Arrestohet e me pas lirohet Hashim Thaçi

[Llapi]

Vazhdim sepse serveri nuk ma pranoi intervisten e plot dhe u detyrova ta ndaj ne pjes!!!
______________________________
Kosovapress: Është publikuar dokumenti “Standardet për Kosovën”. Sa do të mund t’i përmbushë Kosova ato brenda afatit të paraparë?

Thaçi:Këto standarde i takojnë vetë procesit politik. Andaj,vetë tranzicioni në Kosovë është në një formë apo në tjetër, standard. Ne do të angazhohemi në impelmentimin e të gjitha standardeve në nivel të kënaqshëm, në mënyrë që pastaj pas periudhës së caktuar kohore, institucionet vendore, Këshilli i Sigurimit dhe Grupi i Kontaktit, të vlerësojnë drejt realizimin e këtyre standardeve dhe të hapet perspektiva për zgjidhjen përfundimtare të statausit të Kosovës.

Kosovapress: A mendoni se në bazë të këtyre zhvillimeve mund të përmbushen këto standarde?

Thaçi:Partitë politike në Kosovë duhet të demokratizohen dhe duhet të funksionojnë sipas standardeve perëndimore. Sidoqoftë, vlerësoj se do të kemi një realizim të kënaqshëm të këtyre stadardeve deri në verën e vitit 2005, të cilën edhe Grosman e ka përcaktuar si periudhë të defenimit të zgjidhjës përfundimtare të statusit politik të Kosovës. Megjithatë, edhe unë në Moratoriumin tim, kisha propozuar pranverën e vitit 2005.

Kosovapress: Ju dukeni shumë rrallë në seancat e Parlamentit. Pse ndodh kjo dhe a ka të bëjë më pakënaqsinë Tuaj me punën që bëhet në Kuvend?

Thaçi:Është e vërtetë se Kuvendi, nuk e kryen punën që duhet ta kryej, veçanërisht kreu i Kuvendit. Unë natyrisht kam angazhim shumëdimensional në kuadër të partisë dhe më duhet të orientohem dhe të menaxhoj punën në pjesën e legjislativit dhe të ekzekutivit.

Kosovapress: Kalojmë në një çështje tjetër, sa ndihet mungesa e mikut tuaj Fatmir Limajt në aktivitetin e PDK-së, duke pasur parasysh rolin e rëndësishëm që kishte ai në këtë parti?

Thaçi:Mungesa e Fatmir Limajt padyshim se ndihet jo vetëm në PDK, por edhe në instuticione,por që është e lidhur edhe më perspektivën e qytetarëve të vendit. Vlerësoj se rasti Limaj nuk është rast individual, është rast që lidhet me interesat e përgjithshme të qytetarëve dhe të Kosovës.

Kosovapress: Sivjet u zhvillua procesi gjyqësor kundër katër ish-eprorëve të UÇK-së së ZO të Llapit. Duke marrë parasysh mungesën e provave për fajësinë e tyre, a mendoni se gjyqësia ndërkombëtare në Kosovë është e politizuar?

Thaçi:Në gjyqësinë e Kosovës kanë ndodhur deformime të panevojshme, andaj edhe kanë ndodhur procese jotransparente. Prandaj, në të ardhmen e afërt do të bëhen përmirësime në drejtim të zgjidhjës së drejtë të këtyre çështjeve. Thjeshtë, të gjithë ata të burgosur që gjenden nëpër burgjet e Kosovës dhe në Hagë, do të lirohen.

Kosovapress: TMK-ja gjatë këtij viti mori një varg goditjesh përmes suspendimeve të disa prej eprorëve të lartë të saj nga UNMIK-u.Pse ky institucion është në shënjestër të një pjese të adminsitratës ndërkombëtare dhe sa do të reflektohet kjo në zhvillimin e saj si ushtri e ardhshme e shtetit të Kosovës?

Thaçi:Vërtetë në TMK kanë ndodhur veprime jotransparente para opinionit kosovar nga ana e UNMIK-ut. Ndoshta, kjo ka të bëjë me një paragjykim negativ të pakuptueshëm për ne nga disa ndërkombëtarë.

