruarit më lartë ,del pyetja :-
A është e të gjithë Kosovës dhe për gjithë të Kosovës kjo TMK-ë ,apo vetëm e një krahu politik dhe ate për të qëruar hesape -qofshin personale dhe më së shumti politike .

Për njerin që mundohet ta mbulon diellin me shoshë ,se gjëja nuk bën me e kritikuar TMK-në ,më duket se ky njeri akoma jeton në kohën e koperativave të dullës ,kur lajmëroheshte në lame në Tv se plani është realizuar me 125 % ,e kur theu qafën ai sistem , doli se sa kishin qenur ata %-dje të planeve të dullës .
Ish-inistri Bufi pati thënë atë kohë ,se Shqipëria ka bukë vetëm për 6 ditë .

Një tjetër që thotë se përse AKSH-në e ka shpallur Stajneri organizatë '' teroriste '' , na gjëja na nuk duhet ta akceptojmë një diçka të tillë .
I them se ,Po zotërij duhet akceptuar si të tillë dhe dënuar ashpër bile ,se meret me asi aorganizimesh teroriste -minime urash, minime klinikash mjeksore , kërcënime individësh , organizatash ,gazetash e tjera e tjera .
Dhe mbi të gjitha nuk kemi nevojë për diçka të tillë ( një AKSH-ë ) deri sa është e pranuar Kombëtarisht dhe ndërkombëtarisht TMK-ja dhe UÇK-ja e Iliridës . Se për ushtrinë e regullt të shtetit Shqiptar as që bëhet fjalë .

Në përgjithësi nga një matematikë e thjeshtë përfundimtare e veprimeve , kalkulimeve del që :- TMK-ë +UÇK-ë +SHPK = AKSH-ë

Kjo duket fare qartë nga postimet e dashamirëve të krimeve !!!!

[Arb]

Prishtinë, 8 korrik (KIC) - Presidenti i Kosovës Ibrahim Rugova priti sot komandantin Shtabit të Përgjithshëm të Trupave Mbrojtëse të Kosovës (TMK), gjeneral Agim Çekun, me bashkëpunëtorët.

Në këtë takim u bisedua për zhvillimin e mëtejshëm të TMK-së dhe për përkrahjen institucionale për TMK-në. Gjeneral Çeku e njoftoi Presidentin e Kosovës për rrjedhat aktuale në TMK dhe axhendën e zhvillimit të saj.

Presidenti Rugova i dha mbështetje zhvillimit dhe profesionalizimit të mëtejshëm të TMK-së, e cila do të jetë në gjendje t'i kryejë detyrat që janë para saj.

Aktualisht TMK-ja kryen detyra të aftësimit, të mbrojtjes, pra detyra civle, ndërkaq në fazën e ardhshme TMK-ja do të jetë një forcë e aftësuar mbrojtëse e Kosovës, nënvizoi Presidenti Rugova pas takimit me gjeneral Çekun.

Por, tha ai, asaj duhet krijuar kushte e mundësi që të zhvillohet edhe më tutje, përmes donacioneve të ndryshme nga bota, sidomos evropiane dhe amerikane që edhe deri më tash kanë ndihmuar zhvillimin e saj.

Pas takimit gjeneral Çeku tha se me Presidentin Rugova ka pasur një takim shumë konstruktiv.

Ndonëse TMK-ja është e drejtë rezervuar e PSSP, megjithatë TMK-ja është institucion i Kosovës, tha z.Çeku, dhe në axhendën e saj është ndërtimi i marrëdhënieve institucionale me të gjitha institucionet e Kosovës.

"E njoftova Presidentin me ecurinë e aktiviteteve në zhvillimet e fundit në TMK, në veçanti me përpjekjet tona që në kuadër të grupit punues për TMK-në të avancojmë rolin e TMK-së", tha gjeneral Çeku.

Ai theksoi se ka hasur në mirëkuptim dhe në përkrahje të plotë të Presidentit Rugova për përpjekjet që bëjnë pjesëtarët e TMK-së dhe shpreson që TMK-ja përherë do ta gëzojë pëkrahjen e Presidentit dhe të institucioneve të Kosovës.

Pjesëtarëve të TMK-së u mbetet që të justifikojnë besimin që kanë institucionet e Kosovës ndaj TMK-së dhe në bashkëpunim me institucionet dhe qytetarët, tha Çeku, do t'ia arrijnë qëllimeve të përbashkta.

