SHBA lehteson baren e sanksioneve per Iranin

[Albo]

Irani eshte vendi qe e ndjehu shume afer luften ne Afganistan qe u be prane kufirit lindor te tij, dhe luften ne Irak, qe u be ne kufirin perendimor te tij. Zhvillimet me te fundit ne kete rajon, me shume se ne cdo vend tjeter u ndoqen me interes nga iranianet te cilet kane interesa si ne Afganistan edhe ne Irak. Kryesisht, ajo qe e lidh Iranin me keto vende eshte popullsia Shiaj qe jeton ne to.

Ajo qe parashikohej para luftes ne Irak, duket se eshte vene ne levizje. Prej me shume se 10 ditesh tashme, studentet ne universitetet e Teheranit jane hedhur ne protesta kunder rregjimit te klerit qe ka kontroll me te madh ne vend se vete qeveria e moderuar e Iranit. Protestat nisen me kerkesat e studenteve per problemet e jeteses se tyre, per tu kthyer ne protesta qe tashme kane kerkesa politike dhe therrasin per ndryshime radikale ne vend.

Kleriket kane ushtruar dhune ndaj studenteve duke aktivizuar idhtaret e tyre per tu hakemarre dhe bere shantazh mbi studentetet. Keta idhtare kane arritur deri atje sa te ushtrojne dhune mbi studentet neper konviktet e tyre. Kjo e ka ndezur akoma me shume situaten aqsa qeveria dhe presidenti Khatami u shprehen se ata nuk kane gisht ne dhunen e ushtruar. Per ta provuar kete, ata bene edhe disa arrestime nga rradhet e idhtareve.

Kleriket ua atribojne keto protesta "dores se agjenteve amerikane" dhe kjo ne vetvetvete shfaq mungesen e deshires nga ana e tyre per te degjuar kerkesat per ndryshim jo vetem te studenteve, por gjithe popullit iranian qe e kane bere kete te qarte vitet e fundit ne votimet e mbajtura ne vend. Nga keto votime jane zgjedhur nje numer i madh deputetesh nga partite qe mbajne nje qendrim te moderuar laik. Irani eshte nje vend semi-demokratik ku pushteti i klerit eshte me i madh se pushteti i ligjit. Kjo eshte arsyeja perse protesta e studenteve nuk drejtohet kunder qeverise por kunder klerit. Kleri fajesohet per gjendjen e krijuar ne vend nga nje shumice e heshtur e iranianeve.

Presidenti Bush nga ana e tij i beri thirrje autoriteteve iraniane qe te respektojne protestat e studenteve dhe te mos ushtrojne dhune mbi ta. Gjithashtu, Bush i beri nje thirrje te perseritur tashme Iranit se SHBA nuk do te lejoje ne asnje menyre qe Irani te prodhoje arme berthamore. Bush gjithashtu i pershendeti protesat e studenteve, duke shprehur keshtu mbeshtetjen e tij per thirrjet per ndryshim.

Policia franceze nga ana e saj arrestoi 150 anetare te nje organizate iraniane me qender ne Paris qe bente nje opozite te forte qeverise iraniane. Kjo organizate, "Muxhahedinet e Iranit" ishte klasifikuar prej kohesh si nje organizate terroriste nga Washingtoni. Lajmi mendohet te kete gezuar edhe Teheranin pushteti i se cilit ishte ne shenjestren e kesaj organizate. Keto arrestime hasen ne nje proteste te iranianeve ne Paris, te cilet arriten deri atje sa ti vene zjarrin vetes ne forme proteste ndaj arrestimeve.

Komisioni i energjisene OKB gjithashtu i beri thirrje Teheranit per te lejuar me shume inspektore ne vend per te hetuar dhe monitoruan planet berthamore qe Irani ka nisur. SHBA pretendon se Irani po mundohet te maskoje deshiren per te krijuar nje arsenal armesh nukleare duke ia shitur opinionit boteror planet berthamore si "plane per energji berthamore". Argumenti amerikan eshte se Irani nuk ka nevoje per energji berthamore duke ngritur centrale berthamore, pasi Irani ka nje rezerve teper te madhe nafte qe i tejkalon te gjitha nevojat per energji qe mund te kete vendi.

Rusia mendohet te jete esportuesi i gjithe teknologjise berthamore qe Irani disponon.

