Dhoma e Lutjes!

[ABIGAIL]

Po pati mundesi ju lutemi qe te mos ta bejme kete teme, teme debatesh, por le te ngelet nje teme ku te gjithe te krishteret mund te shkruajne ato gjera qe ata kane deshire te luten.

Ndersa per deshmite dhe pergjigjet e lutjeve mund ti shkruani tek tema qe kam hapur "DESHMI VETEM NGA TE KRISHTERET".

Paqesisht Abigail!

[Astrit77]

Jam plotesisht dakort me deshmuesin dhe Abigail-in qe ta ruajme kete teme vetem per lutje dhe falenderime ndaj Perendise sone te lavdishem. Tema per diskutime ka mjaft dhe mund te hapen edhe te tjera.

Le te falenderojme Perendine tone te mrekullueshem, Atin e dritave prane te cilit nuk ka ndryshim, Jakobi 1:17 :

çdo gjë e mirë që na jepet dhe çdo dhuratë e përsosur vjen prej së larti dhe zbret nga Ati i dritave , pranë së cilit nuk ka ndërrim dhe as hije ndryshimi.

Lutuni vellezer dhe motra pa pushim dhe Perendia i cili eshte besnik do te plotesoje cdo nevoje tonen. Le te vazhdojme te lutemi per nje zgjim shpirteror ne Shqiperi dhe kudo ku jane shqiptaret, si dhe le te vazhdojme te lutemi per pjestaret e familjeve tona qe edhe ata te shpetohen dhe ti japin lavdi Perendise.

Faleminderit prej secilit qe lutet per mua dhe familjen time, si dhe per vellezerit dhe motrat ne Krisht.

[Astrit77]

Vellezer dhe motra ne Krisht!

Faleminderit per lutjet tuaja dhe per inkurajimet tuaja. Jeni te gjithe ne lutjet e mia. Le te vazhdojme te lutemi vazhdimisht dhe pa u lodhur dhe te perpiqemi te bejme vullnetin e Perendise. Perendia eshte besnik dhe Ai kurre s'do te vonoje te plotesoje kerkesat dhe nevojat tona. Po ju kujtoj nje varg nga Fjalet e urta 3:5-6:

5 Ki besim tek Zoti me gjithë zemër dhe mos u mbështet në gjykimin tënd;
6 pranoje në të gjitha rrugët e tua, dhe ai do të drejtojë shtigjet e tua.

Gjithashtu per inkurajim ju ftoj te lexojme edhe Psalmin 100:

1 Dërgojini klithma gëzimi Zotit, o banorë të të gjithë tokës!
2 I shërbeni Zotit me gaz, ejani para tij me këngë gëzimi.
3 Pranoni që Zoti është Perëndia; na ka bërë ai dhe jo ne vetë; ne jemi populli i tij dhe kopeja e kullotës së tij.
4 Hyni në portat e tij me falenderim dhe në oborret e tij me lavde; kremtojeni, bekoni emrin e tij.
5 Sepse Zoti është i mirë; mirësia e tij është e përjetshme dhe besnikëria e tij vlen për të gjitha brezat.

[Astrit77]

Motra dhe Vellezer ne Krisht!

Le te vazhdojme te lutemi pa u lodhur per njeri-tjetrin dhe per te pashpetuarit dhe njekohesisht le t'i sjellim lavdi Perendise tone per miresine e Tij ndaj nesh. Do t'ju inkurajoja te lexonim sebashku Psalmin 150 :

1 Aleluja, lëvdoni Perëndinë në shenjtoren e tij, lëvdojeni në kupën qiellore të pushtetit të tij.
2 Lëvdojeni për mrekullitë e tij, lëvdojeni sipas madhështisë e tij.
3 Lëvdojeni me tingullin e burive, lëvdojeni me tingullin e harpës dhe me qeste.
4 Lëvdojeni me dajre dhe me valle, lëvdojeni me vegla me tela dhe me frymë.
5 Lëvdojeni me cembale tingëlluese, lëvdojeni me cembale kumbuese.
6 Çdo gjë që merr frymë le të lëvdojë Zotin. Aleluja.


