Përkthime (të ndryshme)

[ChuChu]

NIOBEA - Théophile Gautier

Permbi nje cope shkemb, nje fantazme prej guri,
Mjekren ne dore e berrylin permbi gjurin e vet,
Me kembet futur thelle ne dhe si rrenje druri,
Pa ngritur kurre koke, qan e s'pushon per jete!

Ne ç'pus dhimbjesh ta marin syte gjithe ate uje?
Ç'menxyre te ka gjetur e ç'brenge te mundon?
Me thuaj ç'far te ther ne zemren prej statuje,
Qe gjiri yt i gdhendur mantelin peshe e çon?

Lotet e tu tek bien nga syte sere-sere
Pareshtur, pike-pike, e gjithe po ne nje cak,
Aty ne kofshen tende prej guri kane bere,
Nje zgaver ku gushkuqi vjen pi e krahet lag.

O ti simbol i heshtur i vuajtjes njerezore
Niobe pa femije, atje n'Athos, qe qan,
A ne Galgote, Mem' e shtate dhimbjeve mizore,
Jo, s'matet dot me lotet e tu ne nje oqean!

[ChuChu]

Balada e te deshperuarit - Henri Murger

-Kush po troket aty ne dere?
-Hape jam une -Kush je ti?
Ne mes te nates, Zot i ndjere,
S'e kam zakon te qas njeri.

-Hape!-Kush je?-Bore e acar!
-Hape!-Kush je?-Oh, hape shpejt!
-Me thuaj emrin!-Si ne varr
kallkan jam bere e ngrire krejt.

Me rane kembet gjithandej,
Ec edhe ec e mos qendro
Ne kend te vatres me jep leje
Te ulem pak,-Akoma jo!

Si ta thone emrin?-Jam Lavdia
Qe shpie ne pavdekesi
-Shko tutje, moj hije mavria!
-Te lutem merrme ne shtepi!

Jam Dashuria dhe Rinia
Dy cilesi te Zotit vete
-Shko n'udhen tende! Me la vete
mikesha, e me mbuloi zia.

Jam Poezia e jam Arti,
Me ndjekin hape!-S'te pranoj
S'ndjej frymezim me prej se larti,
As emrin mikes s'ja kujtoj.

Jam Kamja, hape deren tende
Kam xhevahire e pare plot,
Te kthej mikeshen qe permende...
-Po dashurine a ma kthen dot?

Une jam Pushteti! te kam prure
Ty spektrin!-E ç'rendesi ka?
A mund t'i ngjallesh dot ata
Qe iken e me s'kthehen kurre?

Po qe se ti deren ja çel
Vetem atij qe emrin thote,
Jam Vdekja, hape, po te sjell
Balsam per ç'do lengim ne bote.

Mund te degjosh ne timin brez
Si tringellijne me ze kobi
Çelesat e varreve te zes,
ku dergjet e kalbet robi.

-Urdhero brenda, o e huaj
Pa mish ne trup, pa pike gjak.
Urdhero brenda e mos druaj,
se po te pret nje varfanjak.

Hyre! Jam lodhur nga kjo jete
pa shprese dhe pa ngushellim
doja te vdes me te vertete
Po nuk merrja dot guxim.

Urdhero brenda, o mike e mire,
Dhe ha e pi ç'te deshirosh
E si te ç'lodhesh ndaj te gdhire
me merr dhe mua kur te shkosh

Te prisja, do te ndjek pa droje
ku te me shpiesh do te vij,
Por lere qenin tim te rroje,
Se, te me qaje, s'kam njeri...

[Rhea]

"Heret a vone" ka sjelle disa poezi te Sergej Esenin.Une kam lexuar nje pershtatje tjeter,shume ndryshe nga ajo e para.Po e postoj:


* * *

C'm'i perdredh ti buzet nazemadhe moj?
Kam nje vajze tjeter,ty s'te dashuroj.
Ti e di se jemi larg,mjaft larg te dy...
mos u tremb...s'te pashe...s'vij ketej per ty.
Te shkoj prane...po zemra asnje tel s'me lot,
vetem nga dritarja syt' i hodha kot.



