Thirrmë

[fisnik]

SHAKE ME …

M’i përkund ëndërrat e dashurisë
Prajshëm si pikat e shiut të qetë
Që ma ledhatojnë gjumin kur dremisë
Në shtartin me pupla që e shtrove vetë


M’i përkdhel flokët si më parë
Ma përkund ngadalë krenarinë
Si valët barkat me peshkatarë
Që detit ia shtojnë krejt bukurinë

Ma vë kokën në gjoksin e çarë
T’ia ndiej peshën e dashurisë
Yll i braktisur pakëz i vrarë

Ma përkund mallin që kam për ty
Dhe zemren që ndizet sikur vullkan
Si lavë e lym mbështjellur n’ty jam

[Ard]

Urime,urime,urime,per kete poezi te mrekullueshme.
Eshte kaq melodioze kur e lexon dhe kaq thjesht e vargezuar,a thua se fjalet jane gati per fluturim ndjenjash.
Me respekt per vargun tuaj dhe suksese.

Tani me frymezove )

[fisnik]

POROSI

Unë do të shkoj larg
por kam do porosi :
sa herë të bjen në mend për mua
vendos një tufë lule të fresk'ta
në vendin ku jemi takuar
e mbylli syt se shikimi yt i zbehtë
m'i lëkund eshterat

kur të darkosh kokë më kokë
mos harro me ndez një qiri për mua
në tavolinë kah ana jote
dua tu bëj drite syve tu

nëse ai qiri lëshon
më shumë tym se flakë
dije që dhimbjet mu kanë shtuar
nëse më shumë del flakë
dije që shpirti po më digjet
nëse fiket shepjt
kupto që dashurinë tonë
e ke dorëzuar te gjelati
ia ke dorëzuar vdekjes
jo vdekjes fizike
ajo s’më intereson

tash e tutje do të flas
veç për melosin dhe legjendën

[fisnik]

ORGJI

Kur Yllin e lëshoi ankthi
hapi grushtat
të m’i kthej sytë
që më s’më binin taman
shumë më luti të kthehem
në arenën e gjallë
ku gladiatorët bënin orgji
e nga xhalozia buzëqeshjen
ia kishin përgjakur

U ktheva të dëgjoj
atë që njëmij herë
ma ka thënë - të dua

[Brari]

bukur i ben poezit o fisnik i fisit..

por.. tek kjo e fundit ka dicka qe nuk shkon.. e po i them dy llafe..
Gladiatoret ishin rober te marre me forc nga legjionet romake ne vendet e pushtuara..
Ne Rome ata perdoreshin per te kenaqur aristokracine Romake me cfaqje luftarake..
Pra gladiatoret ndesheshin ne arenen e atyre stadiumeve ose Koridave ..ose teatrove ose amfiteatrove.. ska rendesi .. ku ne tribuna rrinin si spektatore aristokratet romake me dashnoret e tyre ..ose grate e tyre ose dhe robinat e marra andej larg..
Gladiatoret pra pa deshiren e tyre perlesheshin deri ne vdekje me njeri tjetrin ose i vinin te ndesheshin me tigra e luane etj..
Kjo nuk ishte orgji..por masaker sadiste ..pra nje nga shpikjet me te turpshme te njeriut..
Me orgji kuptojme.. qejfin.. pra nje grup meshkujsh hane e pijne e bejn qejf me femra ..
Kete lloj qejfi..pra orgjine.. e benin ne ate kohe aristokratet romake e jo gladiatoret..

si psh orgji quhet udhetimi ne Sloveni ne ato hotelet alpine luksoze i Thaqo Limave me xhepat mbush me euro (nga thesi i Popullit) e ne shoqeri te miseve kosovare..

Ose orgji quhet Darka ne Pojata ku u mblodhen e festuan vrasjen e Drinit banditet e PDK-se ne shenje hareje per "detyren e kryer"..

urime per poezite e bukura..

[Ard]

Brari,orgji perkthehet-zemerim-dinamizem.Drejt e ka shprehur fisniku:ku gladiatoret benin orgji,dmth shfaqnin zemerimin e tyre,por mund ta perdoresh dhe ne rastin tend psh:"e kthyen festen ne orgji"(nje shembull ky),nenkupton dicka te pahijshme.
Mua me duket e sakte ajo fjale sic eshte vendosur dhe per kuptimin qe ka dashur t'i jap fisniku,pa prishur imazhin e poezise
(tani le te na thote fisniku se c'ka dashur te shprehe :-)).
Ju uroj te dyve frymezime dhe suksese.

[Ard]

Se harrova ta sqaroj me lart,ajo qe do te thuash ti Brari,eshte orgjia,me theksin tek o-ja!

