Dy tonelata uraniumi nxirren jashtë Irakut

[elisabet]

Eshte nje shprehje qe thote: Fshati qe duket s'do kallauz:
Nuk ju hap barku Bushit per irakenet po ka hallin si te mbaje ne kembe ekonomine qe pa nafte merr fund ...

[Albo]

Presidenti Bush do të japë urdhër për një hetim të pavarur mbi informacionin e zbulimit të para luftës rreth armëve të Irakut
Paula Wolfson

2 shkurt 2004, 3:45 UTC


Zyrtarë të lartë amerikanë thonë se presidenti Bush do të japë urdhër për një hetim të pavarur lidhur me informacionin e zbulimit të para luftës rreth armëve të shkatërrimit në masë të Irakut. Presidenti ka qënë nën presionin e ligjvënësve republikanë dhe demokratë për të filluar një hetim të tillë.
Lajmet citojnë zyrtarë të lartë amerikanë, të cilët kërkuan të mos identifikohen, të kenë thënë se hetimi i pavarur do të përqëndrohet në vlerësimin e informacionit të zbulimit të para luftës.

Shtëpia e Bardhë ndodhet përballë një presioni gjithnjë në rritje për të mbështetur një hetim të pavarur lidhur me informacionin e zbulimit, që u përdor për të justifikuar ndërhyrjen ushtarake në Irak.

Presidenti ka thënë gjithnjë se inspektorët amerikanë të armëve në Irak duhet të përfundojnë punën e tyre para se të shqyrtohet mundësia e një hetimi të pavarur lidhur me informacionin e zbulimit.

Por tani janë vënë re shenja, që flasin për ndryshimin e këtij qëndrimi. Senatori Trent Lott nga shteti Misisipi, republikan me peshë në komisionin e senatit për çështjet e zbulimit, tha se Shtëpia e Bardhë me sa duket po e rishqyrton qëndrimin e saj.

“Me sa kuptoj unë, Shtëpia e Bardhë po e shqyrton situatën dhe është shprehur se dëshiron të dijë të gjitha hollësitë që kanë të bëjnë me këtë çështje.”

Duke folur në një emision të rrejtit televiziv Fox News, senatori Lott, i cili ka shërbyer gjithashtu edhe si udhëheqës i republikanëve në senat, shprehu besimin se një hetim i pavarur është i justifikuar.

“Në këtë rast nuk ka dyshim se kemi të bëjmë me një dështim të agjencive të zbulimit në një formë apo një tjetër.”

Kërkesat për një hetim të pavarur filluan të shtohen javën e kaluar kur ish krye-inspektori amerikan i armëve në Irak, David Kay, foli para kamerave televizive dhe komisioneve të kongresit. Zoti Kay tha se shumë njerëz u çorientuan nga informacioni i gabuar i zbulimit para luftës në Irak. Ai shtoi se nuk kishte të ngjarë që në Irak të gjeheshin ndonjëherë sasi të mëdha armësh të shkatërrimit në masë.

Zoti Kay tha dje për rrjetin televiziv Fox News se mbështetja e Shtëpisë së Bardhë për një hetim të pavarur do të ishte e mirëpritur. Ai vuri në dukje se një hetim i pavarur ka filluar në Agjencinë Qëndrore të Zbulimit amerikan, CIA, dhe se disa komisione të kongresit kanë ndërmarë hetime nga ana e tyre. Megjithatë, theksoi zoti Kay, nevojitet një hetim i pavarur nga ekspertë pa lidhje politike, veçanërisht me që këtë vit mbahen zgjedhjet presidenciale në nëntor.

“Mendoj se këtu nuk kemi të bëjmë me një proces kërkimor për të fajësuar dikë. Bëhet fjalë për një hetim rreth gabimeve themelore në mënyrën se si janë grumbulluar dhe vazhdojnë të grumbullohen informacionet e zbulimit.”

