Mjedisi dhe shqiptaret

[Blendi]

Ne Shqiperi kane ndodh shume shperdorime. Pasurite kombetare nuk jane mirembajtur aspak, nga minierat,hidrocentralet, bregdeti, asetet turistike rruget, urat, infrastruktura etj. Saqe po te mos ishim vete deshmitar te ketyre ngjerjeve do thonim se DIKUSH eshte i interesuar qe ky vend te shkoje me poshte akoma.

Nga gazeta merren artikuj per te mbrojtur nje argument, une kete rradhe po bie nje shembuj nga Z Kole, per ta kundeshtuar ate. Atij i intereson te thote qe Puna me Pujet shkon mire. Kur para tri ditesh lexuam se u lane te digjeshin 10 hektare pyjesh, se mungojne mjetet, s`kemi c`bejme... etj. Kur pyjet tona jane rrafshuar krejtesisht a kerkush nuk i mbron A jeni ju dakort me shkrimin e Z,Kole Markaj?

Ai flet per strategji, plane e genjeshtra me oke, kur REALITETI ESHTE KREJT NDRYSHE.Mjaft me me genjeshtra Kole se demagogjia po na del perhundesh, ne rradhen e madhe te shperdorimeve ne Shqiperi pyjet zene vendin e PARE ! e Kola thote qe keto jane aludime te panevojshme !


Rreth shqetësimeve për prerjen e pyjeve në Rivierën Shqiptare
Nga Kolë Malaj


Prej disa vitesh është hartuar dhe miratuar strategjia e zhvillimit të sektorit të pyjeve dhe kullotave në vendin tonë, e cila përfaqëson një plan veprimi që synon arritjen e një kontributi optimal të sektorit të pyjeve dhe kullotave në rritjen e përgjithshme ekonomike dhe zhvillimin e qëndrueshëm të Shqipërisë. Strategjia e këtij sektori do t'i shërbejë gjithashtu edhe një numri qëllimesh të tjera të rëndësishme. Por, realizimi i pikësynimeve të kësaj strategjie dhe i objektivave të tjerë, do të ishte absolutisht i pamundur për DPPK dhe strukturat e saj, pa pjesëmarrjen dhe kontributin e të interesuarve të tillë si komunitetet, organizatat joqeveritare, biznesi, pronarët privatë, institucionet vendase dhe të huaja, donatorët e ndryshëm etj. Interesimi i të gjithë këtyre aktorëve ka ardhur gjithnjë në rritje dhe kjo ka bërë të domosdoshme krijimin e një dialogu mes tyre e strukturave të shërbimit pyjor. Ky proces është konsideruar tepër i rëndësishëm, pasi ai nuk konsiston vetëm në informimin, edukimin dhe ndërgjegjësimin e opinionit të gjerë, por edhe në tërheqjen e mendimeve, të cilat do të ndikojnë në mënyrë pozitive për vendimmarrje të bazuara dhe efektive.
Në këtë aspekt vlerësojmë edhe artikullin e zotërinjve të nderuar Prof. Dr. Mevlan Kabo, Prof. Dr. Farudin Krutaj dhe Prof. Dr. Arqile Bërxholi, të botuar në gazetën "Shekulli", të datës 29.06.2002 me titull "Të ndalet prerja e pyjeve në Rivierën Shqiptare". Për t'iu përgjigjur shqetësimit që është ngritur, verifikuam në vend problemin, rreth të cilit dëshirojmë të bëjmë disa komente.
Trajtimi i pyjeve mbështetet në planet e mbarështrimit dhe të inventarizimit, të cilët janë dokumenta ligjorë të detyrueshëm për t'u zbatuar. Mbi bazën e gjendjes reale dhe funksioneve që i caktohen fondit pyjor, ata parashikojnë masat silvikulturale që duhet të ndërmerren, për arritjen e objektivave të përcaktuara. Një ekonomi pyjore mund të ketë njëkohësisht funksion prodhues, në një pjesë të sipërfaqes dhe funksion mbrojtës, për pjesën tjetër të saj. Në sipërfaqen me funksion mbrojtës mund të përfshihen pyje mbrojtës, por edhe pyje të mbrojtur. Në tërësinë e masave silvikulturale, për pyjet me funksion prodhues, bën pjesë edhe shfrytëzimi i tyre, në përputhje me rekomandimin e bërë për çdo ngastër apo nënngastër. Nga ana tjetër, aktiviteti i shfrytëzimit të pyjeve zhvillohet mbi bazën e akteve ligjore e nënligjore në fuqi.
Referuar planit të inventarizimit të ekonomisë pyjore "Bregdet", ngastra nr. 75/a e mbuluar me shkurre, ku 60% e zë lloji prall me moshë 62 -vjeçare, 20% lloji mrete, me moshë 54 -vjeçare dhe 20 %ilqe, me moshë 45 -vjeçare, ka funksion prodhues. Ajo ndodhet në një distancë prej 4 km larg nga vija bregdetare dhe është jashtë zonës me përparësi zhvillimin e turizmit, si dhe 2 km larg zonës së propozuar për rezervat shkencor i kategorisë së parë. Duke qënë se kjo ngastër dhe pjesa dërrmuese e sipërfaqes së ekonomisë është mbuluar me shkurre e pyje të ulët, të degraduar e me moshë të madhe, ripërtëritja e saj duhet të bëhet me prerje rrah, metodë që përdoret kudo. Nga eksperienca jonë shumë vjeçare, kjo mënyrë trajtimi, shoqëruar me masa të tjera për mbrojtjen e sipërfaqes së presë, shumë shpejt jep rezultate shumë të mira, gjë që e vërteton dhe gjendja aktuale e pyjeve në disa rrethe të vendit, në të cilët vitet e fundit janë kryer punime të tilla. Mund të themi se ndërhyrja në këtë ngastër është e vonuar, pasi ajo duhej të ishte kryer disa vite më parë. Me legjislacionin aktual, fondet e nevojshme për investime në pyje dhe kullota, duhet të sigurohen nga vetë shërbimi pyjor, nëpërmjet aktiviteteve të ndryshme, ku pjesa më e madhe e tyre vjen nga shfrytëzimi i pyjeve.
Pa dashur të polemizojmë, theksojmë se Drejtoria e Përgjithshme e Pyjeve dhe Kullotave nuk është urdhëruesi i shkatërrimit të pyjeve dhe se veprimet e kryera prej saj dhe Drejtoria e Shërbimit Pyjor Sarandë, nuk janë aspak ilegale, por të mbështetura në aktet ligjore e nënligjore në fuqi, të kontrollueshme në çdo kohë dhe nga kushdo. Nga sa parashtruam më sipër, mendojmë se nuk qëndron as mendimi se këto pyje priten "pa mëshirë dhe pa kurrfarë kriteri", por po përpiqemi të punojmë me pikësynim që ata të "ruhen, mbrohen e ripërtërihen", sikurse dëshirojnë të gjithë, përfshirë edhe artikullshkruesit. Gjithashtu jemi të ndërgjegjshëm se në punën tonë ka patur edhe të meta e mangësi, për eliminimin e të cilave bëhen përpjekje të vazhdueshme.
Në përfundim, dëshirojmë të theksojmë se është e drejta e kujtdo që të shprehet për problemet e pyjeve dhe kullotave pasi, sikurse e theksuam në fillim, e konsiderojmë si një kontribut dhe ndihmëse për punën tonë. Por nga ana tjetër, ashtu sikurse propogandohet me burime të ndryshme informacioni, do të ishte shumë e dobishme të kontaktohej edhe me organet kompetente, në rastin konkret me DPPK dhe DSHP Sarandë. Në këtë mënyrë do të sqaroheshin shumë probleme dhe pikëpyetje që mund të kenë njerëz të ndryshëm, jashtë kësaj fushe si dhe do të eliminohej shtrimi i pyetjeve në formë aludimesh, shpesh herë të panevojshme.

