Studentet dhe Sherbimi Ushtarak ne Shqiperi

[angeldust]

Po i pergjigjem postit te mesiperm... studentet jashte Shqiperise e kane tashme arsyen ekonomike numer njesh per te mos u kthyer ne Shqiperi... edhe sherbimi i detyruar ushtarak ju duhet qe t'i thone adios fare mundesise me te vogel per t'u kthyer...

Ja nje artikull qe e gjeta ne nje faqe interneti nga shqiptaret e Italise...

---------------------------------------------------------------------------------STUDENTI NË USHTRI
SPARTA KUNDËR ATHINËS!

Majin e kaluem Presidenti i Republikës ktheu mbrapsht projektligjin e propozuem prej ministrit Majko për shërbimin ushtarak të detyrueshëm. Pasuene diskutimet, të cilat në të vërtetë ishin dashtë bâ kohë përpara, dhe rezultati përfundimtar âsht se studentat tonë mbasi të laurohen dhe të doktorohen në universitetet shqiptare dhe n’ata të hueja, (pra, kur të mos jenë mâ studenta – por të lauruem në kërkim të nji pune), kanë për detyrë me u paraqitë në zyrat e rekrutimit për me krye shërbimin ushtarak siç parashikohet me ligj.
Arsyeja pse Presidenti ktheu projektligjin rridhka prej faktit se të gjithë qytetarët janë të barabartë para ligjit!
Nuk na duket aspak i motivuem ky refuzim, mbasi prej barazisë së gjithë qytetarëve para ligjit (neni 18, § 1) nuk mund të deduktohet me domosdoshmëni logjike detyrimi i nji shërbimi si ai në rradhët e forcave të armatosuna. Qytetarët munden me mbetë njilloj të barabartë edhe në qoftë se nuk kryejnë të gjithë shërbimin ushtarak. Pabarazija mund të ishte shfaq në qoftë se shërbimi ushtarak do të kishte qenë nji i mirë në vetvete (nji e drejtë e mirëfilltë) dhe jo nji detyrim i cili âsht pasojë e atij qi juristat e vjetër kanë quejtë: pactum unionis.
Shtrimja e konceptit të detyrimit në ketë rasë nuk ka bazë të mjaftueshme racionale në Kushtetuten e RSH, sepse në paktin kushtetues nuk âsht shprehimisht e thanun qi qenja thjesht qytetar sjell me vete detyrimin e shërbimit ushtarak, mbasi moskryemja e këtij shërbimi prej qytetarëve të seksit femnór duhet të përbânte nji shkelje të Kushtetutës! Kurse kah ana tjetër ligji themelor nuk pranon asnji diskriminim për motive përkatësie gjinore (neni 18, § 2), pra, edhe gjinia femnore âsht e barabartë para ligjit. Prandaj motivi me të cilin Presidenti ka kthye ligjin nuk ka asnji bazë kushtetuese, i vetmi arsyetim refuzues mundet me u formulue tue u nisë prej vetë projektligjit të mangët qi Ministri i Mbrojtjes paraqiti për firmë.
Në qoftë se nji interpretim statik i ligjit mund të çonte drejt nji konfikti mes detyrimeve dhe të drejtave, atëherë parlamenti si organ ligjvues ka për detyrë me përmirësue ligjin ekzistues tue përcaktue mâ saktë konceptin e "shërbimit të detyrueshëm ushtarak". Mangësia e ligjit aktual dhe e vetë frymës juridike qi ka përcaktue formën ligjore rrjedh prej nji konceptimi materialist të punës dhe të ndamjes së roleve shoqnore. Në ketë mënyrë nuk konsiderohet shërbim ndaj atdheut studimi universitar për të vetmen arsye pse puna dhe shërbimi intelektual në shoqnín shqiptare trajtohet si e pabarabartë për kah dinjiteti me punën dhe me shërbimin material e fizik.
