Marinsat zbarkojne ne Shqiperi

[angeldust]

Marinsat zbarkojne ne Shqiperi


Rreth 1.800 marinsa dhe pjestare te skuadrave amfibe, te kthyera nga Iraku, nisin dislokimin ne Gjirin e Lalzit, ne kuader te stervitjes se perbashket dyjavore me ushtrine shqiptare. Operacione speciale prane Tiranes dhe Durresit. Kush jane trupat e zgjedhura te ushtrise amerikane, levizja nga Mosuli ne Mesdhe dhe eksperienca ne krizat boterore

Elton METAJ

Gjiri i Lalzit, ne bregdetin e Adriatikut, i ka ngjare mengjesin e djeshem plazhit Omaha te Normandise, kur forcat aleate zbarkuan ne perfundim te Luftes se Dyte Boterore. Rreth 1.800 marinsa, pjese e Njesise se 26-te Levizese dhe Skuadres se 6-te Amfibe, nisen ne oren 7.00 te mengjesit dislokimin per te filluar nje stervitje te perbashket me ushtrine shqiptare. Te afta per operacione speciale dhe te angazhuara deri ne ditet e para te majit ne Musol te Irakut, marinsat do te qendrojne ne Shqiperi per dy jave per te kryer stervitje te perbashketa me forcat shqiptare ne afersi te Durresit dhe Tiranes. Megjithate, Biza e Martaneshit dhe ishulli i Sazanit do te jene, sipas informacioneve ushtarake, destinacione te ushtrise amerikane.

Forcat amerikane, pas operacioneve te suksesshme ne Mosul te Irakut iu drejtuan Detit Mesdhe. Ato mberriten me 8 maj ne Mesdhe dhe u vendosen ne tre porte, ne ishullin e Maltes, ne Taranto dhe ne Trieste. Per t'u drejtuar me pas bregdetit shqiptar. "Me pelqeu bregdeti, ndaj vendosa ta pushtoj". Andrew P. Frick, komandanti i 1.800 marinsave i eshte pergjigjur me humor interesimit te mediave per arsyen e mberritjes ne bregdetin shqiptar te trupave dhe mjeteve te shumta ushtarake. Dislokim qe behet teksa Shqiperia ka ofruar gadishmerine e plote per te patur ne territorin e saj nje baze ushtarake amerikane. Tirana zyrtare shpreson te perfitoje nga rishperndarja qe Pentagoni mund t'i beje forces se dislokuar ne Evrope, per te terhequr brenda 28 mije kilometrave katrore edhe ushtrine me te fuqishme ne bote. Por komandanti i marinsave te mberritur dje ne Gjirin e Lalzit nuk ka pranuar te komentoje mundesine e vendosjes se bazes amerikane ne Shqiperi. Ai e ka cilesuar ate nje vendimmarrje politike.

Marredheniet ushtarake mes Tiranes dhe Uashingtonit duket te kene arritur ne kulmin e tyre, ndersa SHBA eshte konsulentja kryesore e planit dhjetevjecar te reformimit te ushtrise shqiptare. Pentagoni ka ofruar ndihmen e tij per ushtrine e paket ne numer te vendit te vogel ballkanik, duke premtuar ta pershtase ate me standartet e NATO-s. Ne baze te nje dokumenti te perbashket te Ministrise shqiptare te Mbrojtjes dhe Pentagonit, ndihma amerikane per ushtrine kuq e zi do te orientohet gjate vitit te ardhshem ne zhvillimin e kapaciteteve per rritjen e nderveprimit me NATO-n. Gjithashtu, pika te tjetra te bashkepunimit do te jene mbeshtetja e reformes se mbrojtjes dhe programeve te modernizimit te forcave te armatosura, si dhe pjesmarrja ne aktivitete ne fushen e kontrollit te kufirit, luftes kunder trafiqeve dhe operacioneve detare. Perberesit kryesore te fushave te bashkepunimit shqiptaro-amerikane, te percaktuara gjate vizites se pak diteve me pare te ministrit te Mbrojtjes Majko ne Pentagon, do te jene trainimi, arsimimi dhe stervitjet e perbashketa. Mberritja ne Shqiperi e 1.800 marinsave, te sapokthyer nga Iraku dhe me eksperience ne Kosove dhe shume kriza boterore, duket se do te jete edhe nje mundesi per ushtrine shqiptare per te treguar aftesine dhe gadishmerine per te qene pjese e aleancave te rendesishme ushtarake.