[Arb]

Reno Harnish në vizitë lamtumirëse me kreun e TMK-së, Agim Çekun

VETON KASAPOLLI, Koha net
PRISHTINË, 10 KORRIK - Përfaqësuesi i Zyrës amerikane në Prishtinë, Reno Harnish, bëri të enjten vizitën e tij të fundit zyrtare në TMK, duke takuar gjenerallejtënant Agim Çekun, ku biseduan për të arriturat e kësaj strukture në Kosovë.

Folëm për arritjet që janë bërë për një vit sa kam qenë në Kosovë.

Ndër to është edhe formimi i një grupi për zhvillimin e mbrojtjes civile që i ndihmon stafit ndërkombëtar të punojë me TMK-në për të arritur standardet e parapara para statusit,” theksoi Harnish para gazetarëve.

Mësohet se është mirëpritur nga Harnish qëndrimi mjaft aktiv i TMK-së për të inkuadruar pjesëtarë të minoriteteve në gjirin e vet.

Ndërsa gjenerali Çeku përveç falënderimit për përkrahjen e Zyrës amerikane në Prishtinë, ka kërkuar vazhdimin e bashkëpunimit dhe ka theksuar se TMK-ja ka arritur në një shkallë më të lartë të zhvillimit, dhe prioritetet për të tashmë kanë ndryshuar.

“Prioritet i deritanishëm i TMKsë ka qenë trajnimi, ndërsa tani jemi në gjendje që prioriteti jonë i parë të jetë puna, angazhimi, operacionet konkrete, dhe vazhdimi edhe më tej drejt profesionalizimit”, theksoi Çeku, duke folur për arritjet që janë bërë me ndihmën e ShBA-së e komunitetit ndërkombëtar dhe nevojën për angazhim të tyre në të ardhmen.

“Mendoj që e kemi arritur një shkallë të lartë të trajnimit dhe jemi në gjendje që detyrat e identifikuara më parë së bashku t’i përmbushim”, ka thënë Çeku.

Ndërsa për bashkëpunimin në të ardhmen, përfaqësuesi i Zyrës amerikane Harnish ka thënë se ShBA-ja do të gjejë mënyra të reja për të ndihmuar TMK-në, ndërkaq Çeku ka kërkuar që kjo të bëhet përmes prezencës së IOM-it apo ndonjë organizate tjetër.

[Llapi]

Kompanitë e çminimit të TMK-së kanë rifilluar punët në terren Kosovë

Në Kosovë kanë mbetur mijëra fusha të minuara, që dihen, por edhe qindra fusha të minuara që nuk dihen nga minat dhe bombat kasetore të pashpërthyera. Sipërfaqja e pastruar nga qershori i vitit 1999 deri në fund të vitit 2003, arrin mbi 32.679.346 metra katror, ndërkaq numri i mjeteve të mënjanjuara është mbi 8300 bomba kasetore, mbi 18.860 projektile të pashpërthyera dhe mbi 24.578 mina të ndryshme, ku numri i civilëve të aksidentuar nga to, është mbi 493 veta, nga të cilët 118 kanë humbur jetën.


Pas përfundimit të të ashtuqujturës “stinës dimërore” kompanitë e deminimit të TMK-së, i rikthehen punës në terren, në gjurmimin e fushave të minuara dhe çminimin e mjeteve të pashpërthyera që kanë mbetur nga lufta. Ky operacion do të vazhdojë deri në vjeshtën e vonë, gjegjësisht, deri sa të lejojnë kushtet atmosferike. Prioritet për kompanitë e deminimit për këtë sezonë, janë këto fusha veprimi: Gremniku, Neredimja, Gërmia, Milaj dhe Zhubi. Pastrimin e Gremnikut po e kryejnë pjesëtarët e Kompanisë së Zonës së Parë, ndërsa, Kompania e Zonës së Dytë të TMK-së po pastron në vendin e ashtuqujtur, Milaj. Kompanitë e çminimit të Zonës së Katërt dhe të Pestë, po pastrojnë Parkun Nacional të Gërmisë, ata të Zonës së Gjashtë dhe të Brigadës së Xhenios veprojnë në Neredime, ndërsa në Zhub po veprojnë çminuesit e Zonës së Tretë.



RTK

[Davius]

Një ushtri për Kosovën?