[Llapi]

Mirëpo, vlerësoj se është duke u treguar edhe paaftësi e strukturës udhëheqëse të TMK-së për t’i zgjidhur këto probleme, që kërkojnë të reagohet në kohë të duhur. Megjithatë, jam optimist se TMK-ja e ka të ardhmen e sigurtë dhe do të ecim krah për krah deri në zgjidhjen e statusit përfundimtar të Kosovës.

Kosovapress: A mendoni se bashkësia ndërkombëtare ka për qëllim që të spatsrojë TMK-në nga njerëzit e UÇK-së?

Thaçi:Nuk dua të besojë atë, ashtu siç ju e theksoni. Vazhdimësia e punës së TMK-së është në interes edhe të komunitetit ndërkombëtar. TMK-ja do të luaj rolin aktiv në zhvillimet e Kosovës . TMK si pasardhëse e UÇK-së ka qenë, është dhe do të mbetet pjesë vitale, e denjë, e vlefshme dhe e pacenuar si institucion i Kosovës.

Kosovapress: Vitin e ardhshëm mbahen zgjedhjet e dyta parlamentare në Kosovë. Cilat janë gjasat që PDK-ja t’i fitojë këto zgjedhje?

Thaçi:Gjasat janë shumë të mëdha, dhe PDK-ja do t’i fitojë zgjedhjet e dyta parlamentare dhe do të bashkëqeverisë me spektrin e dëshmuar kombëtarisht për të pavarësuar dhe jetësuar shtetin e Kosovës. Qytetarët duhet të besojnë në PDK-në, sepse është partia që respekton tradicionalen, por njëherit ka orientim perëndomor dhe është parti që prek dhe i zgjidhë drejt problemet e qytetarëve. Jam optimist se në 2004, do të jemi partia numër një.

Kosovapress: Po të ishit qytetar i thjesht si do ta vlerësonit skenën politike të Kosovës dhe për kë do të votonit?

Thaçi:Në Kosovë nuk ka skenë politike, ka parti që janë në procesin e profilizimit politik, por ka edhe prej atyre që kanë mbetur me mentalitet të së kaluarës. Në këtë mozaik të grupimeve të partive politike, PDK është parti që ka ndërtuar identitetin e vet politik. Te pyetja juaj për kë do të votoja, do të nisesha nga programi i tyre dhe natyrisht prap do ta gjeja vetën në PDK dhe do të votoja pët të.

Kosovapress: Si e keni ndier vetën kur e keni ngritur dorën të votoni për Ibrahim Rugoven për kryetar të Kosovës?

Thaçi:Unë kam ngritur dorën për institucionet e zgjedhura në pako nga marrëveshja, e jo për individë.

Kosovapress: Zoti Thaçi, Alenaca për Ardhmerinë e Kosovës kohë më parë ka kërkuar që të miratohet deklarata për pavarësinë e Kosvoës A jeni ju njëri prej përkrahësve të kësaj deklarate ?

Thaçi:Grupi parlamentar i PDK-së e ka nëshkruar këtë deklaratë për shpalljen e pavarësisë së Kosvës, por ky projekt është bllokuar nga partia shqiptare që ka numrin më të madh të deputetëve në parlamentin e Kosvës (LDK-ja ).

Kosovapress: Zoti Thaçi, po e përmbyllim intervistën tonë ,me një mesazh Tuajin drejtuar qytaterëve të Kosovës për Festat e Fundmotit?

Thaçi: Ju uroj të gjithë qytetarëve të vendit dhe shqiptarëve kudo që janë, Festën e Vitit të Ri 2004, duke ju dëshiruar realizimin e të gjitha dëshirave dhe aspiratën për shtetin e Kosovës. / Intervistoi: Lumturie Blakaj/

[Llapi]

Dhe nuk di perse me kan dal keto figura neper shkrime???

[Redi]

Llapi, perpara se te postosh nje shkrim, kliko poshte tek nje kuti e vogel qe thote:Hiqi fytyrat nga ky mesazh. Ne rast se klikon tek ajo kuti, figurat nuk do te dalin.

Gezuar

Redi