Milioneret fatkeqe

[s0ni]

Ka kaluar nje vit prej ngjarjes qe tronditi Nju Jorkun dhe perseri jehona e saj nuk eshte shuar. Pak jave me pare, revista e mirenjohur amerikane, Rolling Stones, e cila pervec muzikes trajton edhe tema sociale per te rinjte, i kushtoi disa faqe te saj tragjedise qe ndodhi me 23 prill 2002 ne qytezen e qete te Harrisonit. Po keshtu ajo u kujtua edhe ne stacionet televizive kryesore, radio e gazeta. Protagonisti i saj, shqiptari Pat Rukaj, tashme eshte duke kryer denimin qe mori ne fillim te ketij viti. Nje histori qe nisi me nje feste adoleshentesh, degjeneroi ne nje zenke banale dhe perfundoi me vdekjen e 17 vjecarit, Rob Viscom.

Per familjen e emigrantit Gjelosh Rukaj gjithcka u duk se shkoi mire rreth vitit 1990, kur ata fituan mbi 17 milion dollare ne nje llotari. Pas kesaj nje jete luksoze, ne nje qyteze milioneresh. Por gjashte vjet me vone Rukajt do te merrnin goditjen e pare. Gjeloshi denohet me 20 vjet burg me akuzen e vrasjes. Dhe perseri pas gjashte vjetesh, edhe nje prej djemve te tij, Pat Rukaj, shkakton nje tragjedi. Pikerisht mbi kete histori, qe u tregua e u shkrua ne mediat me ne ze te SHBA, revista Klan ka bere nje perzgjedhje per t'ia percjelle lexuesve te saj.

Dita e 23 prillit 2002 filloi ne nje menyre disi te pazakonte per nje shkolle amerikane. Pas nje djegie te rrjetit elektrik, elektriciteti ne godine u nderpre, e ne te njejten kohe edhe mesimdhenia. Drejtori i shkolles "Harrison High School" te provinces Uescester ne shtetin e Nju Jorkut, i dergoi ne shtepi 762 nxenesit e kesaj shkolle, brezi i ri i qytezes se Harrisonit, qyteze, nje pjese e mire e banoreve te se ciles jane multi- milionere. Nje prej tyre eshte edhe familja Rukaj, familje shqiptare e cila u vendos ne Harrison, rreth vitit 1990. Ate dite prilli, vellezerit Pat dhe Nik Rukaj, se bashku me njezet adoleshente te tjere, miq te tyre, do te niseshin per te festuar ne nje party qe organizohej ne shtepine 1.4 milion dollareshe, prone e familjes Porzio, femijet e te ciles, Beth dhe John Porzio, ishin miq te Rukajve.

Ishte nje mbremje tipike adoleshentesh amerikane. Ne mungese te prinderve, Beth Porzio e shnderroi dhomen e lojrave ne nje mini- klub, ku perkrah bilardos, jukebox, tavolinave te ping- pongut dhe futbollit, makinave slot dhe minibarit, nuk mungonin as shishet e shumta te birres apo ndonje tjeter pije alkoolike. Askush nga te pranishmit nuk pranoi te kete perdorur droge, por shume te tjereve nje gje e tille iu duk qesharake, pasi disa nga te rinjte ne ate party njiheshin ne shkolle si perdorues te rregullt marijuane. Ishte nje feste tipike adoleshentesh dhe do te kish mbetur e tille nese po ate dite nuk do te kishte gjetur vdekjen nje prej miqve te tyre me te mire, Rob Viscome.

[s0ni]

