Londer: Nis Gjygji i 5 shqiptareve, moren peng 23-vjecaren

[Shijaksi-London]

Nis gjyqi i 5 shqiptarëve, morën peng 23-vjeçaren


--------------------------------------------------------------------------------

Nga Londra Muhamed Veliu Gazeta Shqiptare.

Pesë shqiptarë, banues në Londër, kanë dalë dje para gjykatës së Snarebrook në lindje të Londrës. Ata janë përballur me akuzat e ngritura nga prokurori Xhon Keller për bashkëpunim në rrëmbimin, pengmarrjen dhe përdhunimin e një shqiptareje 23-vjeçare. Nexhmedin Ramadani, Besnik Brecaj, Aleks Gjekaj, Robert Linadi, Ilir Skënderi janë pesë të akuzuarit, që më 29 tetor 2002, shqiptaren 23 vjeçe, e cila punonte si prostitutë në lagjen “Acton” të Londrës. Emri i vajzës nuk mund të bëhet publik për arsye hetimi. Pas rrëmbimit vajza është mbajtur peng dhe është përdhunuar katër herë nga Aleks Gjekaj.

Rrëmbimi i 23-vjeçares
Shqiptarja 23-vjeçare kishte mbërritur në Londër si azilante së bashku me një person tjetër, e fshehur mbrapa një kamioni më 21 qershor 2002 dhe më pas kishte kërkuar azil. Në Londër kishte takuar Sabri Muçën, nga ku më pas ata janë bërë miq dhe miqësia e tyre është shndërruar në dashuri. Ajo pranon se ka punuar si prostitutë më dëshirën saj për parà, duke e mbajtur jashtë këtij biznesi të dashurin e saj. Më 29 tetor 2002 vajza shqiptare ishte rrëmbyer nga klienti i saj shqiptar Aleks Gjekaj. Më pas ajo është mbajtur e izoluar në shtëpinë e Nexhmedin Ramadanit për tri ditë, ku, sipas prokurorit, është trajtuar si kafshë nga Gjekaj. Ky i fundit mendohet se është organizatori i rrëmbimit. Xhekaj i ka kërkuar të “dashurit” të vajzës, Sabri Muça, një shumë prej 12.000 stërlinash në këmbim të lirisë për të dashurën e tij. Vajza kishte gjetur mundësinë kur në shtëpi ishte vetëm Ramadani, dhe të hidhet nga dritarja e banjës nga kati i tretë i shtëpisë ku mbahej peng për tri ditë. Me disa dëmtime të vogla në kurriz, e ndihmuar edhe nga komshinjtë, vajza ka mundur të largohet. Ajo është dorëzuar në polici ku ka denocuar rrëmbimin e saj.

Arrestimi i pengmarrësve
Pas dhënies së dëshmisë, policia e Londrës ka realizuar arrestimin e të pestë pengmarrësve në data të ndryshme. Ndërkohë të gjithë i kanë mohuar akuzat, përveç Ramadanit, i cili pranon se e ka mbajtur vajzën në shtëpi kundër dëshirës së saj. Gjykatësi Martin Zeidman e vlerësoi pranimin e fajit nga Ramadani dhe e paralajmëroi atë se, megji-thëkëtë hap të mirë, ai duhet të përgatitet për një burgim të gjatë.

Autoritet policore të Londrës ndihen mjaft të shqetësuar për rritjen e kriminalitetit të shqiptarëve atje. Gjatë një vizite punë në Tiranë, drejtori i policisë së kryqytetit anglez kërkoi si tepër urgjente përpilimin e një liste me të dhëna rreth emigrantëve shqiptarë të ishullit. Sipas drejtorit të policisë së Londrës, krimet e shqiptarëve kanë pësuar një rritje të ndjeshme dhe kriminelët shqiptarë janë duke u shndërruar në padronë të kriminalitetit në Londër. Ata zotërojnë tashmë trafikun e prostitucionit dhe krimet e tjera kryesisht brenda vetë komunitetit. Për këtë qëllim Ministria e Rendit caktoi një oficer kontakti me zyrë në Londër në shërbim të shkëmbimit të informacioneve mes dy policive.