* * *
Mbremje te kaltra,mbremje henore,
c'isha i bukur ne moshen rinore!

M'iken pa fre e pa kthim me lane,
ditet e arta...larg,larg...edhe prane.

Zemra m'u ftoh,syte pa flake rinore,
C'vite te kaltra...c'nete henore!

[ChuChu]

M.q.se jemi te Esenini.

Ti s'me do?
S'te dhimbsem sado pak?
Nuk ta mbushkam syrin, apo si?
Prapeseprape ti ndizesh e merr flake,
Tek shtrengohesh supeve te mi.

Mike epshe tera lajka s'dua,
As i vrazhed nuk te sillem dot,
Vetem thuame; sa keshtu si mua,
Puthur e shtrenguar ke gjer sot?

Une e di te gjithe hije u bene,
E s'ta shuan zjarrin pa mbarim,
Preher pa ulur ti s'ke lene,
Si po rri tani ne preherin tim?

Nese keto caste, ndonje tjeter
Sjell ndermend ti syckat tek pulit,
Mos pandeh se po merzitem teper,
Dhe une tjeterkend e kam ne shpirt.

S'eshte fat kjo lidhje mendjelehte,
Po nje flake casti, vec ta dish.
Sic te njoha rastesisht i qete,
Mirembetsh do te te them serisht.

Dhe ti do marresh udhen tende,
Do besh pluhur ditet gjithe merzi,
Vec mos lakmo t'i marresh mendjen,
Kujt s'ka njohur puthje e dashuri.

Krahe per krahe me ndonje tjeter djale,
Udhes kur te shkosh ti ku ta dish,
Mbase edhe une do kem dale
Per shetitje, e shihemi serisht.

Ti me fort pas tjetrit do te ngjithesh,
Dhe me kryet ulur ftohtesisht,
'Mirembrema' do me peshperisesh,
Kurse une: "Mirembrema miss"

Dhe asgje nuk do me turbulloje,
S'do me dridhet shpirti per asgje,
Kush ka dashur s'mund te dashuroje,
Kush u dogj njehere, s'digjet me.

[Rhea]

Esenin

***

C'me thone lulet:"lamtumire"
me kryez varur si ne vaj,
se me s'do shoh step e caire,
nuk do t'i shoh me syte e saj.


S'ka gje,te dashura se pari
mbi dhé jetuam tok kaq vjet,
dhe kjo rrenqethje ere varri
si ledhatim i ri me ngjet.


Dhe meqe jeten une e prita,
kudo me mend e buzegaz,
cdo gje ne bote u perseritka,
cdo gje them,ka dhe gjurme pas.


Po cka...per ty vjen djale tjeter,
brenga s'e grin ate qe shkoi.
Per ty,te dashuren e mbetur,
me mire i riu do kendoje.


Dhe vajza ime kur te prehet
nen kenget e dashnorit te ri,
ndoshta,si lulen qe s'i kthehet,
do me kujtoje perseri.

[Rhea]

Esenin


* * *

Sec ju lutsh persiankes te me thoshte
kur i dhashe nje rubel qe ta nderroje:
"Si t'ia them une Llalles bukuroshe
fjalen-mjalt persisht "te dashuroj"?!"


Sec iu lutsh pak te me thoshte
me ze fllad,si valez,embelsisht:
"Si t'i shprehem Llalles bukuroshe,
si t'i them asaj"te puth" persisht?"


Perseri iu luta te me thoshte
me ngurim qe zemren kyc ma mban:
"Si t'ia them une Llalles bukuroshe,
si t'i them asaj:"Je imja xhan?" "


Shkurt persianka sec ma dha pergjigjen:
"Dashurine fjala s'e shpreh dot,
syte rubin ne dashuri te digjen
edhe fshehtaz heq e pikon lot


Puthjes emer djemt' s'i kane gjetur
puthja s'eshte mbishkrim qivur i ngrire
puthja fryn si trendafil me flete
qe ne buze petalet i ka shtrire


Garanci ne dashuri s'kerkojne,
gaze,brenga njerezit po do kene.
"Imja",-vetem duart mund ta thone,
kur ja flakin vajzes ferexhene."

