Dy tonelata uraniumi nxirren jashtë Irakut

[Di68]

Po mire more antiamerikane te flakte, kaq problem e ka Amerika te sajoje ca prova per arme kimike te gjetura ne Irak, sidomos tani qe ka ushtrine atje? Aq me teper kur mendohet se Amerika ka inskenuar 11 shtatorin...degjova ne lajmet sot ne mengjes, qe ne Gjermani 1 nder 5 mendon se Amerika i ka bere vete sulmet e 11 shtatorit.
Pse nuk e bejne xhanem? Keta qe sjellin verdalle gjithe boten, e qe nderhyjne gjithandej, pse nuk arrijne te bejne dicka per t'ua mbyllur gojen botes?

[Vinny_T]

Nuk e kisha lexuar me pare po nje nga pjesemaresit qe shkruan ne menyre objektive e pa pasione ne kete teme eshte R2T dhe per kete dua ta pergezoj pasi eshte ne nderin e tij e gjitha ajo qe thote. Jep nje shembull te qarte te atij qe nuk le veten te influencohet nga mediat amerikane dhe te degjoje perrallat e tyre per dite. Nje gje me ben pershtypje ketu mua qe edhe kur shefi i Cia-s amerikane pranon hapur qe jane fallcifikuar raporte, kur Berluskoni ve rezerva mbi informacione te serviseve sekrete italiane te cialt u jane transmetuar amerikaneve ( ne lidhje me Irakun behet fjale) kur eksperti Kelly specialist per Irakun i qeverise se Britanise se madhe vrau veten dhe ne dosjen qe ai i dha BBC-se konfirmohet qe shume gjera jane fallcifikuar per te justifikuar luften ne Irak .....ketu vazhdojne dhe i besojne verberisht akoma perrallave te Bush-it!!!
Pa dashur te ofendoj njeri po po me duket kjo pune si ne kohen e Enverit ku çdo gje qe thuhej nga goja e tij nuk diskutohej me e populli ishte si dele keshtu qe mos e lini veten te trajtoheni si dele. kaq kisha une dhe shikim te mbare ne kanalet televizive te shtepise se bardhe per serine e ardheshme Bushi pin kafen ne Iran dhe do haje dreken ne korene e jugut.

[Enri]

E dini si shprehej nje prej keshilletareve te Hitlerit?

Kur nje genjeshter ja thua shume here nje populli atehere ka shume mundesi qe te besohet.
Dhe:
Kur i thua nje genjeshter te madhe nje populli eshte shume me e mundshme te besohet ...

Ata qe duan le te nxjerrin konkluzionet.

[Orku]

KJO ESHTE AMERIKA

Nga Gazmend KAPLLANI

Ndoshta Xhorxh Bush dhe Toni Bler duhet te kishin degjuar keshillen e miliarderit Xhorxh Sorros: "kur e dergon popullin tend ne lufte athere duhet t'i thuash doemos te verteten". Dicka e tille eshte e vetekuptueshme te pakten ne demokracite liberale, atje ku udheheqesit July 29, 2003_in" nga kutite e votimit.

Nuk kane kaluar as disa muaj nga nderhyrja Anglo-Amerikane ne Irak dhe jemi perballe nje "spektaktli" unik. Te dhenat qe u perdoren per te justifikuar nderhyrjen ne Irak dhe qe u ofruan popujve te tyre dhe bashksise nderkombetare, Presidenti Bush dhe Kryeministri Bler, duket se jane te pasakta. Madje akoma me keq: te manipuluara. Sot, rezulton se Bushi ka "shtuar" 16 fjale me shume ne raportin e CIA-s. Bleri nga ana tjeter, betohej se kishte informacione super te sakta qe Sadami dispononte arme berthamore qe mund t'i vinte ne funksionim brenda 45 minutave... Tani, pas lufte, Bush pretendon se e ka fajin CIA. CIA nga ana e saj e pranon qe ajo e mori ne qafe Presidentin... Bleri nga nje ane thote qe "Historia do na fale" dhe nga ana tjeter, i ka shpallur lufte BBC-se. Ne fushen e betejes dergjet tashme kufoma e pare: Dejvid Keli, inspektor i OKB-se per "armet e shkaterrimit ne mase", keshilltar i qeverise britanike, i akuzuar nga stafi i Blerit se ishte "urithi" i BBC... Skena te verteta qe duket sikur jane marre hua nga filmat e Bunuelit dhe Hickokut bashke. Vecse protagonistet kane fuqi te pamase ne duart e tyre, aq sa mund te percaktojne fatin e njerezimit.