-------------------------------------------------------------
Wow... shume kull

[Albo]

Lajmi gezon te gjithe shqiptaret qe dine ti japin prioritet maredhenieve me superfuqine e vetme te botes, SHBA-ne, por shqeteson ata qe i tremben prezences amerikane ne bregdetin shqiptar, se ekspozon trafiqet e tyre.

Nga te gjitha gazetat ne Tirane, vetem Korrieri qe njihet per nje qendrim jo konformist ndaj kryeministrit Nano e nxorri kete si editorial. A thua ky eshte lajm i rendomte ne Shqiperi?!

[arkl]

ME NE FUND NJE LAJM QE NA GEZON TE GJITHEVE.


RROFTE SHQIPERIA

[Albo]

SHBA: Shqipëria, e përshtatshme për bazë amerikane

Koloneli amerikan shprehet dakord, por një gjë e tillë është në dorë të vendimeve politike të SHBA-së

TIRANË-Amerikanët lënë të hapur mundësinë e krijimit të një baze amerikane në Shqipëri. Pas bazës ushtarake në Bond Still të Kosovës, Shqipëria mund të jetë vendi tjetër i Ballkanit perëndimor që mund të ketë një bazë amerikane. Koloneli amerikan Andrew Frick u shpreh dje për mediat shqiptare se ?për një gjë të tillë vendos politika. ?Teknikisht Biza, është një vend shumë i përshtatshëm, por marrja e një vendimi të tillë është mbi nivelin tim. Një vendim i tillë varet nga sekretari amerikan i Mbrojtjes Rumsfeld?,-tha dje Frick. Biza është një pllaja e rrethuar nga Mali me Gropa dhe malësia e Marteneshit. Gjenerali amerikan ka lënë të hapur mundësinë e instalimit në Shqipëri të trupave ushtarake amerikane. Ministri i Mbrojtjes, Pandeli Majko gjatë një vizite disaditore në SHBA, pak kohë më parë, ftoi qeverinë amerikane për ndërtimin e një baze amerikane në Shqipëri. Majko deklaroi se SHBA ishte e ftuar dhe ku do të dëshironte vetë ajo mund të zgjidhte bazën ushtarake. Rreth 1800 marinsa amerikanë të mbështetur nga 300 ushtarakë shqiptarë, demonstruan në stërvitjen e përbashkët "Adriatik Phiblex 03-3", armatimin më modern dhe përgatitjen e lartë fizike, të elitës së U.S.Army. Gjashtë transportues amfibë të U.S Navy, me një shpejtësi deri në 70 milje në orë, shumë të manovrueshëm në det dhe bregdet, zhvendosën sot në ditën e fundit të stërvitjes, nga bregdeti i Gjirit të Lalzit, drejt anijes amerikane ?Iwo Jima? të dislokuar në detin Adriatik, të gjitha mjetet dhe trupat amerikane që morën pjesë në këtë stërvitje. "Zona në të cilën u krye kjo stërvitje është një nga zonat më të mira stërvitore, ku të gjitha mjetet dhe trupat treguan një klas të lartë të përgatitjes", -tha komandanti i ekspeditës së 26-të të marinës amerikane, kolonel Andrew Frick. "Biza ishte një zonë shumë e mirë, ku pilotët dhe avionët tanë kryen një stërvitje shumë të mirë. Ideja e kësaj stërvitjeje ishte që të viheshin në veprim të gjitha elementët e marinës së Njësisë së 26-të amerikane",-tha Frick.
B.Hoti

[Albo]

Sekretari amerikan i shtetit, tre orë në Tiranë. Takim me Moisiun, Nanon e Majkon

