Shqiptaret te implikuar ne trafiqe ne te dy anet e kufirit

[Brari]

Kohajone

---------

Kukesi i kthen 12 makina UNMIK-ut
Kukes - 114 makina te bllokuara ne Qarkun e Kukesit ne pese muaj. Sipas policise nje pjese e madhe e tyre jane vjedhur ne Kosove. Ndersa brenda ketij harku kohor jane kthyer ne Kosove pronareve te ligjshem te makinave te vjedhura, pjesa me e madhe e tyre. Vetem UNMIK-ut i jane kthyer 12 fuoristrada te vjedhura nga Drejtoria e Policise se Qarkut te Kukesit. Keto jane te dhenat statistikore te sektorit te policise se qarkullimit rrugor ne rrethin e Kukesit, te cilat flasin per nje pune te perkushtuar te ketij sektori te policise. Shefi i Policise Rrugore te Kukesit Pellumb Lisha eshte shprehur per "Koha Jone" se nga muaji janar-maj jane 69 mjete te bllokuara ne rrethin e Kukesit, 20 mjete ne rrethin e Hasit dhe 25 ne ate te Tropojes. Sipas tij bllokimi i mjeteve te lartpermendura ka ardhur si rezultat i mungeses se dokumentacionit te mjeteve si dhe nje pjese e madhe e tyre kane rezultuar te vjedhura ne Kosove. "Keshtu qe ne harkun kohore te pese muajve,-thekson Lisha,- vetem UNMIK-ut i jane kthyer 12 makina tip fuoristrada te vjedhura nga shtetas te Republikes se Shqiperise, duke i kaluar ato ne rruge te fshehte ne per shtegkalime te ndryshme pergjate kufirit te Kosoves me Qarkun e Kukesit. "Jane pese makina te shoqatave joqeveritare qe operojne ne Kosove, tashme te bllokuara ne komisiariatet e policise se Qarkut te Kukesit qe se shpejti do t'u kthehen atyre, pasi jane plotesuar te gjithe dokumentacioni i nevojshem per kthimin e tyre", -ka nenvizuar shefi i policise rrugore. Me tej ai ka nenvizuar se fluksi i mjeteve te vjedhura ne Kosove nga shtetas te Republikes se Shqiperise nga muaji janari, eshte ne rritje. Vetem per muajin maj jane regjistruar 23 mjete te bllokuara ne rrethin e Kukest dhe 16 ne ate te Tropojes. "Sektori i policise rrugore i ka kushtuar nje vemendje te vecante punes se saj ne kete drejtim duke shtuar kontrollet e saj dhe rritjes se numrit te postoblloqeve me qellim minimizimin e fenomenit te vjedhjes se makinave matane kufirit",-ka perfunduar shefi i policise rrugore ne Drejtorine e policise se Qarkut te Kukesit Pellumb Lisha.

M.Halili

----------
gur gur behet kalaja por nga vjedhjet e hajnave behet hataja.
Keta pisa mbushin xhepat e tyre por na prishin me Naton, clirimtaren e Kosoves. Lahpera mismirnjohes.
Mos hani bar shok Kosovar!!!!.

[kosovar]

Policia ndërkombëtare ka konfiskuar në Gjilan një sasi të materialit për prodhimin e mëse 40 tonë të cigareve
--------------------------------------------------------------------------------

Gjilan, 30 maj 2002 - Zëdhënësi i policisë për Sektorin e Lindjes, Romano Ulianovski ka bërë të ditur se policia ndërkombëtare në një aksion të saj ka zbuluar dhe ka konfiskuar në rajonin e Gjilanit një sasi të materialit për prodhimin e mëse 40 tonë të cigareve.

Materiali i konfiskuar është gjetur në një fabrikë ilegale të prodhimit të cigareve në Gjilan. Mirëpo, sipas përshkrimit të vendodhjes së saj del se fjala është për objektet e industrisë së duhanit në Gjilan. Hetime kanë treguar se këtu gjatë vitit 2000 janë prodhuar dhe janë shitur pa licencë 20 tonë cigare të llojit Marllboro, tha Ulianovski.
-----------------------------------------

Brari,

Ja ky është "fryti" i qeversiës së PS në Shqipëri dhe i QPKTH-it në Kosovë. Në Shqipëri pa drita, akuzohet i zgjedhuri i PS-për "marifete". Në Kosovë pa drita, akuzohet një ndërkombëtar e shumë nga bordi i drjetorëve të KEK-ut, të emërruar nga QPKTH-it.
Në Shqipëri mbaroi albtelekomi, në Kosovë kush se di çfare ka berë shoqja e QPKTH-it, Leme apo Lame Xhema! Në Shqipëri trafikohet me cigare, një zot e di prej kur, në Kosovë QPKTH-it vetëm në vitin 2000 zbulohen 20 tonë cigare të vjedhura, pardon pa licencë!