[Kashmir]

nga kush mendohet se rusia eksporton teknologji berthamore ne iran

[Kashmir]

o taksapagus amerikon
pergjigju pra

[s0ni]

Botuar: E enjte, 26 qershor 2003 - 03:19 CET


Presidenti amerikan Bush dhe udhëheqës të BE-së kanë dalë me një deklaratë të përbashkët që i bën thirrje Iranit dhe Koresë së Veriut të heqin dorë nga ambiciet e tyre për të pasur armë bërthamore.
Të dy palët kanë mendime të ndryshme për Hamasin
Zoti Bush tha se Irani duhet ta zbatojë këtë gjë menjëherë ose përndryshe do të përballet me pasojat. Korea e Veriut u paralajmërua të linte mënjanë programin e saj të armëve bërthamore.

Të dy vendet në të shkuarën janë përshkruar nga zoti Bush si pjesë e aksit të së keqes. Takimi i tij me figura të larta nga BE ishte i pari qëkur marrëdhëniet transatlantike u keqësuan pas luftës në Irak.

Zoti Bush i bëri thirrje BE gjithashtu të ndiqte rrugën e Uashingtonit duke nxjerrë jashtë ligjit grupin militant palestinez, Hamas dhe duke ndërprerë burimet financuese të tij.

[s0ni]

Botuar: E shtunë, 28 qershor 2003 - 13:27 CET

Komandantët amerikanë po bëjnë të pamundurën për ta vënë situatën nën kontroll, megjithatë ata po përballen me sulme të rregullta por të paparashikuara.

Nga ana ushtarake sulmet nuk janë të rëndësishme, por ata janë dëmtuese për imazhin amerikan.

Autoritetet në Irak paralajmërojnë gjithashtu se grupe të armatosura mund të jenë duke planifikuar sulme ndaj objekteve të lehta për t'u sulmuar, si restorante dhe spitale, që përdoren nga stafi i OKB dhe punonjësit e ndihmës.

Forcat aleate po rrisin ndjeshëm sigurinë rreth hoteleve kryesore, por duket gjithmonë e më qartë se forcat e koalicionit po përballen me rezistencë guerrilase të organizuar mirë.

Luftë guerrile?


Forcat amerikane ndjenë vështirësi në Irak
Numri në rritje i viktimave në radhët e forcave amerikane dhe britanike është një kujtesë shqetësuese si për komandantët ashtu edhe udhëheqësit politikë të tyre se procesi i vendosjes së paqes në Irak do të jetë i gjatë dhe do të ketë një çmim të lartë.

Rritja e numrit të sulmeve ngrë një numër çështjesh thelbësore lidhur me operacionet e sigurimit pas luftës dhe disa analistë shohin shenjat e një lufte guerrile kundër pushtimit amerikan.

Kundërshtimi në Irak vjen nga burime të ndryshme, nga besnikët e Partisë Ba'ath, nga nacionalistët irakianë që kundërshtojnë pushtimin e vendit të tyre, nga grupe kriminale dhe nga bosët dhe grupet vendore militante që përpiqen të vendosin influencën dhe mbrojnë rajonin e tyre. Luftëtarë të huaj mund të jenë gjithashtu pjesë e amalgamës.

Të flasësh për një luftë guerilase të shkallës së plotë mund të jetë e parakohshme, thotë korrespondenti i BBC-së për çështjet e mbrotjes, Jonathan Marcus, por ky konflikt i vazhdueshëm i nivelit të ulët nga çfarëdo burimi ka një influencë të madhe.

Ai minon përpjekjet amerikane e britanike për të vendour normalitetin.

Shqetësim për sulmet

Në të vërtetë një nga zhvillimet më shqetësuese të ditëve të fundit janë sulmet kundër inxhinierëve irakianë dhe personave të tjerë që punojnë për të ringritur infrastrukturën.

Pjesa më e madhe e problemit e ka origjinën në mënyrën se si përfundoi lufta: udhëheqja e lartë shpëtoi dhe një pjesë e madhe e makinerisë Ba'ath thjesht avulloi. Tani një pjesë e tyre po ringrenë kokën për të luftuar.

Është e lehtë për të qenë negativ. Shumë gjëra janë arritur dhe nuk pritej që Iraku i pas-luftës të ishte i lehtë.

Por po ngrihet shqetësimi se në veçanti amerikanët, nuk i kishin bërë mirë planet për periudhën e pas-luftës. Mund të thuhet me siguri se numri i trupave për të vendosur rendin nuk ishte i mjaftueshëm. Ndoshta është humbur një mundësi.

Kjo nuk do të thotë me domosdo se çdo gjë po shkon drejt më të keqes. Por kjo do të thotë se vendosja e një klime sigurie për të krijuar bazën për rindërtimin do të jetë shumë më e vështirë.

[Kashmir]

po irani c hyn kety ?

