Si te ndaj skedaret ne një rrjet pa tela (wireless)

[ILovePejaa]

Kam nje Desktop dhe perdori Windows 98 Se / W2k/ Linux RedHat etj(e kam vetem per testim dhe momentalishte eshte i instaluare Win 98 Se), nje Dell Laptop Win Xp dhe nje Toshiba Laptop Win Xp. Kam Cable Modem Toshiba PCX2500. Kam 2.4 Ghz wireless router (D-Link 514 ). Te dy laptop-ate kane wireless karta (Dell true mobile 802.11 b/g dhe belkin 802.11 b). Nga Cable Modem lidhja shko ne router, nga Desktop lidhja shko permes 10/100 cable ne router, ndersa Laptop-at jane te lidhur permes wireless karte me router-in dhe lidhja e Internetit punon shume shume mire ne largesi deri 400 metera nga router-i.

Problem qendoron ketu:
Nuk po kam mundesi tij beje fajllat share dhe kompjuteret qe jane te lidhur ne rrjete nuk munde tij gjej ne Network Neighborhood apo te lidhem me ata dhe te shkembej fajlla?Une jam kurioze rreth kesaj pas qe i humba 2 ore dhe pa sukses, inati po me bene kurioze. Kam menyra tjera te shkembimit te fajllave.

Dine ndonjeri nga ju se si tja beje? Nuk dua te beje instalime te sistemeve te tjera operative tani sepse jam i zene.

Ju lutem neqofse keni njohur lidhje me kete pergjigjuni.
U mundova te bejem me i qarte dhe ju sigurova te gjitha shenimete rreth rrjetit.

Ju faliminderit.

[edspace]

Ja një skicë e thjeshtë sipas atyre që kishe thënë.

[ILovePejaa]

Une nuk po kam mundesi te beje share files nga nje kompjuter ne tjeterin. Psh, nga Laptop (Dell) ne desktop-in (win98/w2k/LRH).

A ja i qarte ne pyetje time apo jo?



Kalofsh mire Edi.

[edspace]

E kam të qartë pyetjen Pejan por nuk kisha kohë të përgjigjesha kur postova skicën.

Në mënyrë që kompjuterat të shikojnë njëri tjetrin, ata duhet të jenë të gjithë pjesë e të njëjtit rrjet. Në rastin tënd konfigurimi bëhet automatikisht nga routeri si për kompjuterat me lidhje kablli, ashtu dhe ata me valë ajrore.

Të gjithë kompjuterat duhen konfiguruar që të lidhen me DHCP.
Për të bërë këtë shko tek Start > Settings > Network Connections. Kliko me butonin e djathtë mbi lidhjen dhe zgjidh Properties. Nga dritarja e re zgjidh TCP/IP dhe shtyp butonin Properties. Nga dritarja e re zgjidh Obtain IP address automatically dhe Obtain DNS server address automatically. Këtë duhet ta bësh tek të gjithë kompjuterat.

IP që merr kompjuteri nga routeri duhet të jenë të ngjashme me këto më poshtë.

Gateway: 192.168.0.1
Subnet: 255.255.255.0
IP-1: 192.168.100.1
IP-2: 192.168.100.2
IP-3: 192.168.100.3

Pasi e shuan/ndez kompjuterin mund ta shikosh këtë informacion duke vajtur tek Start > run > cmd dhe të shtypësh komandën ipconfig. Për kompjuterin me windows 98 shko tek Start > run > winipcfg

Pasi bën këto më lart duhet të kontrollosh që të gjithë kompjuterat lejojnë ndarjen e skedarëve dhe të printërve. ( File and Printer Sharing). Gjithashtu të gjithë kompjuterat duhet të kenë akses (si administrator) në rrjet (network). Mos përdor llogari si Guest ose User pasi këto mund të jenë të ndaluara të shikojnë kompjutera të tjerë.

Një tjetër gjë shumë e rëndësishme është që të gjithë kompjuterat të jenë pjesë e të njëjtit group (workgroup). Këtë mund ta ndryshosh duke shkuar tek start > settings > control panel > system > tabela computer name > shtyp butonin change > zgjidh workgroup > vendos të njëjtin emër për të gjithe kompjuterat.

Shuaje dhe ndize kompjuterin përsëri që të futen në fuqi ndryshimet që bëre më lart. Tani hap network neighborhood dhe mundohu dhe njëherë të lidhesh me kompjuterat. Tek adresa lart mund të shtypësh:
\\emri_i_kompjuterit ose \\Adresa_IP
duke e zëvëndusuar emrin me emrin e vërtetë të kompjuterit dhe adresën me adresën e vërtetë të kompjuterit si psh: 192.168.100.1

Tek windows XP mund ta fshish fare konfigurimin dhe të fillosh network wizard i cili të ndihmon duke e konfiguruar kompjuterin automatikisht për rrjetin lokal. Network wizard e përsërit tek të gjithë kompjuterat me një floppy dhe pastaj çdo gjë duhet të punojë.

Më poshtë do postoj disa foto për këto që kam shpjeguar më lart.

[edspace]

Konfigurimi i DHCP

[edspace]

Ndarja e skedarëve dhe Printerit ( File and Printer Sharing )

[edspace]

Si të kontrollosh konfigurimi e IP në windows XP

[edspace]

Si të kontrollosh IP në windows 98

[edspace]

Të gjithë kompjuterat duhet të kenë nga një emër të veçantë por workgroup është i njëjtë për të gjithë. Në këtë rast emri i kompjuterit është KOMPJUTERI_IM dhe workgroup është SHTEPI

[edspace]

1 - Shtype për të parë kompjuterat e tjerë
2 - Të lejon të pëdorësh "Network Wizard"
3 - Nqs e di emrin e kompjuterit mund ta shkruash direkt tek kutia e adreses në formën \\emri_i_kompjuterit
Të njëjtën gjë mund ta bësh edhe me IP duke shkruajtur \\192.168.100.1 (numri varet sipas kompjuterit).


Une e di që ti i ke të qarta shumë nga këto gjëra më lart por i postova edhe për anëtarët e tjerë që mund të kenë të njëjtin problem.