Drejtori i Përgjithshëm i Drejtorisë së Pyjeve dhe Kullotave





Print Email




Copyright 2002 Shekulli

[Brari]

Njgjalat po zhduken...

shtypi
----------
Ambientalistët: Gjuetia bëhet nga persona të paautorizuar dhe me mjete shfarosëse


Alarmi, po zhduket ngjala në Nartë


Ngjala e lagunës së Nartës po rrallohet çdo ditë, duke rrezikuar shfarosjen

VLORË- Po zhduket ngjala në lagunën e Nartës. Shoqatat ambientaliste kanë dhënë alarmin mbi rrezikun e zhdukjes së ngjalave në lagunën e Nartës. Nënkryetari i shoqatës mjedisore "Kristo Papajani", zoti Vasillaq Ndini, tha për gazetën se dukuria e gjuajtjes së ngjalave në gjolin e Nartës ka marrë përmasat e një epidemie dhe duhet frenuar sa s'është vonë. Organet kompetente nuk mund të bëjnë sehir sesi shkatërrohet fauna e një lagune, e cila është nga më të rëndësishmet, jo vetëm në Shqipëri, por në gjithë Mesdheun. Dikur ka pasur norma dhe rregulla gjuetie në këtë lagunë, kurse sot
këto rregulla dhe ligje mungojnë. Sipas Ndinit, i takon bashkisë së Vlorës, qarkut dhe prefekturës që të vënë në lëvizje të gjithë mekanizmat për dhënien fund të abuzimit me gjuetinë e paligjshme në lagunën e Nartës. Kohët e fundit, vëren ai, është shtuar në mënyrë galopante gjuetia e ngjalave në këtë lagunë, aq sa rrugët dhe sheshet e qytetit të Vlorës mbushen çdo ditë nga personat që shesin ngjala të gjuajtura në gjol. Gjuetia e kësaj specie të famshme bëhet nga persona të paautorizuar dhe të palicencuar, të cilët përdorin metodat shfarorëse në gjuetinë e ngjalave, deri edhe dinamit. Po të udhëtosh nga Fieri drejt Vlorës, sapo i afrohesh Bestrovës, do të ndeshesh me tregtinë e ngjalave: persona të caktuar kanë nxjerrë magjet dhe legenat plastikë të mbushur me ngjala, të cilat i shesin me çmime të leverdishme. Pas kësaj skene, një tjetër tregti ngjalash bëhet tek ish-gjykata, ku të ofrohen qeska me ngjala të madhësive të ndryshme. Kjo situatë vazhdon edhe në tregjet e qytetit, ku magjet plastike, të mbushura me ujë, të joshin me ngjala të gjalla..Kësaj tregtie i shtohet edhe ajo e peshkatarëve shetitës të Nartës, të cilët bredhin çdo ditë lagjeve dhe rrugëve të Vlorës duke thirrur për "ngjala të freskëta". Dukuria e gjuetisë pa kriter dhe nga persona të palicencuar po bën që ngjala e lagunës së Nartës të rrallohet çdo ditë, duke rrezikuar seriozisht shfarosjen e saj.Por burimet nga fshati Nartë, që mund të konsiderohet si lagje periferike e qytetit të Vlorës, për vetë afërsinë që ka, thanë për gazetën se gjuetia nuk bëhet vetëm nga vendasit, të cilët e dinë se kur dhe si duhet të gjuhet ngjala, por nga persona piratë, të ardhur nga zonat përreth Nartës, të palicencuar dhe jo peshkatar. Një situatë e tillë kërkon ndërhyrjen urgjente të autoriteteve lokale dhe atyre tatimore për të frenuar zhdukjen e tyre.
Ilir Ruci.

