Thirrmë

[fisnik]

Pranoji dhe urimet e mia ... vargje te shkruara mjaft fisnikrisht. Te lumte

Acid_Burn, edhe urimet tua i pranova me shumë kënaqësi.

Prano, miqësisht, përshendetjet e mia!

[fisnik]

PIRAMIDË NDERI

Çdo muaj na i kthejnë
ata që tepruan
e mbeten jasht
varrit të përbashkët

Kur t’i kthejnë të gjithë
do t’i varrosim
në Piramidën e Nderit
emrat e tyre do t’i shkruajmë
në katër faqet e saj

Kujtimet do t’i shpalosim
me kujdes
pa ua prishur qetësinë
në çdo shesh e rrugë
nga një lapidar

Brezat e rinj të kuptojnë
Sa të madhe kemi pasur merzinë

[fisnik]

ESTETIKË…

Me tahmin
e gjeta vendin
ku farkohen ëndërrat
mbretërinë kaotike
melankoli me njolla
në sfondin e errtë
natyrë morti
idilë e trishtë
që shpreh dhimbje

Vende vende pika të zeza
vdekja ka prekur
pentagramin
e shpirtërave të heshtur
të lodhur nga koha
që tragjizon ekzistencën
ditë me mjegullë
ka gjasë të vijnë

Me tahmin
s’e gjej dot daljen
kah drita e yjeve të shuar
kllapia mashtruese
zbut trishtimin e heshtjes
meteorët pyesin
a ka estetikë të vdekjes…

[fisnik]

KLITHMË

Gjumi më lodh shumë
po mësoj të harroj
kujtimet ia lë kohës
ajo përtyp çdo gjë

Sa mirë ndihem sonte
kam arritur ta ngatërroj
kushtoren me realitetin
të kaluarën me eventualitetin

Kërkoj të tashmen
e gjej krahthyer
si fluturat natën
në rrejtën e marimangës

E ardhmja e ngulur n’kular
duket si pikë e zezë
“Klith sa të duash
askush s’të dëgjon”

[Brari]

Sa mirë ndihem sonte
kam arritur ta ngatërroj
kushtoren me realitetin
të kaluarën me eventualitetin



E bukur eshte Poezia por sa ma pak fjale te perdorimit gazeto-zyro-simpoziumo-nano-r.

Nje miku im ketu ka ne shtepi te varur ne mur nje foto kalendari te madhe prodhim i Kosoves ku tregohet nje bujk ulur ne token e porsa pluguar e ka vnue perpara do buk e djath.. e nji gjygum me uj aty e pran tije nje femi i vogel e duiku ma tutje nji kale e ne horizont Fushat e Malet e Kosoves..

Sa her shkoj e shikoj me vemendje e knaqem me ate pamje..

Duhet te ket qene artist i madh ai Fotografi..

vetoni tallej nji dit me fjalimet e rugoves kur i permnd prodhimet bujqesore e blegtorale.. te Kosoves.. por harron ai se njerzit e ndershem ashtu e nxjerrin buken e gojes.. me punen e tyre ne Arat e veta.. se jo te gjithe dine me e dredh me 700 spiunazhe e me fitu miliona nen cdo regjim..

fisnik na trego pak per Kosove.. e jo vec me "hallet e tua" ..neper poezi..lol.

psh.. rinija me tha nji mikesh ktu prej Kosove .. nuk po i pelqen ma shetitjet ne korz..por hyjn neper kafiqe.. fendin duhan e drogohen..e shurdhohen nga muzika e marre e shijeve te pa kultivuara katundaro-prishtinalio-Repiste Cullakiste..
Bej nji tregim me tem erotiko-dashurore kosovaro-eventualoiste..lol. se qitu po na vijn poezit.. Ka super prodhim..

Cdo te mire..

[fisnik]

Brari, qysh se ta kanë hjek epitetin "Lezeti i muhabetit", shpesh, po ia fut kot. Në vend të përgjigjes, ja një tjetër poezi, sepse nuk jam gazetar qeë të shkruaj reportazhe. Edhe poet nuk e konsideroj veten, por poezinë e dua me shumë se reportazhet.

SOT

Sot jam vetëm
Me çehre të zymtë
Jam rrexuar në hijën time
E kam parë vetveten
Me pardesy të zezë
Xhepat plot histori të rrejshme

Sot ndihem keq
Ndiej foftësi në zemër
Jam rrëxuar në çarçafin e hirtë
E kam parë jetën time
Mbështjell në qefin të bardhë
Që digjej me flakët që më digjnin

Sot ndihem shumë i vogël
Prap jam rrexuar
Në hirin gri të oxhakut
Unazat e vdekjes me shtërngonin
Parajsi qëlloi mbyllur
Për inat të ferrit nuk leshova zë

Sot pash vetën në pasqyrë
Dukem krejt i zverdhur
Kam rënë edhe më poshtë
Jam rrexuar shemtueshëm
Në gjurmët e hapave të mi
Unë udhëtar i vetmuar…

[macia_blu]

SOT

Sot jam vetëm
Me çehre të zymtë
Jam rrexuar në hijën time
E kam parë vetveten
Me pardesy të zezë
Xhepat plot histori të rrejshme

Sot ndihem keq
Ndiej foftësi në zemër
Jam rrëxuar në çarçafin e hirtë
E kam parë jetën time
Mbështjell në qefin të bardhë
Që digjej me flakët që më digjnin

Sot ndihem shumë i vogël
Prap jam rrexuar
Në hirin gri të oxhakut
Unazat e vdekjes me shtërngonin
Parajsi qëlloi mbyllur
Për inat të ferrit nuk leshova zë

Sot pash vetën në pasqyrë
Dukem krejt i zverdhur
Kam rënë edhe më poshtë
Jam rrexuar shemtueshëm
Në gjurmët e hapave të mi
Unë udhëtar i vetmuar…
__________________


Kesaj nuk ke cfare ti thuash, ti komentosh , as ti komplimentosh.
E vetmja qe mund te bej me kete poezi, eshte ta lexoj 100 here e mezi te duroj ta lexoj serish. Sikur vetem kete poezi e asnje varg me , te mos kesh shkruar e te mos shkruash ne te ardhmen sado te gjate... ti je POET!
Kjo poezi ANTOLOGJIE.
Jesus , sa e bukur! Jesus sa e madhe! (keshtu ... po flas me vete pas cdo leximi)

[fisnik]

Kesaj nuk ke cfare ti thuash, ti komentosh , as ti komplimentosh.
E vetmja qe mund te bej me kete poezi, eshte ta lexoj 100 here e mezi te duroj ta lexoj serish. Sikur vetem kete poezi e asnje varg me , te mos kesh shkruar e te mos shkruash ne te ardhmen sado te gjate... ti je POET!
Kjo poezi ANTOLOGJIE.
Jesus , sa e bukur! Jesus sa e madhe! (keshtu ... po flas me vete pas cdo leximi)

macia_blu

Nuk di a i meritoj keto fjale kaq pergdhelese, sepse te shkruajsh nje poezi per ANTOLOGJI eshte pune e madhe? Megjithate te falenderoj shume shume. Dije qe keto fjale me kane bere shume mire!

Falemnderit