[ILovePejaa]

kosovar cka do te thote QPKTH?

Dhe sa i perket kontrabandes se cigareve, naftes, eshte shume shume e komplikuar.
kosovar, per kontrabanden e cigareve dhe naftes jeni duke shkruar ne mjegull, pa pasur info jo te mjaftushme dhe me nje frymezim anti-Thaqi dhe pa e ditur se Thaqi nuk ka fuqi ta udheheq ate kontrabande. Ne kete trafike sjellen interesa shtetesh si Malit te Zi, Maqedonise, Serbise, Bosnjes dhe Shqiperise ndersa kontrabanda ne Kosove kontrollohet nga tre njerez, dy pa floke dhe nje me floke, neqofse ke info mundesh te dekodoshe diqka nga mesazhi ime dhe nga floket. Kaq dije te theme.

Sidoqofte, nuk kam ndermend qe te tjereve t'ju beje probleme, qe ne forum te shkruj te verteten mbi kete kontrabande, ne Rrafshin e Dukagjinit dhe Rrafshin e Kosoves edhe pse kam teper info.

[kosovar]

QPKTH=Qeveria e Përngutshme e Kosovës e Thaçit.

Unë nuk flas me kode e me shkelje syri! Kur di e them haptas, kur s'di, rri rehat dhe nuk mirrem me çeshtje flokësh!

Nëse ke frikë ta thuash haptas, më thuaj në privat, e unë e them haptas jo vetëm në forum por edhe në mjete tjera të informimit me emër e mbiemër të vërtetë.
Kaq!

[mad_about]

kosovar
ti kishe plotesisht te drejte per gjithe ato qe kishe shkruar se ne te vertete eshte ashtu .
nese dikush ka interesa nga ai trafikim pse duhet shfrytezuar ne dhe vednin tone.
ne gjithmone jemi mesuar qe fajin t'ja leme te tjereve po eshte momenti i fundit qe te vetedijesohemi,se askush nuk do na tregoje neve se c'duhet bere te mira per veten tone(perkundrazi).
nuk duhet ti mbyllim syte para te vertetes.

[Pellazgu]

I lexova këta mesazhet këtu sipër dhe më habiti diçka.
Nuk është fakti se u bë kontrabandë apo u bë vjedhje. As pjesëmarrja e Thaçit me flokë apo pa flokë. Është ajo puna e trimërisë më të madhe- durimit dhe ajo puna e të prishurit me Naton si edhe ajo tjetra për atë që i pëlqen vetja dhe nuk u pëlqeka nga të tjerët.
Këto mbroçkulla duhet të jenë shkruar nga Ibrahim Rugova, patjetër, se njeri shqiptar me dy gram tru, nuk ma merr mendja se i ka shkruar. Më falni, nuk dua të akuzoj njeri si me dy fytyra, por, ju lutem, a nuk i hiqni ato pseudonimet dhe dilni me emrin tuaj të vërtetë?!
Faleminderit për mirëkuptimin!

[Brari]

Te siguroj se Rugova nuk shkruan ketu.


Ju keni nji ideal te tille..
"Për të gjitha trojet Shqiptare nën një tërësi Shtetërore Shqiptare, t'i shkrijmë çdo energji!"

Rugova punon per kete ideal. Nese nuk do kish punuar per kete Ideal nuk do kish marre LDK-ja as 2 % te votave.

[kosovar]

Pellazgu

Më bëre të qeshem shumë. Sidomos me punën e durimit etj...

Çdo shtet që ka një qeveri, ka edhe një kryeminister. Të mirat dhe të kqijat i bien kryeministrit në udhëheqjen e vendit dhe qeverisë së tij. Kuptohet kjo ndryshon sipas kompetencave që i akordon kushtetuta e vendit përkatës.

Në Kosovë në vitin 2000 kryeminister i QPKTH ishte Thaçi e jo Rugova. Tash prap Thaçi e ka kryeministrin nga partia e vetë.