[Brari]

shekulli
---------------
Ambientalistët: Trofta po zhduk koranin. Ky është një krim që po i bëhet liqenit të Ohrit


Prefekti urdhëron: Më 1 gusht të ikin 15 kultivuesit e troftës

POGRADEC - Gjendje alarmante e shtimit të troftës në ujërat e liqenit të Ohrit e ka sjellë dje përsëri prefektin e Korçës Arben Dervishi në qytetin e Pogradecit. Pasi ka dëgjuar raportimet e specialistëve të peshkimit për ruajtjen e fondit peshkatar dhe rrezikun që i kanosin 15 kultivuesit e troftës, e cila e zhduk specien e rrallë të koranit në prani dhe të pushtetit lokal dhe të komunave Udënisht e Buçimas ku kultivohet trofta, si dhe shefit të rendit u vendos që më datën 1 gusht, 15 rritësit e troftës në ujërat e liqenit duhet ta shesin troftën dhe më pas të mbyllen vaskat e kultivimit, përndryshe do të veprojë ligji.
Alarmi për zhdukjen e koranit, specie e rrallë dhe e vetme që kultivohet në liqenin e Ohrit, e kanë dhënë pak ditë më parë ambientalistët e Pogradecit. Po cilat janë arsyet? Janë mbi 30 kultivues të troftës, të palicencuar, të cilët kultivojnë troftën në ujërat e ëmbla të liqenit. Një shkelje flagrante dhe kategorikisht e ndaluar, kur dihet se trofta është peshk grabitqar dhe e zhduk koranin. Në fakt, alarmi për këtë problem është dhënë që në muajin prill, kur nënprefekti me specialistë të drejtorisë së bujqësisë dhe ushqimit dhe përfaqësues të policisë bënë një plan të detajuar dhe morën vendim që të gjithë kultivuesve t'u prishen rezervatet, të cilat i kanë në ujërat e liqenit. Por kaluan muaj dhe të gjitha vendimet, planet e programet mbetën në letër, ndërkohë që nga Maqedonia e Bullgaria silleshin rasate të tjerë. Më pas, për të njëjtin problem, prefekti Arben Dervishi organizoi një takim në komunën e Udënishtit dhe përsëri po kalojnë muaj dhe rezervatet me troftë, si për ironi të fatit, shtohen dhe vetëm shtohen duke shkelur me të dyja këmbët Konventën Ndërkombëtare, ku thuhet se ndalohet kategorikisht kultivimi i troftës në ujërat e liqenit. Kryetari i shoqatës së turizmit dhe mjedisit, Nuçi Gegprifti, thotë për gazetën "Shekulli" se "ky është një krim që po i bëhet këtij liqeni e kësaj pasurie të vyer për gjithë brezat. Të kultivosh troftë në lumin e Drilonit, që dihet se ai derdhet në liqen, është një çmenduri". Ndërsa k/inspektori i peshkimit në drejtorinë e bujqësisë dhe të ushqimit, Sotiraq Bimbli, thotë se kohët e fundit këto rezervate janë shtuar në mënyrë galopante. Ky shtim i troftës në ujërat e ëmbla e ka vënë në pikëpyetje ekzistencën në të ardhmen të koranit. Unë, shton kryespecialisti i peshkimit, u kam bërë shkresa zyrtare të gjitha instancave të larta shtetërore. "Kjo besoj është detyra ime, unë nuk kam forcë tjetër",- thotë Bimbli. Një situatë e tillë kërkon ndërhyrje urgjente të pushtetit vendor, të projektit të ruajtjes së liqenit të Ohrit, të policisë tatimore, të Ministrisë së Bujqësisë. Ato duhet t'i thonë "ndal" këtij fenomeni me pasoja të pariparueshme për të ardhmen.
Bardhyl Berberi

[Brari]

Liqenet e LURES dhe krokodilet me dy kembe..

Ja cthote revista "reportazh".



Ja kush i masakron
pyjet e Lurës

Gazetar
Irena SHABANI



SHKATERRIMI

Ja kush i masakron
pyjet e Lurës


Atje në majë të malit ndodhen shtatë liqene të mrekullueshëm. Kur magjepsën me bukurinë e tyre jo vetëm banorët e kësaj zone, por edhe udhëheqësit e Republikës Popullore Socialiste të Shqipërisë, ata dhanë urdhër që Lura të kthehej në Park Kombëtar. Kjo ndodhi në vitin 1967. Që prej asaj dite kurrkush nuk guxoi të vinte dorë mbi pishat, bredhat, arnin dhe lisat qindravjeçarë. Kjo zgjati për 33 vjet. Me përmbysjen e atij sistemi, liria e njerëzve arriti deri në abuzimin absolut. Tani Lura është shkretuar. Kanë mbetur vetëm liqenet, por edhe ata të lodhur nga keqpërdorimi.

Lura
Kur nisesh për nga Tirana të duket se të mbërrish atje nuk është edhe "aq" larg, por e vërteta është ndryshe. Një rrugë tejet e shkatërruar, që nis prej Rrëshenit deri në Lurë. Gurë, kanale, pluhur i pafundëm dhe makina e "Gazeta Shqiptare" që duket anakronike në gjithë atë shkatërrim. "Benzi" i ulët nuk këshillohet për askënd që bënë gjithë këtë rrugë. E ngushtë vetëm për një makinë, jo rrallë shoferave iu duhet të kthehen mbrapsht që të hapin rrugën për makinën tjetër. Syri të sheh vetëm kamiona, ca furgona të vjetër, madje, madje edhe makina nga ato të sistemit të kaluar. Vetëm pasi mbarojnë gjashtë orë udhëtim mund të mbërrish në Kryelurë. Dallohet lehtë, pasi syri të sheh lugina të pafundme me bar dhe njerëz që kositin. Ndërsa kur afrohesh edhe më afër fshatit rruga fillon të mbushet me qershia të egra. Qendra e Lurës është në një fushë që shtrihet poshtë malit të Lurës. Ka ujë që rrjedh gjithandej pa rregull. Në krye të kësaj lagjeje që banorët e njohin si Fushë Lurë ndodhet një krua me ujë të bollshëm. Banorët e quajnë Kroi i Tapeteve. "Këtu gjithë fshati lanë tapetet dimër, verë. Nga presioni i ujit gratë vendosin për disa orë tapetet mbi gurë dhe ato lahen", tregon Zabiti, shoferi i kamionit, ndër të rrallët që merr mundimin të ngjitet me kamionin e tij në majë të malit sa herë që vijnë turistë apo të tjerë. Në fusha nuk të zë syri shumë bimë të mbjella. Përkundrazi, është sana ajo që korret në këtë stinë nga ato anë. Gra dhe vajza të ngarkuara me bar të thatë kërrusen nën dengjet pa u dalluar mirë se çfarë janë. Fshati prej 1500 banorësh është mësuar me turistë dhe njerëz që vijnë nga fundi i botës për të parë liqenet e tyre. Në fakt të gjithë që shkojnë atje, pas atyre qindra kilometrave dhe rrugës tejet të vështirë, iu krijohet përshtypja se kanë shkuar në fundin e botës, pikërisht aty fshehur mes maleve. Ka koshere bletësh ngado, uji nuk është kurrë me orar si këtu tek ne në Tiranë, ka edhe dy minihidrocentrale, por që prej viteve '90 nuk janë në përdorim. Mungojnë për orë të tëra dritat. Çdo ditë pa arritur ora 08.00 e mëngjesit dritat ikin, çdo mbrëmje kur vjen ora 17.00 ato vijnë, për të ikur sërish edhe një orë gjatë mbrëmjes. "KESH nuk i privatizon hidrocentralet, po të ndodhte kjo nuk do kishim probleme të tilla", shprehet kryetari i komunës Hysni Buci. Në lokalin e qendrës së fshatit varur mes pijesh qëndrojnë dhe dy karta AMC. Gjatë kafesë dhe bisedave të pafundme të burrave të fshatit asnjë zile celulari nuk prish muhabetin. Një kapriçio e malit përballë sjell ca valë AMC në majë të malit. Antenat për dy linjat e celularëve mungojnë. "Në fshat ka telefon, por ai punon vetëm kur ka drita. Gjatë ditës mund të ndodhë diçka, apo edhe kur ka vdekje dikush ngjitet në majë të malit dhe komunikon me pjesën tjetër të botës (Shqipërisë)", shprehet Buci.