Ngjarja

Rob Viscome, 18 vjec dhe Nik Rukaj, 17 vjec, mberriten ne feste rreth ores 13.00, nderkohe qe makinat BMW, Lexus dhe S.U.V te miqve kishin mbushur oborrin. "Zakonisht Rob nuk pinte me teper se nje shishe birre, por ate dite ai po pinte shume alkool". George Arcer do t'i tregonte me vone policise se "ne ishim duke luajtur nje loje me birra dhe une e pashe te pinte dy shishe njera pas tjetres, e jam i sigurt qe ai kish pire me teper se cka pashe une". Rob nuk ishte i vetmi, deshmitaret tregojne se edhe ish e dashura e tij, Beth Porzio ishte e dehur. Sipas Mark Ramos, keshtu iu tha ajo dy djemve te tjere, kur ata i kerkuan asaj t'i dergonte me makine deri tek fusha e bejzbollit. Rreth ores 14.40, "Rob filloi te fliste shume e te behej i zhurmshem", tregon Mike. Gjate kesaj kohe ai ishte duke luajtur bilardo me Nik Rukaj, te cilit i kishte fituar edhe lojen. Te dy po shkembenin fjale fillimisht me te qeshur, por gjithcka do te merrte kthese kur Nik beri nje koment mbi babain e Rob, i cili duke qene pergjegjes per ujin e qytezes, nuk bente pjese ne te ashtuquajturen elite e qytetit. Mesa duket Rob ngeli i ofenduar kur Nik i tha: "Nje dite edhe ti do te punosh per qytetin si yt ate", dhe iu pergjigj me te njejten monedhe Nikut. "Shiko ku do te jesh ti pas dhjete vjetesh, si babai yt ne burg". Te gjithe e dine se ne ka nje bisede tabu ne Harrison, ajo eshte biseda mbi babain e Rukajve, i cili eshte ne burg prej vitesh. Pas ketij komenti Nik e kap Rob prej gryke dhe e perplas pas barit. "Te gjithe e dinin qe Rob e kishte gjuhen spec, por gjithashtu ne e dinim qe ai nuk nenkuptonte asgje te keqe me ato qe thosh", do te shprehej me pas Matt Siciliano. Sidoqofte, nuk i eshte dukur keshtu Pat Rukajt, vellait te vogel te Nikut, i cili ndodhej i ulur ne nje nga stolat e minibarit. Sipas deshmise se Billy Coleangelo, Pat, 16 vjec, u cua i nxehur (temperament per te cilin njihej ne shkolle) dhe e kapi Rob per gryke duke i thene: "Mos fol per tim at! Do te te vras!". Ndonese Rob nuk beri ndonje tentative per te vazhduar zenken, Pat Rukaj, duke hequr varesen e arit qe mbante ne qafe e duke u drejtuar per nga oborri, i kerkoi atij te ziheshin jashte. Sipas Ashley Fanelli, Rob e ndoqi Pat nga pas me idene per te ndaluar zenken duke i thene: "Vetem... vetem... ndalo!". Pat e godet ate ne faqen e majte dhe Rob u shemb pertoke, duke bere qe koka e tij te perplasej ne beton. Pat u ul menjehere ne gjunje duke i thene "Cohu! Cohu!" trupit pandjenja te Rob, por pa marre asnje shenje reagimi.

Familja Rukaj

Familja Rukaj erdhi nga Grinburg ne Harrison rreth vitit 1990, pasi dolen nje nga fituesit e shumes 35 milion dollare, qe jepte llotaria e shtetit te Nju Jorkut, duke perfituar 17,5 milion dollare. Endrra amerikane per emigrantin shqiptar Gjelosh Rukaj (i njohur edhe si Joseph Rukaj) dhe familjen e tij kishte marre jete, me shpejt se per vete amerikanet. Shume prej banoreve e mbajne mend si nje njeri te paraqitshem, i cili vishej me kostume Versace, ngiste nje "Range Rover" dhe e vendosi familjen e tij- gruan dhe kater femijet- ne nje shtepi te mrekullueshme. Ne te njejten kohe ai kishte edhe nje vajze jashte martese me te dashuren Rigaletta Nikac, e cila i krijonte probleme Gjeloshit per ta takuar femijen e tij. Pas pese vjetesh mosmarreveshje, me 11 shtator te 1996, ai shkon ne shtepine e Rigalettas, ne Chappaqua per te marre vajzen, kete here me pistolete. Ne fund te dites ngjarja rezultoi me vrasjen e Rigaletta dhe Mark Nikac. Gjelosh Rukaj u denua me 20 vjet burgim per vrasjen e Mark, ndersa vrasja e Rigalettas u shpjegua se ndodhi per arsye vetembrojtjeje pasi kjo e fundit e kish gjuajtur e para me pistolete Gjeloshin. Ai ndodhet momentalisht ne nje nder burgjet me ne ze te SHBA, i njohur me emrin Sing Sing ku po vuan vitin e peste te denimit.

[s0ni]

Pas ngjarja

Nderkohe qe Rob ra ne toke pa ndjenja, te rinjte e tjere ne party kishin marre vesh se cfare ndodhi dhe ishin afruar ne vendngjarje. Kish prej tyre qe filluan t'i therrisnin apo ta godisnin Rob ne faqe si per ta sjelle ne vete, por asnje reagim. Njeri prej tyre, George, i kapi doren per t'i matur pulsin e pasi ndjeu goditjet ritmike mundi vec t'i thosh: "Zgjohu vella!". Ne kete moment Pat therriti per ndihme "Dikush te lajmeroje ambulancen!", ndersa te tjeret filluan te therrisnin "Telefononi Policine!". Por ndonese te gjithe kishin celulare, askush nuk telefonoi, madje as Ashley nje mike femijerie e Rob. Ne polici, per me teper, ajo deshmoi se nuk kishte telefonuar pasi nuk kish patur celular me vete. Por sipas Mike, nje adoleshent tjeter, ajo kish thene "Nuk mund ta bej ate", kur i ishte kerkuar te telefononte 911-en, policine. Arsyen e mos telefonatave, Pat do t'ia shpjegonte policise duke thene: "Sepse ata nuk donin qe policet te vinin e te shikonin tere ate alkool qe ishte aty".