[fisnik]

bukur i ben poezit o fisnik i fisit..

por.. tek kjo e fundit ka dicka qe nuk shkon.. e po i them dy llafe..
Gladiatoret ishin rober te marre me forc nga legjionet romake ne vendet e pushtuara..
Ne Rome ata perdoreshin per te kenaqur aristokracine Romake me cfaqje luftarake..
Pra gladiatoret ndesheshin ne arenen e atyre stadiumeve ose Koridave ..ose teatrove ose amfiteatrove.. ska rendesi .. ku ne tribuna rrinin si spektatore aristokratet romake me dashnoret e tyre ..ose grate e tyre ose dhe robinat e marra andej larg..
Gladiatoret pra pa deshiren e tyre perlesheshin deri ne vdekje me njeri tjetrin ose i vinin te ndesheshin me tigra e luane etj..
Kjo nuk ishte orgji..por masaker sadiste ..pra nje nga shpikjet me te turpshme te njeriut..


urime per poezite e bukura..

I nderuar Brari,

Ti bënë llaf hjeshëm. Po te them pa ironi se sikur ky forum mos ta kishte Brarin do ishte shumë i varfër, ndërsa mungesa ime nuk do të ndihej, sepse këtu ka mjaft poetë dhe poetesha që shkruajnë shumë bukur.
Tash, edhe unë po i them dy llafe për këtë poezinë e fundit që të duket se “diçka nuk shkon”. Nuk di, ndoshta ke të drejtë. Aty ku kam thënë “gladiatorët bënin orgji” s’ kam menduar te gladiatorët e arenave romake, por në mënyrë simbolike e kam thënë, se ata që ia kishin përgjakur buzëqeshjen, pa të drejtë, një personit, festonin sikur në fesatat e Dionisit të cilat merren edhe si shtrati i tragjedisë antike. Në të vërtetë poezia në fjalë është shumë më e gjatë, por unë e kam postuar vetëm një pjesë sa për t’iu treguar “rojve të mjegullës” që kot merren me gëzimin a hidhërimin tim. Thjesht kam dashur, që dikujt t’ia kthej buzëqeshjen duke i denoncuar ata që bënin orgji.
Brari, ato konatacionte politke në fund të shkrimit i hoqa sepse poezia është tepër sublime që ta bartë edhe merzinë e politikës.

Mendoj që më drejtë e ka kuptuar H-D kur thotë:

Brari,orgji… psh:"e kthyen festen ne orgji"(nje shembull ky),nenkupton dicka te pahijshme.
Mua me duket e sakte ajo fjale sic eshte vendosur dhe per kuptimin qe ka dashur t'i jap fisniku,pa prishur imazhin e poezise
(tani le te na thote fisniku se c'ka dashur te shprehe :-)).
Ju uroj te dyve frymezime dhe suksese.

Sidoqoftë të dyve Ju falënderoj për reagimet dhe mendimet juaja.

[kulla]

nje sqarim i vogel, gladiatoret, ne perandorine e romes, qe ishte aq e civilizuar sa modele te tilla edhe sot e kesaj dite perpiqen te imitohen, nuk ishin thjesht skllever, por kishin nje status te tille celebrity, qe vetem per mungese te text messages ne ate kohe, nuk mund t'i krahasojme me david beckam. skllaveria dhe gladiatoret jane dy gjera krejt te ndryshme. nderkohe qe sklleverit perdoreshin per pune blegtorie apo bujqesie apo pastrime shpiash pa asnje lloj statusi dhe pa asnje lloj pagese, bukuria fizike dhe bukuria luftarake e gladiatarove vleresohej aq sa, shume te ashtuquajtur aristokrat te kohes, i kishin zili. duke pasur nje status te tille, me te atille bukuri fizike, mendohet se edhe orgjite ne te cilat degjeneroheshin, apo iu jepej ajo c'iu takonte me te drejte, ishin gati gati perandorake. fatkeqesisht, ruajtesit e vertete te historise, ashtu si edhe sot, iu kushtonin shume pak rendesi vlerave efemere dhe siperfaqesore qe mund te mbartte bukuria dhe forca fizike dhe rrjedhimisht, ne mungese te materialeve te domosdoshme per te krijuar nje hamendje te sakte, sklleverit ngaterrohen me gladiatoret.

[fisnik]

PRETEKST

Ra shi atë natë
më i madh s’mbahet mend
ra shi e lot curril
n’platformen e pestë
ku kalon treni fantom
i krijesave pa formë
që kërkonin rilindje
ende pa vdekur
e krenarisë së patundur
m’i ndeznin kandila
me inat e zemrim

Ra shi atë natë
ra shi e lot pa hile
ku vdekja për një çast
mundi jetën jetime
por humbi nga dashuria