Hysni Beci, kryetari i komunës Lurë

Liqenet
Janë atje në majë të malit, por që t'i vizitosh duhet të kalosh nëpër një rrugë tejet të vështirë. Tani kur shkon, madje i dallon lehtë, nuk ka më pisha, lisa, bredha dhe arnie të bardhë. "Ja kam një mal me letra ku i drejtohem të gjithë ministrave të Pushtetit Lokal që kanë qenë në 5 vitet e fundit, letra ku u drejtohem kryeministrave Metës dhe Majkos, letra për Kol Malaj, njeriun që po i masakron pyjet tona", shprehet kryetari i komunës, Hysni Buci, teksa na tregon dëngun e letrave që nuk kanë gjetur zgjidhje. Prerja masive e pyjeve të Lurës ka filluar pas vitit 1992. Sipas Bucit janë prerë mbi 200 mijë metër kubë drurë. Ndërkohë që mundësi parandaluese ka pasur. Vitin e fundit prerjet kanë rënë dhe tregtohet më pak dru i prerë. Një kamion dru shitet për 500 mijë lekë të vjetra në Tiranë. Përdoret për mobilje dhe orendi të tjera. "Këtu është prerë një dru i rrallë që rritet vetëm në Lurë për gjithë Ballkanin, arnia e bardhë. Ky mund të konsiderohet si një nga dëmet më të mëdha që i është bërë pyllit. Kryesisht njerëzit që merren me kontrabandë janë nga Mati dhe Mirdita, kuptohet që në fshat kanë bashkëpunëtorë, por të rrallë, banorët mundohen të mos e shkatërrojnë", vazhdon Buci. E në fakt aty janë prerë lisat, një lis që të bëhet sërish do të paktën 200 vjet. "Sektori pyjor i Lurës është i gjithi i korruptuar", shprehet Buci. Për këtë ai ka nisur relacione dhe ka kërkuar dhjetëra takime me drejtorin e përgjithshëm të Pyjeve, zotin Kol Malaj, por rezultate nuk ka pasur. "Ja mund ta firmos ku të doni dhe e them publikisht se përgjegjësi kryesor për këtë është Malaj. Sa herë që i kemi bërë propozime sipas një marrëveshje që ekziton Malaj nuk i ka miratuar dhe ka vënë në shërbimin e pyjores së Lurës njerëz që kanë marrë pjesë aktive në masakrimin e tyre", shprehet Buci. Edhe pse ka ekzistuar një postobllok që mund të ndalonte kamionët e ngarkuar me dru, fuqia e tij parandaluese ka qenë e vogël, kjo sipas Bucit, pasi kalimet e paligjshme kanë qenë të ligjëruara nga shefi i sektorit pyjor. Pjesa më e madhe e pyjeve të Lurës është shkatërruar në zonën që i përket Matit. Dëmtimet më të mëdha kanë qenë në fushën e Pelave dhe tek liqeni i Luleve, ku janë prerë qindra metër kub ah dhe evazimi është bërë po nga Mati. Kërkesat e njëpasnjëshme drejtuar zotit Kol Malaj, kanë rënë në vesh të shurdhër. Sektori i pyjores së Lurës, aktualisht nuk ka njerëz që banojnë në Lurë, të gjithë janë nga vende të tjera. "Në sektorin e Lurës duhet të bëhet reformë, pasi me nënpunës nga jashtë nuk mbrohen pyjet e Lurës", kështu i drejtohet Buci, zotit Kol Malaj në një shkresë të majit të vitit 1999. Sipas Bucit, përgjegjës kryesor për këtë masakër është drejtori i përgjithshëm i Pyjeve, Kol Malaj, pasi edhe emërimet e bëra në sektorin e mbrojtjes kanë firmën e tij për njerëz që janë të lidhur ngushtë me trafikun. Shkresa më e fundit që përmban një ankesë të tillë kundër Malaj, i drejtohet ministrit të Bujqësisë Agron Duka dhe mban datën 2 korrik 2002. Edhe pse të masakruar pyjet mbeten magjepës. Vizitorët e fundit kishin ardhur nga Koreja. Një çift që kishte dëshirë të shikonte vendin ku vdiq një ambasador, kur pa bukurinë e tyre ndërroi plan. Qëndroi për disa ditë në një shtëpi me qira. Sepse sot Lurës i mungon hoteli. Turizmi i dikurshëm është i mbyllur. I shitur në 1994 një durrsaku vetëm për 450 mijë lekë të vjetra prej më shumë se 8 vjetësh ai nuk pret njeri. Në dritare në vend të xhamave ka dërrasa që e mbyllin hotelin sikur ai të ishte një karantinë...