[Enri]

Administrata e presidentit Bush thotë se Koreja e Veriut ka pranuar se ka në plan të fillojë prodhimin e armëve bërthamore. Një zëdhënës i Shtëpisë së Bardhë konfirmoi të martën njoftimet e botuara në shtyp sipas së cilave, Koreja e Veriut i bëri të njohura planet e saj javën e kaluar gjatë një takimi në Nju Jork me një zyrtar i Departamentit të Shtetit. Sipas zëdhënësit, Pheniani njoftoi se kishte përpunuar një sasi plutoniumi që do të ishte e mjaftueshme për të prodhuar disa bomba bërthamore dhe se ka në plan që së shpejti të fillojë prodhimin e armëve. Zëdhënësi i Shtëpisë së Bardhë tha se Uashingtoni nuk është në gjendje të konfirmojë sa sa të sakta janë pohimet e Koresë së Veriut. Por shtoi se administrata e presidentit Bush nuk do t’u nënshtrohet shantazheve në përpjekjet për të zgjidhur krizën bërthamore të Koresë së Veriut. Koreja e Veriut ka kërkuar me këmbëngulje të kryejë bisedime të drejtpërdrejta me Uashingtonin, por administrata e presidentit Bush kërkon bisedime shumëpalëshe për të zgjidhur krizën. Në prill, Kina organizoi bisedime në Pekin me Korenë e Veriut dhe Shtetet e Bashkuara. Diskutimet nuk sollën ndonjë rezultat.

[Hendrix]

USA kane Frike nga arma berthamore dhe nga prodhuesit e saj!!!

Po ju pyes po kush e perdori ate kunder njerezimit? Perveq USA

AJNSHTAJNos u frikoni nga bomba atomike,por nga ligesia e zemres,mesoni njerezit ti frikohen Zotit dhe do te jete OK.

HENDRIX

[Enri]

Presidenti amerikan Bush gjatë një takimi me kreun italian Silvio Berluskoni diskutojnë problemet e Lindjes së Mesme


“Shtetet që përkrahin terrorin do të mbajnë përgjegjësi… Do të vazhdojmë të ndihmojmë Izraelin e Palestinën”

Presidenti Bush paralajmëroi Iranin dhe Sirinë që të mos ndihmojnë ekstremistët, të cilët kërkojnë të shkatërrojnë procesin e paqes. Gjatë një konference të përbashkët shtypi me kryeministrin italian, Silvio Berluskoni, në fermën e tij në Teksas, presidenti Bush diskutoi gjithashtu për rajone të nxehta në Afrikë e Azi. Presidenti u takua me udhëheqësin italian në një kohë me shumë probleme përsa i përket politikës së jashtme: që nga Liberia në Irak, Kore të Veriut dhe Lindje të Mesme. Bush e çeli konferencën e përbashkët me fjalë të mira për kryeministrin palestinez, Mahmud Abaz, dhe kryeministrin izraelit, Ariel Sharon. Por Bush rezervoi fjalë të ashpra për vendet fqinje, për të cilat ai tha se janë të lidhura me terrorizmin. “Sot, Siria dhe Irani vazhdojnë të strehojnë dhe ndihmojnë terroristët. Kjo sjellje është krejtësisht e papranueshme dhe shtetet që përkrahin terrorin, do të mbajnë përgjegjësi”,- tha presidenti Bush. Këto komente bëhen kur presidenti po përgatitet të angazhohet përsëri drejtpërdrejt në përpjekje diplomatike për paqe në Lindjen e Mesme. Kryeministri Abaz do të vizitojë të premten Shtëpinë e Bardhë dhe Ariel Sharon do të bëjë të njëjtën gjë katër ditë më pas. Në të njëjtën kohë, Bush ndodhet përballë një vendimi në lidhje me dislokimin e mundshëm të paqeruajtësve amerikanë në Liberi, vend në Afrikën perëndimore, i themeluar nga skllevër të liruar amerikanë. Ai theksoi se është i shqetësuar në lidhje me gjendjen që po përkeqësohet si kurrë ndonjëherë, dhe se po punon me Kombet e Bshkuara dhe Komunitetin Ekonomik të Shteteve të Afrikës perëndimore. “Ne vazhdojmë të vëzhgojmë gjendjen me shumë vëmendje. Po punojmë me Kombet e Bashkuara për të zbatuar politikën e domosdoshme për të vënë përsëri në fuqi armëpushimin në terren. Po punojmë me Komunitetin Ekonomik të Shteteve të Afrikës Perëndimore për të vendosur se kur do të jenë të përgatitura vendet anëtare të dërgojnë trupa paqeruajtëse, për të cilat jam shprehur se Amerika do të jetë e gatshme t’i ndihmojë”, - tha presidenti Bush. Presidenti u pyet gjithashtu për Korenë e Veriut dhe në lidhje me njoftimet e reja se Pheniani mund të ketë ndërtuar një impiant të dytë për ripërpunimin e materialeve radio-aktive. Ai nuk u dha rëndësi njoftimeve duke thënë se Koreja e Veriut nuk i ka mbajtur të fshehta synimet e saj në fushën bërthamore. Ai theksoi përsëri se dëshiron që kjo çështje të zgjidhet në rrugë diplomatike dhe i kërkoi Kinës, Koresë së Jugut dhe Japonisë të ushtrojnë tryni ndaj presidentit koreanoverior, Kim Jung Il. “Ne duhet të vazhdojmë të punojmë me vendet në rajon për të bindur Jung Il-in se vendimi i tij nuk është i mençur. Dhe pikërisht këtë do të bëjmë”, -tha presidenti Bush. Por çështja që doli në krye të rendit të ditës në takimin e tij me kryeministrin italian, Sivio Berluskoni, nuk ishte Koreja e Veriut apo Liberia, apo qoftë edhe përpjekjet drejt paqes në Lindjen e Mesme. Në fakt ishte Iraku. Italia është një nga përkrahëset më të mëdha të politikës së presidentit Bush ndaj Irakut dhe ky i fundit tha se të dy kishin shpenzuar kohë të konsiderueshme duke diskutuar për rindërtimin e këtij vendi. Ai tha se ishin përqendruar në rrugët për zgjerimin e koalicionit që rrëzoi nga pushteti Sadam Huseinin.
“Kuptohet se sa më shumë ndihmë të marrim, aq më shumë e vlerësojmë atë, dhe ne po vazhdojmë të punojmë me vendet e tjera duke u kërkuar ndihmë e këshilla. Ne e vlerësojmë rolin udhëheqës të kryeministrit italian”, -tha presidenti Bush.
Vizita e kryeministrit Berluskoni në fermën e presidentit është parë pjesërisht si një gjest falenderimi. Zoti Berluskoni, i cili kohët e fundit mori kompetencat e Presidencës së radhës së Bashkimit Evropian, tha se dëshiron të riparojë marrëdhëniet ndërmjet Shteteve të Bashkuara dhe Evropës, që u tensionuan gjatë periudhës para luftës në Irak.
Kryeministri italian tha se është koha që të bashkohemi për të rigjallëruar, siç u shpreh, fuqinë e madhe të shkrirjes ndërmjet Evropës dhe Amerikës. Ai tha se ky është mesazhi që do t’i dërgojë Evropës. (Voa)

