Shkarkohet Halim Kosova, ne vend te tij vajza e Moisiut !

[Orku]

TIRANE (3 Korrik) - Halim Kosova, drejtori i maternitetit të Tiranës është shkarkuar dje. Në vend të tij është ulur si drejtoreshë e maternitetit vajza e Presidentit Moisiu, Rubena Moisiu. Vendimi është marrë dje nga ana e ministrit të Shëndetësisë Mustafa Xhani. Arsyeja e këtij shkarkimi të mjekut të njohur nuk është bërë ende publike. Burime në ministrinë e Shendetësisë flasin se në arsyetimin e dhënë nga Xhani nuk kanë gjetur ndonjë fakt të fortë për të argumentojë këtë largim nga detyra. Pavarësisht nga kjo tashmë materniteti i Tiranës do të drejtohet nga vajza e Presidentit Moisiu Rubena Moisiu. Mjekja Rubena është bërë tepër e njohur me inisiativat e saj në mbështetje të disa grave që kanë patur probleme sociale, mjekësore apo familje të ndryshme. Rubena Moisiu në shumë raste është shfaqur në krah të të jatit të saj, presidentit të Republikës në rolin e zonjës së parë dhe e ka shoqëruar atë në vizitat e rëndësishme në shumë shtete. Më pas ajo ka ndërmarrë disa inisiativa të ndryshme në Shqipëri. Me emrin e Rubenës lidhen shumë ngjarje të bujshme në shtyp, të grave që kanë lindur shumë fëmijë njeherësh. Ajo është kujdesur për ta. Rasti më i fundit ishte i një vajze e cila vrau të dashurin e saj. Vajza shtatëzanë është nën vëzhgimin e mjekes Rubena në spitalin e burgut. Duket se vajza e Moisiu ka ndërmarrë shumë inisiativa të tilla edhe në funksion të emrit të babait të saj që është numri një i shtetit shqiptar. Që pas zgjedhjes së Moisiut president, edhe media është më e prirur për të patur në ekrane apo faqet e gazetave Rubena Moisiun. Kolegët e saj përmendin edhe një angazhim politik të Rubenës në rradhët e gruas republikane. Doktori i njohur Halim Kosova ka drejtuar prej kohësh maternitetin e Tiranës. Mjeku Kosova është bërë tepër publik për vetë punën e tij por edhe për kohën që ka qenë në kontakt me njerëzit. Halim Kosova duket se nuk është shumë larg politikës sepse ndaj tij ka patur synime nga ana e politikanëve të ndryshëm. Mbase për të shfrytëzuar edhe emrin që krijojnë mjekët tek njerëzit. Halim Kosova ka qenë i preferuar edhe nga politikanët, nga të gjitha krahët. Kolegët e tij përmendin miqësinë që ka me zëvendëskryeministrin Ilir Meta. Nga ana tjetër emri i tij është përmendur në strukturat e bazës së PD si një kandidat i mundshëm për zgjedhjet e Tiranës. Pavarësisht këtyre fakteve tani vajza e presidentit Moisiu do të jetë drejtuese e maternitetit të Tiranës (pranë stadiumit Dinamo) në vend të mjekut Halim Kosova. ro/ro (GazetaShqiptare/BalkanWeb)

[ALBA]

SA VAJZA KA MOISIU?