[Brari]

Edhe bregun e detit po ja vjedhin ketij populli hajdutet kuqo-blu.
---------

Nga 46 plazhe private vetëm 8 janë me leje. Nis aksioni për prishjen e tyre

Prefektja: Nga Hekurudha te Teuta, plazh popullor


--------------------------------------------------------------------------------

ar.ko

DURRES

Për dy ditë me radhë Prefektura në bashkëpunim me Bashkinë e me mbështetjen e policive ndërtimore dhe të rendit kanë kontrolluar bregdetin duke verifikuar plazhet private të kthyera në shqetësim për pushuesit e thjeshtë ditorë.

Sipas prefektes së Durrësit, Natasha Paço "në bazë të një vendimi sipërfaqja nga Teuta deri te Hekurudha është përcaktuar si plazh popullor dhe nuk lejohet të ngrihen plazhe private. Ne pas konstatimeve do të vendosim gjoba për ata që do shkelin vendimin".

Sipas Paços "kanë qenë qytetarët durrsakë ata që janë ankuar në dyert e pushtetit për pushtimin e të gjithë rërës së plazhit nga privatët dhe pjesa më e madhe e njerëzve nuk kanë se ku të pushojnë". Në këto kushte një grup pune miks ka ushtruar kontroll në territorin e plazhit dhe konkluzioni ka qenë skandaloz, pasi janë konstatuar 46 plazhe private, prej të cilave vetëm 8 prej tyre kanë qenë të pajisur me dokumente, ndërsa të tjerët e ushtronin aktivitetin në mënyrë abuzive. Sipas Paços "vetëm në sipërfaqen e sektorit Apolonia deri te sektori Teuta ushtronin aktivitetin 8 plazhe, të cilët u detyruan të largonin shezlonët dhe çadrat". Ndërsa dje kontrolli është përqendruar në pjesën tjetër të plazhit, por për shkak të motit të vrenjtur nuk ka pasur ndonjë rezultat konkret.

[Brari]

Gaz 55 njofton:
------------------------
Bashkia Tiranë, "aksion rrufe" për prerjen e pishave në Bulevardin e Dëshmorëve

Pishat e Tiranës rrezikohen nga sharrat e bashkisë

Ditën e djeshme, në orët e para të mëngjezit, bashkia Tiranë preu të gjitha pishat që ndodheshin në trotuarin para ish ndërtesës së Komitetit Qendror. Dje në mëngjes pamja që të dilte para syve, sapo i hidhje një vështrim sheshit midis kryeministrisë dhe ish‑godinës komuniste, ishte shumë ngacmuese për ndjenjat e njerëzve të mësuar me hijen e atyre drurëve shumëvjeçarë. Të dukej sikur ndërtesat e vjetra i kishin zhveshur përdhunshëm nga mbulesat e veta. Ky veprim u krye fshehurazi natën (në orën 1‑2) në një stil tipik cubash që kërkojnë të fshehin gjurmët. Po të këqyrje vendin ku deri para dy ditësh ngriheshin rëndë‑rëndë pishat gjysmë shekullore, sot nuk gjeje dot as edhe një halë pishe e jo më trung apo degë. Bashkia e Tiranës, me këtë gjest "në kuadër të aksionit për prishjen dhe shkatërrimin e qytetit", i bindi shqiptarët se ka një ide fikse për rrënimin e gjithanshëm të vlerave historike të Tiranës. Dje ajo sharroi rrafsh me tokë dhe shkuli edhe rrënjët e disa pishave dhjetëravjeçare. Çfarë pritet nesër?!...



Ai i çmenduri ka prerë pishat!



Dje, lajmin për këtë krim urbanistik, e mësova nga një miku im, mjaft i ndjeshëm për ruajtjen e mjedisit, i cili, i terrorizuar, më tha se "ai i çmenduri po pret pishat!" E pyeta se për kë e kishte fjalën dhe ai më sqaroi në hollësi se kryebashkiaku Rama po priste radhazi pishat përpara ish‑Komitetit Qendror, dhe se kjo fushatë do të vazhdonte deri sa të mbwrrinte në Lanë! Fillimisht e kundërshtova dhe pas pak u nisa për të parë vetë se ç'kishte katranosur bashkia. Vërtet, prej së largu zbardhëllente ish‑Komiteti tashmë i zhveshur nga hija e pishave gjysmëshekullore. Përpara ndërtesës së njohur ndodheshin disa makina "bashkiake" të vogla e të mëdha, të cilat rrinin gati për t'u nisur "me mision". Ka disa ditë që ato po mundohen ta "lajnë" Komitetin nga ngjyra vishnje, por kjo tentativë ka shkaktuar vetëm një kaos ngjyrash. Tamam si "pikturat" e Edit.

Në krye të grupit të njerëzve që ndodhej aty, ishte "shefi", një ramoid me pantallona të shkurtra, të verdha, me bluzë të kuqe, kokë të rruar dhe me një vëth në veshin e majtë. Ky, më thanë, se ishte shefi apo drejtori bashkiak për pastrimet e rregullimet. Po e kundroja këtë portret të përbuzshëm ndërkohë që ai dha disa urdhra më këmbë, shau dikë nja dy tre herë "shkër...." dhe më pas u rras në një benz, të cilit i dha gaz sikur të ishte në ndonjë garë makinash.

Pyetjes sime se pse po i prisni pishat, një punëtor bashkiak iu përgjigj me fjalët se "kjo është e domosdoshme!"

Burime të afërta me bashkinë thanë se në projektet e kryebashkiakut janë "pastrimi" i gjithë shëtitores nga drurët dekorativë kryesisht pisha, dhe më pas zëvendësimi i tyre me fidanë të rinj me kumbulla të kuqe, xinxife apo ndonjë dru dekorativ të ngjashëm të ardhur nga jashtë.

Përflitet gjithashtu se në "projektet" bashkiake futet edhe zbërthimi i plotë dhe ribërja e tërësishme e trotuareve në të dy krahët, të cilët janë mjaft të vjetër dhe fare origjinalë. Trotuaret aktualisht janë në formë mozaikësh me pllaka guri dhe me dekoracione të ndryshme. Këto do të zëvendësohen me pllaka betoni të blera sa qimet e kokës nw një firmë të përzgjedhur nga bashkia.

