Dy tonelata uraniumi nxirren jashtë Irakut

[Omari]

Armet e shfarrosjes ne mase ishin nje prej shume arsyeve perse SHBA dhe Britania shkuan ne lufte. Kete nuk e them per te ulur sado pak rendesine e ketij motivi, por per te bere te qarte qe motivet ishin te shumta.

Se nuk jane gjetur ende, nuk do te thote se armet nuk jane prodhuar dhe nuk egzistojne. As Sadam Husein nuk eshte kapur apo gjetur ende se bashku me dy djemte e tij, por kjo nuk do te thote se ata nuk jane diku te fshehur ne Irak, gjalle apo vdekur.

E njejta gje edhe me armet e shfarrosjes ne mase: biologjike + kimike + nukleare. Eshte ende heret per te dale ne perfundime.

Bush dhe Blair nuk kane perse denohen per asgje dhe askush, pervec popullit Irakian. Nese Irakianet besojne se ky nuk ishte clirim, por pushtim, ata kane te drejte te shpien ne gjyq SHBA apo Britanine. Por kjo nuk ka per te ndodhur pasi pavaresisht nga veshtiresite e nje fillimi te ri te veshtire per irakianet, ata kane fituar ate me kryesoren, lirine, ate lire qe nuk e fituan dot vete, por u pagua me gjakun e ushtareve amerikane dhe nga xhepat e taksapaguesve amerikane.

Lufta ne Irak dhe ne pergjithsi lufta kunder Terorizmit eshte lufte kunder Islamit.

Per kete gje kam hapur tem ne vehte te cilen ju Albo peronalisht e keni shly pa arsyetim.

Arsyjet qe ju permendni si lufte per shkak te prodhimit te armeve berthamore ose per te rrezuar diktature jan vetem kamuflazh i asaj qe thash Lufte kunder Islamit.

Ju shum mire keni jeni shprehur dhe keni spjeguar, po me thoni tash ashtu si keni shenuar ne tekstin me lart, tash pas kaq vitesh dhe pasi qe u gjet Sadam Husein dhe djemt e tij, ku jan armet berthamore?

Nese populli ne Irak e paska pritur me pa durim interveimin e Amerikes per te cliruar ate nga Diktatori pse tash pas rrezimit te Sadamit u vrane 2000 Ushtare Amerikan, pse sot e kesaj dite femijet i gjuajn me gure patrullat amerikane?

Mu pergjigjni shkurt dhe qarte sikur ne shkrimin e me siperm ju lutem!

[ATMAN]

mendimet e kritikut amerikan Noam Chomsky



Politikat ekspansioniste dhe luftënxitëse të Amerikës sot më shumë se kurrë janë përballur me reagimet dhe urrejtjen popujve të botës. Popujt e ndryshëm shfrytëzojnë çdo rast për të shprehur urrejtjen e tyre ndaj krimeve të cilat Uashingtoni ka kryer në mënyrë direkte apo indirekte. Nga ana tjetër, edhe kritikët dhe ekspertët politikë të pavarur të botës, kritikojnë veprimtarinë e qeverisë së Xhorxh Bushit, në lidhje me çështje të ndryshme. Ekstremizmin dhe ekspansionizmin amerikan e dënojnë edhe disa figura të njohura brenda Amerikës. Në mesin e këtyre figurave, ndoshta mund të dallojmë profesor Noam Chomsky-n. Ky profesor i universitetit Masaçuset, ka bërë kritika të shumta dhe të argumentuara ndaj politikave ç'njerëzore të qeverisë amerikane dhe ka kërkuar nga Uashingtoni zbatimin e politikave të drejta. Chomsky, për shkak të shpalosjes së shumë realiteteve dhe për shkak të fjalëve të guximshme të tij kundër veprimtarisë së qeverisë ekspansioniste të Amerikës, është kthyer në një figurë botërore.

Mirëpo ai nuk është shumë i njohur brenda Amerikës, sepse fjalimet e tij nuk reflektohen sa duhet nëpërmjet mediave të mëdha amerikane dhe zëri i tij dhe i kritikëve të tjerë brenda Amerikës nuk arrin deri te veshët e opinionit publik amerikan. Por këto censurime nuk janë bërë shkak që Chomsky dhe bashkëpunëtorët e tij të heqin dorë nga shpalosja e politikave të qeverisë amerikane. Ata vazhdojnë të informojnë popullin në lidhje me pasojat e politikave amerikane nëpërmjet sajtit të tyre të internetit “Z-net” (zet net).