Nga Agim Xhafka

Dje kete pyetje e shkruajta disa here copa-copa. Nje here me dilte vetem Sa Va... me pas ngjitej Jza dhe per here te trete e te vertete rridhte Ka Moisiu? Por nuk arrita te tre heret qe te vija pikepyetjen se mora vesh i qete fare qe depozitat mbi tarrace kishin shterrur, qe prej 3 ditesh pallati s_ka pasur uje, qe banoret ia nisen radhes ne nje cezme, qe me tej na iken dritat dhe shumica jone ia mbertheu ne kor pa stonuar fare: "Qeveri te kemi dh...!" Kuptohet qe me pas plasi gazi, hareja, kujtuam kohet e kaluara qe s'kishim uje, drita, por tallona, tallona dhe gallate kolektive. Uruam te sotmit qe na sollen te djeshmen. I uruam me shpirt nder dhembe nga lodhja e bidonave qe kishim ne kurriz. Nderkohe, na u tha se fqinji yne Halim Kosova ishte liruar nga detyra si drejtor i maternitetit te Tiranes dhe ne vend te tij ishte vene vajza e Moisiut. Harruam dritat, depozitat, internetin dhe ekipi ujembushes pyeti kolektivisht: "Sa vajza ka Moisiu?" Disa thoshin se drejtoreshe ishte bere nje mjeke. Te tjere thoshin se ishte bere ajo qe hypte e zbriste nga avionet. Pati zera qe ishte bere me e vogla, nje qe ishte diplomuar vjet. Kaq u desh qe te niste sherri ngaqe na dilte Moisiu me me teper vajza se sa ai dinte vete. Keshtu, mbushem uje, erdhen ne darke dritat, degjuam e pame ne TV, qe Metes nuk i kishte bere ftese Nano per dreken qe shtroi Xhoi dhe pame cudine e radhes. Halim Kosova kishte punuar shkelqyer, por duhej hequr ngaqe kishte punuar shkelqyer. Madje Xhani tha qe arritjet e shumta rreth e qark maternitetit i kishte bere Halimi, por qeveria te heq edhe kur punon mire. Te lumte moj, qeveri e sinqerte! Te pacim sa malet dhe do Zoti e i heq me fshese te gjithe te aftet! Poshte meritokratet! Kaq u desh qe banoret e lodhur te pallatit te pyesin serish: "Sa vajza ka Moisiu!" Ata e benin me shqetesim kete pyetje se po te kish ai per shembull nja 10 a 12, i binte qe neser, e shumta pasneser, te hiqeshin kaq njerez te zote e te perkushtuar. Personalisht, kam qene kunder zgjedhjes se Moisiut si President i vendit. Por, kur mesojme se hiqet Halimi per t_u vene nje bije e tij si drejtore, them se kam pasur te drejte ne shijet e mia per Presidentin. Mjafton te them: "Bej baba te te ngjaj!". Ai para dy ditesh dekretoi nje amnisti per te denuar te shumte. Shpresoj qe ne ate shkrese te fale dhe gabimin qe iu be Halimit. Ta amnistoje vendimin qe u firmos kunder tij. Nuk e di kush eshte vajza e tij, s'e di se sa e zonja eshte. S'e ve ne dyshim sa aftesi ka. Por do te ishte me e dashur per ne te gjithe nese ajo nuk do te pranonte te zinte vendin e nje njeriu te zot
e te nderuar si Kosova. Keshtu, do te na tregonte acik se vlen shume si mjeke, por dhe si njeri. Aq me teper, si vajze presidenti. Aq me teper kjo e fundit. Halim Kosova u lavderua pa fund nga ministri i vet. Por u hoq per merita te shquara po nga ministri i vet. Halimi u tregua qytetari shkalles me te larte. Por lirimi i tij na dergoi sinjalin qe te ruhemi nga farefisi i pushtetareve te sotem. Te perdorim ate qe tha Nano ne parlament per prokurorin Rakipi kur aleancat fluide donin ta shkarkonin: "Popull ji vigjilent!". Kosova eshte personalitet i madh dhe iku se dikush nga Familjet e Medha e donte ate post, dikush e deshiroi ate karrike, dikush... Po sa vajza ka xhanem Moisiu... Sa femije ka vetem ai? Ta mesojme dhe ta dime qofte dhe per numer! Kaq na mjafton qe te bejme llogari ne familjet tona dhe te gezohemi kur soj e sorollopi i tij dhe i te tjereve do te jene rehatuar sipas endrrave te pernatshme qe shohin...

mare nga koha jone

[ALBA]

BABI IM ESHTE PRESIDENT

Nga Mesila Doda

Ashtu si krejt pa lidhje, mes vapes se korrikut, etheve te politikes qe ngrihet nen sulmet e ndersjellta qeveritare dhe kandidaturave te ardhme te partive, na u shfaq edhe drejtoresha me e re e spitalit te bebeve, goca e presidentit Moisiu.