Por, pervec kesaj, sjellja e dy lidereve shkakton zhgenjim dhe alarmim kur mendon se per luften ne Irak u perca Perendimi i cili sot ndodhet ne pragun e nje Lufte te Ftohte. Dhe e gjitha kjo sepse - sic duket sot fare qarte - administrata e Bushit donte me cdo kusht luften ne Irak. Sot, Bush dhe Bler thone se lufta u be pike se pari per te liruar popullin Irakian nga nje tiran i paskrupullt. Por ata qe kane kujtese e dine shume mire se ne OKB Kolin Pauell shpenzoi ore te tera qe te bindte boten se lufta ne Irak duhej bere sepse Sadami dispononte arme te tmerrshme qe rrezikonin krejt njerezimin. Kishte te drejte perfaqesuesi i OKB-se ne Irak kur thoshte se: "shaku kryesor per permbysjen e Sadamit duhet te jete e keqja qe ai perfaqeson per popullin e vet dhe jo per Ameriken". Por Bushi dhe Bleri ngulnin kembe te justifikonin nderhyrjen duke perdorur "gogolin" e armeve te shkaterrimit ne mase. Shume jane ata qe pyesin tani: a do jete me e mundur pas luftes ne Irak te behen me "luftra humanitare" si ato te Kosoves? Pergjigja eshte qe do jete shume e veshtire. Nje nga rrjedhojat morale te sjelljes se Bushit dhe Blerit eshte perhapja me shpejtesi epidemike e nje mentaliteti sipas te cilit mekanizma gjithmone e me pak transparente, luajne me globin si luajne me qenin e tyre... Qe gjithcka nuk eshte vecse nje loje narciziste e atyre qe kane me shume arme dhe me shume para. Qe kufiri mes genjeshtres dhe te vertetes, mes reales dhe fallsos, mes logjikes dhe absurdes, mes moralit dhe jo-moralit nuk ekziston me...

***

Ajo qe del qarte eshte se lufta ne Irak ishte "produkt" i dogmes se luftes parandaluese (pre-emptive war) te cilen e formuluan "skifteret" e Pentagonit dhe e propuzuan si mjetin me efikas te luftes kunder "internacionales se terrorizmit". Lufta parandaluese kur kthehet ne dogme ne menyre te pashmangshme do mbeshtetet jo ne te dhena por ne hamendje ose ne bindjen irracionale "keshtu eshte sepse keshtu dua une te jete". Por si thoshte edhe nje gjeneral i "Europes se vjeter" "me bajoneta mund te besh gjithcka, vecse nuk ulesh dot mbi to". Thene ndryshe me forcen e bajonetave mund te fitosh luften por jo paqen. Amerikaet konstatojne sot ne Irak se paqja eshte shume me e veshtire per t'u fituar, se sa lufta. Dhe mbi te gjitha se luftrat mund te fitohen edhe vetem por ne boten e sotme paqja eshte pothuajse e pamundur te ndertohet fillikat, pavaresisht nga forca dhe nga parate qe mund te disponosh. As nuk fitohet paqja duke qarkulluar fotografite e bijve te Sadamit te masakruar nga plumbat. Pervec pamjes makaber qe te kujton mentalitetin Otoman, dicka e tille s'ben gje tjeter pervecse ngacmon inkonshin e arabeve: u sjell ne kujtese fotografite e kolonialisteve me armet e ngritura perkrah "trofeut" te luftes. Eshte nje nga gabimet e shumta qe tregon se sa pak ishin te pergatitur Amerikanet per periudhen post-Sadam. Akte te tilla nuk karakterizojne fituesit por ata qe kane filluar te dyshojne tek fitorja.

Por gjerat nuk shkojne mire as brenda ne Amerike ku ne emer te Aktit Patriotik (Patriotic Act) po shkelen me te dyja kembet principet e shenjta te Kushtetutes Amerikane. "Jane ekstremiste dhe duket qarte cfare duan. Po perpiqen te shkaterrojne qeverine federale, po kerkojne te mbushin gjyqet me gjykates ekstremist detyra e te cileve eshte abrogimi i pjeses me te madhe te te drejtave civile dhe te punes... Nuk mendoj se mund te flasim per nje komplot te djathte por per nje program te se djathtes radikale i cili po aplikohet hapur fare". Fjalet e mesiperme nuk i perkasin ndonje majtisti por znj. Hilari Klinton. Jane fjale alarmuese si ato te revistes filo-amerikane "Ekonomist" e cila prshkruante veprimet e administrates amerikane ne emer te luftes kunder terrorizmit si "jo ligjore jo-kushtetuese dhe jo-Amerikane".