Raporti fundit i ICG i dedikohet të ardhmes së Trupave Mbrojtëse të Kosovës. Dokumenti si i tillë paraqet perspektivën se si do të duhej të duket Ushtria e ardhshme e Kosovës

Bashkësia ndërkombëtare është vetëm disa muaj nga vendimi me të cilin pritet që Kosova të bëhet shtet, por planifikimi për shtrirje në fushën e sigurisë nuk e ka mbajtur hapin. Duhet të anashkalohet krijimi i një shteti të dobët: Kosova në të ardhmen ka nevojë për institucione adekuate të cilat do të sigurojnë sundimin e ligjit dhe mos prekjen e kufijve të saj, dhe që ta luftojë krimin e organizuar trans nacional dhe terrorizmin. Elementet e rëndësishme për krijimin e një shteti të qëndrueshëm nuk guxojnë të tregtohen në mënyrë që të arrihet pavarësia e Kosovës. Një komponent kyç për strukturat e sigurisë pas-pavarësisë do të duhej të ishte një ushtri e ndërtuar nga një pjesë e Trupave Mbrojtëse të Kosovës (TMK), e orientuar në misionet paqeruajtëse ndërkombëtare dhe subjekt i kontrollit dhe përkufizimeve strikte të NATO-s në lidhje me madhësinë dhe mundësitë e saj në vitet e para të sajUshtria e re duhet të ketë uniformat në stilin e ushtrisë së SHBA-ve dhe ushtrive evropiane, të dallohen nga uniformat e TMK-së dhe uniformat e tjera me konotacione nga historia më e re lokale, dhe të ketë simbole të cilat janë etnikisht neutrale, thuhet në raportin më të ri të Grupit Ndërkombëtar të Krizave (ICG) te titulluar “Një ushtri për Kosovën?”.

Raporti vlerëson se në Kosovën e pavarur nevojat për siguri janë të qarta. Asaj (Kosovës) i duhet stabiliteti i brendshëm dhe siguria nga sulmet e jashtme, por në një kohë paqeje nuk duhet të jetë një kërcënim për fqinjët e saj. “Strukturat ekzistuese formale të sigurisë duhet të vihen nën kontrollin e institucioneve të reja të qeverisë demokratike. Pakicat kombëtare duhet të mbrohen, të mos kërcënohen, nga strukturat shtetërore të sigurimit. NATO do të duhej të përgatitej që t’i mbajë paqeruajtësit e KFOR-it në këtë shtet për një periudhë të gjatë me qëllim te ofrimit të mbrojtjes së jashtme, dhe që të kontribuojë në stabilitetin e brendshëm, t’i përballojnë shtypjes për reduktim të trupave dhe në fund që të shpërbëhen para se marrëdhëniet e shtetit të ri me Serbinë të normalizohen plotësisht dhe që të dyja shtetet të bëhen anëtare të Partneritetit për Paqe,” thuhet në raport.

Më tutje në raport thuhet se një ushtri e vogël zyrtare, e zhvilluar nën mbikëqyrjen e NATO-së, është mjeti më i qëlluar, në mënyrë që të bëhet edhe demilitarizimi i shoqërisë dhe që t’i mundësohet Kosovës të hyjë në aranzhimet kolektive regjionale të sigurisë, të cilat janë çelës për një demilitarizim të qëndrueshëm dhe siguri. ICG pohon se nëse menaxhohet mirë, një ushtri mundet të krijojë një identitet stabil, multietnik ose së paku neutral për shtetin e ri. Në raportin e tij, Grupi Ndërkombëtar i Krizave jep edhe rekomandimet e veta për zgjidhjen e statusit të Kosovës, e cila sipas tij duhet që Grupi i Kontaktit, Këshilli i Sigurimit të Kombeve të Bashkuara dhe Zyra e të dërguarit special të KB-ve për statusin e ardhshëm të Kosovës (UNOSEK) duhet që përcaktimin për statusin final ta fusin brenda një kornize e cila e lejon që Kosova ta krijojë ushtrinë.

NATO, sipas këtyre rekomandimeve duhet që brenda përcaktimit për statusin final të Kosovës ta paraqesin një aneks ose ndonjë formë tjetër legale apo një marrëveshje tjetër politike e cila cakton hapat që duhet të merren për të zhvilluar një forcë mbrojtëse për Kosovën, të limituar në numër dhe kapacitete- me jo më shumë se 3.000 pjestarë, pa tanke, artileri të rëndë, raketa tokë-tokë, apo aviacion luftarak përderisa Kosova dhe Serbia mos t’i bashkëngjiten programit të NATO-së të Partneritetit për Paqe. GNK rekomandon që NATO duhet ta shohë TMK-në si burim të parë për personelin e ushtrisë së re dhe nuk duhet t’i shkarkojë para se ta krijojë strukturën e re.