[Albo]

Irani dakort për inspektime të befasishme në objektet e tij bërthamore

Scott Stearns
22 tetor 2003, 2:25 UTC


Irani ka pranuar të lejojë inspektime ndërkombëtare pa paralajmërim në objektet e tij bërthamore dhe të pezullojë programin për pasurimin e uraniumit.
Marrëveshja u bë e njohur sot pas takimeve në Teheran midis zyrtarëve të lartë iranianë dhe ministrave të jashtëm nga Britania, Franca dhe Gjermania.

Ndërkohë, Shtëpia e Bardhë mirëpriti vendimin e Iranit për të rënë dakord për inspektime nga punonjësit e agjencisë ndërkombëtare të energjisë bërthamore pa paralajmërim dhe për pezullimin e programit të tij të pasurimit të uraniumit.

Zëdhënësi i Shtëpisë së Bardhë, Scott McClellan, tha se vendimi i Iranit është një hap pozitiv dhe shtoi se me rëndësi tani për udhëheqësit iranian është që të bëjnë realitet këto angazhime të reja.

Ai tha se administrata e presidentit Bush ka mbajtur kontakte të afërta me zyrtarët evropianë, të cilët ndërmjetësuan arritjen e marrëveshjes.

Një zyrtar iranian tha se pezullimi i programit të pasurimit të uraniumit është një masë e përkohshme për të krijuar besim tek komuniteti ndërmkombëtar. Marrëveshja u arrit 10 ditë para skadimit të një afati të komunitetit ndërkombëtar për Iranin si dhe pasoi takimet e djeshme në Teheran mes zyrtarëve iranianë dhe ministrave të jashtëm të Britanisë, Francës, dhe Gjermanisë.

Agjencia Ndërkombëtare e Energjisë Atomike tha se Irani ende duhet të paraqesë një deklaratë të plotë të të gjitha veprimtarive të tij bërthamore si dhe një njoftim zyrtar se do ta nënshkruajë protokollin shtesë të traktatit për mos përhapjen e armëve bërhtamore, që do të bëjë të mundur inspektimet pa paralajmërim.

Presidenti Bush ka thënë se Irani po zhvillon fshehurazi armë bërthamore. Irani thotë se programi i tij bërthamor ka për qëllim të prodhojë rrymë elektrike.

//ze//