[Rhea]

Esenin

E mbaj mend


Perjet e mbaj mend moj e dashur,
shkelqimin e flokeve te tu,
sa keq,sa veshtire e kam patur,
qe fati na ndau keshtu.


O nete vjeshtore ku shkuat,
o hije beriozash me zhurme?!
S'ka gje se qe dita e shkurter,
kur hena na ndritte aq shume.


Mbaj mend kur me thoshe:"Po treten,
dhe netet e kaltera shpirt.
Po ti do te duash nje tjeter,
dhe s'do me kujtosh me nje dite"


Sot bredhi kuroreze celur,
plot ndjenja me mbyt perseri,
per lulet e njoma mbi krrela
q'i derdhja dikur per stoli.


Dhe zemra zjarr-i pafikur,
qe tjetren me brenjez ma do,
per ty si novelez liriku,
kujtimet m'i bie ajo.

[Rhea]

Esenin


* * *


Puthme,moj e dashur puthme,
gjer ne dhembje,gjer ne gjak.
S'e duron dot ftohtesiren,
zemra e ndezur zjarr e flake.


S'eshte kupa e permbysur
mes gazmoreve per ne.
Ti nje gje kupto moj mike,
vec nje here rron mbi dhé.


Shih ne mes te erresires
henen qe shkelqim vershon,
sikur t'ish nje korb i verdhe,
permbi toke fluturon.


Puthme de!Se kalbesia,
kengen mua ma kendoi;
Ka te ngjare,qielli lart
fundin tim parashikoi.


Eh,moj force qe venitesh,
do te vdes,kjo s'ka dyshim!
Vetem dua t'i puth mikes,
buzet,gjer ne fundin tim.


Qe pa turp dhe pa ndrojtje,
embelsisht kur t'enderroj,
tok me feshferima vishnjesh,
"Jam e jotja",te jehoje.


Qe si shkuma permbi kupe,
drita mos na shuhet ne,
ndaj kendo moj mikja ime,
vec nje here rron mbi dhé!

[ChuChu]

Rhea

Helmi - Charles Baudelaire

Di vera si ta veshë një barakë të mjerë,
Me një luks madhështor,
E ta ngrerë më lart se një poetik madhështor
Në mes avujve të kuq e të nderë,
Si një diell që perëndon nën një qiell mjegullor.

Di opiumi ta zmadhojë e çdo limit t’ia flak,
atij që vetvetes s’i vë kufi,
kokën t’ia thellojë, t’i zgjojë çdo kënaqësi,
Dëshirat më të errëta t’ia përflak.
E shpirtin t’ia nxërë më shumë se sa ka mundësi.

Po asgjë nuk matet me ata sy jeshilë, hirplotë,
E helmin që prej tyre distilohet,
Liqej ku shpirti im dridhet e së prapthi pasqyrohet…
Humnera të hidhura ku në galop,
Endrrat e mia vijnë t’i shuajnë etjen ku ai kaptohet.
Po asgjë s’matet me pështym tënde që përvëlon,
Atë të tmerrshmin mrekullim,
Që pa ndjerë sëmbisje po ma zhyt shpirtin në Harrim,
E me marramendjen që po i ngarkon,
Brigjeve të vdekjes e bën të përpëlitet pa shpëtim!

Përktheu: Dritan Thomollari

[ChuChu]

BALADA E UJIT TË DETIT - Federico Garcia Lorka


Deti atje larg
buzëqeshi.
Dhëmbët prej shkume,
buzët prej qielli.
- Çfarë po shet, vogëlushe syerrët
me gjoksin drejt erës?
- Shes ujin e deteve,
zotni.
- Ç'mbart gjaku yt,
djalosh korrozi?
- Mbart ujin e deteve,
zotni.
- Këta lot të kripur,
o nënë, nga të vijnë?
- Nga uji i deteve,
zotni.
- Kush e lind, moj zemër,
hidhësirën e thekshme?
- Uji i hidhur
i deteve.
Deti atje larg
buzëqeshi.
Dhëmbët prej shkume,
buzët prej qielli.


Përktheu: Xhevahir Spahiu