Nji rishikim i problemit âsht i domosdoshëm aq mâ tepër qi sot tendenca në mbarë botën e qytetnueme âsht me krijue ushtrí profesionale, e vendi jonë nuk mundet me u kthye edhe nji herë në logjikën e dikurshme të nizamëve e të zboristave: "ushtrí e popullit ushtar". Nji logjikë e tillë âsht e damshme edhe për kah pikëpamja ekonomike, mbasi padyshim qi duhet me rrit buxhetin ushtarak, duhen krijue kushte tue fillue prej kazermave të banueshme, psikologëve, mjekëve, asistencës logjistike të denjë për nji ushtrí moderne. A âsht mendue se cili do të ishte impakti psikologjik qi mundet me pasë nji person i sapolaurum në Kanada apo në Gjermani tue u kthye me bâ ushtrinë në Kukës ose në Kurvelesh? Për çka na shërben sot nji ushtrí masive e pasunueme edhe me 3-5 mijë studenta? Çfarë rolit luejti ushtria shqiptare në 1997 kur nuk qe e zoja me ruejt vetveten dhe arsenalet e saja?
Ndoshta na duhet mâ fort nji polici dhe nji xhandarmëri e nivelit europian - edhe për sa i përket pagesave, mbasi gradat pa pagesa janë nji tallje e hapun me kuadrot dhe me punëtorët e thjeshtë qi mvaren prej Ministrisë së Rendit. Kontrolli i territorit duhet të bâhet prej administratës civile tue përdorë në mënyrë të kombinueme forca joushtarake (policinë) dhe ushtarake (xhandarmërinë) – tue krye nji punë parandaluese e tue pasë nji prani kapilare në jetën qytetare.
Mâ në fund kthimi i ligjit, i cili bazohet në kompetencat qi Kushtetuta i jep Presidentit (neni 85/§ 1) tregon jo vetëm pazotësinë e Ministrit të Mbrojtjes, të Komisionit parlamentar të mbrojtjes, mungesën e vemendjes në seancën plenare të aprovimit në Parlament, por mbi të gjitha tregon se shumica e parlamentarëve nuk e çan aspak kryet për studentat shqiptarë. Po të shqetësoheshin për studentat, ata mund të ishin kujtue se Kushtetuta i jep të drejtën parlamentit me e shfuqizue dekretin e Presidentit për rishqyrtim në qoftë se shumica e parlamentarëve votojnë kundër këtij dekret (shih: neni 85/§ 2).
E ardhmja, Shqipnís nuk i vjen as prej ushtarëve të marrun me detyrim dhe as me organizime rezervistash, qi janë humbje të kota energjish të çmueshme. Nji ligj qi synon me marrë ushtarë studentat âsht mjeti mâ i mirë mos me i lejue ata me u kthye në Shqipní mbas studimeve universitare. Ne i thona Presidentit, qeverisë dhe parlamentit: në qoftë se nuk jeni të zotët me i ndihmue studentat, mbasi mjetet qi keni në dispozicion janë të kufizueme, të paktën mos i pengoni në rrugën e tyne të vështirë intelektuale, mos i pengoni me ndërtue Athinën e kulturës, pse rruga e Spartës ushtarake nuk âsht e ardhmja e kombit të vogël e të vuejtun shqiptar.