Çështja e luftës në Irak është shndëruar tashmë në një debat të madh të fushatës elektorale. Pretendenti kryesor i Partisë Demokrate për të fituar emërimin e partisë si kandidat për në zgjedhjet presidenciale të nëntorit, senatori John Kerry nga shteti Masachusets, është mes atyre personave që kanë vënë në pikpyetje arsyet e ndërhyrjes ushtarake në Irak. “Mendoj se ka pasur një ekzagjerim të madh të informacionit, madje edhe mashtrim.”

Çështja kontradiktore lidhur me informacionin e zbulitmit para luftës ka marrë përmasa të mëdha edhe në Britani. Javën e kaluar, një gjykatës me peshë publikoi një raport, në të cilin e akuzonte BBC-në për gabime të rënda në njoftimet rreth kësaj çështjeje. Televizioni i BBC-së transmetoi vitin e kaluar një kronikë, që e akuzonte qeverinë e kryeministrit Blair për zmadhimin me qëllim të informacionit të zbulimit rreth kërcënimit që përbënin armët e shkatërrimit në masë të Irakut.

Ndërkohë, anketat e opinionit publik në Britani tregojnë se është rritur mbështetja për një hetim të pavarur lidhur me provat, që iu paraqitën kryeministrit Blair për të argumentuar nevojën për të hyrë në luftë në Irak. Edhe administrata e presidentit Bush është ndodhur para një pozite të tillë.

[S`ka Lezet]

Pse derdellisim kot kur nje regjim si ai i Sadamit duhet te kishte ate perfundim qe pati?Shume gjera mund ti kuptojme.. por nuk eshte mire te fillojme si disa komunista qemot...Amerikanet nuk lan gur palevizur per ne shqiptaret e shkrete...aq sa duhet te rreshin qe te benin dicka...Nqs do drejtesi te kulluar sugjeroj te kontaktosh Nasen se mbase ka nje planet me specie te tilla...Zhvillimet e fundit jane te detyrueshme qe mund te mbartin sakrifica per Bushin por jo per Ameriken....Iraku edhe pa rezervat e naftes ka kapacitet per te arritur gnp e finlandes....Ndoshta shume prej jush banon ne evrope dhe c`ka te mesoj pervec leksioneve te arabeve dhe te anti amerikaneve te tjere...Leri historite e halliburton e carlyle atyre qe u intereson...ne do shkojm atje ku fryn era....

[Albo]

Drejtori i CIA-s komenton mbi armët e Irakut
5 shkurt 2004 (20:00 UTC)


Drejtori i Agjencisë Qendrore të Zbulimit, CIA-s, George Tenet, thotë se analistët nuk kishin deklaruar kurrë se Iraku përbënte një kërcënim urgjent para fillimit të luftës në këtë vend.
Zoti Tenet tha se analistët e zbulimit besonin se Iraku zotëronte disa tipe armësh të ndaluara dhe po përpiqej të prodhonte edhe lloje të tjera. Por ai shtoi se agjentët amerikanë e patën të vështirë të depërtonin në regjimin e Saddam Husseinit, dhe se të dhënat e zbulimit pothuajse asnjëherë nuk mund të quhen plotësisht të drejta, apo plotësisht të gabuara.

Komentet e zotit Tenet sot në Uashington, ishin një përgjigje ndaj atyre që kanë kritikuar informacionet e zbulimit që u përdorën prë të justifikuar luftën në Irak. Para disa ditësh ish-inspektori i armëve i Shteteve të Bashkuara, David Kay, tha se ishte i mendimit se në Irak nuk ka armë kimike, apo biologjike.

Zoti Tenet i hodhi poshtë sot kritikat se atij i ishte bërë trysni për të manipuluar informacionin për Irakun dhe shtoi se Presidenti Bush i kishte kërkuar që faktet të paraqiteshin saktë dhe ndershmërisht.