Bazë amerikane në Shqipëri, Ramsfeld sjell propozimin

Majko: “Me sekretarin amerikan të shtetit, Donald Ramsfeld do të diskutojmë edhe për një bazë amerikane në Shqipëri”

TIRANE- “Bondstilli”, baza amerikane 40 km larg Prishtinës, duket se nuk do të jetë edhe për shumë kohë e vetmja në Ballkanin perëndimor. Deklarata e papritur e ministrit të Mbrojtjes, Pandeli Majko në Uashington rreth 20 ditë më parë, nuk është më bombastike, por vetë qëllimi kryesor i vizitës së sotme treorëshe të zyrtarit më të lartë në fushën e mbrojtjes, sekretarit të shtetit, Donald Ramsfeld. Ai do të bisedojë në Tiranë për të hedhur piketat për projektin gjigant me presidentin Moisiu, kryeministrin Nano dhe ministrin e Mbrojtjes, Majko. Po në mënyrën e tij të papritur dje ndërsa po dilte nga seanca e Kuvendit ku u rrëzua dekreti i Presidentit për bazën detare të Bishtit të Pallës, Majko deklaroi se “Me sekretarin amerikan të shtetit, Donald Ramsfeld, do të diskutojmë edhe për një bazë amerikane në Shqipëri”. Ministri shqiptar vlerësoi vizitën e sekretarit amerikan si një kulm të marrëdhënieve shqiptaro-amerikane, ku për një kohë të shkurtër kanë ardhur në Tiranë numrat dy dhe tre të qeverisë amerikane.
Gjithsesi gjatë konferencës së sotme për shtyp që Ramsfeld e Majko do të japin në aeroportin “Nënë Tereza” pak minuta para largimit të sekretarit amerikan pritet që të sqarohen më shumë detaje rreth projektit më të madh për nga rëndësia gjeo-politike që pritet të zbatohet në Shqipëri. Vetë Majko në një intervistë për “Zërin e Amerikës” të dhënë në Uashington gjatë vizitës së tij, tha se “nëse do të ketë një ridimensionim të planeve të amerikanëve në lidhje me interesat e tyre ushtarake në rajonin tonë, ne jemi të gatshëm që të ofrojmë vendin për një bazë ushtarake”. Madje ai duke u përpjekur që ta sqaronte sa më mirë pozicionin e Shqipërisë dhe vullnetin e saj për këtë çështje tha se “Mjafton që ata të venë gishtin dhe ne jemi gati”.
Stërvitja para dy javësh
Një rol të dorës së parë do të luajnë sot në fatin e ndërtimit të bazës amerikane edhe negociatat që Ramsfeld do të bëjë me Moisiun dhe Nanon. Por duke pasur paraysh orientimin e qeverisë dhe të Presidencës nga Nano dhe Moisiu pritet vetëm OK-i i menjëhershëm për projektin.
Dy javë më parë, 1700 marinsa amerikanë “pushtuan” bregdetin shqiptar në kuadër të një stërvitjeje të përbashkët që në fakt kishte tre muaj që kishte nisur. Trupat amerikane lëvizën në disa pika të vendit si në Bizë, Rinas e Durrës për t’u njohur me terrenin. Pas dy javësh qëndrimi, një prej komandantëve amerikanë deklaroi se “Jemi shumë të impresionuar nga relievi që gjetëm këtu dhe terreni është shumë i përshtatshëm dhe i ngjashëm me vendet ku ne shkojmë me misione”. Sipas tij, terreni shqiptar i plotësonte më së miri parametrat për ndërtimin e një baze amerikane, por, shtoi ai, është politika ajo që do të vendosë.

Kryefjala e vizitës për opinionin e gjerë shqiptar pritet që të jetë falenderimi i SHBA-së për mbështetjen e dhënë nga shteti shqiptar për luftën në Irak. Pas sekretarit Pauell, sot Ramsfeld do të sigurojë se ndihma e dhënë do të shpërblehet nga aleati i madh. Por gjatë takimeve pritet të diskutohet edhe për mundësinë e vendosjes së një baze amerikane në Shqipëri.