I madh eshte Perendia yne dhe e madhe eshte miresia e Tij ndaj nesh. Le te ecim ne rrugen tone se bashku me pranine e Perendise, per mua eshte teper inkurajuese vargu tek Eksodi 33:15 :

Atëherë Moisiu i tha: "Në qoftë se prania jote nuk vjen me mua, mos na nis që këtej.

Le ti lutemi Perendise qe prania e Tij te jete me ne, në te gjitha rruget tona.

[Astrit77]

Motra dhe vellezer ne Krisht!

Le te lutemi dhe inkurajojme njeri-tjetrin ne rrugen e veshtire, por te bekuar ku na thirri Zoti yne. Le te jemi ngulmues deri ne fund, te durueshem dhe te mbushemi gjithnje me Fryme. Kemi gjithmone nevoje per Frymen e Shenjte, per Fjalen e Perendise qe te na ushqeje dhe te na forcoje ne betejen tone te perditshme shpirterore. Le te lexojme Psalmin 1 dhe te meditojme mbi Fjalen e Perendise dhe ti lutemi Zotit te na tregoje gjithshka qe kemi nevoje. Psalmi 1 :

1 Lum njeriu që nuk ecën sipas këshillës të të pabesëve, që nuk ndalet në rrugën e mëkatarëve dhe nuk ulet bashkë me tallësit,
2 por që gjen kënaqësinë e tij në ligjin e Zotit, dhe që mendon thellë ditë e natë mbi ligjin e tij.
3 Ai do të jetë si një pemë e mbjellë gjatë brigjeve të ujit, që jep frytin e tij në stinën e tij dhe të cilit gjethet nuk i fishken; dhe gjithçka bën do të ketë mbarësi.
4 Të tillë nuk janë të pabesët; janë si byku që era e shpërndan.
5 Prandaj të pabesët nuk do të përballojnë gjykimin, as mëkatarët në kuvendin e të drejtëve.
6 Sepse Zoti njeh rrugët të drejtëve, por rruga e të pabesëve të çon në shkatërrim.

Gjithashtu le te sjellim para Perendise tone çdo shqetesim dhe problem dhe te jemi te sigurte qe Ai eshte besnik i premtimeve te Tij dhe do t'i zgjidhe ato, Filipianeve 4:6-7 :

6 Mos u shqetësoni për asgjë, por, në çdo gjë, ia parashtroni kërkesat tuaja Perëndisë me anë lutjesh dhe përgjërimesh, me falënderim.
7 Dhe paqja e Perëndisë, që ia tejkalon çdo zgjuarësie, do të ruajë zemrat tuaja dhe mendjet tuaja në Krishtin Jezus.

Kalofshi nje fundjave se bashku me pranine e Perendise dhe nje fundjave per lavdine e Perendise.

[deshmuesi]

Me dhimbje lajmeroj vdekjen e vellait tim, i cili vdiq ne mesnate.
Ai ishte pastor dhe vdiq nga nje infarktmiokardi.
Ju lutem te dashur vellezer ne Krisht qe te luteni per familjen e tij, nenen dhe ne te afermve te tij, qe Zoti te na forcoje.
Kushdo qe e lexon kete mesazh le te lutet .
Zoti Krisht ju bekofte.
Deshmuesi

[Astrit77]

Deshmuesi!

Ngushellimet e mia te sinqerta. Me vjen keq per kete gje, por sic tha edhe Jobi, kur mori vesh per vdekjen e bijve te tij, tek Jobi 1:21:

"Lakuriq dolla nga barku i nënës sime dhe lakuriq do të kthehem. Zoti ka dhënë dhe Zoti ka marrë. Qoftë i bekuar emri i Zotit".