Ardian Ndreca

[Orku]

Toro

Ajo qe ndoshta nuk di ti ne idene qe hedh eshte se nje ushtri profesioniste eshte shume me e kushtueshme se nje ushtri rekrutesh.

Po ta shohesh me kujdes ato vende te botes qe kane ushtri profesioniste ose jane vende qe harxhojne per ushtrine shuma marramendese si psh SHBA dhe Anglia, ose jane vende me standart jetese teper te larte si psh vendet Nordike dhe Belgjika. Te tjeret funskionojne mbi sisteme mikse qe mbajne profesioniste ne repartet e specializuara te xhenjos apo komandove dhe pjesen tjeter te forcave e perbejne rekrutet.

Ideja nuk eshte e keqe por ne rastin e Shqiperise eshte larg realizmit sepse eshte e kushtueshme.

[maratonomak]

Ceshtja eshte pak delikate pasi kemi te bejme me nje sherbim qe nuk e do asnje ta beje por kur e mbarojne e te gjithe kujtojne me qejf te madh (te pakten keshtu kam degjuar)
Ushtria eshte nje pergjegjsi qe duhet ta marri cdo qytetar.

Por Arsyeja pse Majko i ka lene te lire studentet qe mbarojne deri ne 2005 nuk mendoj se eshte vetem mospasja e fondeve per te mbajtur keta ushtare. Ajo qendron diku tjeter.

Nqs ky ligj nuk miratohet shume shqiptare qe studjojne jashte te cilet kapin nje nr shume te madh (vetem ne itali ikin rreth 2000 studenta ne vit) do ta shohin ushtrin si nje pengese perkrah pengesave te tjera qe dihen (dritat uji rendi korrupsioni rruget.......) per kthimin e tyre ne Shqiperi

Por a duhet qe te "tolerohemi"? (flas ne veten e pare shumes pasi edhe une bej pjes aty).
Them se jo, por ne te njejten kohe mendoj se keto forca mund ti sherbejne atdheut shume here me mire si puntor civil sesa si ushtare.
Pra ajo qe tha fiori por me nje ndryshim qe keto trupa te mos perdoren vetem ne polici por edhe ne segmente te tjera te shtetit ose per shtetin. Shume mire mund te punoje si sportelist ne nje hotel dhe pronari i paguan rrogen shtetit..............................

idiotesi me te madhe se kjo nuk kam pare e lezuar kurkund.

pyet ata te kohes se Enverit qe benin 4 vjet sherbim te detyrueshem ushtarak dhe u lerohej nena neper llogore e neper male duke bere stervitje ,
ose me pyet mua qe kam bere ushtrine qe na dilte shkuma nga stervitja dhe na jipnin groshe dhe pilaf me krimba per te ngrene.

ushtria eshte nje tufe budallenjsh ku budallalliqet kryhen me seriozitetin ma te madh.
gezim i madh per ushtarin shqiptar eshte sapo futet ne ushtri se nuk di fare se ceshte ushtria dhe eshte rul dhe kur lirohet nga ushtria .

ushtria eshte mire mo mik po , te kemi nje ushtri profesionale me standartet e kohes dhe jo ushtare dele qe nuk dine lidhin breket .

ushtria duhet te jete me pagese dhe ne baze te aftesive te cdokujt te jepet paga perkatese ,
kush po e qin shtetin shqiptar qe te veje te beje ushtrine ?
cfare po jep shteti shqiptar more ?
sigurine , qetesine dhe rendin publik qe sa del nga shtepia te vjedhin me gjithe lecka .
apo per sherbimet e tyre administrative , qe mua mu desh te paguj bakshish per me marre nje certifikate , dhe nga berati deri ne kakavije fluturonin 5 mijelekshat ne duart e policave bythqima shqiptaro qylaxhin.

[i humburi]

cdo shoqeni apo shtet ka organizue vullnetshem o instiktivisht punet e veta,e vevetiu e automatikisht rinin e vet

sherbim vullnetar 2 vjecar per rinin qe te fitoje me perparesi te drejten qytetare me u marr me detyra shtetnore
apo me politike, pamvarsisht fakultetesh a masteraaaash.....qe mund te kete.

viti i pare sherbim qytetar ne sherbim te shoqerise,emergjenca etj,pa rroge
viti i dyte sherbim si puntoere te thjeshte me ushqim e veshje nga shteti o organizata,

dy ore ne dite mesim kombetar e qytetar,me program te ngjeshur e te zgjedhur

disiplina ushtarake

pjesmarrja vullnetare

Obligimi...me qene i pa qortushemnne cdo aspekt

shperblimi...ne krye te dy vjeteve te kryerjes se sherbimit me sukses,pasja e precedences absolute ne shtet shoqeni
e politike

Kusht sine qua non...pmv bindjeve politike o partiake dhe jasht tyne DETYRA NDAJ KOMBIT ATDHEUT FAMILJES

Titulli VULLNETARET E KOMBIT
Shenja DISTIKTIV

Perjashtimi...gjat ose pas dy vitesh sherbimi....sanksjone si ne kohe te partisee

Shembuj??? Legjoni Nderit FR,Korpusi i Paqes amerikan.....pse te mos jemi ne shembull i mire sig.per tjeret????
O sa mir me ken shqyptar,o o o