Amerika kalon sot nje nga krizat e saj me serioze. Ndoshta kane te drejte ata qe thone se ne keto momente ku nje kapitull i ri eshte hapur ne historin e botes, ndoshta duhet te shpresojme se administrata amerikane do t'i perkushtohet me shume studimit te historise Amerikane: aty do zbuloje se ekzistenca e Amerikes si lidership i botes demokratike eshte katerciperisht e lidhur me respektimin e principeve te shenjta demokratike, si edhe me marrdhniet e saj me Europen dhe OKB-ne...

[Vinny_T]

Analize e sakte dhe realiste.

[Albo]

David Kay, nje ish inspektor i OKB-se ne Irak, eshte i zgjedhuri nga administrata amerikane per te udhehequr fushaten e gjetjes se armeve te shfarrosjes ne mase. Javen qe kaloi ai deshmoi perpara kongresit amerikan se bashku me nje sere kreresh te administrates Bush mbi ecurine e fushates se gjetjes se armeve.

David Kay u tregua teper optimist mbi gjetjen e armeve dhe zbardhjen e planeve te krijimit te armeve te shfarrosjes ne mase. Ai u tha kongresmeneve se ai ka nje grup prej afro 800 njerezish qe po i marrin nen kontroll me qindra pika te nxehta ne Irak ku dyshohet te jene perdorur nga rregjimi. Ai tha se eshte bere nje progres i madh ne kete drejtim edhe pse nuk dha detaje se cfare lloj progresi pasi sipas tij informacioni eshte teper i ndjeshem.

Ai i siguroi kongresmenet qe po shprehnin skepticizmin e tyre se "Jam i bindur qe koha do te rezervoje disa surpriza per te gjithe skeptiket. Kjo ka per te ndodhur me shpejt se sa ju mendoni." Ai gjithashtu beri te ditur se numri i raportimeve ne terren nga vete irakianet ka ardhur ne rritje kohet e fundit dhe zbulimet e deritanishme jane rezultat i ketyre te dhenave.

Misioni i Kay nuk eshte vetem gjetja e armeve te shfarrosjes ne mase por zbardhja e te gjitha programeve qe rregjimi i sadamit ka patur.

[Albo]

Powell: armët irakiane të shkatërrimit në masë mbeten një pyetje e hapur

25 janar 2004; 5:20 UTC


Sekretari amerikan i shtetit Colin Powell tha se është një pyetje e hapur nëse Iraku i kishte eliminuar armët e shkatërrimit në masë para se forcat amerikane të sulmonin këtë vend marsin e kaluar. Zoti Powell tha se nuk e di nëse do të gjenden këto lloj armësh në Irak ose nëse Sadam Huseni kishte sasi të tyre. Ai i bëri këto komente në përgjigje të komenteve të ish udhëheqësit të ekipit amerikan për kërkimin e këtyre armëve në Irak, zotit David Kay, i cili dha dorëheqjen nga ky post të premten. Zoti Kay tha se ai kishte dyshime se Iraku kishte mbajtur stoqe të armëve të shkatërrimit në masë pas vitit 1991. Presidenti Bush e kishte përdorur faktin se Iraku kishte armë të shkatërrimin në masë si njërën ndër arsyet e tij kryesore për të sulmuar Irakun.
//ad//

[DeuS]

" U mbart mali dhe polli nje mi " - Armet e shkaterrimit masiv !

R2T , me ben cudi qe ti ( personi qe njoh une ) ke dyshime ne gjykimin e nje dileme kaq te dukshme si kjo , qe eshte hedhur ne diskutim . Nuk me mbetet gje tjeter te mendoj , pervec faktit qe e ke hapur kete teme per argetim personal ( si firma qe ke )

E quaj te kote tani , qe te harxhoj kohen duke diskutuar mbi nje ceshtje qe ben " muuuuuuuuuuuuuuuuu - infinite "

Pres me padurim tani , qe te degjoj kush do jete shteti i ardhshem qe dyshohet per arme te shkaterrimit masiv lol

Ju shkon ne mendje ndonje shtet qe ka nafte me shumice ? Po ndonje shtet qe i pengon ndopak shikimin e qarte Amerikes ? Po ndonje shtet qe ka pozite gjeografike perfekte per te stabilizuar trupat ushtarake amerikane ne lufte kundra Kines ose ne ndihme te Israelit lol ?