Një ndër ndryshimet e tjera që do të kryejë Bashkia e Tiranës në kuadër të aksionit "Kthim në identitet" është edhe heqja e pllakave me të cilat është shtruar Bulevardi "Dëshmorët e Kombit" dhe zëvendësimi i tyre me asfalt të importuar. Ky "Kthim në identitet" origjinal është një rast tjetër për të parë demagogjinë e payndyrë të kreut aktual të bashkisë Tiranë.

Neritan Kolgjini

[Brari]

gazeta shqiptare
--------------------------
ALARMI EKOLOGJIK

Mijëra hektarë pyje të prera, lloje kafshësh e peshqish që po zhduken, ajër i ndotur e njerëz që vdesin. Kjo është Shqipëria në 2002-shin. Qeveria s'bën asgjë për shpëtim

Tirana shkon në Johanesburg me një mjedis të përçudnuar
Nga data 26 Gusht deri ne 4 Shtator, ne Johanesburg zhvillohet takimi boteror mbi Zhvillimin e Qendrueshem qe do te mbledhe dhjetra mijra vete, qe nga kryetare shtetesh e deri te shoqatat joqeveritare. Nje takim i pare , po kaq i rendesishem per mjedisin ,u be ne Rio de Zhaneiro, 10 vjet me pare, prandaj ky takim i dyte quhet dhe Rio + 10


--------------------------------------------------------------------------------

Xhemal MATO

Ne se do te ndodhte per cudi qe kryeministri shqiptar i vitit 2020 te kthehej ne kohe dhe te komunikonte direkt me qeveritaret dhe shoqatat mjedisore te diteve te sotme, me siguri do te thoshte duke uleritur:
"Ju paraardhes shkaterrues, c'na keni lene per te jetuar? Nje Shqiperi me toka te zhveshura nga erozioni dhe te mbuluar me beton. Zona pyjore pa peme. Ajer te helmuar qe u shkakton kancer qindra veteve cdo vit. Uje te ndotur qe s'pihet dhe burime te thara. Ku jane zogjte, peshqit ,kafshet e egra qe ka patur vendi yne?Ku jane plazhet, lagunat, lumenjte, liqenet,parqet,pyjet? Me cfare burimesh natyrore duhet ta zhvilloj une ekonomine?Perse une duhet te paguaj pasojat e veprimeve tuaja te gabuara te para 20 vjeteve? Nga ethet e fitimi dhe te pushtetit, si te cmendur i shkaterruat te gjitha, duke harruar se pas jush, ne kete vend do te jetonim dhe ne, pasardhesit tuaj."