Ndër çështjet mbi të cilat më shumë vë theksin Noam Chomsky janë mashtrimet e funksionarëve amerikane në lidhje me luftën kundër terrorizmit. Në lidhje me këto pretendime mashtruese ai ka studiuar 25 vjet. Chomsky në shkrimet e tij thekson se lufta sipërfaqësore e Amerikës kundër terrorizmit ka filluar që para 20 viteve në kohën e presidentit amerikan Ronald Regan. Në lidhje me pretendimin për luftën kundër terrorit në atë kohë, Chomsky thekson: “Operacionet e luftës së Uashingtonit kundër terrorizmit në fakt morën një formë të rrezikshme që ishte udhëheqja e terrorizmit ndërkombëtar nëpërmjet qeverisë amerikane. Përqendrimi kryesor i këtyre operacioni ishte Amerika qendrore dhe LM, por ato u zgjeruan edhe deri në Afrikën e Jugut dhe në Lindje të Azisë”.

****************

Noam Chomksy përmend argumente të ndryshme që vërtetojnë terrorizmin shtetëror të qeverisë amerikane në kohën e Ronald Reganit si hartimi i sulmeve terroriste kundër revolucionit në Nikaragua i cili fitoi në vitin 1979. Ai thekson: “Këto operacione u dënuan nga gjykata ndërkombëtare ku dhe u publikuan dy rezoluta kundër tyre, por Amerika përdori veton kundër këtyre rezolutave”. Lista e akteve terroriste të Amerikës dhe në veçanti në kohën e presidencës së Reganit është shumë e gjatë ku një prej këtyre krimeve është sulmi rraketor kundër avionit të pasagjerëve iranian në vitin 1988 ku humbën jetën rreth 300 pasagjerë të pafajshëm. Chomsky gjithashtu përmend sulmet e ndryshme të ushtrisë amerikane ndaj vendeve të ndryshme dhe arrin në rezultate interesante. Ai thekson se këto akte konsiderohen krime që janë shumë më të rrezikshme se sulmet e njohura terroriste. Ky kritik amerikan në lidhje me periudhën e re të quajtur 'lufta kundër terrorizmit' e Amerikës, paraqet pika të tjera të cilat janë shumë të qarta dhe sqarojnë skandale të ndryshme. Ai duke vënë theksin mbi pretendimet e qeverisë së Bushit në lidhje me këtë çështje shkruan: “Të gjithë ata të cilët sot pretendojnë se udhëheqin luftën kundër terrorizmit, më parë janë dënuar për terrorizëm nga ana e gjykatës ndërkombëtare. Ata që para 20 viteve bënë të ditur për luftën kundër terrorizmit dhe ne e dimë shumë mirë se çfarë kanë punuar. Ata i kanë shkaktuar dëme të mëdha Amerikës Qendrore dhe kanë vrarë shumë njerëz të pafajshëm nëpër pika të ndryshme të botës. Sikur të dëshirojmë që të paraqesim një listë nga veprat e tyre shkatërrimtare, kjo punë nuk do të ketë fund asnjëherë dhe shkurt mund të themi se Amerika nuk ka zhvilluar asnjë lloj lufte kundër terrorizmit”.

*****************

Chomsky, në periudhën e re të luftës sipërfaqësore kundër terrorizmit, veçon dy figura në krahasim me të tjerët. I pari është Xhon Negroponte, hartuesi politik i kësaj lufte dhe i dyti është Donald Ramsfeld, lideri ushtarak i luftës kundër terrorizmit. Ai në lidhje me të kaluarën e Xhon Negroponte, i cili aktualisht është kryetar i shoqërisë informative të Amerikës shkruan: “ai si ambasador i Amerikës në Honduras, ishte bashkëpunëtor i drejtorit të operacioneve kryesore në luftën kundër revolucionarëve të Nikaraguas, të cilën Amerika e quante luftë kundër terrorizmit”. Por, e kaluara e shefit aktual të Pentagonit Donald Ramsfeld është shumë e zezë. Chomsky në lidhje me këtë thekson: “Në fazën e parë të luftës kundër terrorizmit, Ramsfeld ishte i dërguari special i Ronald Reganit në Lindjen e Mesme. Detyra e tij kryesore ishte vendosja e marrëdhënieve të afërta me Sadamin, në mënyrë që Amerika të krijonte kushtet për të ndihmuar sa më shumë qeverinë e tij. Ndër këto ndihma mund të përmendim ndihmën për zgjerimin e armëve të shkatërrimit në masë të Irakut, të cilat vazhduan shumë kohë edhe pas vrasjes masive të kurdëve dhe luftës së regjimit të Sadamit kundër Iranit”.