Ka kaq horra ne politiken shqiptare sa zor se radha e kritikes duhet t'i vinte tamam president Moisiut qe prishi rehatine e tavlles se vet legjendare, dhe aq me pak vajzes se vet doktoreshe. Por, po per hir te se vertetes, posti i drejtorit te bebeve kesaj radhe u fut brenda pazarit prej matrapazesh fshatare qe zbresin heret ne qytet: "Me dekreto shpejt ca ministra, dhe une te bej vajzen drejtoreshe".

Me c'po duket president Moisiu ka ca kohe qe sheh me shume perparesi rregullimin e soj-sorollopit te vet ne vendet e pellumbave. Fjala vjen nese dikur i ka shkuar mire tavlla me ty, te ben keshilltar, nese te ka krushqi, inspektor, e keshtu me radhe. Por kesaj here Moisiu e tejkaloi sensin e mases ne deshiren e tij per rregullimin e kanakares se babit, drejtoreshe te spitalit te bebeve.

Ministri Xhani deklaroi nje gje te pahesap. Drejtori Halim Kosova ka punuar mire, shume mire, aq mire sa thame ta leme te beje ndonje pune tjeter dhe te bejme kete tjetren drejtoreshe. Zoti Minister harroi t'i thote ca te verteta qe mileti nuk i dinte. Qe Ilir Meta po ndeshet rendazi me Fatos Nanon...se ky i fundit kerkoi te rregullonte muhabetin me Presidentin ne rast se do i duhet te dekretoje ministra...se po ky me te gjitha gjasat i beri me dije qe vajzen e vet do e donte nje cike drejtoreshe, qe Nano kete rast me zor e priste se drejtori Halim Kosova me te vertete qe e ka ndryshuar maternitetin po eshte shume mik me Meten, se po ashtu thuhej se mund edhe te ishte kandidat per kryetar bashkie, se...

Kjo histori ka shume te verteta te pathena.

Kryesorja e pathene eshte qe qeveritaret vazhdojne e i shperndajne postet drejtuese si llokma gjeldeti. Se brenda ketij pazari eshte futur dhe Presidenti yne qe betohej se do ish i ndershem ne pune e qe do ish nje qeveritar per t'ia pasur zili.

E verteta tjeter e pathene eshte qe ne Shqiperi ka filluar te ndjehet krijimi i familjeve te medha, jo per nga numri por per nga ambicia. Krejt si ne lulezimet e monarkive te shteteve te medha, ne kete vend vulosin e firmosin te medhenjte duke konsideruar si marioneta drejtoret, ministrat, doganieret, doktoret. Ky eshte tejkalimi i sensit te mases. Presidenti yne i eshte futur kesaj rruge paligjshmerie ne te cilen me pare kane shkelur edhe te tjere. Mekat... Dukej pak si ndryshe.

Viktima e fundit e ketyre te vertetave eshte ajo qe duket se fati po i lulezon, vete goca e Presidentit. Per hir te se vertetes thuhet se eshte nje mjeke e mire. Fakti eshte qe kesaj radhe eshte treguar njeri i vogel. Zonja Moisiu mund te ish bere drejtore, shefe, ministre, kryeministre ne cdo kohe, pervec ne ate qe babi i dashur eshte President. Asnje njeri me pak respekt per veten dhe per karrieren e tij nuk do kish pranuar te behej drejtor vetem e vetem sepse mban mbiemrin e kreut te shtetit. Zonja Moisiu u be drejtoreshe se ka babin President, se babit i erdhi guri ne dore pasi kryeministrit i duhet ta kete paq me babin, se kryeministri zihet me zevendesin e vet... Perralle e gjate... S'thone kot kur zihen elefantet shkelet bari. Kete radhe e hengren bebet.

[Laerta]

Po ato njerez aty nuk kane pike turpi!
Oj shqipni ku do vesh ti moj me ato krere!
Me vjen shume keq, sepse eshte nje ironi shume e hidhur dhe reale.
Mjer ai popull