Hija e lavdise...

[Brari]

KU SHKON ?????

RRi ketu me ne..Bej nja 3-4 dit pushim dhe eja perseri..
Nuk e ke vetem ti ne shpine sikletin. Edhe ne e kemi mbajtur bashk me ty kte suferinen.. kalon cdo gje.
Te kujtoj nji gje..

Para ca javeve erdhi Kadareja ne Tirane..
Gazetat folen dhe u be nji beteje pro e kundra me artikuj..
Ai nuk u ndje. Duroi deri sa u lodhen gazetat dhe ra heshtje perseri..
Dikea... mir neve do na lesh po AGIMIN do e "tradhetosh"??
Merr nji pal shtiza keto dite e bej ndonje qentro ose kapuc leshi..
Me von merr penen prap. Ose hidhu ne proze..psh shkruaj ndonji tregim me ngjarje nga Shqiperia...
psh... nji tregim me titull... "Syzeza ne breg te detit" ose "nji bjonde ne plazh".lol.

Te uroj nji jave te bukur..

[Dita]

Dikea mos ik! Pa perfeksionin e poezive te tua forumi do te ngjaje me bosh.........E pse duhet t'i vesh veshin ti atyre qe te thone......A shkruan ti ne radhe te pare per vete, per ta lene te te shpertheje ndjenja qe te mbyt perbrenda........Mos ik Dikea....

Dita!

[Agim Doçi]

Fort e dashura dhe e nderuara DIKEA!
Të betohem që asgjë nuk ke kuptuar nga vargëzimi im nervoz! Ti je numur 1 në këtë FORUM që bukur e ke cilësuar ELDORADO! mË VJEN PLASJA që i mungon SHQIPËRISË poezia yte mbretërore! Por nëse poezia yte bëhet ngacmim për mua, kjo është meritë e botë tënde fisnike dhe krijuese! Mesaduket unë duhet të jem më i thjeshtë dhe duhet të komunikoj me TY dhe me të tjerët me paraspiegime! Ja sepse:
Shkruaja në mesazhin e parë "sapo jam kthyer nga Shqipëria e mbytur me pluhur...etj." dhe menjëherë u futa në FORUM, e kuptohet piksëpari drejt MBRETËRISË TËNDE, që fatbardhësisht është e JONA! Ti na qetson, na bën të shijojmë poezinë më njerzore që mund të shkruhet, por ja që për FAJIN TIM, padashje të kam ulur në Fronin e Keqkuptimit!!! Unëe dua shumë, shumë Shqipërinë dhe tek vargu yt "...do mbetesh premierë pa aktorë!..." u trondita në rrënjë e në gjak! Duke dashur që të të dërgoja një mesazh të kodifikuar, shkrova "Zhgënjimin" aty për aty! "Zhgënjimi" ka të bëjë personalisht me brengën që unë ndjeva në Shqipëri! Asgjë prej gjëje me TY dhe me nënkuptime! Tani që lexoj dy poezitë tënde - aq sa më erdhi TURP aq më erdhi edhe keq që të kisha TRISHTUAR! Falmë po deshe, se asgjë nuk kam me TY dhe asnjë xhelozi (larg qoftë) nuk merr cak prej vargut tënd mjeshtëror dhe njerzor!
Mos harro që kurrë nuk do kenë mundësi të tjerët të të duan dhe të të kuptojnë sa unë! Beso!!Besomë!! Por meqënse vargu yt më peshon aq madhërisht në shpirt, dhe meqënse dua të nxjerr jashtë dufin dhe mllefin tim për ata që na detyruan të lëmë vendlindjen, TI dhe të TJERËT përrreth ngatrroni personazhet dhe gaboni në korelacione! As TI e MIRA DHE E ËMBLA deri FRYMËZTIM, dhe askush nga anëtarët e FORUMIT të nderuar nuk po e kupton që unë nuk jam futur në këtë BASHKËSI për të fyer, përçarë apo bezdisur njeri! Për këtë po vetëdënohem: LARGOHEM PUBLIKISHT nga ky FORUM i nderuar, duke ndenjur një lexues i thjeshtë pasiv, deri atë moment kur TI dhe vetëm TI, do më ftosh të shkruaj ndonjë strofë!
E mbyll letrën time të sinqertë duke shkruar vetëm dy krijime të mija që janë pjesë e sinqeritetit tim:

HAP E POEZI

S'jam Esenin, as Walt Wittman
Nuk jam Migjen, as Kadarè!
S'jam Driteroi ai vargjekuqi
që poezinë e ka rrufè...

Por jam i mbarsur me poezi
çdo hap në jetë më bëhet varg
Dhe kam për JU aq dashuri
sa mund t'i ndez dhe qiejt flak'!!!

NATA........

Me lot melankonie
Kërkon të më helmojë
Kjo natë me petk vetmije
pse vjen të më trishtojë?

Kjo natë me dhëmbë të zinj
E unët më kafshon.
E tmerrshme kjo vetmi
Kjo natë sa më frikson!

Kërkoj në terr t'a gris.
Ajo të më rivrasë!
O natë më zure pisk.
Ti qënke shumë e gjatë...
pak dritë kush do më japë?

KËRKOJ.....

Kërkoj nga stinët - diell, erë dhe shi
Kërkoj nga qielli - më shumë kaltërsi
Këkroj nga zemrat - më shumë ngrohtësi
Kërkoj nga vajzat - më shumë dashuri
Kërkoj nga nënat - sa më shumë fëmij
Kërkoj për foshnjat - vetëm lumturi
Kërkoj nga lulet - të çelin përsëri
Kërkoj nga njerzit - të më thonë Njeri!

AUTOPORTRET.......

Flokët gri e thinjur,sytë e zi
i qeshur, plot gas e rrëmujë!
I lexueshëm, boll të më shihni në sy
Plot hove njerzore, pa i bërë keq askuj!
Dukem sikur vetëtimave ia kam hipur
e ngado udhëtoj
gaboj, kthehem, prap shkoj!
Futja kot!
...ia nisa autoportretit tim
por me dikë tjetër fytyrën time e ngatërroj!
S'ka gjë!
Nesër nga e para do t'ia nis!
Autoportretin e sotshëm
prap po e gris!
A mos vallë shpirti im i paqetë
i rrahur me erërat nervoze të Veriut
i rreshkur për pakëz zë Vërtetë
nuk është i qetë?....
Shpirti im i mhanitur nga kënga
i mahisur nga dhëmbja
i fyer nga brenda
përpëlitet mes jush si zog pa fletë
Ah ç'më bëre, o shpirt
më le tërë jetën të paqetë!

POETËVE.....
Rrapëllimat e moteve thyejn xhamat e poetëve
e unë trishtim ndjej!
Ata rrijnë midis korrentëve, plevitosen
ftohen, kolliten, nga gëlbaza i njoh dhe i gjej!
Ankohen të gjorët
Dje - thonë ishte mot i lik!
Dje ata lavdëronin Partinë, sot shajnë Partitë!
Ndrrojnë motet! Unë po ik!....

Përfundimisht DIKEA e jonë e shtrenjtë, duke të kërkuar FALJE PUBLIKE largohem me besimin se do më kuptosh më mirë se askush! Të uroj me gjithë zemër shëndet TY DHE fAMILJES TËNDE TË NDERUAR, puthma bebushin tënd!
I yti mik fatkeq dhe i sinqertë
Agim Doçi