Por ne vend te Kryeministrit te sotem, do te pergjigjej me kompetenca te plota ministri i Mjedisit, z.Xhuveli, i cili di shume mire te shpetoje nga keto pergjegjesi dhe aq me teper qe keto dite ka ne dore nje Raport Kombetar Vleresimi te zhvillimit te qendrueshem, te cilin po e paraqet ne Samitin boteror ne Johanesburg:
- "Ne jemi optimiste per te ardhmen - do te fillonte mbrojtjen z.Xhuveli, duke lexuar pjese nga raporti - "sepse ka shume fakte te dhjetëvjeçarit te fundit qe na bejne ta vleresojme pozitiv progresin e bere deri me sot". Dhe me poshte:
- "Qe nga viti 1992 jane miratuar nje sere strategjish zhvillimi per sektore te rendesishem te ekonomise me ndikim te rendesishem ne mjedis"
- "Shqiperia eshte pale ne 14 konventa nderkombetare apo rajonale per mjedisin"
- Zhvillime pozitive ka patur ne pjesemarrjen e publikut ne vendim-marrjen per mjedisin"
- Nje varg projektesh mjedisore nga donatore te huaj, qe arrijne ne 8 milione EURO jane shpenzuar ne fushen e mjedisit"
Keto jane disa nga pikat pozitive qe do te raportohen per Shqiperine, ne takimin me te madh te botes ne fushen e mjedisit qe po zhvillohet keto dite ne Johanesburg dhe ku marrin pjese kryetaret e shteteve te tere botes.
Ky eshte nje Raport qe mund te kaloje shume kollaj ne nje takim te tille, bile dhe para publikut shqiptar (megjithese s'eshte publikuar ende dhe pse pohohet pjesemarrja e tij ne njohjen dhe zgjidhjen e problemeve mjedisore), por jo para kryeministrit shqiptar te viteve 2020, i cili do te kete nje inventar te sakte te pasurive natyrore qe do te ngelin dhe te problemeve mjedisore qe do te trashegohen.
Bile edhe per ne keto pika jane shume pak ngushellues, sepse ne realitet ne po vuajme nje "raport " tjeter mjedisor ne kurrizin tone, nje realitet qe na perplaset çdo dite ne fytyre.
Le ta fillojme nga Tirana, kryeqyteti shqiptar, qe sipas Institutit te Shendetit Publik eshte "me i ndoturi ne Evrope, nga ajri, uji e toka, bloza, lendet e grimcuara, oksidet e deri te plumbi". Treguesit per ajrin jane pertej te gjitha normave te lejuara nga Organizata Boterore e Shendetesise. Sakaq, Lana, perroi qe pershkon metropolin shqiptar eshte renditur nder me te pistit, persa i takon shkarkimeve urbane.
Nga monitorimi 1-vjeçar i ndotjes se Tiranes del se:
- Ajri i Tiranes permban 350 mikrogram per meter kub lende te grimcuar squfuri. Me shume se dyfishi i normes se lejuar nga Organizata Boterore e Shendetesise;
- Bloza eshte ne nivelet 140 mikrogram per meter kub. Niveli i percaktuar nga OBSH-ja eshte 60 mikrogram;
- Gazet, oksidet e azotit, dioksidet e squfurit kane tendence rritjeje. Tirana po prek nivelet maksimale te normave te lejuara;
- Por kemi edhe kryeqytetin me te zhurmshem europian. Kryqezimet rrugore brenda Tiranes kane nivelin me te larte te zhurmave. Kalohet me 10 decibel norma e OBSH-se.
Le te shohim dhe pertej Tiranes:
- Fabrikat dhe mjediset qe semurin dhe vrasin punetoret me helmet e pakontrolluara te tyre. Ja disa prej tyre: Fabrika e kepuceve "Bama", Fabrika e kepuceve Durres, Metalurgjiku ne Elbasan, Uzina e Perpunimit te Thelle te Naftes ne Ballsh, TEC-i ne Fier,etj.
- Ne Korçe vetem brenda nje viti kane vdekur 155 vete. Sipas specialisteve te shendetesise, por edhe atyre te mjedisit, shkaku eshte pikerisht ndotja e ketij te fundit.
- Pyjet: "Zonat e Mbrojtura Natyrore ne Shqiperi zene rreth 10 per qind te fondit pyjor (nderkohe qe shtetet e tjere e kane me shume se dyfishin) dhe prej disa vitesh nuk kane pasur asnje investim per mbrojtjen e tyre dhe te biodiversitetit ne to". Ne Parqet Kombetar pritet sikur te ishin zona pyjore ne shfrytezim.
- Ne vitin 1997 u prene ne menyre te paligjshme 500 mije metra kub. Ne rrethin e Bulqizes jane prere ilegalisht 7390 metra kub, ne Pogradec 7320 metra kub, Permet 5220 metra kub, Korce 4220 metra kub, Mirdite 3420 metra kub, Laç 2200 metra kub, Pukë 1170 metra kub, Diber 1650 metra kub dhe Kruje 1160 metra kub.
- Duke iu referuar gjithmone studimit te PNUD-it , nga 1.069 milionë hektare ne vitin 1990, ne vitin 2000 numeroheshin vetem 0,991 milionë hektare. Zjarret kane natyrisht pjesen e tyre ne keto shifra. Siperfaqet e djegura te pyjeve ne vitin 2000 ishin 10 here me te medha se shifrat e raportuara 10 vjet me pare.
- Biodiversiteti
- - 2 lloje bimësh dhe 4 lloje gjitarësh janë zhdukur plotësisht, ndërsa 17 lloje shpendësh nuk folezojnë më në territorin e vendit. Kane humbur 50% të popullatës së tyre:
· 89 lloje shpendësh
· 27 lloje gjitarësh
· 6 lloje peshqish
· 4 lloje bimësh
- Mjafton te kujtojme qe pelikani kaçurrel, ne vitet '60 ne lagunen e Karavastase numeronte afro 250 çifte folezues, ndersa sot ato jane me pak se 10 here (ne vitin 2000 numri i çifteve folenizues ka rene ne vetem 22).
-Me 1999, Keshilli i Evropes vendosi kufizimet per ekspozimin e popullsise ndaj fushave elektromagnetike (0 Hz deri ne 300GHz), Nr.519, date 12.07.1999.
-Antenat me madhesi mbi 6 OM nuk lejohen te vendosen prane komunitetit, gje e cila eshte e ndaluar ne te gjithe boten. Ne Shqiperi ato vendosen ku te duan se mbrohen nga qeveritaret.
- Shtyllat e tensionit te larte te vendosura ne bulevardin "Zogu i I", tashme zbulohen me probabilitet me te madh per te shkaktuar semundje kanceri dhe leucemie.
-3 milionë tonë mbeturina kimike ne Shqiperi jane helme te forta, rrezikojne jeten e shqiptareve.
-Per shume vjet Shqiperia eshte vendi ku grumbullohen pa kontroll mbetjet e rrezikshme. Ne afersi te fshatit Orizaj ne rrethin e Beratit jane hedhur 21.900 tonë mbeturina.
Fakte te tilla jane te shumta por…
Por kemi nje fushe qe me te vertete duhet te jemi krenare: Firmosjen e te gjitha Konventave nderkombetare per ruajtjen e mjedisit. Shqiperia figuron te kete firmosur brenda ketyre 10 vjeteve te fundit mbi 15 Konventa te tilla.
"Shqiperia eshte pale ne 14 konventa nderkombetare apo rajonale per mjedisin"Deklaron ne Johanesburg raporti i Ministrise se Mjedisit".
Emri i vendit tone fillon me A dhe drejtuesat tane jane te paret ne keto lista dhe me te zellshmit per t'i nenshkruar ato, pa iu dridhur fare dora, sepse e dine qe asnje s'ka per t'i kontrolluar edhe po nuk i respektuan. A nuk ishte nje shkelje e konventave te ruajtjes se Detit Mesdhe (te cilat shteti yne i ka firmosur) marrja e reres ne 10-15 m thellesi ne detin e Himares dhe shitja e saj ne Greqi? Po Konventa e Arhusit (per te drejten e publikut per informacion dhe pjesemarrje ne vendimet per mjedisin) qe Parlamenti Shqiptar e miratoi ne vitin 2000, a nuk u shkel po ne te njejtin vit ne Himare, ku banoret e bregut u detyruan te çohen per te mbrojtur reren nga pushtetaret, dhe qeveria ne vend te shpjegonte perse vidhej rera, dergoi policet qe te arrestonte ata qe mbronin plazhet e vetme te bregdetit te Himares? Apo ne rastin e hidrocentralit te Bushatit, per te cilen qeveria vendosi pa pyetur fare shoqatat mjedisore te Shkodres, te cilat kane nje vit qe argumentojne perse nuk duhet te ndertohet? Po Konventat per ruajtjen e ligatinave a nuk u shkelen me brutalitet ne rastin e lagunes se Nartes qe eshte zone e mbrojtur? Te gjitha shoqatat mjedisore ishin kundra menyres se dhenies se lejes, te gjithe banoret e Nartes bene peticion ne Parlament kunder, u mblodhen rreth 30.000 firma ne te gjithe Shqiperine kundra,Grupi Parlamentar i Shendetit dhe Mjedisit e quajti te jashteligjshem vendimin, por qeveria vazhdon ta beje veshin shurdh. Shpimi i pusit te naftes vazhdon qetesisht nga kompania kroate vetem se mbrohet nga dy ministra.
Por ne raport ka nje tjeter argument "optimist"ne ndihme te zhvillimit te qendrueshem ne Shqiperi: shoqatat mjedisore dhe edukimin publik: "Zhvillime pozitive ka patur ne drejtim te edukimit dhe njohjes se publikut me problemet mjedisore dhe pjesemarrjes se tij ne vendimarrjen per mjedisin, organizimit te levizjes mjedisore nga shoqeria civile dhe e organizatave jo fitimprurese per mjedisin".
Ka 76 shoqata mjedisore ne Shqiperi. Por vetem tre prej tyre kane nga nje zyre modeste dhe mbahen me ndonje projekt nga fondacionet e huaja, pra me forcat e veta. Qeveria jone nuk financon asnje shoqate qofte dhe edhe per te paguar te pakten qirane e zyres. Por, nderkaq ajo ben demagogji me emrin e tyre, duke krijuar idene se ato degjohen, respektohen dhe vleresohen. Ne fakt ndodh krejt e kunderta..Vendimet per hidrocentralin e Bushatit, per marrjen e reres ne Himare, per shpimin e pusit te naftes ne Narte, per shitjen e ujit te "Syrit te Kalter" e shume te tjera jane marre pa pyetur fare shoqatat, pa u dhene atyre informacionin e nevojshem dhe bile shpesh ne konflikte te hapura me to. Bile kur ndodh qe nje shoqate kritikon nje vendim te Ministrise, menjehere ate e futin ne listen e zeze, duke e shpallur armike. Ne kete lufte per ekzistence, lindin dhe ambientalistet servile e shoqatat servile, te cilave s'u ndihet zeri ne publik asnjehere per asnje problem mjedisor te Shqiperise. Ne keto raste dhe Ministria ben perjashtime duke i shperblyer ato me projekte. "Njera dore lan tjetren, te dyja perlajne Shqiperine". E keni degjuar ndonjehere te beje ndonje denoncim publik per çudirat mjedisore te lartpermendura shoqaten mjedisore "Ecat-Tirana"? E pra, ajo eshte nje nga shoqatat mjedisore "me te fuqishme" ne Shqiperi, sepse çdo vit merr nga Ministria e Mjedisit projekte me mijëra dollare.
Ne raportin per ne Johensburg permendet shifra 8 milione dollare qe jane dhene per mjedisin, nderkohe qe monitorimet mjedisore nga organet e huaja tregojne se mjedisi vjen duke u keqesuar. Çfare do te ndodhte sikur mos te ishin dhene keto 8 milione dollare, mjedisi do te ishte me mire apo me keq? Eshte veshtire te thuhet, por nje gje eshte e qarte, ky investim deri tani nuk ka arritur ta frenoje degradimin e mjedisit ne vendin tone, pra zhvillimi brenda institucioneve qe trumbetojne zhvillimin e qendrueshem (ketu perfshihen dhe OJF) eshte jo vetem i paqendrueshem, por dhe me humbje.
Keto dhe shume raste te tjera tregojne se, qeveritaret tane nuk e kane seriozisht kur pergjerohen per shoqerine civile dhe per ruajtjen e mjedisit, ndoshta sepse shume prej tyre, he per he, nuk ju intereson kjo gje dhe sepse shume te tjere nuk e besojne qe varferimi i Shqiperise vjen dhe do te vije edhe nga fshehja e te vertetes ekologjike.
Dihet tashme se problemet ekologjike po i brejne ekonomite e vrullshme te sotme, sikurse tumoret kanceroze shkaterrojne nje trup. Ka vite qe shkencetaret e kane percaktuar kete diagnoze te ekonomive te çdo vendi dhe kane sugjeruar nje metode te re zhvillimi qe ka marre emrin eko-ekonomia apo zhvillimi i qendrueshem, d.m.th nje ekonomi qe fut ne kosto problemet ekologjike, nje ekonomi qe nuk lejon te presesh dru sot dhe neser mos te kesh me pyll per pasardhesit, nje ekonomi qe te kapesh aq peshq sa te lejosh qe neser te kesh me shume dhe jo me pak e keshtu me radhe.
Keto terma kane filluar t'i perdorin dhe disa drejtues tane, por me sa duket vetem per demagogji sepse ne realitet veprohet ndryshe. Mjedisi shqiptar pas çdo viti behet me keq. Per te kuptuar ne menyre figurative se sa i qendrueshem eshte zhvillimi i Shqiperise, mjafton te kujtojme 1.700 ndertesat e larta qe sipas Institutit Sizmiologjik, ne termetin e pare te forte do te rrafshohen, ose mjafton te kujtojme dhjetëra mijra ndertesat e tjera te ndertuara pa leje qe u rrafshuan nga termeti ekologjik Miliona dollare te shqiptareve u zhduken, qindra mijera dollare te shtetit u shpenzuan per pastrimin dhe rikthimin e mjediseve te meparshme.
E verteta shqiptare ne fushen e mjedisit permblidhet ne thenien e perviteshme"Kete vit kemi ambiente shume me te ndotura se nje vit me pare". Ky nuk eshte zhvillim i qendrueshem, po zhvillim ku po na rreshqet toka nen kembe.