Fundja çfarë shtetesh janë Maqedonia, Mali i Zi (Prishtina ka me shumë banorë se Mali Zi) apo Bosna etj. që trojet shqiptare të poshtrohen deri ne këtë nivel kaq të ultë.

Veç kësaj është kombi shqiptar që po vuan nga varfëria derisa të tjerët po pasurohen me trafiqe duke përdoruar takën shqiptare.

Sa për identifikim po me habit pakëz. Pse ti je regjistruar me emrin Pellazgu e jo me identifikim të vërtetë?

[Brari]

lahper-njeri i keq

Lahpera te kosoves jane hajnat , trafikantet, te korruptuarit. Ata kane "vllezerit" e tyre ne shqiperi.
Ne shkrimin tim flitej per hajna qe vjedhin makinat (kerret) e Unmikut neKosove dhe i dergojne ne Albani. Kjo eshte e dokumentuar nga policia e Kukesit. Pra nuk eshte shpikje imja.
Kjo vjedhje e bere ne bashkpunim mes hajnave te Kosoves dhe hajnave te Shqiperise eshte shume e demshme per ceshtjen e Kosoves dhe nuk duhet te flejme.
Interesi i hajnave bie ndesh me te Kosoves ..pik.
Ka fakte qe ka trafik vajzash te vogla nga Albania ne Kosove per tu perdorur si "kamariere" ne kafiqet dhe motelet e Kosoves. Ky eshte prostitucion dhe opinioni duhet te alarmohet.
Ka fakte se policia kukesit ka kapur trafikant droge te Albanise duke cuar droge ne Kosove.

Te kapurit me droge ishin njerez te funksionareve te Administrates se qeverise META. META me Thaqin jane Shoke.
Doganieret e Kosoves jane njerez te Ashimit. Keto jane shenja jo te mira.

Ja c'thote sot.. gazeta.Shekulli.
-------
Korrupsioni, shenjë alarmi në Kosovë
Milazim Krasniqi*

Në ndonjë stendë të Panairit të Librit në Prishtinë, këto ditë mund të gjendeshin edhe libra të kolosëve të tiranisë komuniste, të cilët, më shumë se kureshtje, të zgjonin asosacionin e asaj thënies që "gjithçka është në shitje". Libra të vjetër dhe të mjerë, nga të cilët ka rrjedhur ideologjia e krimit, kësaj radhe shërbejnë si metaforë për të kontekstualizuar parullën rrënuese, sipas të cilës "gjithshka është në shitje". Në fakt kjo më nuk është parullë, por është dukuri rrënuese në realitetin kosovar.
Aferat e mëdha të korrupsionit në Koorporatën Elektroenergjetike të Kosovës, në Post-telekomin e Kosovës, në doganat e Kosovës…janë prova tragjike se ka njerëz dhe struktura, të cilat duan që gjithçka të nxirret në shitje, edhe madje ta plaçkisin vetë me të drejtën e të fortit dhe ligjin e xhunglës. Kjo kulturë e korrupsionit është mbjellë në Kosovë në periudhën e socializmit, dhe sidomos në vitet '90, kur regjimi kriminal i Milosheviqit, degradoi në një regjim krejtësisht të korruptuar ku shitej e blihej edhe e drejta për jetë. Që nga ajo kohë janë edhe shumë nga personat dhe strukturat të përfshirë tashmë në aferat e korrupsionit masiv në Kosovën e pasluftës. Natyrisht janë shfaqur dhe aktorë e partnerë të tjerë, dhe skema është bërë pothuajse e plotë. Përfshirja e kompanive të mëdha kosovare, në aferat e korrupsionit të përmasave të mëdha është shenjë alarmi për të ardhmen e Kosovës, por për t'u alarmuar është edhe heshtja që e shoqëron këtë dukuri.
Elita politike e Kosovës do të duhej të ishte më e alarmuar për këtë situatë, dhe të ishte më e gatshme në bashkëpunim për zbardhjen e aferave të korrupsionit që po i zë frymën vendit. Është edhe më shqetësuese heshtja e elitës intelektuale të Kosovës, e cila thotë se " kjo ngulfatje e shoqërisë nuk ka të bëjë fare me të". Profesorët universitarë me pagat prej 150 euro, shkrimtarët që zvarriten për honoraret e mjera nga një redaksi te tjetra, ekonomistët ambulantë dhe përbërësit e tjerë të elitës intelektuale, do të duhej të ishin më të gatshëm në krijimin e një klime antikorrupsion në shoqërinë kosovare. Tani për tani nuk është e qartë se u mbyllet goja nga frika neurotike, apo presioni që mund të rezultojë nga organizimi i strukturave kriminale.
Më afër të vërtetës duket argumenti se për shkak të statusit të tyre të nëpërkëmbur, ata janë indiferentë dhe të dëshpëruar. Ndoshta mund të thuhet edhe se kjo heshtje e radhës është pasojë e atij procesi të hidhur të çmoralizimit të ish -shoqërisë totalitare, ku heshtja e intelektualëve ishte një politikë dinake, nga e cila, diçka, megjithatë përfitohej.
Nëse librat me përmbajtje ideologjike komuniste ekspozohen në panairet e librave, kjo flet për sentimente, për injorancë dhe për përfytyrime të vonuara. Por nëse vazhdon heshtja e elitës politike dhe veçanërisht e elitës intelektuale ndaj korrupsionit në shoqërinë e re, kjo është shenjë se kultura e korrupsionit është më gjithëpërfshirëse, dhe më legjitime, ngaqë dëshirojmë ta pranojmë