Shefi i CIA-s tha se informacioni që ai kishte para luftës ia kishte forcuar besimin se Saddam Husseini përbënte rrezik dhe se ai ia kishte transmetuar këtë zyrtarëve të administratës së Presidentit Bush nga fundi i viti 2002.

Zoti Tenet po ashtu tha se inspektorët në Irak kanë nevojë për më shumë kohë për të kërkuar të dhëna mbi programet e armëve të Irakut. Në fjalimin që mbajti sot në Karolinën e Jugut, presidenti Bush pranoi se në Irak nuk janë gjetur ende armë të ndaluara, por ai përsëriti se Shtetet e Bashkuara bënë veprimin e duhur, me fillimin e luftës në Irak.

Kritikët e akuzojnë administratën e Presidentit Bush se kishte paraqitur një pikpamje të ngushtë për të dhënat e zbulimit, për ta bërë Irakun të dukej si kërcënim serioz, duke justifikuar kështu ndërhyrjen ushtarake.// lk //

[Pogradecari]

CIA asnjeri nuk mund ta vere ne dyshim saktesine e saj agjensije
CIA ishte shume e sakte kur tha: Iraku nuk kishte me arme te shkaterimit ne mase
si thoni juve po qe se kishte dyshime qe mund te kishte
ahahah ke lane trute te vinte ne irak ? te vdekurit mund te arinin me miliona
pse ne 91 usa nuk hyri ne bagdat

[Albo]

Dy tonelata uraniumi nxirren jashtë Irakut

7 korrik 2004


Shtetet e Bashkuara kanë nxjerrë jashtë Irakut rreth dy tonelata uranium dhe rreth 1 mijë pajisje të tjera radioaktive që mund të përdoreshin për prodhimin e bombave radioaktive.
Sekretari Amerikan për Energjinë Spencer Abraham tha se heqja e tyre nga Iraku ndihmon që materiale të rrezikshme bërthamore të mos bien në duart e terroristëve.

Materialet bërthamore dhe radioaktive u gjetën në një objekt që përdorej për kërkime në fushën bërthamore. Objekti ishte çmontuar në vitet ’90, pas Luftës së Gjirit Persik.

Departamenti amerikan i Energjitikës, theksonte në një deklaratë, se materialet u transportuan në Shtetet e Bashkuara më 23 qershor për arësye sigurie.

Në të thuhet se disa materiale të tjera më pak të rrezizkshme radioaktive, që mund të përdoren në mjekësi, bujqësi ose për qëllime të tjera industriale u lanë në Irak.

Në deklaratë thuhet se Agjencia e OKB-së për Energjinë Atomike ishte njoftuar paraprakisht për lëvizjen e materialeve.

[altin55]

Le te sjellin disa copa uranium nga amerika ne mynyre qe te justifikojne shkaqet e luftes .Ose tia marrin borxh israelit.Edhe sikur te kete pasur iraku uranium e arme kimike eshte e drejta tij fundi fundit sikurse ka te drejte israeli te kete dhe bombe bethamore.nuk eshte njeri i njerkes tjetri i nenes.Mirepo tai qe su gjet keto arme le ti sjellin nga israeli te pakten keshtu te genjejne boten dhe tifozat e tyre neper bote.

[Ryder]

Tony Blair deklaron dje qe armet e shkaterrimit ne mase "mund te mos gjenden ne Irak".
Kjo nuk ishte "nje nga arsyet e luftes".
Kjo ishte shtylla kurrizore e luftes, meqe vetem armet e shkaterrimit ne mase perbenin rrezik "urgjent" per perendimin. Se regjimi i Sadamit nuk paska qen i rrezikshem per perendimin edhe kur i ka pasur te hapura programet kimike gjate luftes me Iranin jo me kur i kishte te mbyllura dhe po shkaterronte edhe raketat e fundit jashte konventave per tu munduar te evitonte luften.
Sepse kjo ishte frika e Tony Blair para se te llapazanonte (fjal e re per tipa si Blairi)qeverine e tij drejt luftes, duke shkaktuar edhe doreheqjen e deputeteve te partise se tij si Robin Cook e Claire Short.
"Nje dite do zgjohemi dhe do i gjejme femijet tane te roberuar nga keta regjime diktatoriale" - pat thene.
Dmth mundesine absurde qe Iraku mund te pushtonte Angline e ka marre si kercenim ndaj te cilit s'mund te shtyhet aksioni i menjehershem!