-----------

[pelin]

Brari,te falemnderit per informacionin e sjelle,sidomos per cilesine e tij.Eshte e dhimbshme..,po te pakten e njohim.

[erzeni]

Xhemali ne Syrin e Kalter

SARANDE (16 Nëntor)

- Një grup polumbarësh ambjentalistë, të kryesuar nga Xhemal Mato, janë zhytur sot në burimin e Syrit të Kaltër. Qëllimi ka qenë verifikimi i gjendjes në burim, pas situatës së krijuar së fundi, kur ka humbur kthjelltësia e ujrave të tij. Zhytësit verifikuan se gryka e burimit është mbuluar nga mbeturina inerte, që i zvogëlojnë atij edhe prurjet. Zgjidhja sipas zhytësve, është heqja e masës së inerteve, nëpërmjet disa tubave thithëse, por ndërhyrja duhet studiuar nga specialistët përkatës. Vetëm kështu sipas tyre, ka mundësi që Syrit të Kaltër, t'i kthehet kthjelltësia dhe "shikimi" i turbulluar.

anjo/ko (BalkanWeb)

[zima]

O Zeni .Paturbullsia e syrit te kalter ka ardhur si pasoj e vizitave te fundit nano-berluskoni pasi keta te fundit engren e pin mir e mir, i kishin fut na nje te dhime te gryka e syrit, sepse aty reth e qark skishte banjo.Keshtu qe do duhet kohe qe gjerat te normalizohen.