Ngushellimin me te madh per vellane ta ka dhene Zoti, ai ishte i krishtere dhe si i tille ai ka kaluar nga vdekja ne jete, nepermjet Krishtit, dhe nje dite ti do ta takosh ate ne pranine e Zotit. Une do te lutem per ty dhe gjithe te afermit e tij.
Hiri dhe paqja e Zotit qofte me ju.

[Astrit77]

Vellezer dhe motra!

Vazhdoni te luteni per njeri-tjetrin dhe te afermit tone. Eshte nje inkurajim i madh per secilin prej nesh kur dime se kemi edhe dike tjeter qe lutet per ne per nevojat tona. Perendia eshte besnik dhe me gjithe veshtiresite e jetes na jep ngushellim dhe na lehteson barren. Le ti japim Atij lavdi dhe falenderim dhe le ti ofrojme Perendise tone me te mirat qe kemi, sepse edhe Ai dha me te miren per ne, Birin e Tij, Zotin e lavdise, Jezu Krishtin. Le te lexojme se bashku lutjen e Zotit tone Jezu Krisht ne momentet e fundit para arrestimit, per te gjthe te krishteret, Gjoni 17:20-26 :

20 Tani unë nuk lutem vetëm për ta, por edhe për ata që do të besojnë në mua me anë të fjalës së tyre,
21 që të gjithë të jenë një, ashtu si ti, o Atë, je në mua dhe unë në ty; edhe ata të jenë një në ne, që bota të besojë se ti më ke dërguar.
22 Dhe unë u kam dhënë lavdinë që më ke dhënë, që ata të jenë një, ashtu si ne jemi një.
23 Unë jam në ta dhe ti në mua, që të jenë të përsosur në unitet dhe që bota të njohë që ti më ke dërguar dhe që i ke dashur, ashtu si më ke dashur mua.
24 O Atë, unë dua që atje ku jam unë, të jenë me mua edhe ata që më ke dhënë, që ta shohin lavdinë time që ti më ke dhënë, sepse ti më ke dashur para themelimit të botës.
25 O atë i drejtë, bota nuk të ka njohur, por unë të kam njohur; dhe këta e kanë njohur se ti më ke dërguar.
26 Dhe unë i kam bërë të njohin emrin tënd dhe do të bëj ta njohin akoma, që dashuria, me të cilën ti më ke dashur mua, të jetë në ta dhe unë në ta”.

Hiri dhe paqja e Zotit qofte me ju.

[ABIGAIL]

Pershendetje!

Javen e kaluar, motra dhe vellezer nga kisha ime, shkuan per ungjillizim ne dy ishuj te Greqise. Kishte interesime nga shume shqiptare, u shperndane materiale te ndryshme dhe shume persona shprehen deshiren qe te mesonin me shume per Krishtin dhe te vinin ne ndonje kishe.

Do te doja qe te luteshit per te gjithe ata persona qe moren Fjalen e Perendise, qe ata te shpetohen, dhe nese eshte e mundur te hapet nje kishe atje dhe ata te kene mundesi te mblidhen dhe te na jepet mundesia qe vellezer nga kisha te shkojne dhe ti vizitojne ata. Kjo eshte nje veper i qe i perket Perendise, por lutja eshte detyra jone. Lutuni per ata dhe per fushata te tjera qe kemi ne plan te bejme ketu ne Greqi qe te gjithe te degjojne per mesazhin e Krishtit!

Dhe gjithashtu kete te shtune fillon Konferenca e krishtere (ose kampi) ku mblidhen te gjithe te rinjte besimtare nga e gjithe Greqia, dhe nga besimtare te tjere qe banojne ne shtete te tjera. Lutuni per kete Konference, per mesazhet dhe gjithcka qe do te flitet gjate atyre 8 diteve.

Paqa e Perendise qofte me ju te gjithe!

Abigail!

[R2T]

Deshmuesi, ngushellimet e mia per vellane tend. Bekimi dhe paqja e zotit qofshin mbi te.