CIA ka vepruar si KGB-ja gjate luftes se ftohte.
Andropovi (drejtori i KGB-se ne ate kohe) i kishte kerkuar agjenteve te kunder-zbulimit, rezidenteve te ambasadave dhe agjenteve te tjere te KGB-se ne Europe dhe Amerike te gjenin fakte te pakundershtueshme qe Regani (qe njihej nga BS si ekstremist) kishte plane per lufte nukleare me Bashkimin Sovietik dhe do sulmonte nga momenti ne moment.

Kur keta s'po gjenin asgje, meqe Regani s'kishte ndermend sulme nukleare, atehere moren urdher, qe ti gjenin me c'do kusht me qellim qe fryma e kercenimit dhe propaganda anti-USA te rrinte gjalle.

ps: Argumentat qe perdorin kta Bushat e forumit..."Ca do thonit ju nqs do i gjeje USA neser keto arme?"....Argument i pakundershtueshem ky ne fakt.
Nqs do gjendeshin arme te shkaterrimit ne mase ne Irak do thoja:
1.Lufta ka qene pozitive. (ashtu si ishte pozitive heqja e Sadamit ne vetvete...megjithse nje diktature hiqet, nje do vendoset...jam skeptik per kapacitetin e demokracise sot per sot ne Irak)
Dhe e dyta meqe CIA s'ka pasur asnje prove per egzistencen e armeve, pra ato gjenden aksidentalisht:
2. Arsyet per te shkuar ne lufte prap mbeten te fabrikuara dhe negative.
Pra ket qe kam then gjithmon do them prap: qe kam qen dhe do jem kunder kesaj lufte.

ps2: Interesant ky lajmi i low-enriched uranium qe do perdorej per arme. Ishalla na cojne nej ton nga Shqiperia qe ta perdorim per centrale radioaktive se ka shku puna keq, pa drita gjith vitin.

[Kryeplaku]

Le te sjellin disa copa uranium nga amerika ne mynyre qe te justifikojne shkaqet e luftes .Ose tia marrin borxh israelit.Edhe sikur te kete pasur iraku uranium e arme kimike eshte e drejta tij fundi fundit sikurse ka te drejte israeli te kete dhe bombe bethamore.nuk eshte njeri i njerkes tjetri i nenes.Mirepo tai qe su gjet keto arme le ti sjellin nga israeli te pakten keshtu te genjejne boten dhe tifozat e tyre neper bote. ......

Le te na thot dikush nje ligj nderkombetar qe ndalon nje shtet nga prodhimi i fuqise berthamore!

Neqoftese Shqiperia do kishte mundesi te krijonte arme berthamore do isha njeriu i pare qe do dilja te demostroja per te inkurajuar nje gje te tille, megjithese nuk jam as nacionalist e as terrorist. Sot nuk eshte e thene per nje shtet te ket pavarsi te plote nese nuk ka fuqi berthamore.

[R2T]

Sqarim Titulli i kesaj teme eshte ndryshuar pa lejen time. Titulli origjinal i temes ka qene "Armet Kimko-Biologjike ne Irak, ceshtje kohe apo justifikim". Megjithese Tema mban autoresine time si hapes teme, titulli i saj nuk ka asgje te ngjashem me temen qe hapa une.

U kerkoj moderatoreve, te 1) ti rikthejne temes titullin origjinal, 2) ose te hapin temen e tyre ku autor i temes nuk jam me une dhe ti vene cfaredo lloj titulli te deshirojne.

Perdorimi i temes time, per propagande personale nuk me duket i arsyeshem.