*gazetar në Prishtinë, REL


Kjoeshte eturpshme

[kosovar]

---------
Sot shumëkush e ka humbur realitetin e Kosovës e të Shqipërisë dhe nga USA ia fut kot, në e mër të patriotizmit të majës së brrylit.

A nuk u plaçkit në pikë të ditës në Shqipëri , nga zagarë e përtej zagarëve , një autobus me maturantë nga Kosova!? Vetëm se kësaj radhe në autobus kishte nxënës. Po kush garanton se nesër nuk do sulmohet ndonjë autobus me maturantë të Shqipërisë nga lahperë e përtej lahpërve nga Kosova!?

Shtypi i shkruar dhe elektronik informojnë për situatën por është krejt ndryshe kur përjetohet gjendja faktike. Kur them kështu kam parasysh të vërtetën e hidhur që para disa dite bisedoja ne MSN me nje mik timin nga Prishtina, i cili gjindet mbi mesin e piramides së udhëheqjes së Kosovës. Ka të mbaruar Fakultetin Ekonomik dhe ka një reputacion për lakmi në ministrinë ku punon. Në pyetjen time për mundësin që të kthehem në atdhe, mu përgjigje me një lajm senzacional: "Ku në dreq të mallkuar po shon (kthehesh)? Unë pas pushimeve të veres do ik në Gjermani për punë, e ti këkon të kthehesh." Pasi që nuk iu besoja syve për atë çka më shkruante, e pyeta se çfarë do të punonte? Mu përgjegj, "Puna nuk është aq më rrëndësi. Do laj enë në një restorant për fillim. Kryesorja dua të ik nga realiteti i mjerë, mashtruaes, idiotesk, shkurt nga hipokrizia tragjike e Kosovës." Kjo më la me gojë hapur.

Pas disa dite shkova ta marrë pasaporten e UNMIK-ut dhe qëndrova pesë ditë në Kosovë. Ç'është e vërteta unë situatën nuk e përjetova në të njejtën masë sikur miku im, por vërejta se, megjithatë, realiteti kosovar në mendjen time ishte vjetruar edhe pse atje kisha qene vetëm para një viti. Ndoshta pesë ditë nuk kanë qenë të mjaftuara për një evaluim adekuat të situatës.

Por, konstatova se vetëm një moral i mbanë gjallë njerëzit, shpresa për të dalur jasht vendit. Përndryshe, pasi punë nuk ka, respekt a ndihmë nga askush e askund, duhet marrë rrugën e trafiqeve të ndryshme. U habita sa kanë ndryshuar edhe raportet në mes të afërmëve?

NB: Fajtore jane zagarët e majës së piramidës së shteteve tona dhe zagarët që u duarëtrokasin nga galeritë, pa vrarë mendje që në emër të patriotizmit fodull, po i çorodisin trojet shqiptare, para se t'i vrasin dhe t'i varrosin përjetësisht dhe pastaj të ankohen se serbi e greku i kanë fajet. Kur do ta ndalim kukamen mjerane, se të tjerët janë fajtorë për dobësitë tona?

Pasi Kosova më nuk është emër nostalogjik, çdo kush mund t'i sakrifikojë 1000$ e ta vizitojë. Binduni vetë pë hajdutërinë e QPKTH dhe zagarëve për rreth!