Ore , si u be puna e Korese se Veriut ? --- aaa u zgjidh me diskutime te shendosha bilaterale ! Bukuri .

...DeuS... ( kur ta zgjidhni kete dileme me lajmeroni edhe mua ) Tani per tani , si rob i drejte qe jam , po votoj ate opsionin e pare. Jo me mire po e lej per ndonje dite kur te jem tape . Te pakten ja vej fajin pijes dhe me Ameriken e mbajme mire muhabetin , gjithashtu

[Albo]

Ish-kryeinspektori amerikan i armëve, David Kay, bëri thirrje për një hetim të pavarur

Deborah Tate
29 janar 2004, 4:45 UTC


Duke dëshmuar të mërkurën para komisionit të senatit për shërbimet e armatosura, zoti Kay fajësoi gabimet e agjencive të zbulimit për dështimin që të gjendeshin armë të shkatërrimit në masë.
Zoti Kay tha se nuk ka gjetur armë të tilla në Irak, megjithëse ai dhe një numër qeverish, përfshirë edhe Shtetet e Bashkuara, besonin se këto armë ekzistonion.

Administrata e presidentit Bush kishte cituar agjencitë e zbulimi, që thoshin se Iraku kishte armë të tilla, si arsyen kryesore për fillimin e luftës.

Zoti Kay mbështeti thirrjet e demokratëve për një hetim të pavarur lidhur me punën e agjencive të zbulimit para fillimit të luftës.

“Në këtë rast, në fund të fundit ju do të arrini në përfundimin se do të duhet një hetim i pavarur si për të mësuar të vërtetën ashtu edhe për t’u bindur për vete dhe për të bindur popullin amerikan se një hetim i tillë është bërë.”

Republikanët në kongres dhe Shtëpia e Bardhë e kundërshtojnë një hetim të pavarur nga frika se kjo do të dëmtonte shërbimin amerikan të zbulimit.

Kryetari i komisionit të senatit për çështjet e zbulimit, Pat Roberts, republikan nga shteti i Kansasit, vuri në dukje se komisioni i tij po e heton këtë çështje dhe se javën e ardhshme do t’u dërgojë anëtarëve një projekt-raport mbi hetimit.

Megjithëse nuk janë gjetur armë, zoti Kay tha se janë gjetur prova se Iraku ishte i angazhuar në programe armësh të ndaluara nga rezolutat e Kombeve të Bashkuara.

Shumë demokratë, përfshirë edhe ata që po përpiqen të fitojnë emërimin e partisë së tyre për në zgjedhjet presidenciale të këtij viti, mendojnë se administrata e presidentit Bush manipuloi informacionin e agjencive të zbulimit për të paraqitur prova për dërgimin e forcave të armatosura në Irak. Senatori Ted Kennedy nga shteti Masachusets është anëtar i komisionit të senatit për shërbimet e armatosura.

“Shumë prej nesh mendojmë se provat deri tani të çojnë në një përfundim: ajo që ndodhi ishte më shumë se sa një dështim nga ana e agjencive të zbulimit. Ajo ishte rezultat i manipulimit të informacionit të zbulimit për të justifikuar vendimin për të dërguar forca të ushtrisë në luftë në Irak.”

Zoti Kay i hodhi poshtë komente të tilla, duke thënë se analistët e zbulimit nuk ishin kurrë nën presionin e qarqeve politike. Ai tha se pyetjeve rreth armëve irakiane të shkatërrimit në masë mund të mos u gjehet kurrë përgjigje, megjithëse ai mendon që kërkimi për armë të tilla duhet të vazhdojë.

Kryertari i komisionit të senatit për shërbimet e armatosura, senatori John Warner, tha se është pamaturi të thuhet se në Irak nuk kishte armë të shkatërrimit në masë.

“Është shumë herët të arrihet në një vendim apo konkluzion përfundimtar.”

Zoti Kay dha dorëheqjen javën e kaluar nga posti i krye-inspektorit amerikan të armëve në Irak, pasi qëndroi në këtë detyrë për 6 muaj. Ai tha se u largua nga kjo detyrë sepse burimet e nevojshme për të vazhduar kërkimet për armë po kalonin në sektorë të tjerë.

//ze//

[Kryeplaku]

Me pelqeu ky sontazhi me siper.
Statistikat tregojne vet qe pak jane Shqiptaret "e verbuar"!