Në lidhje me ngjarjen e 11 Shtatorit të vitit 2001 në SHBA, Noam Chomsky shkruan: “Për herë të parë gjatë historisë Amerika më 11 shtator, u përball me sulme të cilat zakonisht vet i kryente nëpër vendet tjera të botës”. Pas kësaj ngjarje, Bush deklaroi se shkak i këtyre sulmeve ishte urrejtja ndaj SHBA. Ndërsa Chomsky, këtë ngjarje e sheh në këtë mënyrë dhe shton: “Ata (terroristët) nuk urrejnë popullin amerikan, por politikat amerikane janë bërë shkak i një iritimi të këtillë”.

Ai një ndër shkaqet e shtimit të urrejtjes së popujve të botës dhe në veçanti të popujve të Lindjes së Mesme ndaj Amerikës, e konsideron mbështetjen që ky vend u jep qeverive shtypëse siç është regjimi gjakpirës sionist i cili me vite të tëra ka pushtuar Palestinën dhe është duke vrarë dhe shtypur nga të gjitha anët popullin e pafajshëm palestinez. Pas ngjarjeve të 11 Shtatorit 2001, presidenti amerikan Bush deklaroi se ata qeveri të cilat strehojnë dhe mbështesin terroristët janë vet terroristë. Amerika me këtë pretekst sulmoi Afganistanin dhe më pas edhe Irakut duke dhe i pushtoi këto vende. Por Chomsky, këto akte të Amerikës i cilëson si kontradiktore dhe shton se Amerika ndodhet në krye të terroristëve të botës dhe vet ka strehuar një numër të madh të terroristëve të njohur. Ai përmend emrat e shumë personave të cilët kanë kryer akte të shumta terroriste dhe janë të kërkuar nga Bashkësia Ndërkombëtare dhe që tani të lirë lëvizin dhe jetojnë në Amerikë. Në veçanti kur këta terroristë, me urdhër të Shtëpisë së Bardhë i kanë kryer këto akt terroriste dhe në fakt janë shërbëtor dhe zbatues të urdhrave të Amerikës. Noam Chomsky arrin në këtë përfundim dhe shton se sipas mendimit të Shtëpisë së Bardhë, terroristët ndahen në dy grupe, të mirë dhe të këqij. Në një artikull në gazetën franceze “Le Monde Diplomatique”, Chomsky shkruan: “Sipas mendimit të Uashingtonit, të gjithë terroristët nuk janë të njëjtë. Nuk të quhen terroristë ata të cilët janë të shërbim të interesave të SHBA. Sipas pikëpamjes së Shtëpisë së Bardhë ata janë luftëtarë të lirisë, ashtu siç Osama Bin Laden në atë kohë nga ana e mas mediave konsiderohej luftëtarë për liri i cili ishte një shqetësim serioz për ish – Bashkimin Sovjetik”.

Në të vërtetë, ashtu siç thekson edhe kritiku amerikan Noam Chomsky, lufta kundër terrorizmit nuk është prioritet i politikës së Shtëpisë së Bardhë dhe kjo luftë e qeverisë amerikane kundër terrorizmit nuk është e vërtetë. Ekspertë dhe mendimtarë të pavarur botëror janë të mendimit se lufta e vërtetë kundër terrorizmit kërkon luftimin e rrënjëve të këtij fenomeni si dhe luftimin e pabarazisë dhe diskriminimit nëpër botë. Në lidhje me këtë, profesor Chomsky thekson: “Për luftën serioze kundër terrorizmit, në rradhë të parë duhet të shqyrtohen shkaqet e ekzistencës së padrejtësisë në botë dhe të gjenden rrugëdalje nga ky problem. Përballja me padrejtësitë, është e nevojshme në çfarëdo lloj kushte”.
***********************