Nik Rukaj dhe George e vendosen Rob anash dhe vune re se atij po i dilte gjak nga koka. Njeri prej te rinjve i telefonoi per ndihme John Porzios, 17 vjecarit ne shtepine e te cilit po zhvillohej party, ndonese ai nuk ishte aty. "Kjo s'eshte mire! Nxirreni qe andej! Mos tregoni qe ndodhi ne shtepine time!". Kjo do te ishte "ndihma" prej John, teksa miku i tij me i mire po jepte jete. Disa nga me te fortet, ngriten peshe trupin e Rob per ta larguar nga shtepia dhe pasi kishin ecur ca, kryqezohen ne rruge me Beth, ish te dashuren e Rob me te cilen ai kish vendosur te shkonte ne mbremjen e fundvitit shkollor. E "paralizuar", pa mundur te thoshte asnje fjale, as ajo nuk i telefonoi policise apo ambulances, nderkohe qe i vellai, John, filloi t'i bertiste: "Ti je budallaqe! Si mund te ftosh njerez ne shtepi! Keshtu ndodhin keto pune muti!". Ne ate kohe djemte qe mbanin trupin e Rob, humben kontrollin dhe koka e tij pesoi nje goditje ne toke per te dyten here. Nuk dihet per sa kohe do te kishte vazhduar kjo gjendje, po te mos kish qene per Paul Pisani, i cili po vinte ne party se bashku me miqte e tij ne ato momente. Pasi John Porzio i thote "miku juaj do te vdesi" dhe shton "mos trego qe ndodhi ketu, thuaj qe ndodhi ne park a diku tjeter", Paul merr iniciativen per te derguar me ne fund trupin e Rob ne spital. Me vone, John Porzio dhe disa te tjere do te fshinin cdo gjurme nga vendgjarja. Tek tentonin per te futur trupin ne makine, per te dyten here, djemte qe mbanin trupin e Rob humbin ekuilibrin, duke shkaktuar nje perplasje te trete ne koke. "U duk sikur dicka u thye", tregon Pat Rukaj, i cili do te ngiste makinen qe beri transportimin. Kur mberriten ne spital dhe fillimisht edhe per policine, te gjithe do te tregonin se Rob kish qene duke pire ne parkun Petixhon, humbi ndjenjat nga pirja e tepert e alkoolit dhe perplasi koken ne toke. Ne 15.10, kur trupi i tij mberriti ne spital, ishte teper vone. Sipas mjekeve truri kishte pushuar se funksionuari. Pas shtate diteve ne koma, Viscome do te deklarohej i vdekur.

Fundi

Njezet minuta iu deshen rreth njezet te rinjve te vendosnin per fatin e Rob Viscome, nderkohe qe spitali ndodhej vetem pese minuta larg shtepise ku ndodhi incidenti. Te perditshmet me te medha si New York Post, New York Times, Abc News e shume gazeta e stacione televizive te tjere do ta transmetonin kete ngjarje tragjike per dite me radhe, e cila e shokoi publikun me teper per indiferentizimin e treguar nga keta te rinj se sa per vete tragjedine. Askush nga te rinjte qe kishin qene prezente ne ate mbremje nuk i telefonoi Robert dhe Gloria Viscome, prinderve te Rob, per t'i shprehur keqardhjen, gje qe e ben edhe me te dhimbshme kete histori, e te ben te mendosh se indiferentizmi nuk ishte thjesh nga paniku i momentit, sic do te shfajsoheshin adoleshentet me vone. Pervec shqiptarit Pat Rukaj, i cili u denua kete fillim viti me "tentative per te demtuar fizikisht" pasi e pranoi vete kete faj, (me kerkese te familjes Viscome qe askush te mos perfundoje ne burg, ai do te beje disa kurse per te menaxhuar nevrikosjen dhe ore pune falas per zonen), asnje tjeter nga te rinjte nuk pati probleme me ligjin, ndonese genjyen ne polici, ne spital, kishin pire alkool (ne SHBA eshte ilegale nen moshen 21 vjec), fshehen gjurmet e ngjarjes, etj.

Nje gje e tille u shpjegua ironikisht nga nje polic: "Te genjesh policine nuk eshte ilegale per sa kohe nuk ke firmosur deshmine dhe qe te hapesh telefonin e te mos telefonosh 911-en per te ndihmuar nje mik te mire, prape as kjo nuk eshte ilegale". Ne nje moment kur Rob sapo ish cuar ne spital, i rikthyer ne shtepine e Porziove, Pat Rukaj ishte shprehur: "Nuk me besohet kjo qe bera, shpresoj qe Viscome te jete OK. Ime me do te me vrase. Jeta ime eshte dhjere!". I te njejtit mendim ishte edhe gjyqtarja e gjykates se Uescesterit, Jeannina Pirro, e cila tha per shtypin: "Ketyre femijeve do t'iu duhet te jetojne me kete tragjedi per gjithe jeten e tyre, e ne nje fare menyre, ky eshte nje denim ne vetvete."

[BlEdIi]

"Paraja e madhe te rrit mendjen dhe te ha koken!"

Megjithate te pershendes per kete shkrim Eliona se je lodh qe e ke sjell ketu.